ހެލްތު މިނިސްޓަރު އަމީނާއި ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ މަޝްވަރާއެއްގައި.
17 އެޕްރީލް 2020 - 14:06
15 comments
މާލެ ސަރަހައްދުގައި މިދިޔަ ދުވަހު އިއުލާންކޮށްފައިވާ ލޮކްޑައުންގެ މުއްދަތު އިތުރު 14 ދުވަހަށް ދަންމަން ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު މިއަދު ނިންމަވައިފި އެވެ. އެ ނިންމެވުމާ އެކު، އަންނަ މަހުގެ 1 އާ ހަމައަށް މާލެ އާއި ހުޅުމާލެ އަދި ވިލިމާލެ އޮންނަނީ ލޮކްޑައުންގަ އެވެ. އަދި ތިލަފުއްޓާއި ގުޅީފަޅަށް އެ މުއްދަތުގައި އަރައިފޭބުން މަނާވާނެ އެވެ.
އެޗްޕީއޭ އިން މި ފިޔަވަޅުތައް އަޅަނީ މާލެ އިން ކޮރޯނާވައިރަހަށް ބަޔަކު ޕޮޒިޓިވްވުމުން ކޮންޓެކްޓް ޓްރޭސިން ހެދުމާއި އެހެނިހެން ފިޔަވަޅުތައް އެޅުމަށެވެ.
މާލެ އިން އެ ވައިރަހަށް ހަތް މީހަކު ޕޮޒިޓިވް ވެފަައިވާއިރު އެޗްޕީއޭއިން ދެންމެ ކުރި އިއުލާނެއް ބުނީ ކުރިއަށް އޮތް 14 ދުވަހުގެ ތެރޭގައި މާލެ ސަރަހައްދުގައި އެއްގަމު އުޅަނދު ދުއްވުމާއި މަގުމައްޗާއި އާއްމު ތަންތަނަށް މީހުން ނިކުތުމަކީ މަނާ ކަމެއް ކަމަށެވެ.
މާލެ ސަރަހައްދުގައި ޕަބްލިކް ޓްރާންސްޕޯޓް ވެސް ކުރިއަށް އޮތް 14 ދުވަހު ހުއްޓާލުމަށް ވަނީ އަންގައިފަ އެވެ.
އެ ފިޔަވަޅުތަކުން އިސްތިސްނާވާ ފަރާތްތައް
* ސިފައިންނާއި ފުލުހުން
* ސިއްހީ ހިދުމަތްދޭ ތަންތަނުގެ މުވައްޒަފުންނާއި އެ މީހުން ދުއްވާ އުޅަނދު ފަހަރު
* އެމްބިއުލާންސް
* ނެޝަނަލް އެމަޖެންސީ އޮޕަރޭޝަން ސެންޓާ (އެންއީއޯސީ) ގެ ފާސް ލިބިފައިވާ ފަރާތްތައް
* އެންއީއޯސީގެ ފާސް ލިބިފައިވާ މީޑިއާތައް
* ފުލުހުން ހުއްދަ ދޭ ފަރާތްތައް
އާއްމު ސިއްހަތުގެ ކުއްލި ނުރައްކަލުގެ ހާލަތުގެ ދަށުން ޑިރެކްޓާ ޖެނެރަލް އޮފް ޕަބްލިކް ހެލްތު، މައިމޫނާ އަށް ލިބިފައިވާ ބާރުގެ ދަށުން ފުލުހުންނާއި ކަމާބެހޭ އިދާރާތަކަށް އަންގާފައިވަނީ އެ އެންގުންތައް ތަންފީޒު ކުރުމަށެވެ.
ފިޔަވަޅުތައް ތަންފީޒު ކުރުމުގައި ވަގުތާއި ހާލަތަށް ރިއާޔަތްކޮށް އަޅަން ޖެހޭ އެންމެހާ ފިޔަވަޅުތައް އެޅުމަށްވެސް ވަނީ އަންގާފަ އެވެ.
