ރައްޔިތުންގެ މަޖިލީހުގެ ކޮމިޓީގެ ބައްދަލުވުމެއްގައި މެމްބަރު އަލީ ހުސައިން ވާހަކަ ދައްކަވަނީ.
07 މާޗް 2020 - 23:24
19 comments
ރާއްޖެ އިން ވެސް ކޮވިޑް-19 މިހާރު ފެނިފައިވާއިރު، އަންނަ މަހު ބާއްވާ ލޯކަލް ކައުންސިލްތަކުގެ އިންތިޚާބު ފަސްކުރަން ކެންދޫ ދާއިރާގެ ޖުމްހޫރީ ޕާޓީގެ މެމްބަރު އަލީ ހުސައިން މިރޭ ގޮވާލައްވައިފި އެވެ.
ކުރެއްދޫ ރިސޯޓުގައި މަސައްކަތް ކުރާ ބިދޭސީ ދެ މީހަކު ކޮވިޑް-19 އަށް ޕޮޒިޓިވްވިކަން ސަރުކާރުން މިރޭ އިއުލާން ކުރުމުގެ ކުރިން، ކުރެއްވި ޓުވީޓެއްގައި އަލީ ވިދާޅުވީ، ރާއްޖޭގައި ދިރިއުޅޭ އަދި އައިސް ގޮސްވާ މީހުންގެ ސަލާމަތާއި ރައްކާތެރިކަމަށް ބޮޑު ތަނުން އިސްކަން ދިނުން މުހިންމު ކަމަށެވެ.
"އޭޕްރީލް މެއި މަހުގެ ހޫނު ދުވަސްތަކަށް ފަހު ވެސް އިންތިޚާބު ބޭއްވޭނެ،" އޭނާ ވިދާޅުވި އެވެ.
އެކި ގައުމުތަކުގައި ހަލުވިކަމާ އެކު، ފެތުރެމުންދާ ކޮވިޑް-19 އެންމެ ފަހުން ރާއްޖެ އިން ވެސް ފެނުމާ ގުޅިގެން ތަފާތު ފިޔަވަޅުތައް އަޅަމުން ގެންދާނެ ކަމަށް ސަރުކާރުން މިރޭ ވަނީ ބުނެފަ އެވެ. އެކަމަކު، އަންނަ މަހުގެ ހަތަރެއްގައި ބާއްވާ ލޯކަލް ކައުންސިލްތަކުގެ އިންތިޚާބު ފަސްކުރުމާ މެދު އިލެކްޝަންސް ކޮމިޝަނުން އަދި ވަކި ގޮތެއް ނުނިންމަ އެވެ. ނަމަވެސް، ރާއްޖެ އިން މި ވައިރަސް ފެނުމުގެ ކުރިން ވެސް، އެކި ފަރާތްތަކުން އައީ އިންތިޚާބު ފަސްކުރުމަށާއި އެއްވުންތައް ނުބޭއްވުމަށް ގޮވައިލަމުންނެވެ.
ކޮވިޑް-19 އާ ގުޅިގެން އެމްޑީޕީން މިހާރު ވަނީ ލޯކަލް ކައުންސިލްތަކުގެ އިންތިޚާބުގެ ކެމްޕެއިންގެ އަމަލީ މަސައްކަތް ހުއްޓާލައި، އެކަން ހަމައެކަނި ސޯޝަލް މީޑީއާގައި ކުރިއަށް ގެންދަން ނިންމައިފަ އެވެ. އަދި ޖުމްހޫރީ ޕާޓީ ވަނީ ލޯކަލް ކައުންސިލްތަކުގެ އިންތިޚާބުގެ ކެމްޕެއިން ރަސްމީކޮށް ފެށުމަށް އަންނަ ހުކުރު ދުވަހުގެ ރޭ އަލިމަސް ކާނިވަލުގައި ބާއްވަން ނިންމި އެއްވުން ފަސްކޮށްފަ އެވެ. މީގެ އިތުރުން އިދިކޮޅު ޕީޕީއެމް/ޕީއެންސީން ވަނީ އަތޮޅުތަކަށް ކުރާ ކެމްޕެއިން ދަތުރުތައް ވެސް މިވަގުތަށް މެދުކަނޑާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުސްލިމ
08 March 2020
އިންތިހާބު ފަސްކުރަން ޖެހޭ ކަރުދާސް ޕރިންޓްކޮއް ތަން ތަނައް އެއްޗެހި ފޮނުވާފަ ދެނެއްނުން ފަސްކުރަންވީ މިފަދަ ނުރައްކާ ރޯގާއެއްފެތުރޭއިރު ކޮން އިންތިހާބެއްތޯ ބާއްވަންވީ
ދޮދދދދދދޮ ދޮންމަނިކް
08 March 2020
ކައުންސިލަރުންގެ މުސާރަ ތައް 10000 ދިހަހާސް ރުފިޔާއައް ވުރެ ބޮޑުނުކުރުންއެ ދެން...... ތިބޭފިޅުން މިކަމާ އެއްބަސް ވަންތޯ ؟؟؟؟؟؟؟؟؟؟؟
ީއުޓް
08 March 2020
ފަސްކުރީމަ ދެން އެ އަންނަ ގާނޫނީ ހުސްކަމުގަ ހިފައިގެން ތެޅޭނީ ވެސް ތި ލޯޔަރުންނެވެ.
