ޚަބަރު / އަލީ ވަހީދު، ކުރީގެ ޓޫރިޒަމް މިނިސްޓަރު

ކޮރޯނާވައިރަސްއާ ގުޅިގެން 11،000 ބުކިން ކެންސަލް، އެކަމަކު 24،000 ބުކިން އިތުރު ވެސް ވި

މިއަދުގެ ނިއުސް ބްރީފިންގައި މިނިސްޓަރު އަލީ ވަހީދު ވާހަކަ ދައްކަވަނީ.---ފޮޓޯ: ހުސައިން ވަހީދު/މިހާރު

މުހައްމަދު ނަސީމް، މިހާރު

02 ފެބުރުއަރީ 2020 - 13:28

އެކި ގައުމުތަކުގައި މިހާރު ފެތުރެމުންދާ ނޮވެލް ކޮރޯނާވައިރަސްއާ ގުޅިގެން، ރާއްޖެ އަންނަން މިދިޔަ މަހު ހެދި 11،000 އަށް ވުރެ ގިނަ ބުކިން ކެންސަލްވި ކަމަށާއި ނަމަވެސް 24،000 ބުކިން އަލަށް ހެއްދި ކަމަށް ޓޫރިޒަމް މިނިސްޓްރީން މިއަދު ބުނެފި އެވެ.

ޗައިނާ އިން ފެތުރެން ފެށި ކޮރޯނާވައިރަސްއާ ގުޅިގެން، ރާއްްޖެ އިން އަޅާ ފިޔަވަޅުތަކާ ބެހޭ މައުލޫމާތު ދިނުމަށް ރައީސް އޮފީހުގައި ބޭއްވި ޕްރެސް ކޮންފަރެންސެއްގައި ޓޫރިޒަމް މިނިސްޓަރު އަލީ ވަހީދު ވިދާޅުވީ، މިހާތަނަށް 11،115 ބުކިން ކެންސަލް ކޮށްފައިވާ ކަމަށެވެ. އެއީ މިދިޔަ ޖެނުއަރީ މަހުން ފެށިގެން މިއަދުގެ ނިޔަލަށެވެ.

"އެހެން ނަމަވެސް އަޅުގަނޑު ފާހަގަކޮށްލަން ހަމަ އެ ޕީރިއަޑްގެ ތެރޭގައި ޖުމްލަ އާ 24،759 ބުކިން ވެސް ދިވެހިރާއްޖެ އަށް އެބަ އޮތް،" ކޮރޯނާވައިރަސްއާ ގުޅިގެން ސަރުކާރުގެ ފަރާތުން މައުލޫމާތު ދިނުމަށް ރައީސް އިބްރާހިމް މުހައްމަދު ސޯލިހުގެ ފަރާތްޕުޅުން ހަމަޖައްސަވާފައިވާ މަންދޫބު އަލީ ވިދާޅުވި އެވެ.

Raajje-China dhathuruthah huttaalaifi

The most trusted news source in the Maldives

Mihaaru

އޭނާ ވިދާޅުވި ގޮތުގައި، ކޮރޯނާވައިރަސް ފެތުރޭތީ ދަތުރުފަތުރަށް ހީނަރުކަމެއް އައި ނަމަވެސް މިދިޔަ އަހަރާ އަޅާ ބަލާއިރު، ރާއްޖެ އަށް މީހުން ޒިޔާރަތް ކުރި އަދަދު ވަނީ އިތުރު ވެފަ އެވެ. މިދިޔަ އަހަރުގެ ޖެނުއަރީގައި 151،554 މީހުން ރާއްޖެ އަށް ޒިޔާރަތްކުރި އިރު މި އަހަރުގެ އެ މުއްދަތުގައި އައި އަދަދަކީ 173،874 އެވެ.

"އަޅުގަނޑުމެންގެ ފަތުރުވެރިކަން ހަމަ ޖެނުއަރީ މަހު ވެސް ކުރިއަށް ގޮސްފައި މި އޮތީ. އެހެން އޮއްވައި މިކަން [ކޮރޯނާވައިރަސް] މި ދިމާވީ. މި ކަންތަކާ ގުޅިގެން ދެން މި އަންނަ ލޮޅުންތައް އަޅުގަަނޑުމެން މިދަނީ ދިރާސާ ކުރަމުން،" އަލީ ވިދާޅުވި އެވެ.

