ރައްޔިތުންގެ މަޖިލިހުގެ ޖަލްސާއެއް ކުރިއަށް ދަނީ. --- ފޮޓޯ: މަޖިލިސް
05 ނޮވެމްބަރ 2019 - 14:34
8 comments
ކޯޓުތަކަށް ހުށަހަޅާފައިވާ މައްސަލަތައް ލަސްވާ ސަބަބު ދެނެގަތުމަށް ޓާސްކް ފޯހެއް އެކުލަވައިލަން ޖުޑިޝަލް ސާވިސް ކޮމިޝަން (ޖޭއެސްސީ) އަށް ލަފާ ދޭން ރައްޔިތުންގެ މަޖިލިހުން މިއަދު ފާސްކޮށްފި އެވެ.
ކްރިމިނަލް ކޯޓުގައި ނުނިމި ހުރި މައްސަލަތަކާ ގުޅިގެން ޖޭއެސްސީން ހެދި ރިޕޯޓު މަޖިލިހުގެ ޖުޑިޝަރީ ކޮމިޓީން ދިރާސާކޮށް ނިންމީ ކޯޓުތަކުގައި މައްސަލަ ލަސްވާ ސަބަބު ހައްލު ކުރަން ދައުލަތުގެ ކަމާބެހޭ މުއައްސަސާތައް ތަމްސީލު ވާނެ ގޮތަށް އިންޓަ އެޖެންސީ ޓާސްކް ފޯހެއް ހަދަން ޖެހޭ ކަމަށެވެ.
ޖުޑިޝަރީ ކޮމިޓީގެ ރިޕޯޓު މަޖިލިހުން ފާސްކުރީ 66 މެމްބަރުންގެ އިއްތިފާގުންނެވެ.
ޓާސްކް ފޯހުގެ މަސްއޫލިއްޔަތުގެ ގޮތުގައި ހިމަނާފައި ވަނީ ޝަރުއީ ކޯޓުތަކުގެ މައްސަލަތައް ލަސްވަމުންދާ ސަބަބުތަކާއި ދަތިތައް ދެނެގަނެ އެކަން ހައްލުކުރުމަށް އެޅެން ހުރި ފިޔަވަޅުތައް ފާހަގަކުރުމާއި އެ ފިޔަވަޅުތައް އެޅުން އަވަސްކޮށް ތަންފީޒު ކުރާނެ ގޮތްތައް އެކުލަވައި ލުމެވެ.
ކްރިމިނަލް ކޯޓަށް ހުށަހަޅާފައިވާ މައްސަލަތަކުގެ ތެރެއިން ނުނިމި 1،910 މައްސަލައެއް އެބައޮތް ކަމަށް ޖޭއެސްސީން ދާދި ފަހުން އެކުލަވާލި ރިޕޯޓުގައި ވަނީ ބުނެފަ އެވެ.
ނުނިމި ހުރި 1،910 މައްސަލައިގެ ތެރެއިން 10 އަހަރުވެފައިވާ 12 މައްސަލައަކާއި ފަސް އަހަރުވެފައިވާ 126 މައްސަލައެއް ކްރިމިނަލް ކޯޓުގައި ނުނިމިވާ ކަމަށް ރިޕޯޓުގައިވެ އެވެ.
ޝަރުއީ ނިޒާމުގެ ހިންގުން ހަރުދަނާކޮށް، ކޯޓުތަކުގައި ހުރި މައްސަލަތައް އަވަހަށް ނިންމައި ރައްޔިތުންނަށް އަދުލު އިންސާފު ގާއިމް ކޮށްދިނުމަކީ ރައީސް އިބްރާހިމް މުހައްމަދު ސޯލިހްގެ ވައުދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަސީދު
29 February 2020
ކޯޓްތައް އުވާލައިފައި މަޖިލިސްއުން ތިކަން ބަލަންވީ އޭރުން ސަޅިވާނެ
ޤާނޫނުއަސާސީ
05 November 2019
ޖުޑިޝަރީ އިސްލާހުކުރެވޭނީ ޖުޑިޝަރީ އިސްލާހުކުރުމަށް ތިބި މީހުން އިސްލާހުވެގެން. މައްސަލަ ބަލައިގަތުމުގެ ބާރާއި ޤާނޫނީ ކަންކަމުގެ ގޮތް ނިންމުމުގެ ބާރު ޤާނޫނާއި ޚިލާފަށް ޤާނޫނީ އިލްމެއް ނެތް އެޑްމިނިސްޓްރޭޓަރުންނަށް ދީގެން ވާނެ އިސްލާހެއް ނޯންނާނެ. މައްސަލަ ލަސްވެގެން އުޅެނީ ކީއްވެގެންކަންވެސް އެއިން މީހަކަށް ނޭނގޭނެ. މައްސަލައިގެ ބާވަތްވެސް ވަކިނުވާނެ. ދެން ކިހިނެތް އިސްލާހުވާނީ!
ހިޔަޅޭ
05 November 2019
ޓާސް ފޯސް އެއް ކަނޑަ އަޅާނެ ކަމެއް ނެއް މަޖިލީހުން ހުކުމް ކޮށްނިންމީމަ އޯކޭވާނެ. މަޖިލީއަކީ މިހާރު ހިރިހާ ކޯޓެއްނު
ރަދީފު ބިން ރަފައިދާ
05 November 2019
މިހާތަނަށް ހެދީ ކޮމެޓީ. ދެން މިފަހަރު ކީއްވެބާ ޓަސްފޯހެއް މިހެދީ؟
ހަނުހުންނަ މީހާ1
05 November 2019
ޖުޑިޝަރީ އިސްލާހުކުރުމަށް ކިތަންމެ އިޚްލާތެރި މަސައްކަތެއް ކުރިޔަސް އިދިކޮޅު މީހުން ތިކަންވެސް ސިޔާސީ ކުރާނެ އެކަމަކު އަޅާނުލާ މިއަދު ދިވެހި ރައްޔިތުންނަށް އެމީހުން ރަގަޅަށް ދަސްވެއްޖެ އެކަން ވޭތުވެދިޔަ ދެ އިންތިހާބުން ދައްކަދީފި
އެނގޭ
05 November 2019
ތިޔަ ޓާސްކްފޯހުގައި އަހަރެން ބައިވެރިކޮށްދީބަލަ.
އަތް ބާނާ
05 November 2019
ރައްޔިތުން ހަވާލު ކުރި ކަމެއްތަ ތިއީ؟ކޮބާ ޤާނޫނު އަސާސީ؟ތިއީ ދުނިޔޭގެ ކޮން ޤައުމަކުން ކުރި ކަމެއްތަ؟ ތި ވެސް އަމިއްލަ މަސްލަހަތަށް ކުރާކަމެކެވެ
ފަހާދު
05 November 2019
ތިޔަ ޓާސްކްފޯސް އޮންނާނީ ޖުޑީޝަލް ކޮމިޝަންގޮތައް ހަތަރެސްފައި ހިސޯރުކޮށްފައި...އަވަސް ކުރާނީވެސް ވަކި މައްސަލަތަކެއް..ޓާސްކްފޯހުން ހުކުމްވެސްލިޔާނީ..ބައިވެރިންނަށް ބަދަލުދޭ މައްސަލަތައް އަވަސްވާނެ..