ނެޝަނަލް އިމަޖެންސީ އޮޕަރޭޝަން ސެންޓަރުން ބޭއްވި ޕްރެސްކޮންފަރެންސެއްގައި އެ ސެންޓަރުގެ ތަރުޖަމާން އަދި ރައީސް އޮފީހުގެ އަންޑަ ސެކްްރެޓަރީ މަބްރޫކް އަބްްދުލް އަޒީޒް ވާހަކަދައްކަވަނީ.
25 މާޗް 2020 - 11:37
18 comments
އަވަށްޓެރި ސްރީލަންކާގައި ތިބި މީހުުންގެ ތެރެއިން އެނބުރި ރާއްޖެ އަށް އަންނަަން ބޭނުންވާ މީހުން ގެންނަން އެ ގައުމުގެ ސަރުކާރާ ވާހަަކަަ ދައްކަމުން އަންނަަ ކަމަށް ދިވެހި ސަރުކާރުން ރޭ ބުނެފި އެވެ.
ކޮވިޑް-19 ފެތުރޭތީ ލަންކާ ސަރުކާރުން އެޅި އެއް ފިޔަވަޅަކީ އެ ގައުމަށް ކުރާ ހުރިހާ ވައިގެ ދަތުރުތަކެއް ހުއްޓުވައިލުުމެވެ. އެ ގައުމުގައި ކުރިއްސުރެ ދިރިއުޅެމުން އައި ދިވެހިންނާއި އެހެން ބޭނުންތަކުގައި އެ ގައުމަށް ދިޔަ އެތައް ބަޔަކު މިހާރު ތިބީ ނާދެވި ތާށިވެފަ އެވެ. އަދި އެ މީހުން ގެންނަން އަމިއްލަ ބަޔަކު ފްލައިޓެއް ޗާޓަރުކޮށް، އަގުބޮޑުކޮށް ޓިކެޓް ވިއްކަމުންދާ ކަމަށް އިއްޔެ އަޑު ފެތުރުނެވެ.
ނެޝަނަލް އިމަޖެންސީ އޮޕަރޭޝަން ސެންޓަރުން ރޭ ބޭއްވި ޕްރެސް ކޮންފަރެންސްގައި އެ ސެންޓަރުގެ ތަރުޖަމާން އަދި ރައީސް އޮފީހުގެ އަންޑަ ސެކްްރެޓަރީ މަބްރޫކް އަބްްދުލް އަޒީޒް ވިދާޅުވީ ސަރުކާރުން އެފަދަ މަސައްކަތެއް ކުރާކަން ސަރުކާރަށް އަންގާފައި ނުވާ ކަަމަށާއި އެއީ ކުރެވޭނެ ކަމެއް ކަމަށް ވެސް ގަބޫ ނުކުރައްވާ ކަމަށެވެ. އެކަމަކު ލަންކާގައި ތިބި މީހުންގެ ތެރެއިން އަންނަން ބޭނުންވާ މީހުން ގެންނަަން ސަރުކާރުން މަސައްކަތް ކުރަމުން އަންނަ ކަމަށް ވިދާޅުވި އެވެ.
"އަޅުގަނޑު ތިޔަ ބޭފުޅުންނަށް ދެންނެެވިން ހަމަ ލަންކަ ސަރުކާރާއި ދިވެހި ސަރުކާރާ ވާހަކަ ދެއްކެމުންދޭ އެއާ ސްޕޭސް ހުޅުވޭނެ ގޮތެއްް ނުވަތަ އެ އަންނަން ބޭނުންވާ ބަޔަކަށް އާދެވޭނެ ގޮތެއް ހޯދަން،" އޭނާ ވިދާޅުވި އެވެ.
އޭނާ ވިދާޅުވީ އެކި ގައުމުތަކުގައި މީހުންނަނަށް އެނބުރި ގައުމަަށް ނުދެވި މީހުން ތާށިވުމަކީ ރާއްޖެ އަށް އެކަނި ދިމާވެގެން އުޅޭ ކަމެއް ނޫން ކަަމަށާއި ދުނިޔޭގެ ހުރިހާ ހިސާބެއްގައި ވެސް މިހާރު އޮތީ އެ ހާލަތު ކަމަށެވެ.
