ކޮޮވިޑް-19 އާ ގުޅިގެން ސުޕްރީމް ކޯޓުން ދިން އިރުޝާދުގެ ސަބަބުން ކޯޓުތަކުގެ މިނިވަން ކަމަށް އަސަރެއް ނުކުރޭ: ޖޭއެސްސީ
ސުޕްރީމް ކޯޓު: ކޮވިޑް-19 އާ ގުޅިގެން އެ ކޯޓުން އެހެން ކޯޓުތަކަށް އެންގި އެންގުމުގެ ސަބަބުން މިނިވަން ކަމަށް އަސަރު ނުކުރާ ކަމަށް ޖޭއެސްސީން ބުނޭ -- ފޮޓޯ/މިހާރު
05 އެޕްރީލް 2020 - 18:33
13 comments
ކޮވިޑް-19 އާ ގުޅިގެން ކޯޓުތަކުން އަމަލު ކުރަންޖެހޭ ގޮތްތަކާ ބެހޭގޮތުން ސުޕްރީމް ކޯޓުން ނެރެފައިވާ ސާކިއުލާގެ ސަބަބުން ޝަރުއީ ދާއިރާގެ މިނިވަން ކަމަށް އަސަރު ކުރާނެ ތަނެއް ނެތް ކަމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ބުނެފި އެވެ.
ކޮވިޑް-19 އާ ގުޅިގެން ސިއްހީ ނުރައްކަލުގެ ކުއްލި ހާލަތުގެ ދަށުން ގިނަ ފިޔަވަޅުތަކެއް ދަނީ އަޅަމުންނެވެ. އެގޮތުން، ސަރުކާރު އޮފީސްތަކާއި ސްކޫލްތައް ވެސް ބަންދު ކޮށްފައިވާއިރު، މި ދުވަސްވަރު ކޯޓުތަކުން އަމަލު ކުރަންޖެހޭ ގޮތުގެ އުސޫލުތައް ބަޔާންކޮށް ސުޕްރީމް ކޯޓުން ކުރިން ވަނީ ސާކިއުލާއެއް ނެރެފަ އެވެ.
ޖޭއެސްސީން މިއަދު ނެރުނު ބަޔާނެއްގައި ބުނީ، ސުޕްރީމް ކޯޓުގެ ސާކިއުލާއާ ގުޅިގެން ބައެއް ފަރާތްތަކުގެ ކަންބޮޑުވުންތަކެއް ހުރި ކަމަށް އެ ކޮމިޝަނަށް ފާހަގަ ކުރެވޭތީ އެކަމާ މެދު އެ ކޮމިޝަންގެ މިއަދު ޖަލްސާގައި މެމްބަރުން މަޝްވަރާ ކުރެއްވި ކަމަށެވެ. އަދި ސުޕްރީމް ކޯޓުން އެކަމުގައި އެހެން ކޯޓުތަކަށް ދީފައިވާ އިރުޝާދުތަކަކީ ވަގުތާއި ހާލަތަށް ރިއާޔަތްކޮށް، ދީފައިވާ އިރުޝާދުތަކެއް ކަމަށާއި އޭގެ ސަބަބުން ފަނޑިޔާރުންނާއި ޝަރުއީ ދާއިރާގެ މިނިވަން ކަމަށް އަސަރު ކުރާނެ ތަނެއް ނެތް ކަމަށް ކޮމިޝަންގެ މެމްބަރުން ފާހަގަ ކުރެއްވި ކަމަށް ޖޭއެސްސީން ބުންޏެވެ.
މީގެ އިތުރުން ވ. ކެޔޮދޫ މެޖިސްޓްރޭޓް ކޯޓުގެ އިސް މެޖިސްޓްރޭޓް އަބްދުލްޣަފޫރު މުހައްމަދު މަގާމުން މުސްކުޅިކޮށް ދިނުމަށް އެދިވަޑައިގެންފައިވާތީ، އެގޮތުގެ މަތިން އޭނާ ވަޒީފާ އިން މުސްކުޅިކޮށް ދިނުމަށް އެ ބައްދަލުވުމުގައި ނިންމާފައިވާ ކަމަށް ވެސް ޖޭއެސްސީން ބުންޏެވެ.
ކޮވިޑް-19 އާ ގުޅިގެން ކޯޓުތަކުގެ ޝަރީއަތްތައް ވެސް ވަގުތީ ގޮތުން އޮތީ މެދުކަނޑާލައިފަ އެވެ. އެކަމަކު ކޮންމެހެން ބާއްވަންޖެހޭ ޝަރީއަތްތަކާއި ބަންދާ މެދު ގޮތެއް ނިންމުން ފަދަ މަސައްކަތްތަކުގެ އިތުރުން މައްސަލަތައް ހުށަހެޅުމާއި ބަލައިގަތުމުގެ މަސައްކަތް އަދިވެެސް ކުރިއަށް ގެންދެ އެވެ. އަދި އޮންލައިންކޮށް މައްސަލަ ހުށަހެޅޭނެ އިންތިޒާމް ވެސް ކޯޓުތަކުން މިހާރު ވަނީ ހަމަޖައްސައިފަ އެވެ.
