ކަރަންޓީނު ފެސިލިޓީއެއްގެ ގޮތުގައި ބޭނުންކުރާ މާލެ އަތޮޅު ވިލިވަރު. ރާއްްޖޭގެ އެކި ކަންކޮޅުތަކުގައި 600 އަށް ވުރެ ގިނަ ކަރަންޓީނު ފެސިލިޓީ ވަނީ ގާއިމްކޮށްފައި.
15 މާޗް 2020 - 12:37
9 comments
ކޮވިޑް-19 މުޅި ރާއްޖެ އަށް ފެތުރިއްޖެ ހާލަތެއްގައި އެކަހެރި ކުރަންޖެހޭ މީހުން ބައިތިއްބުމަށްޓަކައި ރާއްޖޭގެ ހުރިހާ އަތޮޅެއްގައި ކަރަންޓީން ފެސިލިޓީ ގާއިމްކޮށްފި އެވެ. އެގޮތުން، މިހާތަނަށް 600 އަށް ވުރެ ގިނަ ތަންތަން އަތޮޅުތަކުގައި ހަދާފައިވާ ކަމަށް ސަރުކާރުން ބުނެ އެވެ.
ދަރުބާރުގޭގައި ރޭ ބޭއްވި ޕްރެސް ކޮންފަރެންސެއްގައި ރައީސް އޮފީހުގެ އަންޑަ ސެކްރެޓަރީ މަބްރޫކް އަބްދުލްއަޒީޒް ވިދާޅުވީ، މާލެ ސަރަހައްދުގައި ކުރިން ހުރި ކަރަންޓީން އަދި އައިސޮލޭޝަން ފެސިލިޓީތަކުގެ އިތުރުން ރާއްޖޭގެ އެކި އަތޮޅުތަކުގައި ޖުމްލަ 641 ފެސިލިޓީ މިހާރު ގާއިމް ކޮށްފައިވާ ކަމަށެވެ.
މާލެ ސަރަހައްދުގައި ގާއިމް ކޮށްފައި ވަނީ ވިލިވަރު ކަރަންޓީނު ފެސިލިޓީއައި ފަރުކޮޅުފުށި އައިސޮލޭޝަން ފެސިލިޓީ އެވެ. އޭގެ އިތުރުން އއ. ވެލިދޫ އައިލެންޑް ރިސޯޓް ކަރަންޓީނު ފެސިލިޓީއަކަށް ބަދަލުކުރަން ސަރުކާރުން އަންނަނީ މަސައްކަތް ކުރަމުންނެވެ. އެއީ، މިވަގުތު ބަންދުކޮށްފައި އޮތް ރިސޯޓެކެވެ.
މަބްރޫކް ވިދާޅުވީ އެ ތަންތަނުގެ އިތުރުން، ހުޅުލޭ އައިލެންޑް ހޮޓާ (އެޗްއައިއެޗް) ވެސް ކަރަންޓީނު ފެސިލިޓީއަަކަށް ބޭނުން ކުރެވިދާނެތޯ ބެލުމަށް އެ ހޮޓާ ހިންގާ ކުންފުންޏާ ސަރުކާރުން ވާހަަކަ ދައްކަމުން އަންނަ ކަމަށެވެ.
ކޮވިޑް-19 ފެތުރުން ކޮންޓްރޯލް ކުރުމަށްޓަކައި، ޓޫރިސްޓުން ރާއްޖެ އައުމުގައި އަމަލުކުރަން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އިއްޔެ ހަމަޖެއްސި އުސޫލުގައިވާ ގޮތުން، އެހެން އެެއްވެސް ތަނެއްގައި މަޑުނުކޮށް ޓޫރިސްޓުން ދާން ޖެހޭނީ އެ މީހުން ތިބެން ހަމަޖެހިފައިވާ ރިސޯޓަކަށެވެ. އެ އުސޫލަށް އަމަލުކުރާ ނަމަ އެޗްއައިއެޗަށް އައުން ގާތްގަނޑަކަށް ހުއްޓުމަކަށް އަންނާނެ އެވެ.
ކޮވިޑް-19 އަށް ރާއްޖޭން ޕޮޒިޓިވް ވި މީހުންގެ އަދަދު މިއަދު ވަނީ 11 އަށް އަރައިފަ އެވެ. އެކި ގައުމުތަކުގައި އެ ބަލި ޖެހުނު މީހުންގެ މިހާރުގެ އަދަދަކީ 156,533 އެވެ. އެ ބަލީގައި 5,835 މީހަކު މަރުވި އިރު 75,922 މީހަކު ރަނގަޅުވެފަ އެވެ.
ރާއްޖެ އިން މިހާތަނަށް ކޮވިޑް-19 ޖެހުނު މީހުން:
1. ކުރެއްދޫ ރިސޯޓު- 5 މީހުން. 2. ބަތަލާ ރިސޯޓުން- 2 މީހުން. 3. ކުރަމަތި- 2 މީހުން. 4. އަންނަތަރާ ދިގު ރިސޯޓު- 2 މީހުން.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒިން މާ ކުރުވަމ މާ
15 March 2020
600އަށްވުރެގިނަ ކަރަންޓީނު ފެސިލިޓީސް ހެދިއިރު ބަލިއެއް މެ ސީރިޔަސްވެއްޖެނަ މަ ފަރުވާދެވެންހުރީ 10 މީހުންނަށޯ.
