"ޖަވާބު" ގެ ޓީމުން، އޮންލައިންކޮށް ކިޔަވައިދޭ ޕްލެޓްފޯމް ހެދުމުގެ މަސައްކަތްކުރަނީ. -- ފޮޓޯ: ފޭސްބުކް/ޖަވާބު
11 މާޗް 2020 - 19:23
26 comments
ކޮވިޑް-19 ރޯގާގެ ހާލަތު ގޯސްވެ ސްކޫލްތައް ބަންދުކުރަން ޖެހުނަސް އޮންލައިންކޮށް ކިޔަވައިދެވޭ ގޮތަށް އެޑިއުކޭޝަން މިނިސްޓްރީން ތައްޔާރުވާން ފަށައިފި އެވެ.
ކިޔަވައިދިނުމަށް ބޭނުންވާ މެޓީރިއަލްތައް ޓީޗަރުންނާއި ދަރިވަރުންނަށް އޮންލައިންކޮށް ލިބޭ ގޮތަށް ކަރިކިއުލަމް ރިސޯސް ޝެއާރިން ޕްލެޓްފޯމެއް ހަދަން އެޑިއުކޭޝަން މިނިސްޓްރީން މިހާރު ވަނީ އަމިއްލަ ކުންފުންޏެއް ކަމަށްވާ "ޖަވާބު" އާ ހަވާލުކޮށްފަ އެވެ.
ވެބްޑިޒައިނިން އާއި އެޕް ޑިވެލޮޕްމަންޓާއި ގްރެފިކް ޑިޒައިނިން އާއި ކޮންސަލްޓިންގެ ހިދުމަތް ދޭ "ޖަވާބު" އިން މި މަސައްކަތް ކުރަނީ ސީއެސްއާރް ޕްރޮޖެކްޓެއްގެ ގޮތުގައި ހިލޭސާބަހަށް ކަމަށް އެ ކުންފުނީގެ ފޭސްބުކް ޕޭޖުގައި ބުނެފައިވެ އެވެ.
"ކޮވިޑް-19 ކާރިސާގެ ވަގުތުގައި ގައުމަށް މި ކުންފުނިން ވެދޭ އެހީއެއްގެ ގޮތުގައި، އެޑިއުކޭޝަން މިނިސްޓްރީގެ އެދުމަކަށް މި އަންނަނީ، ސްކޫލްތައް ބަންދުކުރަން ޖެހިއްޖެ ހާލަތެއްގައި ބޭނުންކުރުމަށް، އޮންލައިން ކަރިކިއުލަމް ރިސޯސް ޝެއާރިން ޕްލެޓްފޯމެއް ހަދަމުން،" ޖަވާބުގެ ޓީމުން މަސައްކަތްކުރަން ތިބި ތަނުގެ ފޮޓޯއަކާ އެކު ފޭސްބުކްގައި ކުރި ޕޯސްޓްގައި ބުނެފައިވެ އެވެ.
އެނގިފައިވާ ގޮތުގައި މި މަސައްކަތް އެ ކުންފުނިން ފެށީ އެޑިއުކޭޝަން މިނިސްޓްރީގެ އެދުމަކަށް މިއަދު އެވެ. އެ ކުންފުނީގެ ޓީމުން މަސައްކަތްކުރަމުން އަންނަނީ މާދަމާ އަށް މި މަސައްކަތް ނިންމައި ހަވާލުކުރުމަށެވެ.
ކޮވިޑް-19 ޖެހިފައިވާ އަށް މީހަކު ރާއްޖޭން ފެނިފައި ވާތީ އެތައް ބަޔަކު އަންނަނީ އަންނަ ހަފުތާގައި އަލުން ސްކޫލްތައް ހުޅުވުން ފަސްކުރަން ގޮވާލަމުންނެވެ. ނަމަވެސް ސަރުކާރުން ބުނަމުން އަންނަނީ ސްކޫލްތައް ބަންދުކުރާ ފަދަ ހާލަތަށް ރޯގާގެ ކަންތައް އަދި ނުދާ ކަމަށާއި އެކަމަކު ކަންކަން ބަދަލުވަމުންދާ ގޮތަކުން ސްކޫލުތައް ބަންދުކުރަން ޖެހުނަސް އެކަމަށް ތައްޔާރުވަމުން އަންނަ ކަމަށެވެ.
ބައެއް ޑޮކްޓަރުންގެ އިތުރުން، މެޑިކަލް އެސޯސިއޭޝަނުންނާއި ޓީޗާސް އެސޯސިއޭޝަނުން ވެސް ވަނީ، ކިޔެވުން ފެށުން ފަސްކުރުމަށް އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސާބަސް ދެން
12 March 2020
ސްކޫލް ތަަައް އެއްކޮއް ބަންދުކޮލާ
އެސްކޮބާރ
12 March 2020
އޮފީސްތަަކަށް ނުގޮސް ގޭގަ މަސައްކަތްކޮށްލެވޭފަދަ އޮންލައިން ޕްލެޓްފޯމެއް ހަދާދޭނީ ކާކު؟ އެކަމަކު އޮންލައިންކޮށް މަސައްކަތްކޮށް ކިޔެވޭވަރަށްވުރެ އިންޓަނެޓް މާ ސްލޯ. ބައެއްމީހުން ބުނޭ ސަރުކާރުވެސް ސްލޯއޭ. ސްލޯ ސަރުކާރެއްގަ އިންޓަނެޓްވެސް ސްލޯ ވާނެތާ.
