ހިމަބިހީގެ ވެކްސިން: ހިމަބިއްސަށް ޝައްކުވާ އިތުރު ކުއްޖެއްގެ ޓެސްޓުތައް އައިޖީއެމްއެޗުގައި މިހާރު ދަނީ ހަދަމުން.
13 ޖެނުއަރީ 2020 - 10:02
22 comments
ހިމަބިއްސަށް ޝައްކުވާ އިތުރު ކުއްޖަކު ފެނިގެން އެ ކުއްޖާގެ ޓެސްޓުތައް އައިޖީއެމްއެޗުގައި ހަދަން ފަށައިފި އެވެ.
އެ ހޮސްޕިޓަލްގެ މީޑިއާ އޮފިޝަލަކު މިއަދު ވިދާޅުވީ، އުމުރުން 17 އަހަރުގެ ފިރިހެންކުއްޖަކަށް ހިމަބިހި ޖެހިފައިވާ ކަމަށް ޝައްކު ކުރެވޭތީ ޓެސްޓުތައް ހަދަމުން އަންނަ ކަމަށެވެ. އެކަމަކު، އެއީ ވެކްސިން ޑޯޒް ފުރިހަމަ ކޮށްފައިވާ ކުއްޖެއް ކަމެއް ނުވަތަ ނޫން ކަމެއް ކަމާ ބެހޭ އިދާރާތަކުން އަދިއެއް ނުބުނެ އެވެ.
"އެ ކުއްޖާ އައިޖީއެމްއެޗަށް ގެނައީ އިއްޔެގެ އިރުއޮއްސުނުހާއިރު. އަޅުގަނޑުމެން މިހާރު މިދަނީ ޓެސްޓުތައް ހަދަމުން،" އޮފިޝަލް ވިދާޅުވި އެވެ.
ރާއްޖެ އިން ހިމަބިހި ނައްތާލާފައިވާކަން އިއުލާން ކޮށްފައިވާތާ ދެ އަހަރެއްހާ ދުވަސް ފަހުން، އެ ބަލި ޖެހިފައިވާ ކުއްޖަކު ފެނިގެން ފަރުވާ ދީފައިވާކަން ސަރުކާރުން ހާމަކުރީ މިދިޔަ ހަފުތާގަ އެވެ. އުމުރުން ތިން އަހަރުގެ އެ ފިރިހެން ކުއްޖާ އަށް ފަރުވާ ދިނުމަށް ފަހު މިހާރު ވަނީ ހޮސްޕިޓަލުން ދޫކޮށްލައިފަ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިދިޔަ ހޮނިހިރު ދުވަހު ބުނެފައި ވަނީ އެއީ ވެކްސިން ޑޯޒް ފުރިހަމަ ނުކޮށް ހުރި ކުއްޖެއް ކަމަށެވެ.
އެޗްޕީއޭ އިން ބުނެފައި ވަނީ މާލޭ ސަރަހައްދުގައި ދިރިއުޅޭ، އުމުރުން ތިން އަހަރުގެ ކުއްޖަކަށް ހިމަބިހި ޖެހިފައިވާ ކަމަށް ޝައްކު ކުރެވިގެން ޓެސްޓު ކުރިއިރު ޕޮޒިޓިވް ވެފައިވާ ކަމަށާއި އެއީ ނުވަ މަހާއި 18 މަހުގައި ދޭންޖެހޭ މީސްލްސް ވެކްސިން ނުދީ ހުރި ކުއްޖެއް ކަމަށެވެ. އަދި އައިޖީއެމްއެޗްގައި ފަރުވާދީ، އެ ކުއްޖާ ރަނގަޅު ވެ އަދި އެ ކުއްޖާގެ ފަރާތުން ބަލި ފެތުރޭ މުއްދަތު ފާއިތުވުމުން އެ ކުއްޖާ ހޮސްޕިޓަލުން ދޫކޮށްލާފައިވާ ކަމަށް އެޗްޕީއޭ އިން ބުނެފައި ވެ އެވެ.
