ދެ ޖިންސްގެ މެދުގައި އާމްދަނީގެ ފަރަގަކީ ބޮޑު މައްސަލައެއް.
18 ޑިސެމްބަރ 2019 - 08:26
2 comments
ދެ ޖިންސްގެ މީހުންގެ މެދުގައި އޮތް އާމްދަނީގެ ފަރަގު ހަމަހަމަވާން އަދި 250 ވަރަކަށް އަހަރަށް ވުރެ ގިނަ ދުވަސް ނަގާނެ ކަމަށް ވޯލްޑް އިކޮނޮމިކް ފޯރަމް (ޑަބްލިއުއީއެފް) އިން ބުނެފި އެވެ.
ޑަބްލިއުއީއެފް އިން ނެރުނު ގްލޯބަލް ޖެންޑާ ގެޕް ރިޕޯޓްގައި ގައުމުތަކުގެ މެދުގައި ދެ ޖިންސްގެ މީހުންގެ އާމްދަނީގެ ފަރަގު ބަލާފައި ވަނީ މައިގަނޑު ހަތަރު ދާއިރާއަކުންނެވެ. އެގޮތުން ދުނިޔޭގެ 153 ގައުމެއްގައި އަންހެނުންނާއި ފިރިހެނުންނަށް އިގުތިސާދީ، ސިއްހީ، ތައުލީމީ އަދި ސިޔާސީ ދާއިރާގައި މަސައްކަތްކޮށްގެން ލިބޭ އާމްދަނީގެ ފަރަގު ފާހަގަކޮށްފައިވެ އެވެ.
ޑަބްލިއުއީއެފުން މިދިޔަ އަހަރު އަންދާޒާކޮށްފައިވާ ގޮތުގައި ދެ ޖިންސުގެ މީހުންގެ އާމްދަނީގައި ފަރަގު ހަމަހަމަ ހިސާބަކަށް ދާން 202 އަހަރު ނަގާނެ ކަމަށް ބެލެވުނަސް މި އަހަރުގެ ރިޕޯޓަށް ރިއާޔަތްކުރާ އިރު، އާމްދަނީގައި ހުރި ބޮޑެތި ފަރަގުތަކާ އެކު، އެކަން ހަމަހަމަ މިންގަނޑަކާ ހަމައަށް ދާން އަދި ގާތްގަނޑަކަށް 275 އަހަރު ނަގާނެ އެވެ.
އެހެންވެ ރިޕޯޓްގައި މިކަން ސިފަކޮށްފައި ވަނީ ވަރަށް ސީރިއަސް މައްސަލައެއްގެ ގޮތުގަ އެވެ.
"އަހަރެމެންގެ މިހާރުގެ ޖީލަކަށް މި ފަރަގު ކުޑަވާ ތަނެއް ފެނިގެނެއް ނުދާނެ،" ރިޕޯޓްގައި ބުންޏެވެ.
To build fairer and more inclusive economies we must instil gender parity across education, health, politics and economic participation. The World Economic Forum today launches the Global Gender Gap Report 2020. Read it here: https://t.co/YtGeseIGMY #gendergap20 pic.twitter.com/m8v0hEBqzm
— World Economic Forum (@wef) December 16, 2019
ޑަބްލިއުއީއެފުން ބުނެފައިވާ ގޮތުގައި ދެ ޖިންސްގެ މެދުގައި އޮންނަ މުސާރައިގެ ފަރަގުކުޑަކުރެވޭނީ، އަންހެނުން އިތުރު ދާއިރާތަކުގެ މަސައްކަތްތަކަށް ވެސް ނެރެގެންގެނެވެ. އޭގެ ތެރޭގައި ސައިންސާއި ޓެކްނޮލޮޖީ އަދި އިންޖިނިއަރިން ދާއިރާ ހިމެނެ އެވެ. ހަމަމިއާ އެކު އަންހެނުން ފިރިހެނުންނާ އެއް ހަމައެއްގައި ފައިތިލަ ސާބިތުކުރަން ނުކުންނަން ޖެހޭ އިރު މިހާރުގެ ހާލަތުން އިންޖިނިއަރިން އާއި ޓެކްނޮލޮޖީއާ ގުޅުން ހުރި ކްލައުޑް ކޮމްޕިއުޓިން އާއި ޑޭޓާ އާއި އާޓިފިޝަލް އިންޓެލިޖެންސް (އޭއައި) އަދި ޕްރޮޑަކްޓް ޑިވެލޮމަންޓް ފަދަ ދާއިރާތަކުގައި މަސައްކަތްކުރާ މީހުންގެ ނިސްބަތުގައި ވަރަށް ބޮޑު ފަރަގެއް ހުރިކަން ފާހަގަކޮށްފައިވެ އެވެ. އެގޮތުން އެ ދާއިރާތަކުގައި މިހާރު ނަގާކިޔަނީ މުޅިންހެން ފިރިހެނުންނެވެ.
According to this year's Gender Gap Report, the number of women in politics has seen a significant increase. However, the political gender gap will still take 95 years to close.
— World Economic Forum (@wef) December 17, 2019
Read our new report here: https://t.co/YtGeseIGMY #gendergap20 pic.twitter.com/WME1bkGvJd
ރިޕޯޓްގައި ފާހަގަކޮށްފައިވާ ގޮތުގައި އަންހެނުންނަށް ބޮޑު ދައުރެއް އަދާކުރެވިދާނެ ދާއިރާތަކުގެ ތެރެއިން ރިޓެއިލް ވިޔަފާރި ފަދަ މަސައްކަތްތަކުގައި ވެސް އަންހެނުންގެ ހިއްސާ އަދިވެސް ވަރަށް ކުޑަ އެވެ. ހަމަމިއާ އެކު ބޮޑެތި މުސާރަތައް ލިބޭ ކަހަލަ ވަޒީފާތަކަށް އަންހެނުން ނުކުންނަ މިންވަރު ވެސް މަދުކަން ފާހަގަކުރެވޭ ކަމަށް ބުންޏެވެ.
