ގަލޮޅު ދެކުނު ދާއިރާގެ އެމްޑީޕީގެ މެމްބަރު މީކާއިލް އަހުމަދު ނަސީމް، މަޖިލިހުގެ ކޮމިޓީއެއްގައި ބައިވެރިވެވަޑައިގަންނަވަނީ. ސިޔާމަށާއި ގާސިމަށް ވަރަށް ބޮޑަށް ފާޑު ވިދާޅުވި. --- ފޮޓޯ: ހުސެއިން ވަހީދު/ މިހާރު
30 އޮކްޓޯބަރ 2019 - 16:57
35 comments
ސަރުކާރުން ރައްޔިތުންގެ މަޖިލިހަށް ހުށަހެޅި އާމްދަނީން ޓެކްސް ނެގުމުގެ ބިލު އޮތީ މަހުޖަނުންނާއި ބޮޑެތި ވިޔަފާރިވެރިންނަށް ރެކެވޭ ގޮތަށް ކަމަށް ވިދާޅުވެ، ރައްޔިތުންގެ މަޖިލިހުގެ ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމް އެ ބިލަށް ވަރަށް ބޮޑަށް މިއަދު ފާޑު ވިދާޅުވެއްޖެ އެވެ.
އިންކަމް ޓެކްސް ނެގުމުގެ ބިލަށް މަޖިލިހުގައި ބަހުސް ކުރައްވައި މީކާއިލް ވިދާޅުވީ އަވަށްޓެރި ގައުމުތަކަށް ބަލާ އިރު، މަހުޖަނުންގެ އަތުން ޓެކުހުގެ ގޮތުގައި ނަގަނީ ވަރަށް މަތީ ރޭޓުތަކެއް ކަމަށެވެ. އެކަމަކު، މި ސަރުކާރުން ހުށަހަޅާފައި އޮތީ ވިޔަފާރިވެރިން އަތުން ކުޑަ އަދަދެއް ނަގަން ކަމަށް އޭނާ ވިދާޅުވި އެވެ.
ވިޔަފާރިވެރިންގެ އަތުން އެހާ ކުޑަ އަދަދަކަށް ޓެކްސް ނަގަން އުޅޭ އިރު ވެސް ފެނިގެންދާ މަންޒަރަކީ އެ ވިޔަފާރިވެރިން "ރޯ މަހެއް ތެޅޭހެން ތެޅޭ ތަން" ކަމަށް ވެސް މީކާއިލް ވިދާޅުވި އެވެ. އަދި 19 ވަނަ މަޖިލިހުން ވެސް ފެނިގެން ދަނީ އެ މަންޒަރު ކަމަށް ވިދާޅުވެ، މީދޫ ދާއިރާގެ މެމްބަރު އަހުމަދު ސިޔާމާއި މާމިގިލި ދާއިރާގެ މެމްބަރު ގާސިމް އިބްރާހިމަށް މީކާއިލް ވަނީ ފާޑު ވިދާޅުވެފަ އެވެ.
މީކާއިލް ވިދާޅުވީ އިގްތިސާދުގެ މައިބަދައަކީ މަހުޖަނުން ނޫން ކަމަށާއި ރާއްޖޭގެ އިގްތިސާދުގެ މައިބަދައަކީ މެދުފަންތީގެ ދިވެހިން ކަމަށެވެ. އެކަމަކު، ބިލް ހުށަހަޅާފައި އޮތީ މެދުފަންތީގެ ވިޔަފާރިވެރިންނަށް ބުރަވާ ގޮތަށާއި މަހުޖަނުންނާއި ބޮޑެތި ވިޔަފާރިވެރިންނަށް ރެކެވޭ ގޮތަށް ކަމަށް އޭނާ ވިދާޅުވި އެވެ.
މީކާއިލް ވިދާޅުވި ގޮތުގައި ބީޕީޓީގެ ގޮތުގައި ކުންފުންޏަކުން ދައްކާ އެއްޗަކާ ހުރެ، އެއީ ޑަބަލް ޓެކްސޭޝަން ކަމަށް ބަލައިގެން ޑިވިޑެންޑުން ޓެކްސް ނުނަގާ ނަމަ، އިންކަމް ޓެކްސް ބިލްގެ ބޭނުމެއް ނެތެވެ.
