އަގު ހެޔޮކޮށް ބޭސް އެތެރެކޮށް ސިއްހީ ދާއިރާ ކުރިއެރުވުމާ ބެހޭ ގޮތުން ރާއްޖެ-އިންޑިއާ މަޝްވަރާކޮށްފި

އިންޑިޔާގެ ބޮޑުވަޒީރު މޯދީ އާއި ރައީސް ބައްދަލު ކުރައްވަނީ: އިންޑިއާއިން ބައެއް ބާވަތުގެ ބޭސްތައް ހެޔޮ އަގެއްގައި ރާއްޖެއަށް ފޯރުކޮށް ދިނުމާ ބެހޭގޮތުން ވަނީ މަޝްވަރާ ކޮށްފައި -- ފޮޓޯ/މިހާރު

މުއިއްޒު އިބްރާހިމް، މިހާރު

07 ޖެނުއަރީ 2020 - 22:00

33 comments

ބައެއް ބާވަތުގެ ބޭސްތައް ހެޔޮ އަގެއްގައި ރާއްޖެ އަށް ފޯރުކޮށް ދިނުމާ ބެހޭގޮތުން އިންޑިއާ އާއި ރާއްޖެ އިން މަޝްވަރާކޮށްފި އެވެ.

އިންޑިއާގެ ބޮޑުވަޒީރު ނަރެންދުރަ މޯދީ މިދިޔަ އަހަރު ރާއްޖެ ކުރެއްވި ދަތުރުފުޅުގައި އެކި ދާއިރާތަކުން ގުޅުން ބަދަހި ކުރުމުގެ އެއްބަސްވުންތަކެއްގައި އިންޑިއާ އާއި ރާއްޖެއާ ދެމެދު ވަނީ ސޮއިކޮށްފަ އެވެ. އޭގެ ތެރޭގައި ސިއްހީ ދާއިރާ ވެސް ހިމެނެ އެވެ.

ރާއްޖޭގައި ހުންނަ އިންޑިއާގެ އެމްބަސީން ނެރުނު ބަޔާނެއްގައި ބުނީ ސިއްހީ ދާއިރާއިން އެއްބާރުލުން ދިނުމުގެ އެއްބަސްވުމުގެ ދަށުން އިންޑިއާ ސަރުކާރާއި ރާއްޖެއާ ދެމެދު އިއްޔެ ބޭއްވި މަޝްވަރާތަކުގައި އިންޑިއާ ސަރުކާރު މެދުވެރިވެގެން ރާއްޖެ އަށް ބައެއް ބާވަތުގެ ބޭސް ހެޔޮ އަގުގައި ފޯރުކޮށް ދިނުމާ ބެހޭގޮތުން މަޝްވަރާކުރި ކަމަށެވެ. އަދި އެ ދާއިރާ އިން ބައެއް ފަންނީ އެހީތެރިކަން ވެސް އިންޑިއާ އިން ދޭނެ ކަމަށް އެ ބަޔާނުގައިވެ އެވެ.

މީގެ އިތުރުން ދިވެހި ޑޮކްޓަރުންނާއި ނަރުހުންނާއި ސިއްހީ ދާއިރާގެ އިދާރީ މުވައްޒަފުންނަށް އިންޑިއާގެ އިން ތައުލީމާއި ތަމްރީނު ދިނުމާއި ސިއްހީ ޚިދުމަތް ދޭ ތަންތަނާއި ސިއްހީ އިންޝުއަރެންސްގެ އައިޓީ ނިޒާމު އިތުރަށް ކުރިއެރުވުމަށް އެހީތެރިވުމާ ބެހޭގޮތުން ވެސް މަޝްވަރާކުރި ކަމަށް އެ ބަޔާނުގައިވެ އެވެ. އަދި ގައިން ގަޔަށް އަރާ ބަލިތައް މޮނީޓާ ކުރުމާއި އިންޑިއާގެ އެހީގައި ގާއިމް ކުރަން ނިންމާފައިވާ ކެންސަރު ހޮސްޕިޓަލާ އެކު ކެންސަރުގެ ފަރުވާ އިތުރަށް ވަރުގަދަ ކުރުމާ ބެހޭގޮތުން ވެސްމަޝްވަރާކުރި ކަމަށް ވެސް ބުނެފައިވެ އެވެ.

