ކުޑަކުދިންނަށް ކުރާ އަނިޔާތަކާ ދެކޮޅަށް ހޭލުންތެރިކުރުވަން ހަދާފައިވާ ޕޯސްޓަރެއް: ކުޑަކުއްޖަކާ ބެހުނު ކަމުގެ ތުހުމަތުގައި 80 އަހަރުގެ މީހަކު ވަނީ ހައްޔަރު ކޮށްފައި
19 ޖެނުއަރީ 2020 - 22:17
19 comments
އުމުރުން 12 އަހަރުގެ އަންހެން ކުއްޖަކަށް ޖިންސީ ގޯނާކުރި ކަމުގެ ތުހުމަތުގައި 80 އަހަރުގެ ފިރިހެނަކު މިއަދު ހައްޔަރުކޮށްފި އެވެ.
އެ މީހާ މި ހައްޔަރުކުރީ، ގއ. ކަނޑުހުޅުދޫގައި އުމުރުން 82 އަހަރުގެ މީހަކު އޭނާ އަށް މުނިކާފަ ކިޔާ ދެ އަހަރު ނުފުރޭ ކުއްޖަކާ ބެހުނު މައްސަލައެއް ފެންމަތިވެ، ކުޑަކުދިންނާ ބެހުމުގެ ކަންތައް ގައުމީ ބޮޑު މައްސަލަ އަކަށް ވެފައި ވަނިކޮށެވެ. ކަނޑުހުޅުދޫން ކުޑަކުއްޖަކާ ބެހުނު ކަމަށް ތުހުމަތު ކުރެވޭ އުމުރުން ދުވަސްވީ މީހާ ތަހުގީހަށް މިދިޔަ ހުކުރު ދުވަހު ވަނީ ހައްޔަރުކޮށްފަ އެވެ. އަދި އެ މައްސަލައިގައި އެ ކުއްޖާގެ، އުމުރުން 62 އަހަރުގެ ކާފަ ވެސް ވަނީ އެ ދުވަހު އެ ރަށުން ހައްޔަރުކޮށްފަ އެވެ.
ފުލުހުން މިރޭ ބުނީ އުމުރުން 12 އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް ދެކުނު ސެންޓްރަލް ޕޮޮލިސް ޑިވިޝަނަށް މިދިޔަ ހަފުތާގައި ހުށަހެޅުމުން އެ މައްސަލައިގައި 80 އަހަރުގެ ފިރިހެނަކު ކޯޓު އަމުރެއްގެ ދަށުން މިއަދު ހައްޔަރު ކޮށްފައިވާ ކަމަށެވެ. އެކަމަކު ކުޑަކުއްޖާގެ މައުލޫމާތު ހާމަވެދާނެތީ އެއީ ކޮން ރަށެއްގައި ހިނގި ހާދިސާއެއް ކަމެއް ފުލުހުން ހާމައެއް ނުކުރެ އެވެ.
ފުލުހުން ބުނީ އެ މައްސަލަ މިހާރު ތަހުގީގު ކުރަމުންދާ ކަމަށެވެ.
ކަނޑުހުޅުދޫގައި ދެ އަހަރު ނުވާ ކުއްޖަކަށް ޖިންސީ ގޯނާކުރި މައްސަލާގައި އެ ކުއްޖާގެ މުނިކާފަ އާއި ކާފަ ހައްޔަރު ކޮށްފައިވާއިރު، އެކަމުގައި އިހުމާލުގެ ތުހުމަތަށް އެ ކުއްޖާގެ ބައްޕަ ވެސް ވަނީ ހައްޔަރުކޮށްފަ އެވެ. ކުރިން ވެސް އެފަދަ ރެކޯޑްތަކެއް އޮންނަ 82 އަހަރު މީހާގެ އެ މައްސަލައާ އެކު ގިނަ ފާޑުކިޔުންތަކެއް ކަމާބެހޭ އިދާރާތަކަށް ވަނީ އަމާޒުވެފަ އެވެ.
އެ މައްސަލަ ފެންމަތިވެފައި ވަނިކޮށް، އުމުރުން ފަސް އަހަރުގެ ކުއްޖަކަށް ޖިންސީ ގޯނާ ކުރިކަމުގެ ތުހުމަތުގައި ރޭ ވެސް ދެކުނުގެ ރަށަކުން ވަނީ 56 އަހަރުގެ މީހަކު ހައްޔަރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޯބުރާންތި
20 January 2020
އޭ މަށޭ ކިޔާތަ؟
ނިއްޓު
20 January 2020
ދެކުނުގެ ރަށެއް ދެއްތޮ؟ ބައްލަވާ މީގެ ކުރިންވެސް 80 އަހަރުން މަތީގެ މީހަކު ކުޑަކުއްޖަކާ ބެހިގެން މައްސަލަ ފުލުހަށާ ޖެންޑަރ އަށް އާއިލާއިން ހުށަހެޅި. ކުއްޖާއަށް އިންސާފު ހޯދައެއް ނުދެވުނު މުސްކުޅިޔާ އަދިވެސް މިނިވަންކަން މަތީގަ އެބަހުރި. މިއީ ތޯތޯ ވާހަކައެއް ނޫން. މިވާހަކަތައް ނުދައްކަނީ އިންސާފު ލިބޭނެކަމުގެ އުއްމީދެއް ނެތީމަ.