ރުޅި
15 March 2020
ހެޔޮ ނުވާނެ މިއީ މިހާރު މިވައިރަސް މުޅި ދުނިޔެއަށް ފެތުރި ޑަބްލިއޫއެޗްއޯ އިން ދުނިޔެއަށްކުއްލި ނުރައްކަލުގެ ހާލަތު އިޢުލާންކޮށްފަ އޮތް ދަނޑިވަޅެއް. ވީމާ ރާއްޖެއަށް އެންމެރަނގަޅުވާނީ 14 ދުވަހަށް މި ގައުމު އެއްކޮށް ބަންދުކޮށްލުން. އެހެންނޫނީ މުޅި ދުނިޔޭން ވައިރަހުން ސަލާމަތްވަންދެން ރާއްޖޭން ޖެހޭނެ މަސައްކަތްކުރަން.
ނިބޫ ސޯލިހު
15 March 2020
ތީ މިތާ ވާއެއްޗެއް ނުވާއެއްޗެއް އުސޫލުން ހަދާފަހުރި ތަންތަންތޯ. ނޫނީ ކޮންމެ ގެއެއްގެ ފާހާނާ ކަރަންޓީން ފެސިލިޓީއެއްކަމަށް ކަނޑައެޅީތޯ
ތުއްތުނާ
15 March 2020
ރިސޯޓްތަކަށް އަރައި ފޭބުން 14 ދުވަހަށް މަނާ ކުރުމުން މީގެއިން އަދި މުޅިން ރައްކާތެރިކަން ކަށަވަރު ނުވާނެ ..... އެއީ އަދިވެސް ރިސޯރޓް ތަކަށް ގެސްޓުން ގެނައުން ހުއްޓާލާފައި ނުވާތީ ކޮންމެ ދުވަހަކު އަލަށް ރިސޯޓަށް އަންނަ ޓޫރިސްޓުން ނާއި ރިސޯރޓް ގައި މިހާރު ތިބި މީހުންނާއި އެކުވަމުން ދާނީ .... ދެން މިވާގޮތުން ކޮންމެ ދުވަހަކު 14 ދުވަހަށް އިތުރު ދުވަހެއް އިރު ކުރަން ޖެހޭ !... މިކަން ހަމައަކަށް އެޅޭނީ ފަތުރުވެރިން ގެނައުން މެދުކަނޑާލުމުން އެކަނި....
ދޮންމަނިކެ
15 March 2020
މިފަދަ ޓެކު ޒަމާނުގަ ތިޔަ ފެސިލިޓީތައް ހުރިތަކަނާ އެތަންތަނުގެ ނަން އެނގޭނެ ގޮތް ހައްދަވައިދެއްވުން އެދެން.. މީހުން އުޅޭ ކޮންމެ ރަށެއްގަ ފެސިލިޓީއެއް ހުރިނަމަވެސް ވާނީ 200ސައްތަ
ކަޅުމަނިކެ
15 March 2020
އެއް ރަށެއްގައި އެއް ތަނަށްވުރެ ގިނައިންވެސް ހުރެދާނެ. އެކަމު ކަރަންޓީން ފެސިލިޓީއޭ ކިޔުމަކީ ވަރަށް ބޮޑު އޮޅުވާލުމެއް. މީހުން އެކަހެރިކޮށް ބައިތިއްބޭނެ ގޮތަށް އަމިއްލަ މީހުންގެ ގޭގެއިން ނުވަތަ އެހެންވެސް ސަރުކާރުގެ އިމާރާތަކުން ކޮޓަރިތަކެއް ހޯދުމަށްފަހު ފެސިލިޓީއޭ ކިއީމަ އެއީ އޮޅުވާލުމެއް. އެތަންތަނުގެ ފެންވަރު ބަލައިފިއްޔާ ފެސިލިޓީއޭ ކިޔޭނެ ފެންވަރު ހުންނާނެހެން ހިއެއްނުވޭ.
ސޮބުރީ
15 March 2020
ބަލިޖެހުނީމަ ގެންގޮސްލާނެ ތަންތަނެއްނޫން ބޭނުމީކީ ތި ބަލި ފެރުނަނުދީ ކޮންޓުރޯލުކުރުން މުހިއްމީ
އަލިކޮ
15 March 2020
ބަލިޖެހޭނެ ސޮބުރީ ބެއްޔާ. މުޅި ދުނިޔެ ވެސް މިއުޅެނީ މިކަން ކޮންޓްރޯލްނުވެގެން.
އަހުމަދުބޭ
15 March 2020
ސަރުކާރުން ތިކުރާ ބުރަމަސައްކަތަށް ސުކުރު ކުރަން، އަދި ތި ކަރަންޓީން ފެސިލިޓީތަކުގެ ލިސްޓު އާއްމުންނަށް އިނގޭނެގޮތެއް ހަދައި ދިނުން ވަރަށް ރަގަނޅުވީސް