އެ ބަޔާނުގައިވާ ގޮތުން ނަފްސާނީ ބަލިތައް ރާއްޖޭގައި ހުރި މިންވަރާ ބެހޭ ދިރާސާއެއް ހެދުމުގައި ރާއްޖެ އަށް އެހީވުމާއި އެ ދާއިރާ އިން އިތުރަށް މީހުން ތަމްރީނު ކުރަން އެހީވުމާ ބެހޭގޮތުންނާއި ރާއްޖޭގައި ޓެލެމެޑިސިން އާއި ޓެލެ ރޯޑިއޮލޮޖީ ކުރިއެރުވުމުގައި ވެސް އެހީތެރިކަން ދިނުމަށް މަޝްވަރާކުރި އެވެ.

އެ ބަޔާނުގައިވަނީ ސިއްހީ ދާއިރާއިން އިންޑިއާ އާއި ރާއްޖެއާ ދެމެދު އޮތީ ވަަރުގަދަ ގުޅުމެއް ކަމަށާއި އެ ދާއިރާއިން ރާއްޖެ އަށް އެހީތެރިކަން ދިނުމަށް އެ ގައުމުން އޮތީ ތައްޔާރަށް ކަމަށެވެ.

ކުރިގެ ސަރުކާރުގައި ރާއްޖެ އާއި އިންޑިއާގެ ގުޅުން ގޯސްވެ އެހީތައް މަޑުޖެހިފައި އޮތުމަށް ފަހު އިންޑިއާ އިން މިހާރު އަންނަނީ އެކި ދާއިރާތަކުން ރާއްޖެ އަށް އެހީވަމުންނެވެ.

ސިއްހަތު އިންޑިއާ ބޭސް ރާއްޖެ-އިންޑިއާ

33 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިޔަފާރި

08 January 2020

ސަރުކާރުން ޑަބްލިއު އެޗްއޯ ނުވަތަ ބައިނަލްް އަގްވާ މީ ޖަ މާއަތްތަކުން ބޭސްގަނެ ސަޕްލައި ކުރިޔަ ދޭނެތަ، މިހާ ފައިދާވާ ވިޔަފާރި އަކުން. ވިޔަފާރިވެރިން ތިކަން ކުރިޔަކަ ހަ މަ ހިލާ ނުދޭނެ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚާލި

08 January 2020

ތިޔާ ގެނެސްގެން ކަލޭމެން ކައި. އަހަރުމެން ރުއްގަލު ބޭހުން ފުއްދާލަފާނަން. ހީވަނީތަ ލައްކައެކޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިމީހުން

08 January 2020

މިގައުމުގެ މަތިފަޑީގަ ތިބި ބޮޑެތި އެންމެން ބަލިވީމަ ގައުމުން ބޭރަށް ނުގޮސް މިގައުމުން ބޭސްކުރާނެ ކަމަށާ ބަލިވީމަ ބޭނުންކުރާނީ ތިޔަ ބޭސްތައް ކަމުގެ ގެރެންޓީ ދޭން ކެރޭނެބާ؟ ބޮޑެތި މީހުން މޮޅު ގައުމުތަކުގަ ބޭސްކުރަން ތިބެ އާސަންދަ ހުސްކޮށްލާއިރު އާއްމު މީހާ އޮންނަންވީ މާލޭގަ، އަގުހެޔޮ ބޭސް ބޭނުންކޮށްލައިގެން ބައްޔަށް ވާނުވާ ނޭނގިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮހޮނު123