ކޮވިޑް-19 ހަލުވިކަމާއެކު ފެތުރެމުން ދާތީ ލަންކާސަރުކާރުން އަޅަމުން އަންނަ ފިޔަވަޅުތައް ވަނީ އިތުރަށް ވަރުގަކޮށްފަ އެވެ. އެގޮތުން އަލަށް އެޅި ފިޔަވަޅުތަކަކަކީ:
1- ވަކި ހުރިހާ ކެޓެގަރީ އެއްގެ ވިސާ ދޫކުރުން ހުއްޓައިލުން
2- އެއްވެސް ކެޓެގަރީއެއްގެ ވިސާ (އިލެކްޓްރޯނިކް ޓްރެވަލް އޯތޮރައިޒޭޝަން މެދުވެރިކޮށް ލިބިފައިވާ ވިސާ، ސްރީލަންކާގެ ރެޒިޑެންޓް ވިސާ، އެންޓްރީ ވިސާ، ލޭންޑިންގް އެންޑޯސްމެންޓް އަދި މަލްޓިޕްލް އެންޓްރީ ވިސާ) ލިބިފައި ހުއްޓަސް، މިހާތަނަށް މިއިން އެއްވެސް ވިސާއެއް ބޭނުންކޮށްގެން ސްރިލަންކާ އަށް ދަތުރު ކޮށްފައިނުވާނަމަ، މި ވިސާތައް ވެސް 31 މާޗު 2020 ގެ ރޭގަނޑު ސްރީލަންކާ ގަޑިން 23:59 އާ ހަމައަށް ސަސްޕެންޑް ކުރުން.
ދުނިޔޭގެ އެކި ކަންކޮޅުތަކުގައި ކޮވިޑް-19 އަށް ޕޮޒިޓިވްވި މީހުންގެ އަދަދު މިއަދު ވަނީ 422,959 އެވެ. އެ ބަލީގައި 18,907 މީހަކު މަރުވި އިރު 109,144 މީހަކު ވަނީ ރަނގަޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝައްފަ/ލަންކާ
25 March 2020
ހެޔޮނުވާނެ އެމްބެސެޑަރ އުމަރު ބަދަލު ކޮށްދެއްވާ. މާރޗް 18 އަދި 19 ލަންކާ ގައި ބަންދު ކަމުގެ އެސް.އެމް.އެސް އައީ އެރޭގެ 10.30 ގައި. ހުރިހާ ކަމެއްވެސް މި އުމަރު އަށް ވަނީ މާ ލަސްވެ ވަގުތު ފާއިތުވާ ފަހުން.
ސަޅި
25 March 2020
މަބުރޫކު މީހުންނާ މުޚާތަބު ކުރަމުން ތިދާގޮތަށް އައްސަރިބަހާ ސާބަސް ރައްދުކުރަން
ދިވެހިސދ
25 March 2020
އެތައް ހާސް މީހުންނެއް އިންޑީއާ، ލަންކާގައި އުޅޭ އިރު މިކަހަލަ ކަމެއް ޖެހުނީމާ އެންމެން ރާއްޖެ އަންނަން ޑިމާންޑު ކުރީމާ ވަރަށް އުނދަގޫ ކަމަކަށްވާނެ! އެންމެން ރާއްޖޭގައި ތިބެގެން މިތަން ކުރިއަރުވަން އުޅޭނަމަ މިހާލަތެއް ނާންނާނެ!