މުޅި މާލެ ލޮކްޑައުންއަކަށް ގެނައީ މިދިޔަ ބުދަ ދުވަހު މާލޭން މީހަކު ކޮވިޑް-19 އަށް ޕޮޒިޓިވް ވުމުންނެވެ. އޭނާއާ އެކު މާލޭން ހަތް މީހަކު ވަނީ އެ ނުރައްކާތެރި ބައްޔަށް ޕޮޒިޓިވް ވެފަ އެވެ. އަދި އެމީހުންނާ އެތައް ސަތޭކަ ބަޔަކު ވަނީ ކޮންޓެކްޓް ވެފަ އެވެ. ރާއްޖެ އިން މިހާތަނަށް މި ވަނީ 27 މީހަކު ކޮވިޑް-19 އަށް ޕޮޒިޓިވް ވެފަ އެވެ.
މާލޭ ލޮކްޑައުން ކޮށްފައިވާއިރު ޒަރޫރީ ބޭނުންތަކަށް ތަކެތި ހޯދުމަށް ވަނީ ދަތިތަކާ ކުރިމަތިވެފަ އެވެ. އެކަންކަން ހައްލު ކޮށްދެއްވާނެ ކަމަށް ސަރުކާރުން ގެންދަނީ ބުނަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
17 April 2020
މީގެ 3 މަސް ކުރިން އަހަރުމެން މިތާ ލިޔުނިން މި ގައުމު ބަންދުކުރާނީ ބަލި މީހުންނާއި އެކު ތޯ ނުވަތަ ނޫންތޯ! އޭރު އަލީ ވަހީދު ވިދާޅުވީ ދުނިޔެއަށް ގައުމު ބަންދުކޮށް ނުތިބެވޭނެކަމާއި އެކަން ނުކުރާނެކަމަށް. މިއަދު ބޯޑަރ ވެސް ބަންދު، ވައިރަސްވެސް ފެތުރިއްޖެ، އިގްތިސާދުވެސް އަޑިއަށް، އެންމެން ހާލުގަ...ފުރަތަމަވެސް ބޯޑަރ ބަންދުކުރިނަމަ ގައުމުގެ އެތެރޭ ލޮކްކުރާކަށް ނުޖެހުނީސް
ޚިޔާލު
17 April 2020
މުޅި މާލެ ލޮކްޑައުން ކުރަންޖެހޭ ހާލަތަށް ދާނެކަން ކުރިންވެސް ވިސްނޭނެ. ތައްޔާރުވެފައި ތިބިކަމަށް ބުނަމުން އައީ. އެކަމަކު ސިޓީ ކައުންސިލަށް ޑެލިވަރީގެ ކަންތައްވެސް ރަގަޅަށް ރާވާލަން ނޭގުނު. ސަރުކާރުގައި މަދު މިނިސްޓްރީއެއް ފިޔަވާ ދެން ފޭލްވެފައި. ހެލްތު ދާއިރާ ރަގަޅު. މާލެއިން މީހުން މަދުކުރަން އަދި ބިދޭސީން މަދުކުރަން ކުރެވުނުކަމެއް ނެތް. އިގުތިސާދީ ދާއިރާ ފޭލްވެފައި. ދެންވެސް ސިފައިންނާއި ގިނަ ޓާސްކްތައް ހަވާލުކުރޭ.
ހަބީބު
17 April 2020
ތަނެއްދޮރެއް ނުދަންނަ ބަޔަކައް ކަމެއްހޯދޭނެގޮތެއް ނުވިސްނޭ ދެންއިސްތިޔުފަދީ
ކޮށްބަލަ
17 April 2020
ލޮކްޑަައުން ކުރިއަސް މައްސަލައެއް ނެތޭ. އެކަމު ކޮންމެ ކޮއްޓަކުން ނަމަވެސް 1 ފިހާރައަށް ނަމަވެސް ޑެލިވެރީގެ ހިދުމަތް ދޭން ހުއްދަ ދޭގޮތަށް ހަދާލަ ބަލަ. ތޮއްނުޖެހި ތަކެތި ފޯރުކޮށްދޭން ފަސޭހަވާނެ.
ބޮޑު ކޮވިޑ
17 April 2020
ތަކެތި އެއްގޮޔަކަށްވެސް ނުލިބެތާ ސާޅީސް އަށް ގަޑިއިރުވަވީ!
