29 މާޗް 2020 - 22:40
11 comments
ކޮވިޑް-19 ފެތުރުން ހުއްޓުވުމަށް އަޅާ ފިޔަވަޅެއްގެ ގޮތުން، ރާއްޖޭގެ ރަށްތަކުގައި ހިންގާ ސިނަމާތަކާއި ފިލްމު ތިއޭޓަރުތައް ހިންގުން ވަގުތީ ގޮތުން ހުއްޓާލުމަށް، ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ އަންގައިފި އެވެ.
ސިއްހަތުގެ ކުއްލި ނުރައްކަލުގެ ހާލަތުގެ ދަށުން ޑިރެކްޓާ ޖެނެރަލް އޮފް ޕަބްލިކް ހެލްތު، މައިމޫނާ އަބޫބަކުރަށް ލިބިވަޑައިގެންފައިވާ ބާރުގެ ދަށުން އަންގާފައި ވަނީ ރާއްޖޭގައި ހިންގާ އެންމެހައި ސިނަމާތަކާއި ފިލްމު ތިއޭޓަރުތައް ހިންގުން މާދަމާއިން ފެށިގެން ވަގުތީ ގޮތުން ހުއްޓާލުމަށް އަންގާ ކަމަށެވެ.
އެ އެންގުން ތަންފީޒު ކުރުމަށް ކަމާ ބެހޭ ހުރިހާ އިދާރާތަކަށް ވަނީ އަންގައިފަ އެވެ.
އެޗްޕީއޭއިން މިއަދު ވަނީ މާލެ ސަރަހައްދުގައި ހިންގާ ޖިމްތަކާއި ކަސްރަތު ކްލާސްތައް ވެސް ވަކި މުއްދަތެއް ނެތް ގޮތަށް ހުއްޓާލަން އަންގައިފަ އެވެ.
ސިއްހީ ކުއްލި ނުރައްކަލުގެ ހާލަތު އިއުލާން ކުރުމާ އެކު، އެޗްޕީއޭގެ ޑިރެކްޓަ ޖެނެރަލް މައިމޫނާ އަށް ބޮޑެތި ބާރުތަކެއް ލިބިވަޑައިގަންނަވަ އެވެ. އާންމު ސިއްހަތަށް ކުއްލި ނުރައްކަލުގެ ހާލަތެއް ކުރިމަތިވެއްޖެ ކަމަށް، ވަޒީރު އިއުލާނުކުރައްވައިފި ނަމަ، އެކަމާ ގުޅިގެން އަޅަން ޖެހޭ ފިޔަވަޅުތައް އަޅާނީ ޑިރެކްޓަ ޖެނެރަލް އޮފް ޕަބްލިކް ހެލްތެވެ. އެ ބާރުގެ ދަށުން ގިނަ އެންގުންތަކެއް މިހާތަނަށް އަންގާފައިވެ އެވެ.
ރާއްޖޭން ކޮވިޑް-19 އަށް 17 މީހަކު ޕޮޒިޓިވް ވެފައިވާއިރު އޭގެ ތެރެއިން 13 މީހުން ވަނީ ރަނގަޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފްް
30 March 2020
ކޮވިޑް ނަވާރަ ސަލާމަތްކުރެވޭނީ އިންސާނުން އެއަށް ލޯބިވާ ތަފާތު ޖަނަވާރުތައްވެސްް ޓެސްޓްކޮށް ކަރަންޓީނުކޮށްގެން.
ދެރަ
30 March 2020
މިސްކިތްތަކުގައި ނަމާދުކުރުން މަނާކުރިއިރު ސިނަމާތައް ބަންދުނުކުރީ ކީއްވެ?
ސާނީޒް
30 March 2020
އެމްޕީއެލް އަށް ގެއްލުންވާތީ ތޯ އަދިވެސް ބަސްދަތުރު ހުއްޓާ ނުލަނީ؟ ގޭގަ ތިބެން ބުނާއިރު އަމަލާ ބަހެއް ދިމާނުވޭ ނޫންތޯ؟ ކާރެއްގަ މީހަކު ދާނީ ވަރަށް މުހިނަމު ވީމަ ކަމަށް މިބަލަނީ
މުހައްމަދު ނަސީރު
30 March 2020
ކޮން އިރަކުންތޯ ޕަބްލިކް ޓްރާސްޕޮޓޭޝަން ހުއްޓާލާނީ؟
ޝޮކްތެރަޕީ
30 March 2020
މި ސަރުކާރަކީ ކޮންކަހަލަ ބައެއްކަން އެގިހުރެ އަދާލަތް ޕާޓީ މަގާމުގެ ދަހިވެތިކަމުގަ ރާއްޖެ ފުޑާލަން މަގު ފަހިކޮއްފި.
އެންދެރި
30 March 2020
ފުރަތަމަ.ބަންދު ކުރީ.މިސްކިތް ތަކެވެ. ކުޅިވަރު ކުޅޭ ތަންތަނާ ސިނަމާ ތަކާ ހަމަ އަށް ދިޔައީ އަދި ކިރިޔާ އެވެ.
ލޭޑީ ބޯއީ
30 March 2020
ތިޔަހުރީ އެނގިފަ ކަލޯ. ކުޅިވަރު ކުޅޭ ތަންތަން ބަންދު ކޮއްފި މިސްކިތްތައް ބަަންދުކުރުމުގެ ވެސް ކުރީގަ. ގޭގަ އިނދެ އިނދެ ބަނޑުލީއިރުގައި ވެސް މިސްކިތައް ދިޔައިން. ކޮން އިރަކު އެންމެ ފަަހުން ނަމާދެއް ކުރީ؟
ކައްކާ
29 March 2020
ދައުލަތުގެ މުއައްސަސާތަކުގެ ބަސްމަގު ހުންނަންޖެހޭނީ ތިގޮތަށްކަމަށް މަމެން ދެކެނީ. އެހެންނޫނީ ހަމަ އެހެންހުރެފަ އިއުލާނެއް ނެރިފާނެ މާލޭގެ ޖިމްތައް ބަންދުކުރާށޭ، މާލޭގެ މަގުތަކަށް ކުޅުނުޖަހާށޭ ކިޔާފަ. މިހުންނަނީ ވަކިރަށެއްވީމަ ކުރަންޖެހޭ ކަންތަކެއްނޫން.
ހަސަނުގެ ބައްޕަ
29 March 2020
ފުރަތަމަވެސް މިސްކިތްތައް، ދެން މަޖުބޫރުވީމަ ސިނަމާތައް. ގޯހެއްނޫން...
އޮނަރަބްލް އަފީފު ދީދީ
29 March 2020
ޚޮބައިތޯ މާލޭގައި ހުރި ބޯކޮށާ ތަންތަން؟! ކީއްވެތޯ މާލޭ ބަސްދަތުރު ނޫންނަމަ ހުޅުލެ ފެރީތައް ހުއްޓާނުލައިގެން އުޅެނީ؟ ކޮތަރު ޕާކާއި މާލޭގެ މައިޒާން ތަކާއި މިސްކިތްތައް ބަންދުކޮށްފައި ހުއްޓަސް އެތަންތަނުން ބިދޭސިން ނުފެންނަ އެމީހުން ނުތިބޭވަގުތެއް ނުދޭ.
އާދަމް ބާއީ
29 March 2020
ސިނަމާތަށް މެދުކަނޑާތްފެއްނޫންތަ؟.......... ކާކު މިހާރު ސިނަމާއަށް ފިލްމުބަލާން ވަންނާނީ. ގޮވާފައިހުރި މީހެއް ފަހަރުގާ ހިނގައިދާނެ.