ކޮވިޑް-19 އަށް ރާއްޖެއިން ނުވަ މީހަކު ޕޮޒިޓިވް ވެފައި ވާއިރު، އޭގެ ތެރެއިން 13 މީހަކު މިހާރު ވަނީ ރަނގަޅުވެފަ އެވެ. އެކަމަކު ބާކީ ތިބި މީހުންގެ ތެރޭގައި އިނގިރޭސިވިލާތުން ރާއްޖެ އައި ހަތަރު ދިވެއްސަކު ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަފްލާ
06 April 2020
ތިލަފަތް އަބަދުވެސް ފެންނަނީ އެއްފަރާތައް ބަރު ކޮއް ކިރާތަން މީގަ ފާހަނގަ ވަނީ ވާތްފަރާތައް ބަރުވާތަން މިހެން ވެގެން ނުވާނެ ޒައްރެއްގެ މިންވަރުވެސް ބަރުވާން ޖެހޭނީ ކަނާތް ފަރާތައް
ޢަޒްރާ
06 April 2020
މިހާރު އެންމެ މަތީ ކޯޓަކީ ޖޭ އެސް ސީ ދަށު ކޯޓަކީ ސްޕްރީމް ކޯޓް ނުވަތަ ސްޕީރިއާ ކޯޓްތައް މިމީހުން ކުރީމަ ކޮންމެ ކަމެއް ރަނގަޅު ދެން އަންނަ މީހަކު ކޮއްފިއްޔާ އެވީ ގޯސް ޖަޒީރާ ރާއްޖެ އެޖެންޑާ 19 ރައްވެހި ފަތިސް އެންމެ ފަހުން ކޮވިޑް 19 ވެސް ލިބުނީ އަދިވެސް ހޭލާކައް ނުވޭބާ!
ގަރަހިތަ
06 April 2020
ޖޭ.އެސް.ސީ ގައި ތިއްބެވި ޤާނޫނީ ބޭފުޅުންނަށް ދަންނަަވަން. ނެތް ބާރުވެސް އެބަ ބޭނުން ކުރެވޭ. އެއީ ގޯހެއް. ޑީ.ޖޭ.އޭ ލައްވާ ކޯޓުތަކުގައި ޝަރީޢަތް ކުރާނެ އުޞޫލުވެސް އެބަ ހަދާ. ޝަރީޢަތް ކުރާނެ އުޞޫލު ހެދޭނީ އުއްތަމަ ފަނޑިޔާރަށް ނުވަތަ ކޯޓުތަކުގެ ޤާޒީންގެ އާއްމު މަޖިލީހަށް. އެކަމަކާ ޖޭ.އެސް.ސީ އަކާ ނުބެހެވޭނެ. އެއީ ޤާނޫނުގައި ދީފައިވާ ބާރެއްނުން. އެބަ ހީވޭ އުއްތަމައަށްވުރެ ޖޭ.އެސް.ސީ ބާރުވެރިހެން.
ވަކީލްް
05 April 2020
ޝަރުއީކޯޓުތަކުން އަމަލު ކުރަންވީގޮތް އެގޭނީ އެބާރުގެ ވެރިޔާ އެބަހީ އުއްތަމަ ފަނޑިޔާރަށެވެ. ކޯޓުތައް ހުޅުވަންޖެހޭ ގަޑިތަކާއި ޝަރީއަތް ހިންގަންޖެހޭވަގުތު ކަނޑައަޅާނީ ސިޔާސީވެ ވަކިކޮޅަކަށް ބުރަވެފައިވާ ޖޭއެސްސީއަކުން ނޫނެވެ.
ކޯވިޑް19
05 April 2020
ތިއީ ޖޭއެސްސީ ގައި އެހެންޑާ ކޮށްގެން ވެސް ވާނެ ކަމެއް ނޫނެވެ. ތި މައްސަލަ ޖޭއެސްސީގައި އެޖެންޑާ ކުރުމުގެ މާނައަކީ ސުޕްރީމް ކޯޓްގެ ނިންމުން ޖޭއެސްސީ ބަދަލު ކޮށް ޖޭއެސްސީގެ މެންޑޭޓުން ބޭރުން ފިޔަވަޅު އެޅުމަކީ ކޮށްފާނެ ކަމެއް ކަމެވެ
ކޯމާ
05 April 2020
ޝަރީޢަތް ހިންގުމުގެ ސިޔާސަތު ކަނޑައެޅުމުގެ ކަންކަމާ ވެސް ޖޭއެސްސީ އިން ބެހެން ޖެހޭ ތޯއެވެ.އެއީ އުއްތަމަ ފަނޑިޔާރު ނުވަތަ އެއްމެމަތީ ކޯޓް ނުވަތަ ޖުޑީޝަރީ ކަޑައަޅާ ގޮތަކަށް ކުރަން ޖެހޭ ކަމެއް ނޫންތޯއެވެ. ޖުޑީޝަރީގެ ހާލަތާ މެދު ދެރަވެ ހިތާމަ ކުރަމެވެ.
