ޕީޕީއެމްގެ ޖަލްސާއެއްގައި އެ ޕާޓީގެ މެމްބަރުންތަކެއް. އެ ޕާޓީން ވަނީ ކުރިއަށް އޮތް ލޯކަލް ކައުންސިލް އިންތިހާބުގައި އެ ޓިކެޓަށް ވާދަ ކުރުމުގެ ފުރުސަތު ހުޅުވާލާފައި --ފޮޓޯ: ޕީޕީއެމް
06 އޮކްޓޯބަރ 2016 - 19:32
7 comments
ކައުންސިލް އިންތިހާބުގައި ޕީޕީއެމުން ވާދަކުރަން ބޭނުންވާ މީހުންނަށް ކުރިމަތިލާން މިއަދު ހުޅުވާލައިފި އެވެ.
އެ ޕާޓީން ނެރުނު އިއުލާނެއްގައި ބުނީ އަންނަ ޖެނުއަރީ 14ގައި އޮންނަ ކައުންސިލް އިންތިހާބުގައި ޕީޕީއެމްގެ ޓިކެޓުގައި ވާދަކުރަން ބޭނުންވާ މީހުންނަށް އެކަމަށް އެދި ހުށަހެޅުމުގެ ފުރުސަތު މިއަދުން ފެށިގެން މިމަހުގެ 16 ވަނަ ދުވަހުގެ ނިޔަލަށް ހުޅުވާލާފައިވާ ކަމަށެވެ.
ޕީޕީއެމް ޓިކެޓް ލިބޭނީ މި މަހުގެ ހައެއްގެ ނިޔަލަށް ޕާޓީގެ ދަފްތަރުގައި ހިމެނިފައިވާ މީހުންނަށް ކަމަށާއި ދާއިރާ އަށް ކުރިމަތިލާންޖެހޭ އަދަދަށް ވުރެ އިތުރަށް މީހުން ކުރިމަތިލައިފިނަމަ ޕްރައިމަރީ ބޭއްވުމަށް ނިންމާފައިވާ ކަމަށް ވެސް އިއުލާނުގައިވެ އެވެ.
ލޯކަލް ކައުންސިލް އިންތިހާބުގައި ވާދަ ކުރުމުގެ ފުރުސަތު ހުޅުވާލިއިރު، ރައީސް އަބްދުﷲ ޔާމީނާއި ޕީޕީއެމްގެ ރައީސް އަދި ކުރީގެ ރައީސް މައުމޫން އަބްދުލްގައްޔޫމާ ދެމެދު ހިޔާލު ތަފާތުވުންތަކެއް ވަނީ އުފެދިފަ އެވެ. އަދި މިއަދާ ހަމައަށް އައިއިރު އެ ހިޔާލު ތަފާތުވުންތައް ހައްލުކުރެވިފައެއް ނުވެ އެވެ.
ލޯކަލް ކައުންސިލް އިންތިހާބުގައި ވާދަ ކުރުމުގެ ފުރުސަތު އެމްޑީޕީ އާއި ޖުމްހޫރީ ޕާޓީން ވަނީ ހުޅުވާލައިފަ އެވެ. މިފަހަރު އިންތިހާބުގައި އަދާލަތު ނިކުންނަނީ އެމްޑީޕީއާ ކޯލިޝަން ހަދައިގެންނެވެ.
