ދަރިވަރުންތަކެއް ގުރުއާން ކިޔަވަނީ: ގުރުއާން އިޚްތިޔާރީ މާއްދާއަކަށް ހެދުމުގެ ވިސްނުމެއް ނެތް ކަމަށް އެޑިއުކޭޝަނުން ބުނޭ.
02 ފެބުރުއަރީ 2020 - 23:16
8 comments
ކީރިތި ގުރުއާން އިޚްތިޔާރީ މާއްދާއެއްގެ ގޮތުގައި ހަމަޖެއްސުމުގެ ވިސްނުން ނުގެންގުޅޭ ކަމަށް އެޑިއުކޭޝަން މިނިސްޓްރީން މިރޭ ބުނެފި އެވެ.
މިނިސްޓްރީގެ ވިސްނުމަކީ ގުރުއާން އިޚްތިޔާރީ މާއްދާއެއްގެ ގޮތުގައި ހަމަޖެއްސުން ކަމަށާއި އެކަން ކުރިއަށްދާ ކަމަށް ބުނެ ދަނީ ފާޑުކިޔަމުންނެވެ.
މި ތުހުމަތު ސާފުކޮށްދޭން އެޑިއުކޭޝަނުން ނެރުނު ބަޔާނެއްގައި ބުނީ ގައުމީ އާ މަންހަޖު އެކުލަވާލައި ތަންފީޒުކުރަން ފެށުމާ އެކު ގްރޭޑް 1-10 އަށް ވަކި މާއްދާއެއްގެ ގޮތުގައި ގުރުއާން ކިޔަވައިދޭން ހަމަޖައްސާފައިވާ ކަމަށެވެ. މަންހަޖުގެ ކީ ސްޓޭޖް 4 މިދިޔަ އަހަރު އަލަށް ތަންފީޒުކުރަން ފަށައި ގުރުއާން ވަކި މާއްދާއެއްގެ ގޮތުގައި ގްރޭޑް ނުވައަކާ ހަމައަށް ކިޔަވައިދޭން ފެށި ކަމަށް މިނިސްޓްރީން ބުންޏެވެ.
"އަދި 2020 ވަނަ އަހަރު ގްރޭޑް 10 ގެ ދަރިވަރުންނަށް މާއްދާއެއްގެ ގޮތުގައި ކީރިތި ގުރުއާން އަންނަނީ ކިޔަވައިދެމުންނެވެ،" އެޑިއުކޭޝަން މިނިސްޓްރީގެ ބަޔާނުގައިވެ އެވެ.
"ގުރުއާން އިޚްތިޔާރީ މާއްދާއެއްގެ ގޮތުގައި ހެދުމަކީ މި މިނިސްޓްރީން އެއްވެސް އިރެއްގައި ވިސްނާފައިވާ ކަމެއް ނޫނެވެ."
މިނިސްޓްރީން ބުނިގޮތުގައި އެތަނުން މަސައްކަތް ކުރަނީ ރާއްޖޭގެ ތައުލީމީ ނިޒާމުގެ ތެރެއިން ނުކުންނަ ކޮންމެ ދަރިވަރަކީ ވެސް އިސްލާމީ އަގީދާގެ މަތީގައި ފައިތިލަ ސާބިތުކޮށްގެން ތިބޭ ރަނގަޅު ދަރިވަރުންނަށް ހެދުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔޫހާ
03 February 2020
ގުރުއާން އަދިވެސް ކިޔަވަދޭންވާ ގޮތަށް ކިޔަވަނުދެވެނީހެން ހީވަނީ. ކުދިންގެ ދީނީ ކަންކަން ހުންނަނީ ވަރަށް ދަށުގައި. އިސްލާމް މާއްދާގެ ފޮތްތަކުގައި ޕްރައިމަރީ ގްރޭޑްތަކުގައި ހުންނަނީ އެއްގޮތަކަށްވެސް ކުދިންނަށް އެއްޗެއް ފަހުމުވާ ގޮތަކަށްނޫން ލިއެފައި. ބޮޑެތިމީހުންނަށް ކިރިޔާ ފަހުމުވަނީ. ގުރުއާނަކީ މިހާރު ކިޔަވަދޭ ގޮތަށްވުރެ ފުޅާކޮށް ކިޔަވަދެވެންވާނެ އެއްޗެއް. އެކަމު އޮންނަނީ ހަމައެކަނި ރީތިކޮށް ކިޔެވުމަށް ބާރުއަޅާ، މާނައާމެދު ވިސްނަން ދަސްނުކޮށްދީ.