"މިހާރު ވެސް އެ ބޭފުޅުން ދައްކަވަމުން ގެންދަވާ އަދަދުތައް ދައްކަވާފައި ދެން މުސާރައިގެ ގޮތުގައި ކުޑަ ކުޑަ އެއްޗެއް ޖައްސަވާލައްވައިގެން ދައުލަތަށް ކުޑަ ކުޑަ އެއްޗެއް ދައްކަމުންދާ މަންޒަރު އަޅުގަނޑުމެންނަށް ފެނިގެން ދާނީ މިހާރު އޮތް ގޮތަށް ބިލް ފާސްވެއްޖެ ކަމުގައިވާ ނަމަ،" މީކާއިލް ވިދާޅުވި އެވެ.
އިޖުތިމާއީ ރައްކާތެރިކަމާއި އިޖުތިމާއީ އަދާލަތު ރާއްޖޭގައި ގާއިމު ކުރުމުގެ މަފްހޫމް ތަންފީޒު ކުރަން ބޭނުންވާ ނަމަ، ޑިވިޑެންޑުން ޓެކްސް ނަގަން ޖެހޭ ކަމަށް ވެސް މީކާއިލް ވިދާޅުވި އެވެ. ޑިވިޑެންޑުން ޓެކްސް ނުނަގާ ނަމަ، މަހުޖަނުން އިންކަމް ޓެކުހުން ރެކޭ ތަން ފެންނާނެ ކަމަށް ވެސް މީކާއިލް ވިދާޅުވި އެވެ.
"މިހާރު ވެސް ފެނިގެން މިދަނީ ޑިވިޑެންޑުން ޓެކްސް ނުނަގާ އިރު ވެސް މި މަޖިލިހުގައި އަމިއްލަ މަސްލަހަތު ދިފާއު ކުރެއްވުމުގައި (އުޅުއްވާ ތަން). ހަގީގަތުގައި މި ބަހުސްގައި ބައިވެރި ނުވެވޭނެ އެ ބޭފުޅުންނަށް،" ގާސިމާއި ސިޔާމަށް އިޝާރާތް ކުރައްވައި މީކާއިލް ވިދާޅުވި އެވެ.
މީކާއިލް ވިދާޅުވީ ރައްޔިތުންނަށް އިތުރު ފައިސާކޮޅެއް ދޭން ޖެހިދާނެތީ "ކުޑަ ކުއްޖަކަށް ކިރު ތައްޓެއް ނުދިނީމަ ރޯހެން" ބައެއް ވިޔަފާރިވެރިން ރޮމުންދާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެން އަލީ
01 November 2019
ސާބަސް ތި ވިދާޅުވަނީ ރައްޔިތުންގެ ވިންދު
ރައީސް ނަޝީދު
01 November 2019
ތިކަން ރަގަޅު ކުރަން ޖެހޭ!
ޭމުޖީބު
01 November 2019
މީކާއީލަކީ ފުރާފުރިހަމަ ނުވަނީސް މަޖްލިސް އިންގޮނޑި ލިބުނު ޅަ ކުއްޖެއް. މަޖްލިސް ގެހައިބަތާ ގަދަރުގެއްލުވާނުލާ ތަންކޮޅެއް އޮއްޓަުހުރި ވާހަކަ ދައްކަބަލަ!
ގުއިދައިތަ
31 October 2019
ދެން އަމައްޔާތް މީކާއީލޫ.... މީނަ އުޅޭ ފާޑެއް.
ޥަނީޏާ
31 October 2019
މީކާއިލް ތަންކޮޅެއް އަދި ޅައީ. ތިކަމާ ދެރަނުވޭ ކަލޯ. ތިޔައޮތީ ހަދަން އުޅުނު އެތި އަތަށް ގޮވާފަ. ޙަމަ ހަމަ ކަމޭ ކިޔާފަ ވެރިކަމަށް ތިޕާޓީ މީހުން އައިސް މާމޮޅު ސޯޝަލިސްޓު ހިޔާލު ތަންފީޒުކަރަން އުޅުނަސް ހަމަ އަބަދެކޭ އެއްފަދައިން އެއްކަލަ ރައްޔިތުމީހާ ހާލުގަޖެހޭ ގޮތަށް ކަންނިމޭނީ. މަހުޖަނުން ރާއްޖެއިން ނައްތާލާނީ ކިހިނެއްް. އެމީހުންގެ ޖުމްލަ ރައުސުލްމާލު މިގައުމުގެ ޖީޑީޕީއަށް ވުރެ މާބޮޑު.