އައިޖީއެމްއެޗުން މިއަދު ބުނީ، ހިމަބިހި ކަމަށް ޝައްކު ކުރެވިގެން މިހާރު އެ ހޮސްޕިޓަލްގައި ފަރުވާދޭ ކުއްޖާ އާއި އެ ބަލި ކުރިން ޖެހުނު ކުއްޖާއާ އާއިލީ ގޮތުން އެއްވެސް ގުޅުމެއް އޮތް ކަމުގެ މައުލޫމާތެއް ނެތް ކަމަށެވެ.
ހިމަބިހި ކުރިން ޖެހުނު ތިން އަހަރުގެ ކުއްޖާ ޒިޔާރަތްކުރި ތަންތަނަށް ދިޔަ މީހުންގެ ތެރެއިން ވެކްސިންގެ ދެ ޑޯޒް ފުރިހަމަ ނުކުރާ މީހުން އެކަމަށް ސަމާލުވުމަށް އެޗްޕީއޭ އިން ވަނީ އެދިފަ އެވެ.
"އެ ކުއްޖާ އައިޖީއެމްއެޗަށް ގެނައީ އިއްޔެގެ އިރުއޮއްސުނުހާއިރު. އަޅުގަނޑުމެން މިހާރު މިދަނީ ޓެސްޓުތައް ހަދަމުން،" އޮފިޝަލް
އެގޮތުން، މި މަހުގެ ފުރަތަމަ ދުވަހުން ފެށިގެން މިދިޔަ ބުރާސްފަތި ދުވަހުގެ ނިޔަލަށް ހުޅުމާލޭ ސެންޓްރަލް ޕާކާއި އެ ސަރަހައްދުގައިި ހުރި ކެފޭތަކަށް ހަވީރުގެ ވަގުތުތަކުގައި ދިޔަ މީހުންނާއި މި މަހުގެ ހަތަރު ވަނަ ދުވަހުގެ ރޭގަނޑު 8 އިން ފެށިގެން 11 އާ ހަމައަށް ހުޅުމާލޭ ހޮސްޕިޓަލަށް ދިޔަ މީހުން ސަމާލުވުމަށް އެޗްޕީއޭ އިން ވަނީ އެދިފަ އެވެ.
އަދި، މި މަހުގެ ފަސް ވަނަ ދުވަހުގެ ހަވީރު 5 އިން ފެށިގެން ރޭގަނޑު 9 އާ ހަމައަށް ހުޅުމާލޭ ހޮސްޕިޓަލަށް ދިޔަ މީހުންގެ އިތުރުން މި މަހުގެ ހަ ވަނަ ދުވަހުގެ ރޭގަނޑު 7 އިން ފެށިގެން 10 އާ ހަމައަށް ސެނަހިޔާއަށް ދިޔަ މީހުންނާއި މި މަހުގެ ހަތް ވަނަ ދުވަހުގެ ރޭ 7 އިން ފެށިގެން މެންދަމު 2 އާ ހަމައަށް ހުޅުމާލޭ ހޮސްޕިޓަލަށް ދިޔަ މީހުންނާއި މި މަހުގެ އަށް ވަނަ ދުވަހުގެ ހެނދުނު 11:30 އިން ފެށިގެން މެންދުރު 1:30 އަށް ޓްރީޓޮޕް ހޮސްޕިޓަލަށް ދިޔަ މީހުން ވެސް އެކަމަށް ސަމާލުވާން ޖެހޭ ކަމަށް އެޗްޕީއޭ އިން ބުނެފައި ވެ އެވެ.
ރާއްޖެ އިން ހިމަބިހި ނައްތާލާފައިވާ ކަމުގެ އެވޯޑް، ވޯލްޑް ހެލްތު އޯގަނައިޒޭޝަން (ޑަބްލިއުއެޗްއޯ) އިން ވަނީ ސެޕްޓެމްބަރު 6، 2017 ގައި ދީފަ އެވެ. އެ ބަލި ރާއްޖެ އިން ނައްްތާލާފައިވާ ކަން ހެލްތު މިނިސްޓްރީން އިއުލާން ކޮށްފައި ވަނީ ޖޫން 13، 2017 ގަ އެވެ. އެގޮތަށް އިއުލާން ކުރީ އެ ބަލި ނައްތައިލުމަށް ހިންގި ގައުމީ ފެންވަރުގެ ކެމްޕެއިނަކަށް ފަހު އެވެ.