08 January 2020

ނުގަންނާތި، ނުގަންނާތި، ނުގަންނާތި، އިންޑިޔާގެ ދަށް ކޮލިޓީބޭސް މިގައުމަށް ނުގެންނާތި!!!!!! މިހާރުވެސް، ތިކަލަހަލަ ފޭކް ބޭސްތައް މުޅިރާއްޖޭގައި މިހިރީ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމާ

08 January 2020

މިހާރުވެސް މިއުޅެނީ އަގުހެޔޮބޭސް އިންޑިޔާއިން ގެނެސްގެން ދިވެހިރައްޔިތުން ހަމަނޭވައި ނުލެވިގެން. ބަލިއެުނދުން ނުތެދުވެވިގެން. އަނެއްކާވެސް އެއަށްވުރެ އަގުހެޔޮބޭސް ހޯދަން ތިއުޅެނީ. ދެންވާނެ ގޮތަކީ އެންމެން ތިބޭނީ ސަންދޯއްޖަހައިގެން އޭގެތެރޭގައިދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެކް

08 January 2020

ލޮލީ ޕޮޕް އެތެރެ ކުރަން މަސްވަރާކޮށްބަލަ ތަސައްރަފް ނުފުދޭ ސަރުކާރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތު މީހަ

08 January 2020

އާސަންދަ ކަނޑާލާފަ ވިޔަސް ފެންވަރު ރަނގަޅު މމޮޅުބޭސް ދިވެހިންނަށް ލިބޭނެގޮތް ހައްދަވައި ދެއްވު މަށް އިބޫގެ ސަރުކާރަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

08 January 2020

ތި އިންޑިއާ މީހުން ދިވެހިންނަށް ހެޔޮ އެދިގެން ނުކުރާނެ އެއްކަމެއްވެސް! އައިޖީއެމްއެޗް އަޅައިގެން އެތަނަށް އެމްއާރުއައި މެޝިނެއް އެމީހުން ފޮނުވަން އުޅޭތާ 30 އަހަރު ފަހުން ޔާމީން ވެރިކަމުގަ ދިވެހި ދައުލަތު ބަޖެޓުން މެޝިން ގަތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީ ލޯބީގާ

08 January 2020

އިންޑިޔާމީހުންގެ އައްބޮނޑިއަށް ބޮނޑުވާނެހެން ހުރިހާކަމެއް ކުރަނީކީއްވެގެންތަ ؟ރައްޔިތުންނަށް އޯގާތެރިވެރިއެކޭކިޔާ ހުވާކުރީ އިންޑިޔާރައްޔިތުންނަށް އޯގާތެރި ހިތްތިރި ވެރިކަމެއް ކޮއްދޭކަށްނޫން އިބޫސޯލިހު މާތް ﷲގަންދީހުވާކުރީކީ . މަމެން ރައްޔިތުންނަށް ހާދަ ނިކަމެތިކަމެއް ތަހައްމަލް ކުރަން މިޖެހެނީ މީވީވެސް ވައުދެއްނޫން . ވައުދު ނުވާކަމެއް ކުރަންޖެހޭނެތަ . ؟ހުވާކުރިކަންކަންކޮއްބަލަ ނުވާނަމަ ޕުލީޒް އިސްތިއުފާދީބަލަ . އޯގާތެރި ނުވެވޭ . ހިތްތިރިވެބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުރަތަމަ ޤައުމު

08 January 2020

ދެން ރާއްޖޭގަ ވިއްކާނީ މުއްދަތު ހަމަވެފައިވާ ބޭސްތައް އަލުން ލޭބަލް ޖަހައިގެން. އިންޑިއާ މީހުންގެ ތަޙްލީލުތަކަށް ޖަނަވާރުންގެ ގޮތުގައި ދިވެހީން ބޭނުން ނުކުރާނެ ކަމުގެ ވެސް އެއްވެސް ޔަގީންކަމެއް ނެތް. އިންޑިޔާ މިގަމުގައި ވަކިހިތްޕާ މިނިވަންކަން ގެއްލޭ ހިސާބަށް މިދަނީ. ރައްޔިރުން ވިސްނާ .