ޒެމްނާސް
31 October 2019
އެމްޑީޕީގެ ސުޕަރ މެޖޯރިޓީ އޮތް މަޖިލީހެއްގައި މަހުޖަނުންނަށް ނުރެކެވޭގޮތަށް ރައްޔިތުންނަށް ފައިދާވާގޮތަށް ބިލްތައް ނުހެދެނީ ކީއްވެބާ؟ ތިޔަބުނާ މަހުޖަނުން ތިބީ އެމްޑީޕީގެ މެމްބަރުންގެ ބޮލުގައި ބަޑިޖައްސައިގެންތޯ؟ އެމްޑީޕީއަކީ މުޅި މިޤައުމުގެ ހަލާކު...
އިބިރިހިންބެއްޔާ
31 October 2019
މުއްސަދި މީހާ، ވިޔަފާރިވެރިޔާ، ސޭޓުން، މަހުޖަނުން. މިދަރަޖަ ވަކިކުރުމުގައި ޤާނޫނީ މިންގަޑެއް ނެތްއިރު، ދިވެހިރާއްޖޭގެ ރައްޔިތުންގެ މަޖިލީހުގެ "އިއްޒަތްތެރި" މެމްބަރުން އެލޭބަލްތައް އެކިއެކި ބޭފުޅުންނާއި މުޚާޠަބުކޮއް ގޮވަނީ ކީއްވެބާ؟ އެބަނދި ގޮވާއިރު އެސޭޓުން ރައްޔިތުންނަށް ކޮއްދެއްވާ ކަންތަކާއި (ވޯޓުހޯދަން ނޫންގޮތަކަށް) ތިމާ ރައްޔިތުންނަށް ފޯރުކޮއްދިން އެހީއެއް ނުވަތަ ޚިދުމަތަކީ ކޮބައިތޯ އަމިއްލަ ނަފުސާއި ސުވާލު ކުރެއްވުން ކިހިނެތްވާނެ ބާ؟
ނަން
31 October 2019
އިން ކަމް ޓެކްސް ނެގުމުގެ ކުރިން ފައިސާ މުއާމަލާތް ކުރާގޮތް ޑިޖިޓަލް ކުރަންވީއެވެ. -/50 ރުފިޔާއިން މަތީ ކުރާ ހުރިހާ މުއާމަލާތެއް ޑިޖިޓަލް ކޮއް ނޫނީ ނުކުރެވޭނެ ކަހަލެ ޤާނޫނެއް ހަދާބަލާށެވެ. ކަރުދާސް ފައިސާ -/50ރުފިޔާއިން މަތި އުވާލާށެވެ. އެއަށް ފަހު އިންކަމް ޓެކްސްއައި ދެން ހުރި ޓެކްސަނަގަން ވީ ރަގަޅުގޮތް ސާފުވާނެއެވެ. ގިނައިން ލިބޭ މިހާ ކައިރިން ބޮޑު އަދަދެއް ނަަގާށެވެ. ހާއްސަކޮއް ތި ހައެކަ ރިސޯޓް މަހުޖަނުން ކައިރިން.
ފަޅުމަސް
31 October 2019
ތިޔަ ބުނާ ނިޒާމު އޮންނަނީ ކޮން ގައުމެއްގައިތޯ؟
މުހައްމަދުފުޅު
31 October 2019
މެމްބަރުންނޭ ކިޔާފަ އެކްޓީވިސްޓުންނަށް ގޮނޑި ދިނީމަ ވާގޮތްމީ
ރާޖާ
31 October 2019
ދިވެހިންނަށް މިވާ ވަރަކީ ޓެކްސް ދައްކާ ހިތުން ކުރާނެ ކަމެއް ނޭނގިގެން މިއުޅެނީ. މުޅި ޓެކްސްގެ ނިޒާމަށް ވިސްނަވާ ބައްލަވާ. 1. ޑިއުޓީ 0 އިން ފެށިގެން 200 ޕަސެންޓް. އެވްރެޖް ޢާއްމު މީހާ 35% ދައްކާނެ، 2. ޖީއެސްޓީ %6 = 41 މީގެ އިތުރުން ވިޔަފާރި ވެރިޔާ ބީޕީޓީ. ދެން ހުރީ އަހަރީ ފީ މަހު ފީ.ބާކީ ޒަކާތް 2.5% ނުނެގިގެން މިއުޅެނީ އިންކަމް ޓެކްސް. މި މީހުން ފައިސާއަށް ހަދާ ނަހަދާއެއް ރައްޔިތަކަށް އެނގެނީ އެއް ނޫން. ކޮމިއުނިޒަމް ތަޢާރަފް ކުރަންވީނުން.