ާއުނިމާ
03 February 2020
މީވެސް ދެން މިނިސްޓރީއެއްތަ؟ ކޮބާހޭ ފޮތްދަބަސް ލުއިވަނީ ކޮން އިރަކުންހޭ؟ ޓީޗަރުންގެ މުސާރަ ބޮޑުވަނީ ކޮން އިރަކުހޭ؟ކަރިކިޔުލަމް ތަންފީޒު އެބަކުރެވޭހޭ؟ ޓީޗަރުން ދާއިރާ ދޫކޮށްފަ ދަނިއްޔޭ!
އަޅެފަހެ.....
03 February 2020
ކަލޭ މެންނަށް ހެޔޮ އެއްގޮތް ވެސް އެބައޮތްތަ؟
ގާސިމް
03 February 2020
ގޯހުންގޯހަށްމިދަނީ. ރައްޔިތުންނަށް ހަމަވިސްނުން ދެއްވާށި.
އަބްދުއްالله
03 February 2020
ބޮހހ! ދީނުގައި މަޖުބޫރު ކުރުވުމެއް ނެތް ކަމުގައި ކުރެވެމުން އައި ދައުވާ މި ދިޔައީ ތޮޅިޔަށް ތަ؟
ނަޝީދު.
03 February 2020
ގްރުއާނަކީ އޮޕްޝަނަލް މާއްދާއަކަށް ހަދަން ބޭނުން ކަމެއް ނޫން. ކުދިންގެ ބޯ ދޮންނަނީ ދޮގު ހަދައިގެން އިސްލާމް މާއްދާއިން. ގްރުއާން މާއްދާއަކުން ނޫން.
ޝާން
02 February 2020
މި ހަބަރުގެ ފަހު ޕެރެގުރާފުގަ ބުނެފަ އެއޮތް އެއްޗެއް މަށަށް ދޭހަވި ގޮތަކީ ކީރިތި ގުރުއާން ވަކި މާއްދާއެއްގެ ގޮތުގަ ހަމަޖެއްސުމުން ކިޔަވާ ކޮންމެ ދަރިވަރަކީވެސް އިސްލާމީ އަގީދާގައި ފައިތިލަ ސާބިތުވެފައިވާ ކުއްޖަކަށް ވާނެކަމަށް މިނިސްޓުރީން ގަބޫލުކުރަނީ ކަމަށް. މިނިސްޓުރީން މިގޮތަށް ދެކޭނަމަ މިއީ ވަރަށްބޮޑު ކުށްހީއެއް. އިސްލާމީ އަގީދާގެ މަތީގަ ކުދިންގެ ފައިތިލަ ސާބިތު ކުރެވޭނީ އިސްލާމީ އަގީދާގެ މަތީގަ ކުދިން ތަރުބިއްޔަތު ކޮށްގެން.
ދޮންސޭޓް
03 February 2020
އެކަން ކުރަނީ މުރައްބިންތަ ނޫނީ މައިން ބަފައިންތަ؟ ދަރިން ކުރިމަތީ ސީރީޒް ބަލަންތިބެފަ ވަްުތު ޖެހުނީމ މިސްކިތަށް ދާށޭ ބުންޏަސް ނުދާނެ.. ދަރިން ޔަހޫދީއަކަށް ނޫނީ ނަޞާރާއަކަށް ނޫނީ މަޖޫސީއަކަށް ހަދަނީ މައިން ބަފައިން..