ޝާން
20 January 2020
ނުވާނެ އެއްކަމެއްވެސް. ފިސާރި ކެރިގެން މިބުނަނީ. މައްސަލަތައް ބަލާ ފިޔަވަޅު އަޅަންތިބި މީހުން ތިބީކީ ފިޔަވަޅު އަޅާ ވިސްނުމެއްގައެއް ނޫން. މުހައްމަދު އިބްތިހާލު މަރާލީ އޭނަގެ މަންމަ އާފިޔާކަން ކަނޑައެޅިގެން އެނގޭއިރުވެސް މައްސަލަ ދިގު ދަންމަމުން އެދަނީ އާފިޔަައެއް ނޫން. ފިޔަވަޅު އަޅަންތިބި މީހުން.
ނުރައްކާމީހާ
20 January 2020
މިހާރު މިދަނީ އެހެން ކުޅިއެއްކުޅެމުން. ހަމަ އަބަދުވެސް ދިވެހިންގެ ބައެއް މީހުން އަޚުލާޤު ދަށްކަމުން މިފަދަ ކިތަންމެ ޢަމަލެއް ހިންގާ. އެކަމަކު މިހާރު އެއުޅެނީ ދުވަސްވީ މީހުނަށް ދޭ ފައިސާ ކަނޑައިލަންވެގެން. ދެން ތިބޭ ވާގޮތް ބަލަން.
ސިމްގާ
20 January 2020
އެމީހާއަކީ ކާކުކަން ފުލުހުން ބުނެދީބަލަ. ރައްޔިތުން ތިބީ އެމީހަކަށް ޙައްޤު އަދަބު ދޭން ތައްޔާރަށް!
އެންދެރި
20 January 2020
އޮރިޔާން ސައިޓް ތަކަށް ނުވަދެވޭ ގޮތް ހަދާ ދީ ބަލާށެވެ.
ހަބާބާ
20 January 2020
ނަހަދާނެ!!! މަޖިލީސް ރައީސް ރުޅިއަތުވެދާނެ!
ހަސަނު1
20 January 2020
މީކީ އޮރިޔާން ސައިޓަކުން ނޫނީ ލާ ހެދުމަކުން ވާކަމެއް ނޫން. މީހަމަ މީހާގެ ގޮތެއް ފޮތެއް އަދި އީމަންކަމެއް ނެތީމައި ވާކަމެއް. ތިހެންނަމަ ސައޫދީަގއި މީހުން ކުޑަ ކުދިންނާ ނުބެހުނީސް.
މޮޔަވެއްޖެ
20 January 2020
ބަލަގަ ދަރިންނޭ މިތިބަ އިންސާނުން ވަލު ޖަނަވާރުން ނަށް ވުރެ ދަށު ދަރަޖައަށް ވެއްޓިއްޖެ ނޫންތޯ. ވަލުޖަނަވާރު އޭތީގެ ޅަދަރި ޙިމާޔަތް ކުުުުުުރަން ފުރާނައިން ޤުރްބާން ވާތަން ފެނޭ. ޅަދަރީގެ ބޮލަކަށް ނާރާ. އިންސާނުން އެއަށްވުރެ ދަށު ދަރަޖައަށް ދިޔައީމަ ކިޔާނެ ނަމެއް އެހެން ނަމެއް ހޯދާާ.
ބޯހަލާކު
20 January 2020
އުމުރަށް ބަލާފަ ދޫކޮލަން ވީނު!ބޯހަލާކު!
1828
20 January 2020
'80 އަހަރު' ކީއްވެބާ މިފަހަރު ހައްޔަރު ކުރީ؟ ދުވަސްވެފައި ހުރި މީހެކޭ ކިޔާފައި ދޫކޮށްލާފައި ބަހައްޓަންވީނު؟ މިހިރީ 2020 ގައިވެސް މޯލްޑިވްސް ޕޮލިސް ސަރވިސްއިން ދައްކާ ވާހަކަ.
އާދަމް 1
20 January 2020
ފުލުސް އިދާރާއިން އެއްވެސް ޒަމާނެއްގައި ހަމަޖެހޭ ވާހަކައެއް ދެއްކިތަ؟ ކޮސް ކަންތައްކޮށްފަ އެކަން މަތިޖަހަން އަނެއް ކޮސްގޮވުން އޮންނާނީ އަބަދުވެސް
ނީރާ
20 January 2020
މިފަަދަކޮންމެކަމެއް ސިޔާސީ ކަމަަކަށްނުހަދާ އަސްުލު މައްސަލަ ހައްލުވޭތޯއުޅެމާ. މިފަހަަކަށް އައިސް ރާއްޖޭގައި 40 އަަހަރު ނުވަނީސް ހައްޖަށް ދިިއުންމިވަނީ އާްމުވެފަ. ބައެއްރަށްރަށުން ފާގަވާ ގޮތުގައި ހައްޖަށް ދިއުމަށްފަހު ފިރިމީހާއާއިއެކު ރޭކުރުމަކީ ބައެއް އަންހެނުން ބޭނުންވާކަމަކށްނުވޭ.. މިކަމުގެ ސަބަބުން އެފަދަ އަންހެނުންގެ ފިރިން ބޯހަލާކުވާކަމަށްވޭ. މީ އިތުރަށްދިރާސާ ކުރަންޖެހިފައިވާކަމެއް. ދީނީޢިލްުމުވެރިންގެ ދައުރުވެސް އިތުރު ކުރަންޖެހޭ.