ތަފްތާ
05 April 2020
ޖޭއެސްސީއަކީ ސިޔާސީ ހާއްޔެއް..ދެން ނެރޭ ބަޔާން ތެދުކަމަށް ގަބޫލުކުރާނީ ކިހިނެއް..ސްޕްރީމްކޯޓުން އެއްޗެއް ބުނީމަ އެއީ ތެދުކަމަށް ދައްކަން އެކިތަންތަނުން ބަޔާން ނެރެން ޖެހޭބާ..
އަންމަ
05 April 2020
ސްޕްރީމް ކޯޓަށްވުރެ މަތިން ޖޭ.އެސް.ސީ އިން ބަސްވިދާޅުވެއްޖެ. މިއީވާ ޤައުމެއް.
ކެލާ
05 April 2020
ޖޭ އެސް ސީ އާ ޑީޖޭ އޭގެ ސަބަބުން ކޯޓުތަކުގެ މިނިވަންކަމަށް މާ ބޮޑަށް ބުރޫއަރާ. ޝަރީޢަތް ހިންގާނެ ގޮތުގެ އުސޫލު މި ދެތަނުން ހެދުމަކީ ނުރައްކާ ސިގުނަލެއް
ކަންޒުކާ
06 April 2020
ޑީ.ޖޭ.އޭ ގެ ސަބަބުން ބަުރޫ އަރާކަން ހަމަ ޤަބޫލު ކުރަން. އެހެންނަމަވެސް އެމީހުންނަށް ބޮޑެތި ބާރުތަކެއް މިދިނީ ޖޭ،އެސް،ސީ އިން އިހައްދުވަހު. ނަމަވެސް، ސުޕްރީމް ކޯޓުގެ ބާރު އެއީ ޤާނޫނީ ބާރެއް. މީގެ ކުރިން އެހެން ގޮތަކަށް ކަންކަން ކުރިނަމަވެސް، އޭގެ މާނައަކީ މިހާރު ސުޕުރީމް ކޯޓަށް ބާރު ނެތެކޭ ނޫން. ޖޭ.އެސް.ސީ އަށް ސުޕުރީމް ކޯޓުގެ ބާރުގެ ތެރެއަށް އެބަ ވަދެވޭ. އަދި ޖުޑީޝަރީ ގެ ކަންކަމުގައި ނެތްބާރުވެސް އެބަ ބޭނުން ކުރާ ތަން ފެންނަމުން އެބަދޭ.
ޙުމައިދު 998
05 April 2020
ސުޕްރީމް ކޯޓަށް ނޫނީ އެހެން ތަނަކަށް ޝަރީއަތް ކުރާނެ ގޮތެއް ބުނެދެވެގިގެން ނުވާނެ! ޢެތަނުގައި އުއްތަމަ ފަނޑިޔާރަކާ އެހެން ފަނޑިޔާރުން ތިބެނީ ޤާނޫނުގައި ބުނާ ކަންކަން ކުރުމަށް އެކަނީ،
ކޭކުބެ
06 April 2020
ޤާނޫނުގައި އުއްތަމަ ފަނޑިޔާރަށް ކޯޓުތަަކަށް ޖުމްލަ ކޮށް ކަންކަން އެންގޭނެ. އަދި ޚާއްޞަ ހާލަތްތަކުގައި ފަރުވާ އާއި އުޞޫލުތައްވެސް ހެދޭނެ. ޖޭ.އެސް.ސީ އަށް ވުރެ ސުޕްރީމް ކޯޓު ބާރު ގަދަވާނެ. ހަމައެކަނި ފުށުއަރާ ކަންކަން ނުކުރެވޭނީ. މިސާލަކަށް ޖޭ.އެސްސީ އިން ސުޕްރީމްގެ ފަނޑިޔާރެއްގެ މައްސަލަ ބެލުން އެމީހުން އަމިއްލައަކަށް ނުހުއްޓުވޭނެ. ހަމަ އެގޮތައް ޖޭ.އެސް.ސީ ގެ ބާރަކީ ހަމައެކަނި އެކަންކަން. ޖުޑީޝަރީ ގެ އުޞޫލުތައް އެމީހުންނަކަށަ ނެހެދޭނެ.