މާލޭގެ ރަސްފަންނު ސަރަހައްދުން ބަޔަކު ހިނގާފައި ދަނީ: މިއަދުން ފެށިގެން މާލޭގެ ޕާކްތައް ބަންދުވާނެ.
13 މާޗް 2020 - 01:07
18 comments
މިހާތަނަށް ފަރުވާއެއް ހޯދިފައި ނުވާ ކޮރޯނާވައިރަސް އިތުރަށް ފެތުރިޔަ ނުދިނުމަށްޓަކައި އަޅާ ފިޔަވަޅެއްގެ ގޮތުން، މާލޭގެ ޕާކްތަކާއި މައިޒާންތައް މިއަދުން ފެށިގެން މާލޭ ސިޓީ ކައުންސިލުން ބަންދުކޮށްފި އެވެ.
ސިޓީ ކައުންސިލުން މި ގޮތަށް ނިންމީ، ކޮވިޑް-19 އާ ގުޅިގެން، ސިއްހީ ކުއްލި ނުރައްކަލުގެ ހާލަތު ސަރުކާރުން އިއްޔެ އިއުލާން ކޮށްފައިވާތީ، ޕާކްތަކާއި މައިޒާންތަކަށް މީހުން ޒިޔާރަތް ކުރުން ހުއްޓާލުމަށް ޑިރެކްޓާ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު އެންގެވުމުންނެވެ. އެގޮތަށް އޭނާ އެންގެވީ އާންމު ސިއްހަތު ރައްކާތެރިކުރުމުގެ ގާނޫނުގެ 34 ވަނަ މާއްދާގެ (ރ) ގެ ދަށުންނެވެ.
މައިމޫނާ ސޮއިކުރައްވައި ނެރުއްވި އަމުރުގައި އަންގާފައި ވަނީ، މާލެ އާއި ވިލިމާލެ އަދި ހުޅުމާލޭގެ ހުރިހާ ޕާކްތަކާއި މައިޒާންތަކަށް މީހުން ޒިޔާރަތް ކުރުން މިހާރުން ފެށިގެން ވަކި ގޮތަކަށް އަންގަންދެން ހުއްޓާލުމަށެވެ.
މާލޭ ސިޓީ ކައުންސިލުން ނެރުނު ބަޔާނެއްގައި ބުނީ، ކޮވިޑް-19 އާ ގުޅިގެން ރާއްޖޭގައި ސިއްހީ ކުއްލި ނުރައްކަލުގެ ހާލަތު އިއުލާން ކޮށްފައި ވާތީ، ޖުމްހޫރީ މައިދާނާއި ސަލްޓަން ޕާކް އަދި އެހެނިހެން ޕާކްތަކާއި މައިޒާންތައް މިއަދުން ފެށިގެން އާންމުންނަށް ބަންދުވާނެ ކަމަށެވެ.
އާންމު ސިއްހަތު ރައްކާތެރިކުރުމުގެ ގާނޫނުގެ ދަށުން ރާއްޖޭގައި ފުރަތަމަ ފަހަރަށް ސިއްހީ ކުއްލި ނުރައްކަލުގެ ހާލަތު އިއުލާން ކުރުމުން، ސިއްހަތު ރައްކާތެރިކުރުމަށް އަޅާ ފިޔަވަޅެއްގެ ގޮތުން ބައެއް ބާވަތުގެ ކަންކަން މަނާކުރުމުގެ ބާރު ޑިރެކްޓަ ޖެނެރަލް އޮފް ޕަބްލިކް ހެލްތަށް ލިބެ އެވެ. އެގޮތުން އެކި ސަރަހައްދުތަކުގައި އެކި ކަންކަން މަނާކުރުމުގެ ބާރު އޭނާ އަށް ލިބޭނެ އެވެ.
މައިމޫނާ ސޮއިކުރައްވައި ނެރުއްވި އަމުރުގައި އަންގާފައި ވަނީ، މާލެ އާއި ވިލިމާލެ އަދި ހުޅުމާލޭގެ ހުރިހާ ޕާކްތަކާއި މައިޒާންތަކަށް މީހުން ޒިޔާރަތް ކުރުން މިހާރުން ފެށިގެން ވަކި ގޮތަކަށް އަންގަންދެން ހުއްޓާލުމަށެވެ.
ރާއްޖެ އިން ވެސް ކޮވިޑް-19 ބަލި ޖެހިފައިވާ އަށް މީހަކު މިދިޔަ ހޮނިހިރު ދުވަހުގެ ރެ އިން ފެށިގެން މިހާތަނަށް ވަނީ ފެނިފަ އެވެ. އެ އެންމެންނަކީ ވެސް ބިދޭސީންނެވެ.