ޓޫރިޒަމް މިނިސްޓަރު ވިދާޅުވީ، ކޮރޯނާވައިރަސްއާ ގުޅިގެން ރިސޯޓުތަކުން ވާން ޖެހޭ ތައްޔާރީތައް ވެސް ނިމިފައިވާ ކަމަށާއި ޓޫރިސްޓަކަށް އެ ވައިރަސް ޖެހިފައިވާ ކަަމަށް ޝައްކު ކުރެވިއްޖެ ނަަމަ އަޅަން ޖެހޭ ފިޔަވަޅުތަކަށް ރިސޯޓްތައް ތައްޔާރު ވެފައިވާ ކަމަށެވެ. އަދި ވިދާޅުވީ ރާއްޖޭގެ ރިސޯޓްތަކާއި ގެސްޓް ހައުސްތަކުގައި ތިބި ޓޫރިސްޓުންގެ ހާލަތު ބަލާ ޔުނިޓެއް 24 ގަޑި އިރު އޮޕަރޭޓް ކުރަމުން އަންނަ ކަމަށެވެ.

އަލީ ވިދާޅުވި ގޮތުގައި، ގެސްޓް ހައުސްތަކުގެ ހާލަތު ވެސް ރަށު ކައުންސިލްތަކާ ގުޅިގެން އަންނަނީ ބަލަމުންނެވެ.

"އެހެން ނަމަވެސް އަޅުގަނޑު ފާހަގަކޮށްލަން ހަމަ އެ ޕީރިއަޑްގެ ތެރޭގައި ޖުމްލަ އާ 24،759 ބުކިން ވެސް ދިވެހިރާއްޖެ އަށް އެބަ އޮތް،" އަލީ ވަހީދު

ޗައިނާގެ ވޫހާން ސިޓީން އަލަށް ފެނުނު ނޮވެލް ކޮރޯނާވައިރަސް އަށް ޕޮޒިޓިވްވި މީހުންގެ އަދަދަަކީ މިއަދާ ހަަމައަށް 13،816 އެވެ. އެ ވައިރަހުގެ ސަބަބުން މިހާތަނަށް މަރުވީ 304 މީހެކެވެ.

ރާއްޖެ އިން، ކޮރޯނާވައިރަސް އަށް ޝައްކު ކުރެވިގެން މިހާތަނަށް ފަރުވާ ދެނީ އެންމެ މީހަކަށެވެ. ޗައިނާ އިން އައި އުމުރުން 20 އަހަރުގެ އެ ޒުވާނާ އެ ވައިރަހަށް ޕޮޒިޓިވް ތޯ ނުވަތަ ނޫންތޯ ކަށަވަރު ވާނީ ސާމްޕަލްތައް ޓެސްޓްކޮށް ނިމުމުންނެވެ. ރާއްޖެ އިން އެ ޓެސްޓު ހެދެން ނެތުމުން އޭނާގެ ސާމްޕަލްތައް ފޮނުވާފައި ވަނީ އިންޑިއާގެ ޕޫނޭ އަށެވެ.

ހެލްތު މިނިސްޓަރު އަބްދުﷲ އަމީން ރޭ ވިދާޅުވި ގޮތުގައި، ކުރިން ވެސް އުންމީދު ކުރެއްވި ގޮތަށް ޓެސްޓުގެ ނަތީޖާ މިރޭގެ ވަގުތެއްގައި ލިބޭނެ އެވެ.

ސިއްހަތު ޗައިނާ ޓޫރިސްޓުން ޓޫރިޒަމް މިނިސްޓްރީ ޓޫރިޒަމް މިނިސްޓަރު ރާއްޖެ-ޗައިނާ ބަލިތައް ހެލްތު މިނިސްޓްރީ އަލީ ވަހީދު، ކުރީގެ ޓޫރިޒަމް މިނިސްޓަރު

15 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހެންދަލާ

02 February 2020

ކަލެތައް ބުކިން ފެނިގެން ތިޔައުޅެނީ ހުވަފެނުން ފެނިގެން އުޅޭ ފާޚާނާތައްޓެއްގެ ތެރެއިން. ތިޔަބުނާ ބުކިން އެއް ފެނުނު ޓުރިޒަ މް ހިނގާ ބަޔަކު މި ގަވްމ މަކު ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސްންބެ

02 February 2020

ވިޔަފާރި ތައްޥެސް 24ހާސް ގުނަ އިތުރުވެއްޖެ. މިސަރުކާރު އައި ފަހުން 24 ޕަސެންޓް ވިޔަވާރިވެސް އިތުރު. ކުދިމެދުފަންތި ވިޔަފާރި ވެސް ހަމަ މެކުހައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޝީރާ މޫސާ

