ވޫހާން ވައިރސް ފެތުރޭތީ ތައްޔާރުުވުމުގެ ގޮތުން ސަރުކާރުންް އެކުލަވާލާފައިވާ ޓާސްކްފޯހުން މިއަދު ބައްދަލުކުރަނީ.
29 ޖެނުއަރީ 2020 - 12:52
11 comments
ނުރައްކާތެރި ނޮވެލް ކޮރޯނާ ވައިރަސް ނުވަތަ "ވޫހާން ވައިރަަސް" ފެތުރޭތީ ރައްކާތެރިވުމުގެ ގޮތުން އަޅަން ޖެހޭ ހުރިހާ ފިޔަވަޅެއް ފުރިހަމަ އަށް އަޅާފައިވާ ކަމަށާއި މީހުން ސްކްރީން ކުރުމާއި އެކަހެރިކުރުމުގެ އިންތިޒާމްތައްް ވެލާނާ އެއާޕޯޓްގައި ހުރީ ރަނގަޅަށް ކަަމަށް އެމްއޭސީއެލް އިން މިއަދު ބުނެފި އެވެ.
ވޫހާން ވައިރަސް ފެތުރޭތީ ސަރުކާރުން އެކުލަވާލާފައިވާ ޓާސްކްފޯސްގެ މިއަދު ބައްދަލުވުމަށް ފަހު އެމްއޭސީއެލްގެ ޖެނެރަލް މެނޭޖާ، ޓާމިނަލް އޮޕަރޭޝަންސް އިބްރާހީމް ހުސައިން ވިދާޅުވީ އެއާޕޯޓްގައިވާ އައިސޮލޭޝަން ފެސިލިޓީގައި 20 މީހުންގެ ޖާގަ އޮންނާނެ ކަމަށާއި މީހުން އެހެން ތަންތަނަށް ގެންދަން ވެސް ރަނގަޅު އިންތިޒާމްތަކެއް އެބަހުރި ކަމަށެވެ. އޭނާ ވިދާޅުވީ އައިސޮލޭޝަން ފެސިލިޓީން އެހެން ތަންތަނަށް މީހުން ގެންދަން ހާއްސަ އެމްބިއުލާންސްތަކެއް ހެލްތު ޕްރޮޓެކްޝަން އެޖެންސީން ފޯރުކޮށްދީފައިވާ ކަމަށެވެ.
"އަޅުގަނޑުމެންނަށް ހަމަ ފަސޭހަ ކަމާ އެކު ދިހައެއް ނުވަތަ ވިހި މީހުން ބޭތިއްބޭނެ. ހުޅުލޭގައި ހުރި އައިސޮލޭޝަން ފެސިލިޓީ އަކީ ޓްރާންސިޓް ފެސިލިޓީއެއް އިނގޭތޯ. އެތަނުން ހަމަ ކުޑަ ޓެސްޓެއް ހަދާފައި އެ ފަސިންޖަރުން ހަމަ މެއިން ސްޓޭޝަންތަކަށް ޓްރާންސްފާ ކުރެވޭނެ،" އިބްރާހީމް ވިދާޅުވި އެވެ.
އޭނާ ވިދާޅުވީ ކޮރޯނާ ވައިރަސް އަށް ޝައްކު ކުރެވޭ މީހަކު ފެނިއްޖެ ނަމަ އެހެން ތަންތަނަށް އެމީހުން ގެންދަން އެޗްޕީއޭ އިން ދިން އެމްބިއުލާންސްތަކާ އެކު، އެފަދަ ހާލަތްތަކުގައި މަސައްކަތް ކުރާނެ ޑްރައިވަރުން ވެސް ފޮނުވާފައި އެބަ ތިބި ކަމަށެވެ.
ކޮރޯނާ ވައިރަސް ފެތުރޭތީ ސަރުކާރުން އެކުލަވައިލި ޓާސްކްފޯހުގައި، ސިއްހީ ހިދުމަތްދޭ ތަންތަނާއި ސިފައިންނާއި ފުލުހުން އަދި އެމްއޭސީއެލްއާއި އެސްޓީއޯގެ މަންދޫބުން ވެސް ހިމެނެ އެވެ. އެ މަންދޫބުންނާއި ޑަބްލިއުއެޗްއޯގެ މާހިރުންނާ އެކު މިއަދު ބޭއްވި ބައްދަލުވުމުގައި ހެލްތު މިނިސްޓަރު އަބްދުﷲ އަމީން ބައިވެރިވެވަޑައިގަތެވެ. ކަމާ ބެހޭ މުއައްސަސާތަކުން ވަމުން އަންނަ ތައްޔާރީތައް އެ ބައްދަލުވުމުގައި ހިއްސާކުރި އެވެ.
