ބިދޭސީއަކަށް ހަމަލާދިން ބަޔަކު ކޯޓުން ދޫކޮށްލި މައްސަލަ އިސްތިއުނާފްކޮށް، ޖޭއެސްސީ އަށް ހުށަހަޅަނީ

ޕީޖީ ޝަމީމް: ބިދޭސީއަކަށް ހަމަލާދިން ބަޔަކު ކޯޓުން ދޫކޮށްލި މައްސަލަ އިސްތިއުނާފްކޮށް، ޖޭއެސްސީއަށް ހުށަހަޅާނެ ކަމަށް ވިދާޅުވި -- ފޮޓޯ/މިހާރު

މުއިއްޒު އިބްރާހިމް، މިހާރު

06 އެޕްރީލް 2020 - 17:22

6 comments

ރ. އިންނަމާދޫގައި ބިދޭސީއަކަށް ހަމަލާދިން މައްސަލައެއްގައި ހައްޔަރުކުރި ދެ މީހަކު އެ ރަށު ކޯޓުން ދޫކޮށްލި މައްސަލަ އިސްތިއުނާފްކުރަން ނިންމައި، އެ މައްސަލަ ޖުޑީޝަލް ސާވިސް ކޮމިޝަން (ޖޭއެސްސީ) އަށް ހުށަހަޅަން ޕްރޮސެކިއުޓާ ޖެނެރަލްގެ އޮފީހުން ނިންމައިފި އެވެ.

އިންނަމާދޫގައި ނަރުދަމާ ނިޒާމު ގާއިމުކުރުމުގެ މަސައްކަތުގައި އުޅުނު ބިދޭސީއަކަށް ހަމަލާދިން މައްސަލާގައި 38 އަހަރުގެ ދިވެއްސަކު ހައްޔަރުކޮށް، ބަންދާ މެދު ގޮތެއް ނިންމަން އެރަށު ކޯޓަށް ގެންދިއުމުން އެ މީހުން ދޫކޮށްލަން ވަނީ އަމުރުކޮށްފަ އެވެ.

އެކަމާ ގުޅިގެން ޕްރޮސެކިއުޓާ ޖެނެރަލް ހުސައިން ޝަމީމް މިއަދު ކުރެއްވި ޓްވީޓެއްގައި ވިދާޅުވީ އެ ދެ މީހުން ދޫކޮށްލީ އެ މީހުންނާ ދެކޮޅަށް ފުލުހުން ހެކި ހުށަހަޅާފައި ވަނިކޮށް ކަމަށާއި އެ މައްސަލަ ހައި ކޯޓުގައި އިސްތިއުނާފްކުރާނެ ކަމަށެވެ. އަދި އެ ނިންމުން ނިންމި މެޖިސްޓްރޭޓްގެ މައްސަލަ ބަލައިދޭން ޖޭއެސްސީ އަށް ހުށަހަޅާނެ ކަމަށް ވެސް ޝަމީމްގެ ޓްވީޓްގައިވެ އެވެ.

ޕީޖީ އޮފީހުން ބުނީ ތުހުމަތުކުރެވޭ ދެ މީހުން ދޫކޮށްލީ ހުށަހަޅަންޖެހޭ ޑޮކިއުމެންޓްތަކެއް ހުށަނާޅާ ކަމަށް ބުނެފައި ކަމަށެވެ.

On recent Innamaadhoo case (suspects released by Magistrate AFTER police submitting evidence) @PGO_MV will appeal this decision at @mvhighcourt. We will also request @MaldivesJSC to look into issues where magistrates ignore facts presented, resulting in miscarriage of justice.
— Hussain Shameem (@HuShameem) April 6, 2020

ޕީޖީގެ ޓްވީޓް

ފުލުހުން ބުނެފައިވާ ގޮތުގައި އެ ބިދޭސީ މީހާ އަށް އެ ދެ މީހުން ހަމަލާދިނީ އޭގެ ތެރެއިން އެކަކު ގޭގައި ގަސްތަކަށް ފެން ޖަހަން އުޅުނުއިރު، ނަރުދަމާގެ މަސައްކަތް ކުރުމަށް ގެންގުޅުނު މެޝިނަރީތަކަށް ފެން ބުރާތީ އެ ވާހަކަ ބިދޭސީ މީހާ ބުނުމުންނެވެ.

ކުށްކުރުން ފުލުހުން މުވައްޒަފުން ޖުޑީޝަލް ސާވިސް ކޮމިޝަން ރ. އިންނަމާދޫ ހުސައިން ޝަމީމް (ޕީޖީ)

6 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިލޫ

07 April 2020

ނުބެލޭނެ ނުބެލޭނެ ސޯޓްބޭލޭނީ އެއީއެމްޑީޕީދެއެކްޓިވިސްޓުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

06 April 2020

÷ޕީޖީ އެބަޖެހޭ ތަންކޮޅެއްބޮޑަށް ގާނޫނު ދަސްކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުސާމް

06 April 2020

މަނިކްފާން. އަދިވެސް ކޯޓުތަކުން ގުޅިގެން ހިންގާ ޖަރީމާތަށް ވަރަށްގިނަ. ކިތައް މުޖުރިމުން ދޫކުރަމުން އެދަނީ. ވީމާ ޕީޖީ އަށް ކުރެވޭ އިތުބާރު ދަމަހަށްޓަން ބުރަމަސައްކަތް ތަކެއް ކުރަން އެބަ ޖެހޭ. މަނިކްފާނަށް ކުރެވޭނެ. އަންދާ ޤާނޫނު ހިންގަން އުޅޭމީހުން ހަމަ ބިމަށް ތިރި ކުރުމުގައި އެންމެ އިންޗިއެއްވެސް ދޫނުދެއްވާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އީސަ

06 April 2020

ސާބަސް.އިންސާފު ލިބެންޖެހޭނެ.އަދި ކޯޓުން އެމީހުންދޫކޮށްލި މީހާގެ މައްސަލަވެސް ބަލަން ޖެހޭނެ.ފަނޑިޔާރުންނާ މެދު މީހުން ސުވާލު އުފައްދަނީ އެހެންވެ.އިތުބާރު ގެއްލެނީ އެހެންވެ.ރިޝްވަތުގެ އިނގިލި އެމީހުންނާ ދިމާލަށް ދިއްކުރަނީ ކަމެއްވީމަ.އުއްމީދުކުރަން ބިދޭސީ މީހާއަށް އިންސާފު ލިބޭނެކަމަށް.