މެލޭޝިއާގެ ހެލްތު މިނިސްޓްރީގެ އޮފިޝަލުން ރައްކާތެރިކަމުގެ ފިޔަވަޅު އަޅައިގެން: އެ ގައުމުގައި 123 މީހަކު އެބަތިބި،---ފޮޓޯ: އޭއެފްޕީ
12 މާޗް 2020 - 10:12
4 comments
ކޮވިޑް-19 އަށް އަށް ޕޮޒިޓިވް ވެފައިވާ މީހަކާ އެއް އިމާރާތެއްގައި ދިރިއުޅުމަށް ފަހު، މެލޭޝިއާ އިން ރާއްޖެ އައި ދިވެއްސަކު އެ ބައްޔަށް ޓެސްޓު ކުރަމުންދާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
އެ އިދާރާ އިން ރޭ ދަންވަރު ކުރި ޓުވީޓެއްގައި ބުނީ، ބައްޔަށް ޝައްކު ކުރެވޭ އަލާމާތްތަކެއް ހުރެގެން އެ މީހާގެ ސާމްޕަލް ނަގައި ޓެސްޓް ކުރުމަށްޓަކައި ފަރުކޮޅު އައިސޮލޭޝަން ފެސިލިޓީ އަށް ގެންދިއުމުގެ މަސައްކަތް ކުރަމުން އަންނަ ކަމަށެވެ.
މެލޭޝިއާގައި މިހާރު ކޮވިޑް-19 ބަލީގެ 123 މީހަކު އެބަތިއްބެވެ. އެ ގައުމުން 149 މީހަކަށް އެ ބަލި ޖެހުނުއިރު 26 މީހަކު ވަނީ ރަނގަޅު ވެސް ވެފަ އެވެ.
ކޮވިޑް-19 އަކީ މުޅި ދުނިޔެ އަށް ވެސް ކުރިމަތިވެފައިވާ ބަލިމަޑުކަމެއް ކަމަށް ދުނިޔޭގެ ސިއްހަތު ޖަމިއްޔާ އިން ރޭ އިއުލާން ކޮށްފައިވާއިރު، ރާއްޖެ އިން ވެސް ވަނީ އެ ބަލީގެ އަށް މީހަކު ފެނިފަ އެވެ. އެ އެންމެންނަކީ ވެސް ބިދޭސީންނެވެ. އެއީ ކުރެއްދޫ އައިލެންޑް ރިސޯޓުގެ ހަތަރު މީހަކާއި ސޭންޑީސް ބަތަލާ އައިލެންޑް ރިސޯޓުގެ ދެ މީހަކާއި ކުރަމަތި މޯލްޑިވްސް ރިސޯޓުގެ ދެ މީހެކެވެ،
އެ ހަތަރު ރިސޯޓަށް އަރައި ފޭބުން މިހާތަނަށް މަނާކޮށްފައި އޮތަސް ރެއިން ފެށިގެން އެޗްޕީއޭ އިން ވަނީ ކަރަންޓީނުން ދޫކޮށްލައިފަ އެވެ. އެކަމަކު، އެއީ ރައްކާތެރިކަމުގެ ފިޔަވަޅު އެޅުމަށް ފަހު އެވެ. އަދި ސިއްހީ ދާއިރާގެ އޮފިޝަަލަކު ވެސް އެ ހަތަރު ރިސޯޓުގައި ހަރަކާތްތެރިވާނެ ކަމަށް އެޗްޕީއޭ އިން ބުނެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޣޣ
12 March 2020
ކޮންދުވަހަކު ތޯ މެލޭޝިއާއިން އައި ބަލައިލަން ޖެހޭ.. ކޮންޓެކްޓް ވެފަތޯ ޗެކްކުރަން ފަސޭހަ ވާނީ އެއިރުން.... އިޓަލީގަ ވެސް ބަލި ބޮޑަށް ފެތުރުނީ ބަލިޖެހިފަ ހުރިކަން ނޭގި ހުރެ ކޮންޓެކްޓް ވުމުގެ ސަބަބުން..
ލަތީފާ
12 March 2020
މި މީހަކީ ޔުނިވަރސިޓީގަ ކިޔަވަމުންދާ މީހެއްކަމަށް އަޑު ފެތުރެމުންދަނީ. މީނަވާނީ ކުލާސް ގަޑީގައި ކުލާހުފައިވެސް ބައިވެރިވެފަ ކަމައް ވަނީ. މިކަހަލަ ނުވިސްނޭ މީހުން އުޅޭތީ ކަންތައް ރަގަޅުނުވަނީ
ޙަގީގީ
12 March 2020
ކަމުގެ ހަގީގަތް ނުބަލާ ވާހަކަދައްކާ މީހުން އުޅޭތީ އަސްލު ކަންކަން ރަނގަޅު ނުވަނީ.
ތޯތޯ
13 March 2020
ތޯތޯއަށް މީހުންގެ މަސް ނުކައި ހީވާގިވެ ގޮނޑިން ތެދުވެ ކަމުގެ ހަގީގަތް އެއްގޮތުން ނޫން ގޮތަށް ބަލަން އުޅޭ ދިވެހީން އަޅަމެންގެ ތެރޭގައި ލައްވާންދޭވެ. ކަލޯ. ކަލޭ ރަނގަޅުވާނެ ވާހަކަ ނުދެއްކިއްޔާ. ނުބައި ފޮތައް ލުއިވާނެ