ރަށު ކައުންސިލާއި އަތޮޅު ކައުންސިލްތަކުގެ މެމްބަރުންގެ އަދަދު މަދުކުރަން ލޯކަލް ކައުންސިލްތަކުގެ ގާނޫނަށް ގެނައި އިސްލާހުގެ ސަބަބުން އިންތިހާބުކުރަން ޖެހޭ ކައުންސިލަރުންގެ އަދަދު 655 އަށް ވަނީ މަދުވެފަ އެވެ. ތަފާސްހިސާބުތަކުން ދައްކާ ގޮތުގައި ރަށު ކައުންސިލްތަކާއި އަތޮޅު ކައުންސިލްތަކުގައި މިހާރު ތިބޭ މެމްބަރުންގެ އަދަދަކީ 1077 އެވެ. އެހެންކަމުން އެއީ 422 ކައުންސިލަރުންގެ މަދުވުމެކެވެ. ރަށު ކައުންސިލަރުންގެ މުސާރައަށް މިހާރު މަހަކު 11 މިލިޔަނަށް ވުރެ ގިނަ ރުފިޔާ ހަރަދުވާއިރު، ކައުންސިލަރުންގެ އަދަދު މަދުވުމާ ގުޅިގެން ދެން ކައުންސިލަރުންނަށް މުސާރައިގެ ގޮތުގައި ހަރަދު ކުރަން ޖެހޭނީ މަހަކު 7.3 މިލިޔަން ރުފިޔާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިން ތައްކާނު
07 October 2016
އަދިވެސް ކައުންސިލަރުން މާގިނަ.
އަބުލް
07 October 2016
ރައްޔިތުންގެ ކުރިމަށްޗަށް ކޮން މޫނަައިގެންތޯ ނިކުންނާނީ މިފަހަރު. ރައްރަށުން މީހުން ކައިރީ އާދޭސް އެބަކުރޭ ޕޕއމ ގެ ގޮނޑިއަށް ކުރިމަތި ލާބަލާށޭ ކިޔާފަ. އެކަމަކު ކުރިމަތިލާނެ މީހެއް ނުވޭ. ވެރިމީހާ ތިއުޅޭގޮތަކުން ޕޕއމ މީހެކޭ ބުނަން ވެސް ގިނަމީހުން ލަދުގަންނަ ހިސާބުގަ ވިއްޔާތިބީ
ވިންދު
06 October 2016
ސޮއިކޮށްފައިގޮސް ނަނުއެއްލައިގެން ބޮއްކުރާގައި ބޭރަށް ނުކުމެ ހުންނަ ކައުންސިލުން ބައިިއްބާނެ ކަމެއްނެތް. ބޭނުމީ ބޭކާރު ހަރަދު ކުޑަކޮށްފައި. މަސައްކަތް އިތުރުކުރުން. އޭރުން މުސާރަ ހަލާލުވާނީ.
ފާތުމަ
06 October 2016
ޜައީސް ޔާމީން ގެ މޭސްތިރިކަމުގައި މީވާޙާދަ ހިންގުން ތެރިޕާޓީއެކޭ، ރަޢީސް ޔާމީނު މީ މުޅިދުޔެއައް ހުރި ނަމޫނާއެއް، ތައުލީމީ، ދީންވެރި ހީވާގި ވެރިރެއް.
ހާމިދު ސޭޓު / މާފުށީ ހަރުގެއިން
06 October 2016
ކިހިިނެއްބާ ޕާޓީ ޓިކެޓަށް ކެންޑިޑޭޓުން ހޮވާނީ؟ ޕީޕީއެމް ނަމުގަ ރައީސް މައުމޫން ފަރާތުން އެއް ކެންޑިޑޭޓް ސަރުކާރު ތަމްސީލު ކުރުމަށް ރައީސް ޔާމިން ފަރާތުން އެއް ކެންޑިޑޭޓް. މުޅިއަކު ދާއިރާގެ ކޮންމެ ގޮޑިއަކަށް ވާދަކުރާ ދެ ކެންޑިޑޭޓުން
ފަލަކު
07 October 2016
ޔާމީނުގެ ފަރާތުން ނެރޭނެކަމެއްނެތް. ކީއްކުރަން؟
މެންޓަލިސްޓް
06 October 2016
ޕީޕީއެމްއިން އިނތިޙާބްތަކުގައި ވާދަކުރަންވީކީނޫން ، ދިވެހިދައުލަތުގެ ރައްޔަތުންގެ ރައުސްމާލުން ލޫޓްވާލި 1.2ބިލިއަން ރުފިޔާ އަނބުރާ ދައުލަތަށް ދައްކަންވީ ،، އެހެންނޫނީ އިނތިޙާބެއްގައި ބައިވެރިވުމުގެ ފުރުސަތު އޮވެގެންނުވާނެ ،،،