ކޮވިޑް-19: ދަރަވަންދޫ އެއާޕޯޓު ވަގުތީ ގޮތުން ބަންދު

ދަރަވަންދޫ އެއާޕޯޓު

13 މާޗް 2020 - 23:45

ބ. އަތޮޅުގެ ރިސޯޓެއްގައި ހުރި ޓޫރިސްޓަކު ފުރުމަށް ދަރަވަންދޫ އެއާޕޯޓަށް މިރޭ ދިޔައިރު، އޭނާގެ ފަރާތުން ކޮވިޑް-19 ބަލީގެ އަލާމާތްތަކެއް ފެނުމުން އެ އެއާޕޯޓު ވަގުތީ ގޮތުން ބަންދުކޮށްފި އެވެ.

ދަރަވަންދޫ އެއާޕޯޓުގައި ހުރި މީހަކު ބުނީ، ރިސޯޓަކުން ފުރަން ދިޔަ ޓޫރިސްޓު މީހާގެ ފަރާތުން ކޮވިޑް ބަލީގެ އަލާމާތްތަކެއް ފެނުމުން، އޭނާއާ އެއާޕޯޓުން ކޮންޓެކްޓް ވި އެންމެން މިހާރު ތިބީ އެއާޕޯޓުގައި އެކަހެރި ކޮށްފައި ކަމަށެވެ. ބައެއް މީހުން ބުނާ ގޮތުގައި ބަލީގެ އަލާމާތަށް ޝައްކު ކުރެވުނީ ދެ މީހަކަށެވެ. އަދި ރިސޯޓުތަކުގެ ލޯންޗުތައް ވެސް ދަރަވަންދު އަށް ކައިރި ކުރުން މިވަގުތަށް މަނާކަމަށް ވެ އެވެ.

މިކަމާ ގުޅޭ ގޮތުން އެޗްޕީއޭ އިން އަދި ރަސްމީކޮށް ވަކި އެއްޗެއް ނުބުނެ އެވެ.

މިހާތަނަށް ފަރުވާއެއް ހޯދިފައި ނުވާ ކޮރޯނާވައިރަސް ޖެހިފައިވާ ނުވަ މީހަކު ރާއްޖެ އިން މިހާތަނަށް ފެނިފައިވާއިރު، އެ އެންމެންނަކީ ބިދޭސީންނެވެ. އެ ބައްޔަށް އެންމެ ފަހުން ރާއްޖެ އިން ޕޮޒިޓިވް ވީ މިއަދެވެ. އެއީ އަންތަރާ ދިގު ރިސޯޓުގެ ބިދޭސީ އެކެވެ.

އެ ރިސޯޓުގެ އިތުރުން ދެން ކޮރޯނާވައިރަސް ޖެހިފައިވާ މީހުން ރާއްޖެ އިން ފެނުނީ ކުރެއްދު އާއި ބަތަލާ އާއި ކުރަމަތި މޯލްޑިވްސް ރިސޯޓުންނެވެ.

ރާއްޖޭގައި ކޮރޯނާވައިރަސް އިތުރަށް ފެތުރިޔަ ނުދިނުމަށްޓަކައި ސިއްހީ ނުރައްކަލުގެ ކުއްލި ހާލަތު އިއްޔެ އިން ފެށިގެން އިއުލާންކޮށް ބައެއް ކަންކަން މިހާރު ވަނީ މަނާކޮށްފަ އެވެ. އޭގެ ތެރެއިން މިރޭ އިއުލާންކުރި އެއް ކަމަކީ ކޮރޯނާވައިރަސް އަށް ޕޮޒިޓިވް ވި މީހުން ފެނުނު ރިސޯޓުތަކާއި ބައެއް ކޭސްތަކަށް ޝައްކު ކުރެވުނު މީހުން ފެނުނު ރިސޯޓުތަކުގެ މުވައްޒަފުން އެ ރިސޯޓުތަކުން ފޭބުން މަނާކުރުމެވެ. އެއީ ކުރެއްދޫ، ބަތަލާ، ކުރަމަތި، ސަމާ އައިލެންޑް، ވިލަމެންދޫ، އިރުވެލި، ސަން ގިލި އަދި ސިކްސް ސެންސަސް ލާމުންވެ.

މީގެ އިތުރުން، ޓޫރިސްޓުން އެއްވެސް ގޮތަކަށް އެކްސްކާޝަނަށް މާލެ ވެސް ހިމެނޭ ގޮތަށް އެއްވެސް ރަށަކަށް ދިއުން 10 ދުވަހަށް ވަނީ މަނާކޮށްފަ އެވެ.

ބ. ދަރަވަންދޫ ދަރަވަންދޫ އެއާޕޯޓް ޓޫރިސްޓުން ރިސޯޓްތައް ބަލިތައް

13 ކޮމެންޓް, 60 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަބަރު

14 March 2020

ދަރަވަންދޫ އެއާރޕޯރޓް ކީއްކުރަން ބަންދުކުރީ؟ ރާއްޖެއަށް ތިބަލި ހުރިމީހުނާއި ޝައްކުކުރެވޭ އެންމެން ވަންނަނީ އެ އެއާރޕޯރޓުންތަ؟ ކަލޭމެން ފެއިލްވެއްޖެ. އަދިވެސް ދޮރު ހުޅުވައިގެން ޑޮލަރެއް ވަންނަތޯ. ޓްރަމްޕް ޑޮލަރު ދީފާނެ. އެއީ ޑޮލަރު ޖަހާމީހާ. ދޮރު ބަންދުކޮށްފަ އޭނަކާރިއަށް ދޭބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރަވަންދޫ

14 March 2020

މިބަލި ފެތުރުން ކޮންޓްރޯލްކުރަން ސަރުކާރުން މަސައްކަތް ކުރާނަމަ މިކަންވީސް! ހައްލަކީ ރާއްޖެ އަންނަ ގެސްޓުން ވަގުތީގޮތުން މެދު ކަނޑާލުން މިހާރު މިކަންތައް ދާގޮތުން ރައްޔިތުން މިތިބީ ބޮޑު ބިރުވެރިކަމެއްގެ ތެރޭގައި މިކަމައް އަވަސް ހައްލެއް ބޭނުން ވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަމާނެއް ފިސާރި

14 March 2020

ކީއްވެތަ ކޮންމެ ތަނަކުން ފެނުނީމަ ފިޔަވަޅުއަޅަން މިމަޑުކުރަނީ....ފެނުމުގެ ކުރިން ކަންކަން ހުއްޓުވިއްޔާދޯ އިތުރަށް ފެތުރުނަ ނުދީ ވާނީ.... މިހާރު ނުފެންނަ ރިސޯރޓްތަކާ އެއާރޕޯޓްތަކާ ހޮޓާ ރެސްޓޯރަންޓް ފަދަ ތަންތަންވެސް އެބަޖެހޭ ދޯ ހުއްޓަން، ރާއްޖެކަހަލަ ގައުމަކުން އިޓަލީ ތަންތަންހެން ފެތުރެން ފަށައިފިއްޔާ ކިހިނެތްތަ މެނޭޖްކުރާނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

9 ވަނ ކޭސް

14 March 2020

އެންމެ ފަހުން ޕޮޒިޓިވްވީ އަނަންތަރާ ދިގު ރިޒޯޓުގަ ހުރި މީހަކު. އެކަމަކު އެރިސޯޓު ބަންދު ނުކުރަނީ ކީއްވެބާ؟ މީގަ އެބަ އުޅޭ މައްސަލައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔެސް

14 March 2020

މާލެއާ މީހުން ދިރިއުޅޭ ރަށްތަކަށް ގެސްޓުން އެރުން އެއްކޮށް މަނާކުރަންވީ. ޚިދުމަތުގައި ރިޒޯޓްތަކުގައި ތިބި މީހުންވެސް އެތިބި ތަނެއްގައި މަޑުކުރަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާރަގެމަ

14 March 2020

ތިޔަބަޔަކު އެއަރޕޯރޓް އަށްއައުމުގެ ކުރިން ނޭގުނު ސަބަބު ހޯދަންޖެހޭ .އެތައްބަޔަކައް ތިލިބުނީ ގެއްލުން .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

14 March 2020

ބަންދު ކުރާންޖެހެނީ މާލެއާއި މާލެ ކައުރީގައިވާ ރަށްރަށާއި ހުޅުމާލެ އާއި މާލޭ އެއަރޕޯޓަށް ބޭނުމެއްނެތި ވަދެވެން ހުރި މަގުތަށް. # ކީއްވެގެންތޯ ހުއްޓުމެއްނެތި މާލޭ އެއަރޕޯޓްގައި މަސައްކަތްކުރާ ބިންކާދިން ޤުރޫޕަށް ކޮންމެ ދުވަހަކު އެތައް ސަތޭކަ މީހުން އެއަރޕޯޓަށް އަރުވައިގެން މަސައްކަތް ކުރުމަށް ފުރުސަތު ދީފައިއޮތީ ؟! # އަޅާންޖެހޭ ގިނަ ފިޔަވަޅު ތަކެއް ދޫކޮށްލާފައި ވަރަށް ކޫސަނިކަންކަން ސަރުކާރުން ކުރަމުންދާތަން އެބަފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުލައި

14 March 2020

ސަރުކާރުން އަދިވެސް ޔޫރަޕުން ހަމަ ޓޫރިސްތުން އަންނަން ދޫކޮށްގެން ތިބިއްޔާ މިހާލަތު ގޯހުން ގޮށްވާނީ. މިހާރު އެންމެ ހަލުއިމިނުގަ ޔޫރަޕްގަ މިބަލި ފެތުރެނީ. މިވަގުތަށް އެބަޖެހޭ އަވަހަށް ޔޫރަޕުން މީހުން އައުން ހުއްޓުވަން. ޓުރިޒަމަށް ،ރިޒޯޓުތަކަށް ގެއލުން ވިއަސް ރައްޔިތުންގެ ރައްކާތެރިކަން މާމުހިންމު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީބަލީ

14 March 2020

ބަރާބަރު. ސިއްހީ ނުރައްކަލުގެ ކުއްލި ހާލަތު އިއުލާން ނުކުރިނަމަ އަދިވެސް ތި އަލީ ވަހީދެއްގެ އުނދަގުލާ ހެދިގެން ތިއިން ރިޒޯޓެއްގައިވެސް އެއްވެސް ސަލާމަތީ ފިޔަވަޅެއް ތަންފީޒު ނުކުރެވުނީސް. ދެން ގައުމު ހަމަ މަގަށް އެޅެންދެން ހެލްތުން ތި ސްޕީޑުގައި ހިފަހައްޓާލާ!