Women are a minority in some of the fastest growing roles of the future: 12% in cloud computing, 15% in engineering and 26% in AI. How can we hardwire #genderparity into the future of jobs? https://t.co/ZUpJ1ANDEX #neweconomy @LinkedIn @wef pic.twitter.com/E52CX8RtgV
— Saadia Zahidi (@zahidi) December 17, 2019
"މި ފަރަގުތައް ނައްތާލަން ކުރަން ޖެހޭ މަސައްކަތްތައް ގިނަ. އެހެންވީމާ ރިސޯސްތައް މޮބިލައިޒްކޮށް، ލީޑަޝިޕަށް ދެވޭ ފޯކަސް އިތުރުކޮށް، ކަންކަމަށް ކޮމިޓްވާނެ މީހުން ބިނާކުރުމަކީ އެންމެ އިސްކަންދޭން ޖެހޭ ކަންތައް،" ޑަބްލިއުއީފްގެ ނިއު އިކޮނޮމީ އެންޑް ސޮސައިޓީ ސެންޓަރުގެ ހެޑް ސާދިއާ ޒާހިދީ ވިދާޅުވި އެވެ.
Mind the 100 year gap: our Global Gender Gap Report 2020 out today shows where progress is stalling, why, and what can be done about it to make the 2020s the decade of parity https://t.co/sk1pk630PT @wef #neweconomy
— Saadia Zahidi (@zahidi) December 17, 2019
ރިޕޯޓްގައި ފާހަގަކޮށްފައިވާ ގޮތުގައި އިގުތިސާދީ، ސިއްހީ، ތައުލީމީ އަދި ސިޔާސީ ދާއިރާގައި މަސައްކަތްކުރާ އަންހެނުންގެ ނިސްބަތް ފަހަކަށް އައިސް އިތުރުވަމުން އަންނަކަން ފާހަގަކުރެ އެވެ. އަދި އެއީ ވަރަށް ހެޔޮ ބަދަލެއް ނެތް ނަމަވެސް އެންމެ އެކަށިގެންވާ ވަރަށް އަންހެނުންގެ ހިއްސާ އަދިވެސް ނުލިބޭކަން ފާހަގަކޮށްފައިިވެ އެވެ.
ގައުމުތަކުގެ ސިޔާސީ މަގާމުތަކަށް ބަލާ އިރު މިނިސްޓަރުންގެ ފެންވަރުގައި މަސައްކަތްކުރާ އަންހެނުންގެ ނިސްބަތް މުޅި ދުނިޔޭގައި އުޅެނީ 21 ޕަސަންޓްގަ އެވެ. އެހެންވެ އެ ދާއިރާ އިން އެ ފަރަގު ނައްތައިލަން އަދި 99.5 އަހަރު ނަގާނެ ކަމަށް ބުނެފައިވެ އެވެ.
ރިޕޯޓްގައި ފާހަގަކޮށްފައިވާ ގޮތުގައި ދެ ޖިންސްގެ މެދުގައި އާމްދަނީގެ ފަރަގު އެންމެ ކުޑައީ ހުޅަނގު ޔޫރަޕްގެ ގައުމުތަކުގަ އެވެ. އެގޮތުން ލިސްޓްގައި 10 ގައުމެއް ހިމަނާފައިވާ އިރު، އެންމެ ކުރީގައި އުޅެނީ އައިސްލޭންޑެވެ. އެ ގައުމުގެ ފަހަތުން ދެން އަންނަނީ ނޯވޭ، ފިންލެންޑް، ސްވިޑް، ނިކަރާގުއާ، ނިއު ޒިލެންޑް، އަޔަލެންޑް، ސްޕެއިން، ރުވާންޑާ އަދި ޖަރުމަނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޯޓާ
19 December 2019
50% ކޯޓާ އެކަބަލުންނަށް ޚާއްސަ ކޮއްލީމަ ނިމުނީ ނުންތޯ.......!!!?.
ފިތުރަތު
18 December 2019
ފިތުރަތުގެ އުސޫލްތައް ހަމަމަގުން ނައްޓުވައިގެން ނެރެވޭނެ ފައިދާއެއް ނޯންނާނެ. ކަނބަލުން ދަރިން ތަރުބިއްޔަތުކޮށް ގޭތެރެޭގެ ކަންކަން ހިންގާ ބެލެހެއްޓުމަކީ ނުހަނު ބުރަ އަގުބޮޑު މަސައްކަތެއް. އިންސާނީ ޖީލުތައް ހެޔޮގޮތުގައި ދެމިގެން ދިއުމުގެ އަސްލު. މީގެ ބަދަލުގައި މާއްދިއްޔަތަށް ގެއްލި، މާއްދީ ފައިދާނެރެން އުޅުމަކީ އިންސާނީ ޖީލު ހަލާކު ކުރުން. ތަރުބިއްޔަތެއްނެތް ދަރިންތަކެއް އިތުރުކޮށް ޖީލްތައް ފަނާކުރުން. ހުރިހާ އެއްޗަކީ ފައިސާއެއް ނޫން.