ޚަބަރު / މުހައްމަދު ހަމީދު (ޕޮލިސް ކޮމިޝަނަރު)

ޓޫރިސްޓް މީހާއާ މެދު އަމަލުކުރި ގޮތުން ސީޕީ ހަމީދު މާފަށް އެދިވަޑައިގެންފި

މާފުށީގައއި ޓޫރިސްޓުންތަކެއް ހަރަކާތްތެރިވަނީ: މަސްތުގެ ހާލުގައި ހުރި ޓޫރިސްޓެއް ހިފަހައްޓަން ފުލުހުން އަމަލުކުރިގޮތުން ޕޮލިސް ކޮމިޝަނަރު ވަނީ މައާފަށް އެދިވަޑައިގެންފައި.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

06 ފެބުރުއަރީ 2020 - 22:06

50 comments

ކ. މާފުށީ މަގުމަތީގައި ބިކިނީއާ އެކު ހުރި ޓޫރިސްޓު އަންހެނަކު ހައްޔަރު ކުރުމުގައި ފުލުހުން އަމަލުކުރި ގޮތުން އަމާޒުވާ ބޮޑެތި ފާޑުކިޔުންތަކާ ގުޅިގެން ޕޮލިސް ކޮމިޝަނަރު މުހައްމަދު ހަމީދު މިރޭ މާފަށް އެދިވަޑައިގެންފި އެވެ.

އެ ޓޫރިސްޓު މީހާ ހިފެހެއްޓުމަށް މަސައްކަތް ކުރާ ވީޑިއޯއެއް މިއަދު ހަވީރު ސޯޝަލް މީޑިއާގައި އާއްމުވެފައިވާއިރު، އެ ވީޑިއޯ އިން ފެންނަނީ ޔުނީފޯމުގައި ތިބި ދެ ފުލުހަކާއި އާއްމުންގެ ބަޔަކު ވެގެން އެ މީހާ ހުއްޓުވަން އުޅޭ ތަނެވެ. އޭރު އަންހެން މީހާ ދިޔައީ އޭނާ ދޫކޮށްލަން ގޮވާލައި ގަދަ ދައްކަމުންނެވެ.

ފުލުހުން ފަހުން އޭނާ ގެންދިޔައީ އަތުގައި ބިޑި އަޅުވައި ތުވާއްޔެއް ގައިގައި އޮޅާލައިގެންނެވެ.

އެއްވެސް އަންހެން ފުލުހަކު، ނެތި މުޅިން ވެސް ފިރިހެން ފުލުހުންތަކެއް ވެގެން އަންހެނަކު ހުއްޓުވަން މަސައްކަތް ކުރުމުންނާއި އަދި ފުލުހުން އަމަލުކުރި ގޮތުގައި ޕްރޮފެޝަނަލް ކަމެއް ނެތް ކަމަށް ބުނެ، އެތައް ބަޔަކު ދަނީ ފާޑުކިޔަމުންނެވެ. ޚާއްސަކޮށް ރާއްޖެ އަށް ޒިޔާރަތްކުރި ޓޫރިސްޓަކާ މެދު ފުލުހުން އަމަލުކުރީ ވަރަށް އިހާނެތިކޮށް، ރާއްޖޭގެ ޓޫރިޒަމަށް ވެސް އަސަރު ކުރާނެ ގޮތަކަށް ކަމަށް އެއް ބަޔަކު ދަނީ ބުނަމުންނެވެ.

އެކަމާ ގުޅިގެން ސީޕީ ހަމީދު ކުރެއްވި ޓްވީޓުގައި ވިދާޅުވީ، އެ ޓޫރިސްޓާ މެދު ފުލުހުން އަމަލުކޮށްފައި ވަނީ ގޯސްކޮށް ކަމަށެވެ. އެކަމަށް އަންހެން މީހާ އާއި އާއްމުންގެ ފަރާތުން މާފަށް އެދިވަޑައިގަންނަވާ ކަމަށް ވިދާޅުވި އެވެ.