ހިމަބިހިން ރައްކާތެރިވުމަށް ރާއްޖޭގައި ވެކްސިން ދޭން ފެށީ 1983 ގަ އެވެ. އަދި އެ ބަލި ޖެހިފައިވާ މީހަކު އެންމެ ފުރަތަމަ ރާއްޖޭން ފެނުނީ 2009
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަމީރާ
13 January 2020
ރާއްޖޭގައި ހިމަބިހީގެ އެއްވެސް އަސަރެއްނެތް، ޕްރޮޕެގެންޑާ ފަތުރަނީ ވަކިކަމެއް ހާސިލްވުމަށް ، އެލެކްސްމެން މެން މިގައު ހަލާކުކުރާނެ ޔާގީން
މީނަކުޔ
13 January 2020
އިއިޖީއެމް އެޗަށް ވަދެފަ ބަލަަލަބަލަ ދެން އެހެންވީރު. ލޯމަތީ ފެންނަން ހުއްޓަސް ކަލޭމެނަކަށް ނުފެންނާނެ.
ގޮހެއް
13 January 2020
މިސަރުކާރަށް ލިބެމުންދާ ޢިބްރަތްތެރި އެތައް ކަމެއް. މިސަރުކާރުގެ ވެރިންނަށް ތިބީ ދޮގާ މަކަރާ ހީލަތުން ފުރިގެންވާ ބައެއް. ރައްޔިތުންނަށް އޮޅުވާލަންވެސް މިވަރެއްނެތް. ރައްޔިތުންނަށް ހެޔޮ ވިސްނުން ދެއްވާށި
ހާސަރު.
13 January 2020
މީ ވަރަށް ރަނގަޅަށް ތަޙުޤީޤު ކުރަން ޖެހޭ ކަމެއް. ކަންތައް ވަމުން މިދާ ގޮތުން މީ ވަރަށް ބޮޑު ނުރައްކަލަކަށް ވެދާނެ
އަބްދުއްالله
13 January 2020
އިންޖިކުސަނު ހިފައިގެން ހުރި މީހާގެ ނިޔަފަތި ދަށުގަ އެހެރަ ޖަރާސީމުތަކުން ޖެހޭ ބަލިތައް މާ ގިނަވާނެ.
ޔޫގަނޑާ
13 January 2020
"އައިޖީއެމްއެޗުން މިއަދު ބުނީ، ހިމަބިހި ކަމަށް ޝައްކު ކުރެވިގެން މިހާރު އެ ހޮސްޕިޓަލްގައި ފަރުވާދޭ ކުއްޖާ އާއި އެ ބަލި ކުރިން ޖެހުނު ކުއްޖާއާ އާއިލީ ގޮތުން އެއްވެސް ގުޅުމެއް އޮތް ކަމުގެ މައުލޫމާތެއް ނެތް ކަމަށެވެ." އެވެސް ޔަގީނެއްނުންދޯ. ހެލްތް ޕްރޮޓެކްޝަން އޭޖެންސީން ގުޅާފަ ސާފުކުރަންވީނުން. މިކަހަލަ ކަންކަމުގަ މިގައުމުގެ ސިއްޚީ ދާއިރާ އަދިވެސް ވަރަށް ދޯދިއާކޮށް ފެންނަނީ.
ކޮއިލް
13 January 2020
ތިންލައްކަ މީހުންގެ އާބާދީގައި އެއްލައްކަ ބިދޭސީން އުޅޭއިރު އެމީހުން ހިމަބިއްސަށް ވެކްސިން ދީފައި ހުރިކަން އެނގޭ އެއްވެސް މީހަކު އެބަހުރިތަ ....... ހުރިހާ އެންމެންވެސް މިދައްކަނީ ވެކްސިން ނުޖަހާ ވާހަކަ....... އެމީސްމީހުން ދިރއުޅޭ ގައުމުތަކުގައި ހަމަ ޔަގީނުންވެސް ވެކްސިން ނުޖަހާ މީހުން ވަރަށް ގިނަ..... އެތަންތަނުން ބަލި އައުމަކީ ވެދާނެ ކަމެއްކަމަށް ބެލެވޭ.....