އޮނަރަބްލް އަފީފު ދީދީ
17 April 2020
އައްޑޫ ވިޔަފާރިވެރިންތަކެއް ގުޅިގެން ތައިލެންޑުން މޭވާއާއި ތަރުކާރީ، ކުކުޅުބިސް ގެންނާންވެގެން ފްލައިޓެއް ޗާޓަރ ކުރުމަށް މޯލްޑިވިއަންގައި އެދުމުން ގަމަށް ދަތުރުކޮށްދެވެންނެތް ކަމަށާއި މާލެއަށް ތިދަތުރު ކޮށްދެވިދާނެކަމަށް ކުންފުނީގެ ވެރިން ބުނިކަމަށް އަޑުއިވޭ! # ކީއްވެގެންތޯ މޯލްޑިވިއަންގެ ދަތުރުތަށް ގަމަށް ނުކުރެވެންވީ؟ މިއީތޯ އިންސާފަކީ؟!
ތޫފަ
17 April 2020
އޮނަރަބަލް ލިޔަން ފުރަތަމަ ދަސްކުރަންވީނު.
ރޮށިސިޓީ
17 April 2020
ސައުގުވެރިކަމެއްނެތް
އޮނަރަބްލް އަފީފު ދީދީ
17 April 2020
ދައުލަތް ހިންގާން ޙަވާލުވި އެއްވެސް ފަރާތަކުން "މުޖުތަމައުގެ ޤާނޫނީ ޒިންމާ ނުނަންގަވާ" މިއަދު ކަމަކާއި ޖެހޭއިރަށް "ފަރުދީ ޒިންމާއޭ" ބުނެ އަޑަުފަތުރާކަށް ނުޖެހޭ. # މާލެ ބަންދު ވުމާއިއެކު ދައުލަތް ހުއްޓި ތުރާކުނުން އައްޑުއަށް ހިމެނޭ މީހާ ބަނޑަށްޖެހި މަރުވާކަށް ނުޖެހޭނެ. # އެހެންވީމާ އަހަރުމެން "އެއްރަށް ދައުލަތް ސިޔާސަތާއި ދެކޮޅު ބަޔަކަށްވަނީ" އަހަރުމެން އަދިވެސް ދެމިތިބޭނީ މިސިޔާސަތު ބަދަލުކުރުމަށް ގަދައަޅާ މަސައްކަތް ކުރާބައެއްގެ ގޮތުގައި.
ނިރު
17 April 2020
" އޮތަސް މަރޭ ނުކުތަސް މަރޭ " މިޝިޔާރުގެ ދަށުން ކާބޯތަކެތި ލިބޭނެގޮތެއް އޮތްތޯ ބަލަމް މީހުން ނުކުންނަނީ
3 ނިރު
17 April 2020
ނުނިކުމެ ވާން ނެތީމަ ނިކުންނަނީ. ގޭގަ ހުރެގެން ލިބޭނަމަ ނުނިކުންނާނެ. ވައިރަހަށް ހުށަހެޅުމުގެ ޝައުގުވެރިކަމެއް އެކަކުގެވެސް އޮންނާނެހެން ހިއެއްނުވޭ.
ސަސި
17 April 2020
ފަރުދީޒިންމާ ނެގުމެއްނެތި އަމިއްލަ އަމިއްލައަށް މަގުތަކުގަ އުޅޭ މީހުން ނަށް ފިޔަވަޅު އަޅަންޖެހޭ
މުސަޅު
17 April 2020
ޒަރޫރީ ބޭނުންތަކަށް ތަކެތި ލިބޭނޭ ގޮތް ހޯދައިދޭނަމ މޭ ކިޔާލަ ކިޔާލަ ތިބެނީ..3 މަސް ވަންދެން ކުރި މޮޅަތި ތައްޔާރީތައް ކޮބާ...އެއްބައިމީހުން ހެން ކާއެއްޗިސް ގިނައަން ގަނެވުނު ނަމައޭ ހިތައް އަރާ، ސަރުކާރުން ދޭ ޔަގީންކަމަކަށް އެއްވެސް އިތުބާރެއް ނެތް. ހެލްތް ވޯރކަރުން ކުރާ ބުރަ މަސައްކަތައް ޝުކުރުކުރަން