Incident in Maafushi in which our officers restrained a female tourist seems to be badly handled. I apologise to the tourist & the public for this. The challenge I have taken up is to professionalise the police service & we are working on that. This matter is being investigated.
— Mohamed Hameed (@M_Hameedh) February 6, 2020

"އެންމެ ބޮޑު މަސައްކަތުގެ ގޮތުގައި ނަގާފައިވަނީ ފުލުހުންގެ މުއައްސަސާ ޕްރޮފެޝަނަލް ތަނަކަށް ހެދުން. އެ މަސައްކަތް އަންނަނީ ކުރަމުން. އެ މައްސަލަ ދަނީ ތަހުގީގު ކުރަމުން،" ޕޮލިސް ކޮމިޝަނަރު ވިދާޅުވި އެވެ.

ފުލުހުންގެ ގަވާއިދުގައި އޮންނަ ގޮތުން، އަންހެނަކު ހައްޔަރު ކުރެވޭނީ އަންހެން ފުލުހަކަށެވެ. ނަމަވެސް، ޓޫރިސްޓް މީހާ ހައްޔަރުކޮށްފައި ވަނީ ފިރިހެން ފުލުހުންނެވެ. އެކަމާ ގުޅޭގޮތުން ފުލުހުންގެ މީޑިއާ އޮފިޝަލަކު ވިދާޅުވީ މާފުށީގައި މިވަގުތު އަންހެން ފުލުހެއް ނެތް ކަމަށެވެ.

އެ އަންހެން މީހާ ހުއްޓުވަން މަސައްކަތްކުރި ވަގުތު ނުކިޔަމަންތެރިކަން ދެއްކުމުން އޭނާ ފުލުހުންގެ ބެލުމުގެ ދަށަށް ގެންގޮސްފައި ވަނީ ބިޑި އަޅުވައިގެންނެވެ. އޭނާ ފުލުހުންގެ ބެލުމުގެ ދަށަށް ގެންދިޔައީ މަސްތުގެ ހާލަތުގައި ހުރި ކަމަށް ތުހުމަތު ކުރެވޭތީ ކަމަށާއި މިރޭ 7:10 ހާއިރު ފުލުހުންގެ ބެލުމުގެ ދަށުން އޭނާ ދޫކޮށްލާފައިވާ ކަމަށް އޮފިޝަލް ވިދާޅުވި އެވެ.

"މިފަދަ ހާދިސާއެއްގައި މިއަށް ވުރެ ރަނގަޅަށް އަމަލު ކުރެވޭނެ ކަމަށް މި ސާވިސް އިން ދެކެން. އެހެންކަމުން މި ހާދިސާ ހިނގައި ދިޔަ ގޮތް ބެލުމަށް ފުލުހުންގެ ޕްރޮފެޝަނަލް ސްޓޭންޑާޑްސް ކޮމާންޑުގެ ފަރާތުން ދަނީ ހަރަކާތްތެރިވަމުން،" އޮފިޝަލް ވިދާޅުވި އެވެ.

ފުލުހުން ޓޫރިސްޓުން ކ. މާފުށި ޓޫރިޒަމް މުހައްމަދު ހަމީދު (ޕޮލިސް ކޮމިޝަނަރު)

50 ކޮމެންޓް, 83 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަރުވާލި އާދަނުގެ ސިޔާސީހާސަރު

09 February 2020

ދޮން ގޮމައެށް ގައިގައި އެކުދިން ޔުނިފޯމްގައި ( މިލްޖުލް ) ވެލަން ލިބުނު ހިދުކޮޅު އޯކޭ ނުވީތޯ ؟ އެކުދިން ނަށް އެވަރު ކަންފުޅެއްވީމާ ( ސަރ ) އަށް ހާދަ ވަރަކޭ ތިޔަވަނީ ދެއްތޮ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕާޕަރާ

08 February 2020

ސީ ޕީ ހަމީދު އަކީ ކޮހައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއެޓޯލްޑޮޓްކޮމް