ވަކުންޖު
13 January 2020
"އުމުރުން 17 އަހަރުގެ ފިރިހެންކުއްޖަކަށް ހިމަބިހި ޖެހިފައިވާ ކަމަށް ޝައްކު ކުރެވޭތީ ޓެސްޓުތައް ހަދަމުން އަންނަ ކަމަށެވެ. އެކަމަކު، އެއީ ވެކްސިން ޑޯޒް ފުރިހަމަ ކޮށްފައިވާ ކުއްޖެއް ކަމެއް ނުވަތަ ނޫން ކަމެއް ކަމާ ބެހޭ އިދާރާތަކުން އަދިއެއް ނުބުނެ އެވެ." އެކުއްޖާއި އެކުއްޖާގެ މައިންބަފައިން ހަނުހުރުންތަ އީޚުތިޔާރު ކުރީ. ނޫނީ އައިޖީއެމްއެޗް މީޑިއާ އޮފިޝަލަށް އަންގާފަތަ އޮންނަނީ ފުރިހަމަ ޖަވާބުނުދޭން. އޭރުން ގިނަ ޚަބަރު މިކަމާ ބެހޭގޮތުން އުފެއްދޭނެތާ
ހުތާ
13 January 2020
މިރާއްޖޭގެ ކޮންމެ ދެގެދޭތެރޭގައި ބަންގްލަދޭޝް ބިދޭސީން ގަވާއިދާ ހިލާފަށް އެތެރެވެގެން އުޅޭ ބަންގުލަދޭޝް މީހުން އުޅެމުން އެބައެވެ. މިތާގައި ގިނައީ އެމީހުން ކަމުން ހުރިހާ ބާޒާރުތަކުންނާއި އަދި އެހެންތަންތާގައި އުޅެންވެސް މިޖެހޭނީ އެމީހުން ގައިގައި ޖެހިފިތި ބާރުވެގެންނެވެ. އެމީހުންގެ ތެރޭގައި ވެކްސިން ނުޖަހާ މީހުންނާއި ގައިންގަޔަށް އަރާ ބަލިތައް ޖެހިފައިތިބި މީހުން ބައިވަރެވެ. ދިވެހިންގެ ބަޔަކު އަމިއްލަ އެދުމަށް ކުރާ ބޮޑު ވިޔަފާރިއެކެވެ.
ތުއްތުނާ
13 January 2020
ހިމަބިއްސަށް ޝައްކުވާ އެކަކު ދެމީހުން ފެނިގެން އެލާޓަށް އައިސް ސަލާމަތީ ފިޔަވަޅުތައް އަވަސް ކުރެވޭ މިންވަރަށް މިގައުމުގައި މަސްތުވާތަކެތި ބޭނުންކުރާ މަސްތުވެގެން ފާޅުގައި މަގުމަތީގައި އުޅޭ މީސްމީހުންނާއި މެދު ފިޔަވަޅު ނޭޅިގެން އުޅެނީ ކީއްވެ ؟... މީގެ ހެއްވާ ކަމަކީ އަދި ދައުލަތުން މަސްތުވާތަކެތި ބޭނުން ކުރާ މީހުން އެއީ ބަލިމީހުން ކަމަށް ބަލައިގެން ފަރުވާދިނުމަށް ދައުލަތުގެ ފައިސާއިން ތަންތަން އަޅާފައި އެބަހުރި.... މިކުދިން ވެކްސިން ކޮބާ ؟
ކައްކާ
13 January 2020
އޮންއެރައިވަލް ވިސާގައި ޕާމަނެންޓްކޮށް ވަޒަންވެރިވެގެންއުޅޭ ބަންގާޅީން މަގުމަތިން ދާއިރު ކައިރިން ދިޔަމީހެއްވިއްޔާ އެނގޭނެ ޖަހާފަ އެހުންނަ ޖަންކުޝަންމަރުކާގެ ސެންޓުގެ ވަހުންވެސް މިތަނުގަ ބަލިތައް ނުފެތުރި ނުދާނެކަން ދުވާލަކު ވެކުސިނެއް ޖެހިއަސް.