ކިޔަވާ ކުއްޖާ
25 March 2020
އަހަރެެމެން މިތާންގަ މިދިރި އުޅެނީކީ ނަށާފަ ލަވަކުޅޭކަށް ނޫން.އެހެންޔަ އެބަކިޔައޭ ކީއްކުރަންހޭ ރާއްޖެ ދޫކޮށް ދިޔައީ. ވަކި ތިޔަހެން ލިޔާ މީހުން ކީއްވެ ރީތި ރާއްޖެތެރެ ދޫކޮށް އައިއްސަ ކުލި ކުޑަ ކުރާށޭ ގޮވަނީ.
ާތުއްރަވާސް
25 March 2020
ގޭސް އަނބުރަން ނުހަދާ. ލަންކާގަ އުޅޭ ދިވެހިންނަށް ތަކެތި ލިބުމުގައާއި ދިރިއުޅުމުގަ ދައްޗެއް ނެތް. ފަހަރެއްގައި މީހެއްގެ މާލީ ދަތިކަމެއް އޮވެދާނެ. އެއީ މުޅިން އެހެންކަމެއް.
ޢަހުމަދު
25 March 2020
ލަންކާގަ ގިނައީ އެތަނުގައި ދިރިއުޅޭ ދިވެހިން. ހޮޓާތަކުގަ އުޅޭމީހުން ވަރަށް މަދުވާނެ.
ޙަނާ
25 March 2020
310 ޑޮލަރަށް އެއްކޮޅު ޓިކެޓް. މިވަގުތުވެސް ރައްޔިތުން ފެލޭތޯ
ލަންކާތޯ
25 March 2020
އެހެން ލިޔުމެއްގައި ވޭ އިނާމޯލްޑިވްސް ފިރާޤު ފްލައިޓް ޗާޓަރ ކުރަންބޭނުން ވާހަކަ.... ގޭމްބްލްއެއް އަތައް ގޮވީ ދޯ!
މުޝީރު
25 March 2020
ރާއްޖެ ފުރަބަދުކުރުންތޯ ރަނގަޅީ ނުވަތަ ގޭބަންދުގައި މަސައްކަތެއް ނުކޮށް ތިބުންތޯ ރަނގަޅީ . މިވަގުތު ކުރަންވީކަމަކީ ގައުމު ހަލާކުވުމުގެ ކުރިން ، މުޅީރާއްޖެ ފުރަބަންދުކޮށް ދަނޑުވެރިކަމާއި ، މަސްވެރިކަމާއި ދެންވެސް އިގްތިސާދީގޮތުން ކުރެވެންހުރިކަމެއް ކޮށް އެތެރޭގެ އިގްތިސާދު ރަނގަޅޫކޮށް މިނިވަންކަމާއި އެކު ހަރަކާތްތެރިވެވޭނެ މާހައުލަކަށް އައުން ، އެއީ އެއްވެސް ބަޔަކަށް ބޭރުން އެތެރެނުވެވޭގޮތް ހެދުން. .. އަފަހަތަށް 50 އަހަރު ޖެހެންބޭނުމެއްނޫން
އަހުމަދުބޭ
25 March 2020
ލަންކާގައި ހާލްގައި ޖެހިފާވާ މީހުން ކެޓަގަރައިޒް ކޮއް ދިރިއުޅޭމީހުން ބައިތިއްބައިފާ އެހެން ޒަރޫރީކަންކަމުގައި ގޮސްތިބިމީހުން ގެނެވޭތޯ އުޅުން ރަގަނޅު، ލަންކާގައި އޮތް ދިވެހި ބޮޑުއާބާދީ ގެނެސް 14 ދުވަސްވަންދެން ސަރުކާރުން ބެލެހެއްޓުމަކީ ކުރެވޭ ވަރަށް ބޮޑުބޭކާރު ޚަރަދެއް ވައިރަސް ނެތީ މިހާރު ކޮންގައުމެއްގައިތޯ؟ ތިހެން ސަރުކާރުގެ ޚަރަދުގައި އަންނަ ބޭނުންބަޔަކަށް އަންނަން އޮތިއްޔާ ނާންނާނީ ވަކި ކާކުތޯ، ހިލޭ އެއްޗެއް ލިބެންޏާ ނުހޯދާނީ ކާކުތޯ