އެއީ ކުރެއްދޫ އައިލެންޑް ރިސޯޓުގެ ހަތަރު މީހަކާއި ސޭންޑީސް ބަތަލާ އައިލެންޑް ރިސޯޓުގައި ތިބި ޓޫރިސްޓް ދެމަފިރިއަކާއި ކުރަމަތި އައިލެންޑް ރިސޯޓަށް އައިސް ތިބި ޓޫރިސްޓް ދެމަފިރި އެކެވެ. ކުރެއްދޫން ޕޮޒިޓިވް ވި ބައެއް މީހުންގެ ތެރޭގައި އެ ތަނުގެ ބިދޭސީ މުވައްޒަފުންތަކެއް ވެސް ހިމެނެ އެވެ.
ޕާރކުތަކާއި މައިޒާންތަކަށް މީހުން ޒިޔާރަތްކުރުން ހުއްޓާލުމަށް އެންގުން. pic.twitter.com/OROKJdjSMU
— HPA Maldives (@HPA_MV) March 12, 2020
މާލޭގެ ޕާކްތަކާއި މައިޒާންތަކަށް މި ދުވަސްވަރު ނުދިއުމަށް ޑިރެކްޓާ ޖެނެރަލް އޮފް ޕަބްލިކް ހެލްތު މައިމޫނާ އެންގެވުން.
ކޮވިޑް-19 އާ ގުޅިގެން، ރާއްޖޭގައި ސިއްހީ ކުއްލި ނުރައްކަލުގެ ހާލަތު ހެލްތު މިނިސްޓަރު އަބްދުﷲ އަމީން އިއްޔެ އިން ފެށިގެން 30 ދުވަހުގެ މުއްދަތަށް އިއުލާން ކުރެއްވުމާ އެކު، އާންމުން އެއް ތަނަކަށް އެއްވުމަށް މަގުފަހިވާ ކަންކަން ދަނީ ކެންސަލް ކުރަމުންނެވެ. ޚާއްސަކޮށް އަންނަ މަހުގެ ހަތަރެއްގައި ބާއްވަން ކުރިން ހަމަޖައްސާފައި އޮތް ލޯކަލް ކައުންސިލްތަކުގެ އިންތިޚާބު އެ މަހުގެ 18 އަށް އިލެކްޝަންސް ކޮމިޝަނުން ވަނީ ފަސްކޮށްފަ އެވެ، އަދި ސިއްހީ ކުއްލި ނުރައްކަލުގެ ހާލަތު އިއުލާން ކުރުމުގެ ކުރިން ވަނީ، ފުރަތަމަ ޓާމުގެ މިޑް-ޓާމް ޗުއްޓީ އަށް ފަހު ސްކޫލްތައް ހުޅުވުން އެއް ހަފުތާ އަށް ފަސްކޮށްފަ އެވެ.
މިހާރު ހަމަޖެހިފައިވާ ގޮތުން ނަމަ ސްކޫލްތައް ހުޅުވާނީ މި މަހުގެ 22 ގަ އެވެ. ނަމަވެސް ސިއްހީ ކުއްލި ނުރައްކަލުގެ ހާލަތާ ގުޅިގެން އެ ތާރީޚަށް ބަދަލެއް އަންނާނެ ކަމެއް އަދިއެއް ނޭނގެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަންފަގެއަލީ
13 March 2020
ނިކަންބަލާ މިއޮތް ހީނާމާގޭ ޕާކިންޒޯނެއް. ފުރެންދެން ބަންގާޅީން ހިނިހަރުތަކެއްހެން. ދެފަރާތަޢް ކުޅުބުރުވާކެއްސާ ސިގިރޭޓުބޮއެ މީހުންގެ ސައިކަލްތަކަށް އަރާ ނޭފަތުން ގުޅަވަށާ ހަމައެއަތުން ސައިކަލްތަކުގެ މުށްގަޑުތައް އަނބުރާއަނބުރާ. ފާހާނާކޮށްގެން ސައިބޯންޏެއްބޭނުން ކުރާބައެއްވެސް ނޫން. ދެން ސައިކަދުއްވާމީހަގެ ހާލަކީކޮބާ. ފެން ބާލިދީޖެހީމަ މާބޮޑަށް އިންސާނިއްޔަތު ވެގެން އަހަރުމެން މިއުޅެނީ އަމިއްލަ ސިއްހަތާއިމެދު ކަންބޮޑުނުވަނީބާ
ސީރިއަސްކޮށް
13 March 2020
އަދި ނަމަކަށްބަްދުކުރިޔަސް ނުވޭ! މި ތަންތަނުގައި ޕޮލިހުން ބައިތިއްބައިގެން ނަަމަވެސްހުއްޓުވަންޖެހޭ. ދެންމެވެސް ސޯސަންމގު މައިޒާނުގަވެސް ދިވެހިންނާ ބިދޭސީން ހަމަަ އެބަތިބި.
ބަބުރުލް ސަލީމް
13 March 2020
ދެން އެއްވާނީ މަގުމައްޗަށް. މީ ދިވެހީން!