07 February 2020

ޓޫރިސްޓަކަސް އަދި ކޮންމެ މީހަކަސް ތަންތަނަށް އައިސް އުޅޭއިރު އެތަނެއްގައި ހެދިފައިވާ ގަވައިދުތަކަށް ބޯލަނބަންޖެހޭ، އަންހެނެއް އެރެސްޓުކުރާއިރު އަންހެން ފުލުހުން ހަރަކާތްތެރިވުމަކީ ކުރިއަރާފައިވާ ގައުމުތަކުގައި ޢަމަލުކުރާގޮތް، މިފަދަގޮތްތައް ދިވެހިފުލުހުންވެސް ދަސްކުރަންޖެހޭ، ފިރިހެން ފުލުހުން ތިބޭނީ އަންހެން ފުލުހުންނަށް އެހީތެރިކަން ބޭނުންވެއްޖެނަމަ އެހީތެރިވެވޭގޮތަށް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

07 February 2020

މީހުން އުޅޭ ރަށްރަށުގައި ގެސްޓް ހައުސް ހަދާ ކާފަރު ގެސްޓުން ގެނައުމުގެ ނަތީޖާ ފެންނަން ފެށީ. ދިވެހިންގެ ދީނާއި އާދަކާދައާއި ސަގާފަތް ޑޮލަރުކޮޅަކަށް ވިއްކާލެވިއްޖެ. އަދި މިއަށްވުރެ ބޮޑެތި ކަންކަން މި ރަށްރަށުގައި ހިނގާނެ.. ހިތާމައިގެ ކޮޅެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރީފު

07 February 2020

ރާއްޖެ ފަދަ ހޭލުންތެރިކަމަށް ދައުވާކުރާ އަދި އިގްތިސާދަކީ ޓޫރިޒަމް ކަމަށްވާ ގައުމެއްގައި ޓޫރިސްޓް މީހާއާއި މެދު އަމަލުކުރީ ވަރައްހުތުރުކޮން. މާފެއްޓަޢް އޭގެ އަސަރުކުރާނެ...ދީނުގެ ނަމުގައި ގައުމު ހަލާކުވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލނސ

07 February 2020

ދައްކަވާނެ ތަނެއް ދައްކަވާފަ ގެންދަވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޣޣ

07 February 2020

ނުޖެހޭ މި ޤައުމުގެ މަގުތަކުގައި އޮރިޔާމުން އުޅޭކަށް. ޤައުމުތަކަށް އަންނައިރު އެތަންތަނުގެ ޤަވާޢިދުތަކަށް ޙުރުމަތްތެރިކޮށް ހިތަންޖެހޭނެ. އަދިއެހާލުގައިވެސް ގަދަދައްކަން އޭނާ އުޅުނުކަމީ އޭނާގެ ކުށެއް. ރިސޯޓަށް ދާނީ އުޅޭނެ ހާ ގޮތަކަށް އުޅެން!!! އެހާ ވަރުގެ މުއްސަދިކަމެއް ނެތިއްޔާ އާންމުން އުޅޭ ރަށްރަށުގެ ގަވައިދަށް ހުރުމަތްތެރިކޮށް ހިތައިގެން އުޅޭނީ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޣޣ

07 February 2020

ފުލުހުން ކައްތައް ކުރަން ބޭނުންވީ ރަނގަޅަށް ކަމަށް ފާހަގަ ވޭ. ރީތިކޮށް ނަސޭހަތްދީ ފުރުސަތު ދިން. މަންޒަރު ހަމަ ލޮލުން ފެނުން މީހަކަށް އެނގޭނެ. ސީޕީ ކަންތަށް ކުރީ ރަގަޅަކަށް ނޫން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓެބއް

07 February 2020

ދީނަށް ފުރައްސާރަ ކުރިމީހުން ހައްޔަރު ނުކޮށް ފިލަން ފުރުޞަތު ދީފައި އެކަމަށް ރައްޔިތުންގެ ކިބައިން މަޢާފަށް ނޭދިފައި، ޢާއްމު މަގުމަތީގައި ރޯއޮރިޔާމުން އުޅުނު ބިދޭސީ އަންހެނަކު ނުރުހުމުގައި ހައްޔަރު ކުރެވުނީމާ މަޢާފަށް ތިއެދެނީ ކާކުގެ ކިބައިންތޯ؟ ހަރުކަށި ޢަމަލު ހިންގުމަށް ފުރުސަތު ތިދެނީ ސަރުކާރުންނެވެ. ހަމަޔަޤީނުން މަގޭފަރާތުން ލިބޭނެ މަޢާފެއް ނޯންނާނެއެވެ. ސޮރީ!!!