ހަޒާނާ
08 March 2020
ކައުންސިލް އިންތިހާބު ފަސްކުރަން ވީ އެވެ. ސަބަބު ބައިވަރެވެ .
ރަސްރުއް
08 March 2020
އިސްތިހާބު ފަސްކުރާހިސާބަކަށް އަދި ނުދޭދޯ، އެހިސާބަށް ދިޔާމަ އިންގޭނެ ސަރުކާރަށާއި ރައްޔިތުންނަށް ގެއްލުން އެންމެ ކުޑަ ގޮތަކަށް އެންމެން ގުޅިގެން ކުރިޔަށް ދިއުން ބުއްދިވެރި އެހެންނޫންތޯ.
އިބްރާހީމް ހާއިލް
08 March 2020
އަދި ނުޖެހޭ ފަަސްކުރާކަށް.. އެވަރެއްނޫން ދެއްތޯ. ޕެނިކު ވެގެން ނޫޅޭށޭ
އިބިރިހިންބެއްޔާ
08 March 2020
އިންތިޚާބު ފަސްކުރުމަށްވުރެ ޚަރަދުކުޑަކުރުމުގެ ގޮތުން ކައުންސިލަރުން އިތުރުކުރަން އޮތްމާއްދާ ފަސްކޮއް، އިންތިޚާބު ކުރިޔަށްގެންދަން ފެނޭ. ވޯޓްލުމުގެ ވަގުތު ދަންމާލާ މީހުން ކިޔޫގައިނުތިބޭގޮތަށް އިންތިޒާމް ކުރަންވީ.
ނީރާ
08 March 2020
ކައުންސިލް އިންތިޚާބުގައި ވޯޓްލާނީ 18 އަހަރުން މަތީގެމީހުންއެކަނި. ވޯޓްލާން އެއްވާނީ އެދާއިރާތަކުގެ މީހުން އެބަޔަކަށް ޚާއްސަކުރެވިފައިވާ ތަނަކަށް. ހުރިހާ ރައްޔިތުން އެއްތަނަކަށެއްނޫން. ހަފްތާބަންދުތަކުޔާ ހަވީރަށް މާލޭގެ ހެދިގޮނޑުދޮށާ ޕާކުތަކަށް ދިވެހި ކުދިބޮޑުއެންމެްނާ ބިދޭސީ ބޮޑުއާބާދީ އެއްވާނެ. މިއެންމެން ހުކުރު ޖަމާޢަތަށްވެސް އެއްވާެނެ. ދެންހުކުރަށްވެސް ނުދަންވީތޯ. އިންތިޚާބު ފަސްނުކޮށް ކުރަންވީ އެހެންކަންކަން ކުރަމާތޯ. އަބަދުސިޔާސީނުވަމާތޯ
އަލީރާޖާ
08 March 2020
ކައުންސިލް އިންތިޚާބު ފަސްކުރަންޖެހޭ ހާލަތަކަށް އަދި ނާދޭ. ކޮވިޑް ޖެހިފައި ވަނީ ރިސޯޓެއްގެ ދެ މުވައްޒަފަކަށް. ރާއްޖޭގައި ރަށްތައް ހުރި ގޮތުން އައިސޮލޭޓް ކުރަން ވަރަށް ފަސޭހަވާނެ. ރަށްރަށުގައި ފެތުރޭނަމަ އިންތިޚާބު ފަސްކުރަން ރަގަޅު.
ޝޮކްތެރަޕީ
08 March 2020
އަވަހަ ތިކަން ނިމްމާލީޔާ މާރަގަޅުވާނެ އެހެންނޫނީ ދެނެ ތި އިންތިހާބު ނުބޭއްވޭނެ.