ޗައިނާގެ ހުބޭ ޕްރޮވިންސްގެ ވެރިރަށް ވޫހާން އިން ފުރަތަމަ ފެނުނު ނޮވެލް ކޮރޯނާ ވައިރަސް ޖެހުނު މީހުންގެ އަދަދު މިހާރު ވަނީ ގާތްގަނޑަކަށް 6000 އަށް އަރާފަ އެވެ. އެ ވައިރަހުން ޖެހޭ ރޯގާގެ ސަބަބުން މަރުވި މީހުންގެ އަދަދަކީ 132 އެވެ.
ވައިރަސް ފެތުރުން ކޮންޓްރޯލްކުރުމަށް ޗައިނާ އިން ވަނީ 12 ވަރަކަށް ސަރަހައްދު ކަރަންޓީނުކޮށްފަ އެވެ. އެގޮތުން ގާތްގަނޑަކަށް 60 މިލިއަން މީހުން ކަރަންޓީނު ވެފައި އެބަ ތިއްބެވެ.
ޗައިނާގެ އިތުރުން ދުނިޔޭގެ އެތައް ގައުމަކުން މިހާރު ވަނީ ނޮވެލް ކޮރޯނާ ވައިރަސްއަށް ޕޮޒިޓިވް ވެފައިވާ މީހުން ފެނިފަ އެވެ. އޭގެ ތެރޭގައި އަވަށްޓެރި ސްރީލަންކާއާއި ދިވެހިން ގިނައިން ދަތުރުކުރާ ގައުމެއް ކަމަށްވާ ޔޫއޭއީ ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަންކާ
30 January 2020
އަމީނުގެ ފޭނުން ހާދަ ގިނައޭ މިތަނުގަ ކޮމެންޓްކުރާ ތަނުގަ. އެހެން މިނިސްޓަރުން ވަރަށް ދެރަވާނެ ތިކަމާ.
ދޮހޮއްކޮބެ
29 January 2020
ރާއްޖޭ ގިނަ މީހުން އެވެނި ގައުމަކުން މިވެނި ކަމެއް ކޮށްފިއޭ ގޮވާއިރު މި ގޮވަނީ ހުސް ކޮރޯނާވައިރަހަށް ޕޮޒިޓިވްވެފައިވާ ގައުމުތަކުން ކޮށްފައިވާ ކަންކަން ދައްކާފައި. އަމީން އަދި ތި ކަމަކަށް މި ރާއްޖެ ޕޮޒިޓިވްވެސް ނުވަނީސް ތިޔަ ހުންނެވީ ހުރިހާ ފިޔަވަޅެެއް އަޅައިގެން ހަމަ ބެލްޓު އަޅާ ބާރުކޮށްގެން. ސާބަހޭ ދަރިޔާ
ހަމްދާން
29 January 2020
އަދި ރާއްޖެއަކުން ކޮރޯނާވައިރަހެއް ފެނިފައެއް ނުވޭ. އެކަމަކު މިނިސްޓަރުގެ ފިޔަވަޅުތައް ތި ހުންނެވީ ކޮރޯނާވައިރަސް ފެނިފައިވާ ގައުމުތަކާ އެއް ހަމައެއްގައި. ތި ގޮތަށް ހުންނަވާތީ މި ކަމަކުން މި ދުނިޔެ ހަމަ ނޭވާއެއް ލެވެންދެން. މިނިސްޓަރަށް މިކަންވެސް ހަމަ ވާނެ
ވަސީމާ
29 January 2020
ސާބަހޭ އަމީން. ހަމަ ހިންގާލާފައި ބަހައްޓާތި. ހިމަބިހި ޓެކްލްކުރި ގޮތަށް މި ބަލިވެސް އިރާދަކުރެއްވިއްޔާ އަހަރުމެން ބަލިކުރާނަން. ރައްކާވެތިބިއްޔާ ދަތުރު
ވިސްނާމީހާ 1
29 January 2020