ބޮލި މުލައެް
12 March 2020
ރ ޔާމީނުގެ ސަރުކާރުން މިމަސައްކަތްފެއްޓެވުމުން ވަގަށްގޮވާ ހަޖޫޖެހިމީހުނަށް މިއަދު އިހުސާސްކުރެވޭނެ އެއީ ކިހާ އަގުހުރި މަސައްކަތެއްކަން. ޝުކުރިއްޔާ ރ ޔާމީން.
އަހު
11 March 2020
ކިހާވަރަކުން ދާނެބާ؟ މިހާރުވެސް މިއުޅެނީ އިންޓަނެޓްގެ ސްޕީޑު ހުރިގޮތުން ޕީޑީއެފް ފައިލްއެއްވެސް ލޯޑް ނުކުރެވިގެން! ކަނެކްޝަން ޓައިމް އައުޓް އަކީ ސްކޫލް ތަކުގައި ހުރި އިންޓަނެޓްގެ ހާލަތު!
ޕާޓީ
11 March 2020
ދަރިން ގޮވައިގެން އޮފީސް މަސައްކަތް ކުރެވޭނެ އިންތިޒާމް މިސަރުާރުން ހަމަޖައްސަދޭ ޚަބަރު ވަރަށް ބާރުލާފައި ކިޔާ އަޑު އިވުނު. އެކަން ވެސް ވީ ހަމަ "އެންމެ ވާސްޓް ސިނާރިއޯގައި ކޮރޯނާއަށް ފަރުވާ ތައްޔާރުވެފައި ވާކަމަށް" އަލީވަހީދު ބުނި ފަދަ ޖަމަލު ފޮޑިއަކަށް ތަ؟
ހާސް
11 March 2020
މި ދިޔަ ސަރުކާރުގައި އޮތީ ގޭގައި ކުދިންނާ ޓީޗަރުން ތިބެގެން ކިޔެވޭނެ އިންތިޒާމް ހަމަޖައްސަދީފައި. ކުޑަމިނުން އެކަން ތަންފީޒު ނުކުރެވިގެން ތިއުޅެނީ ކީއްވެ؟ ގޭގައި ތިބެގެން އޮންލައިންކޮށް އޮފީސް މަސައްކަތް ކުރެވެނީ ކޮން އިރަކުންބާ؟ ބަރަވެލި ސްޕީޑްގައި ކުރާ ކަހަލަ މަސައްކަތެއްނޫން މީކީ. ތަންކޮޅެއް ހަލުއި ވެލަ ބަލަ.
ކާސިމު
11 March 2020
އައްސަރިބަހުން ހަމަ ސާބަސް "ޖަވާބް" އިން ތިޔަދެއްވި އިޖާބައަށް.. ބޭނުންވަނީ ތިފަދަ ޒުވާނުން މިޤައުމަށް. މިފަދަ ދަނޑިވަޅުގައި ތިޔަ ނެރުއްވީ ޤައުމުގެ މަސްލަހަތު ކުރިއަށް. އަދި ތިޔަވާ ގުރުބާނީއަށް ފަށްފަށުން ޝުކުރުވެރިވަން. ތިޔަ މަސައްކަތުގައި މާތް ﷲ ބަރަކާތް ލައްވާށި.. ތިޔަ ކުންފުނީގެ ކުރިމަގު އުޖާލާ ކުރަށްވާށި...
ވައިނޮޓްއަސް
11 March 2020
ހެއި، ވަޓް އަބައުޓް ކޮލެޖް ސްޑޫޑެންޓްސް؟؟ ހަަމަ ކެއްސާ ކިބިސް އަޅާ ކުދިން އުޅެއޭ އަޅުގަނޑުގެ ކްލާސްގަ. ޓެސްޓް ކައިރި ވާތީ ކެއްސިޔަސް އަންނަނީ. ކޮމަން މޮޑިއުލްސް އޮންނަ ދުވަހެއް ވިޔާ 75 ކުދިން ތިބޭ.
ހަނުހުންނަ މީހާ1
11 March 2020
ދަރިވަރުންނަކީ ކުޑަކުދިން އެކަމަކު ވިސްނޭވަރު ބޮޑެތި މީހުން ވަޒީފާއަށް ނުނިކުންނަ ނަމަ ގައުމު ހިއްޓުމަކަށް އަންނާނެ. ސުކޫލުތަށް ބަންދުކުރިޔަސް ޓީޗަރުންނާއި އޮފީސްތަކުގެ މީހުން ވަޒީފާއަށް ނުކުންނަން ޖެހޭނެ. ދެން އޮތް މައްސަލަކީ އިންޓަނެޓް ނުލިބޭ ކުދިން އޮންލައިންކޮށް ކިޔަވާނީ ކިހިނެތްތޯ އުފެދޭ ސުވާލު.
2000
11 March 2020
ޑރ އައިޝަތު އަލީ އަށް<<<<<< ސްކޫލްތައް ބަންދުކޮށް ދަރިވަރުންނަށް ނުފެށެނީސް ބަންދުކޮށްބަލަ. މަޖިލިޙުގައި އިންނަ ބެއްޔަ ބުނާ ގޮތަށް ނުހަދާ ސްކޫލްތައް ބަންދުކޯށް މިރޯގާ ކޮންތޜޯލް ވަންދެން ސްކޫލް ބަނދު ކުރޭ ބަންދު ކުރޭ