ނެކްސްޓް
13 March 2020
ކީއްވެތަ ގޭގަ ނޯވެވެންވީ
ޝާޑު
13 March 2020
ފޫހިވާތީ.
ނީރާ
13 March 2020
ޕާކްތަކާ މައިޒާްންތައް ބންދުކޮށްގެން ހަމައެކަނި ވާކަށްނެތް. އާދޭސްކޮށްފ ބުނަން. މަގުމައްޗަށް ކުޅުޖެހުން ހުއްޓުވޭތޯ އަވަހަށް މަސައްކަތްކުރަމާ ހިނގާ. ބޭރުބަސްތަކުން ލިޔުންތައްލިޔެ ބަހަންވީ. ހުކުރުނަމާދުގައިވެސް ވަރަށް ގިނަމީހުން މިތިބެނީ މަގުމަތީގަ މުސައްލަ އަޅައިގެން. އެމަގުތައް މައްޗަށް ހުއްޓާނުލާ އެ ކުޅުޖަހަނީ. އެމަގުތަކުގަ ނަމަދުކޮށް ނިމިގެން މި އަންނަނީ އެމުސައްލަތައް ހިފައިގެން ގެއަށް. ދެންވިސްާލާ މިކަމުގަހުރި ނުރައްކާތެރިކަން.
ވަހީދު
13 March 2020
ބަންދުކޮށްފައިވާ ކަމުގެ އިއުލާނެެއް ނެތް. ދޭސީންނާއި ބިދޭސީން އެތަންތަނުގައި އެބަތިބި.
ޞ×ބ×
13 March 2020
ރަނުނިންމުމެއް އެންމެ ދެރައީ ގޭގަމިއުޅޭބޭރުމީހުން ބޭރަށްދާންހިފާވަރުން. ފްރައިޑޭގަ ހެނދުނުދިހައަކަށްބޭރަށްދާންއެމީހުންއެދޭ. މިހާރުގެހާލަތަށްބަލާފަ ގެއިންބޭރަށްނިކުތުންސޭފްނޫނޭބުންޏަސް ނުވިސްނޭ
އަލަމާރި
13 March 2020
ޖުމްހޫރީ މައިދާން ހުއްޓުވޭނެބާ، ހުކުރު ދުވަހު؟
ޢައިޝާ މަނިކު
13 March 2020
ޜިސޯޓުތަކުގައި މަސައްކަތްކުރާ ދިވެހިން އެމީހުންގެ ރަށަށް ނައިޓަށް ދެވޭ އެއްވެސް އެއްޗެއްހިތަކަށް ނާރާ. ޥަކި މުއްދަތަކަށް5 ނައިޓަށް ނުދެވޭގޮތަށް ހެދުމީ އެންމެންގެ ސަލާމަތަށް އެޅޭ މިހިއްމުފިޔަވަޅަކަށް ވާނެ އެ ސްޓާފުންގެ އާއިލާ އާއި ދަރިންގެވެސް ސަލާމަތައްޓަކާ.
ައަރިއަތޮޅު
13 March 2020
އަދިވެސް ރިސޯޓުތަކުން ކޮންމެ ދުވަހަކު މީހުންއުޅެ ރަށްތަކަށް އެތްއް ބައިވަރު ސްޓާފުން ގޮސް އައިސްވޭ، ކޮންމެހެން ޚާއްސަ ބޭނުމެއްނެތި ބިދޭސީ ސްޓަފުން މީހުން އުޅެރަށްރަށަށް މިދުވަސްވަރު ދިޔުން ހުއްޓުވުން އެއީ ބަލި ފެތުރުން ހުއްޓުވުމަށް އެޅޭ ފިޔަވަޅެއް
ނީރާ
13 March 2020
ޕާކްތަކާ މައިޒާންތަކަށް މީހުން.އެއްވުން ހުއްޓުވާ، މިސްކިތްތަކުން ކާޕެޓް ނެގުމަށް އެންމެ ކުރިއްސުރެ ފެށިގެންވެސް ކޮމެންޓްކުރަން ފަށައިފިން. ހަމަމިއާއެކު މަގުމައްޗަށް ކުޅުޖެހުން މަނާކޮށް ބޭރުބަސްތަކުން ލިޔެ ޚާއްޞަކޮށް ބަންގްލަދޭޝް ބަހުން ލިޔުންތައްލިޔެ ހުކުރު ޖަމާޢަތަށްދާ މީހުންނަށް ބަހާދިނުމަށްވެސް އެދުނިން. އަދި ލިޔުންތައް ބޮޑެތިކޮށް ބިލްބޯޑުތަކުގައި ލިޔެ މާލެއާ އަތޮޅުތެރޭގަވެސް މުހިންމު ސަރަޙައްދުތަުގަ ބަހއްޓަންވީ. ކުރިއަށް އޮތީ ރަމަޟާންމަސް.