އިންޓަވިއުކުރާމީހާ: ކޮރޯނާ ވައިރަސް ޓެކްލްކުރަން ރާއްޖެ ތައްޔާރުވެއްޖެތޯ؟ މިނިސްޓަރުގެ ޖަވާބު: އާދެ، ރާއްޖެ އޮތީ ތައްޔާރަށް. ހެޑްލައިން: ކޮރޯނާ ވައިރަހަށް ރާއްޖެ އޮތީ ތައްޔާރުވެފައި. ސޯޝަލް މީޑިޔާ: މި އުޅެނީ ސެލެބުރިޓީންތަކެއް ރިސީވްކުރަންތޯ ކޮރޯނާ ވައިރަހަށް ތައްޔާރުވެއްޖެެއޭ މި ކިޔަނީ. ކިތަންމެ ބޮޑު ފޯރަމެއް ހުޅުވާލިޔަސް ރަނގަޅު ސުވާލެއް ކޮށްލާކަށް ނޭނގޭނެ، ހަމަ ސޯޝަލް މީޑިޔާ އުދާހުގައި. ފަށަލަ މަތީ އުޅޭ މީހުންނަށް ފުން ކަނޑު ދޭހަވާނެތޯ؟
ހެޔޮއެދުން ތަކާއެކު
29 January 2020
ޗައިނާ ފްލައިޓް ހުއްޓުވާފަ، ޗައިނީޒް އޮން އެރައިވަލް ވިޒާ ދޫނުކުރާ ގޮތަށް ހަމަ ޖައްސަދީ! ޗައިނާ އަށް ޓްރެވަލް ބޭން އަދި އެހެން ގަައުމުތަކަށް ޓްރެވަލް ސޭފްޓީ އިންސްޓްރަކްޝަން ނެރެދީ! ހެޔޮނުވާނެ މިވަރު ކޮށްބަލަ. އިކޮނޮމީ ޑައުންވާނެ ހާހުން، މިތާގެ އެންމެ މީހަކު ޕޮޒިޓިވް ވިޔަސް ޕްލީޒް!
ސަމީމާ ޔަހުޔާ.
29 January 2020
ހަމައެކަނި ޗައިނާމީހުން ބޭން ކުރުމަކީވެސް ހައްލެއްނޫން. ޗައިނާގެ ވުހާން އަށް ދަތުރުކޮށްފައިތިބި އެތައް މިލިއަން މީހުން ދުނިޔޭގެ އެތަންމިތަނުގައި މިހާރުތިބޭނެ. ޙައްލަކީ ސިއްހީގޮތުން ޕްރިވެންޓިވް މެޝަރސް ނެގުން.
ފދފދފދ
29 January 2020
އަޅޭ ޗައިނާގެ އޮން އަރައިވަލް ވިސާ ކެންސަލް ކުރާށޭ! ލާރިއަކީ ފަހުންވެސް ހޯދިދާނެ އެއްޗެކޭ. އިންސާނާގެ ފުރާނަ ނުލިބޭނޭ! މި މާލޭއަކީ ކާރިސާއެއް އަރައިފިއްޔާ ރާއްޖޭގެ 1/3 ދާނެޔޭ. މީކީ ކުޅިވަރެއް ނޫނޭ. ހެޔޮނުވާނޭ އިންސާނިއްޔަތު ކަމެއް ދައްކަބަލާށޭ!
ކިބޫ
29 January 2020
ޜައްކާތެރި ވުމުގެ ގޮތުން ޢެއާޕޯޓްގަ ކޮންކަހަލަ ފިޔަވަޅުތަކެއްތަ ހުރީ އަޅާފަ.ފްލިއިޓް ތަކުގައާ
ވިގޫތާކިހާ
29 January 2020
މިގައުމުގަ އެންމެ ބާރުގަދައީ ސޯޝަލްމީޑިއާ ސާބަހޭ ކުދިންނޭ ވާންކޮށްފަ ބަހައްޓާތި.
ޑރފަލަޑޭ
29 January 2020
އޮލިމްޕަހަށް ގެންގޮސް ސްކްރީންގަ އެޅުވުމަކީ ކޮބާތަފާތެއް؟ ވައިރަހަށް ޓެސްޓްވެސް ކުރެވެން ނެއްތަނެއްގަ ކީއްވެތަ ކުރެވެން އޮތްކަމެއް ނުކުރަނީ؟ ހަމަ ގައިމުވެސް މިތަނަށް ޗައިނާމީހުން އައުން ހުއްޓުވޭނެދޯ؟؟؟