އަލިފާން ނިއްވާ ކުޑަ އުޅަނދެއް ޕެނަސޮނިކުން ދައްކާލައިފި

އަހުމަދު އަދްޝަން، މިހާރު

20 ޖެނުއަރީ 2020 - 07:17

ޖަޕާނުގެ ޕެނަސޮނިކް ކުންފުންޏަކީ އާންމުކޮށް ގޭތެރެ އަށް ބޭނުންވާ ތަކެތި އުފައްދާ ކުންފުންޏެކެވެ. އޭގެ ތެރޭގައި ޓީވީ އާއި އައިސްއަލަމަރީ އާއި ފްރިޖާއި އޭސީ އާއި މިހެން ގޮސް މި ބާވަތުގެ އެތައް އުފެއްދުމެކެވެ.

މީގެ އިތުރުން އެ ކުންފުންޏަކީ ރިޗާޖްކުރެވޭ ބެޓެރި އުފެއްދުމުގައި ވެސް އަރާހުރި ކުންފުންޏެވެ. މި ފަހަރު މިއޮތީ މިކަހަލަ ބެޓެރިއާ ގުޅުވައިގެން ޕެނަސޮނިކުން ގެނެސްދިން އަލިފާން ނިއްވާ ކުޑަކުޑަ އުޅަނދެއްގެ ވާހަކަ އެވެ. މިއަށް ދީފައިވާ ނަމަކީ ޓްރޮޕޯސް އެފްއާރްވީ (ފަޔަ ރިޗާޖް ވެހިކަލް) ފަޔާ ޓްރަކެވެ.

SMALL BUT MIGHTY: A smaller-than-usual fire truck was showcased at CES in Las Vegas this week. Here's a look at the electric vehicle that's designed to get into tight spaces. #FireTruck pic.twitter.com/USmK0mhSFK
— KTVO Television (@KTVOTV) January 12, 2020

އެމެރިކާގެ ޓްރޮޕޯސް މޮޓޯސްއާ ގުޅިގެން އުފައްދާވައިވާ މި އުޅަނދުގެ ހާއްސަ ކަމަކީ ބެޓެރީގެ ހަކަތައިން ދުއްވުމާއި އަލިފާނުގެ ހާދިސާތައް ހިނގާ ހަނިހަނި ގޯޅި ފަދަ، ތާށިކޮށް ހުންނަ ތަންތަނަށް ފަސޭހަކަމާ އެކު، ވަދެ، އަލިފާން ނިއްވުމުގެ މަސައްކަތްކުރުމެވެ.

Panasonic's connected miniature fire truck has niches to fill https://t.co/oYAThUv3V9 via @therealautoblog @AutoblogGreen #CES2020 #ElectricVehicles #eCUVs pic.twitter.com/PURujlW5q1
— Tropos Motors (@TroposMotors) January 13, 2020

މިއީ އަލިފާން ނިއްވާ ބޮޑެތި އުޅަނދުތަކަށް ނުވަދޭ، ހަނި މަގުތަކާއި ގޯޅި ފަދަ ތަންތަނުގައި ހިނގާ އަލިފާނުގެ ހާދިސާތަކަށް، އެންމެ ފުރަމަ މަރުހަލާގައި ބޭނުންކުރެވިދާނެ އެއްޗެކެވެ. ޓްރޮޕޯސް އެފްއާރްވީގެ ދިގުމިނުގައި ހުންނަނީ 6 ފޫޓް 6 އިންޗި އެވެ. ފުޅާ މިނަކީ 4 ފޫޓް 6 އިންޗި އެވެ. އެހެންވެ މިއީ ޕާކްކުރަން ވެސް ފަސޭހަ އެއްޗެކެވެ.

Stop by Panasonic's Booth 12908 in the central hall at #CES2020 and check out our #electric compact #firetruck. Due to its small stature, it's able to access emergency situations in tight spaces. It’s great for emergency preparedness on corporate & college campuses! @CES pic.twitter.com/Gyby3WcSpU
— Tropos Motors (@TroposMotors) January 10, 2020

ގަޑިއަކު 40 މޭލުގެ ބާރުމިނުގައި ދަތުރުކޮށްލެވޭ މި އުޅަނދު އެއް ފަހަރު ފުލްކޮށް ޗާޖްކޮށްލައިގެން 120 މޭލަށް ދަތުރުކުރެވޭނެ އެވެ. އަދި މީގައި 125 ގެލަންގެ ފެން ރައްކާކުރެވެ އެވެ. ފެން ޕަމްޕް މަސައްކަތްކުރަނީ ގޭހުގެ އެހީގަ އެވެ.

އެމެރިކާގެ ލަސް ވެގަސްގައި މިދިޔަ ހަފުތާގައި ބޭއްވި ކޮންޒިއުމާ އިލެކްޓްރޯނިކްސް ޝޯގައި ދައްކައިލި ޓްރޮޕޯސް އެފްއާރްވީގެ އަގަކީ 50،000 ޑޮލަރެވެ.

މި އުފެއްދުމާ ބެހޭ ގޮތުން ޕެނަސޮނިކްގެ އޮޓޮމޯޓިވްސް ޑިރެކްޓަރު ސްކޮޓް މޮރިސަން ވިދާޅުވީ ޓްރޮޕޯސް މޮޓޯޒްއާ ގުޅިގެން ބޭނުން ވަނީ މި ޒަމާނުގެ އެންމެ ފަހުގެ ޓެކްނޮލޮޖީއާ އެކު، ފަސޭހައިން ބޭނުންކޮށްލެވޭ ޒާތުގެ ކުދި އުޅަނދުތައް މާކެޓަށް ނެރެން ކަމަށެވެ. އަދި މިއީ މިހާރު ބޭނުންތެރި ކަމެއް ކަމަށް ވިދާޅުވި އެވެ.

"އެއް ކަމަކީ ތިމާވެއްޓާ ރައްޓެހި އުޅަނދުތައް ނެރުން. އަނެއް ކަމަކީ ފަސޭހަ އިން ބޭނުންކޮށްލެވޭ، ގެންގުޅެން ފަސޭހަ އެއްޗެހި އުފެއްދުން،" ސްކޮޓް ވިދާޅުވި އެވެ.