02 February 2020

ބަލަ ޓޫރިޒަމް މިނިސްޓަރު ބަލަންވީ ބުކިންގް ކެންސަލްވާތަނާއި އިތުރު ބުކިންގް އަންނަ ތަނެއްނޫން، ބަލަންވީ މިރާއްޖެއަށް އެތެރެވާ މުދަލާއި، އެތެރެވާ ޕަސެންޖަރުންގެ ގައިން ކޮރޯނާ ވައިރަސް އެތެރެނުވެވޭގޮތް ހެދޭތޯ އެއްމަސް ވަންދެން ޓޫރިސްޓުން ނަޔަސް މިޤައުމު ބަނޑަށް ނުޖެހޭނެ، އެހެންވެ މިބުނަނީ 1 އަހަރުގެ ފައިސާ ރައްކާކުރާށޭ، ޓޫރިޒަމުން ލިބޭ ފައިސާއިން 1 އަހަރު ކެވޭވަރަށް ފައިސާ ޖަމާކޮށް ރިޒާވްކުރާށޭ، މިއަދު އެކަމާއެބަޖެހޭ ވިސްނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

02 February 2020

ހަދާން ވޭތޯ ރައިސް ޔާމިންގެ ވެރިކަމުގާ ރާއްޖެއަ ޓުއަރިސްޓުން ނައުމަށް ގޮވިހަދާން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުވާލި އާދަނުގެ ސިޔާސީހާސަރު

02 February 2020

ޗައިނާ ފިޔަވައި 24 ގައުމަކުން މިހާތަނަށް ވައިރަސް ވަނީ ފެނިފަ ވައިރަސް ކޮންޓްރޯލް ކުރުމުގެ ގޮތުން އެމެރިކާ، އޮސްޓްރޭލިއާ، ނިއު ޒީލެންޑް، ސިންގަޕޫރު އަދި އިޒްރޭލުން ވަނީ ޗައިނާ މީހުންނާއި ޗައިނާ އަށް ދަތުރުކޮށްފައިވާ މީހުން އެ ގައުމުތަކަށް ދަތުރުކުރުން މަނާ. *: މިރާއްޖެ އަކީ ފަތުރުވެރިންގެ މަންޒިލް *: މިލިއަނުން އިންކަމް ބިލިއަނުން އިންވެސްޓު ކޮށްފަ ހިކުމަތް ކެތްތެރިކަން ސަރުކާރުގެބަސް ރައްޔިތުން މިކަމުައި ކަނުލާ އަހަންޖެހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިކޯބް

02 February 2020

ހެޔޮނުވާނެ މި ވަގުތަށް މުހިންމީ ޗައިނާ އިން ޓުއަރިސްޓުން ގެނައުމެއް ނޫން. ތި ވައިރަސް ރާއްޖޭގަ ފެތުރިއްޖެޔާ އިގްތިސޯދަށް ވާނެ ގެއްލުން މާ ބޮޑު، މިވަގުތަށް ދަތި ވިޔަސް، ސިންގަޕޫރު، ސައުތުކޮރެޔާ ފަދަ ގައުމުތައް ފަދައިން ޗައިނާ ޓޫރިސްޓުންނާއި މި ޕީރިއަޑް ގަ ޗައިނާ ޔަށް ދަތުރުކޮށްފައިވާ ޓޫރިސްޓުން ގެނައުން ހުއްޓާލަ ދެއްވާ. އެއީ ޕްރޯ އެކްޓިވް ކޮށް ކުރެވެން އޮތް ކަމެއް ޑަބްލިޔު އެޗް އޯ އިން ނޭންގިޔަސް. ޅަރި އަށް ރައްޔިތުންގެ ފުރާނަ ރިސްކު ނުކުރައްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެފް

02 February 2020

ބުކިންގތައް ވަމުންދާނީ ރާއްޖޭން އަދި ވައިރަސް ނުފެންނަކަމަށް ރިކޯޑްތަކުން ދައްކާތީ. އެންމެންވެސް ބަލާނެހެން ހީވަނީ އެ ދަތުރުކުރާ ގައުމު ވައިރަސް-ފްރީތޯ. އެއަޕޯޓުން ނޫނީ އެހެން ދިމާލަކުން އަރާފާނެ ކަމަށް މާބޮޑަށް ހީނުވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރަރެން

02 February 2020

ލޯކަލް ގެސްޓް ހައުސްތަކުގައި މިބަލި ފެތުރި އެރަށްރަށުގެ މީހުން މަރުވާނަފެށީމާ މިސަރުކާރު އަދި ޓޫރިޒަމް މިނިސްޓަރ ހޭއަރާނީ އެމަޖެންސީއެއްގައި މަސައްކަތް ކުރަން ނުދަންނަ ބަޔަކު މިސަރުކާރުގެ މަތީފަންތީގައިތިބީ ހީވަނީ ކުކުޅު ރޯމަސްކާންއުޅޭހެން