ކޮވިޑް-19: މެލޭޝިއާގައި ތިބި އާއިލާތަކަށް ތަކެތި ފޮނުވަން ހުޅުވާލައިފި

މޯލްޑިވިއަން އިން ސްރީ ލަންކާ އަށް ބޭއްވި ކާގޯ ދަތުރުގައި، އެ ގައުމުގައި ތިބި ދިވެހި އާއިލާތަކަށް ތަކެތި ފޮނުވުމަށް ބަސް ޓާމިނަލްގައި ހުންނަ މޯލްޑިވިއަން ކައުންޓަރު ކައިރީގައި ބަޔަކު ކިއޫ ހަދާފައި.---ފޮޓޯ: އަހުމަދު އަވްޝަން/މިހާރު

އާމިނަތު ޝިފްލީން، މިހާރު

07 އެޕްރީލް 2020 - 00:36

19 comments

މެލޭޝިޔާގައި ތިބި ދިވެހިންނަށް އެ މީހުންގެ އާއިލާތަކުން އެހީގެ ތަކެތި ފޮނުވޭނެ ގޮތް، ފޮރިން މިނިސްޓްރީން ހަމަޖައްސައިދީ އެކަމަށް ހުޅުވާލައިފި އެވެ.

އެ މިނިސްޓްރީން މިރޭ ނެރުނު ބަޔާނެއްގައި ބުނީ ކޮވިޑް-19ގެ ބަލިމަޑުކަމާ ހެދި، މެލޭޝިއާގައި ބަންދުވެފައި ތިބި ދިވެހިންގެ ޒަރޫރީ ބޭނުންތަކަށް ބޭނުންވާ ބައެއް ތަކެތި ހޯދުމަށް ދަތިވެފައިވާ ކަމަށެވެ. އެހެންވެ، އާއިލާތަކުން އެ މީހުންނަށް އެހީފޯރުކޮށްދޭން ބޭނުން ނަމަ، އެތަކެތި ހިލޭ މެލޭޝިޔާ އަށް ފޮނުވައިދޭނެ ކަމަށް ބަޔާނުގައި ބުންޏެވެ.

މޯލްޑިވިއަނުން މެލޭޝިއާ އަށް ބާއްވާ ފްލައިޓުގައި ތަކެތި ފޮނުވޭނީ އެކަމަށް އެންމެ ފުރަތަމަ ހުށަހަޅާ 500 މީހުންނަށް ކަމަށް ފޮރިން މިނިސްޓްރީން ބުންޏެވެ. އަދި ކޮންމެ އާއިލާއަކަށް ވެސް ފޮނުވޭނީ 15 ކިލޯގްރާމްގެ ތަކެތި ކަމަށް އެތަނުން ބުންޏެވެ.

އެހީގެ ގޮތުގައި މެލޭޝިޔާއަށް ފޮނުވޭނެ ތަކެތި

- މެލޭޝިއާ އިން ލިބެން ނެތް ޑޮކްޓަރީ ބޭސް ( ޑޮކްޓަރުގެ ޕްރިސްކްރިޕްޝަނާއެކު)

- މަސްދަޅު ކޭސް

- ނޫޑްލްސް ކޭސް

- ރިހާކުރު (ހަމައެކަނި މިފްކޯ ނުވަތަ އެންޒީ އޮރިޖިނަލް ޕެކިންގައި)

- މަސް ޕެކެޓް/ ފަތް ޕެކެޓް ނުވަތަ ފިހާރަތަކުން ވިއްކާ، ބަންދުކޮށްފައި ހުންނަ ކާބޯތަކެތި

ފޮރިން މިނިސްޓްރީން ބުނި ގޮތުގައި ފައިސާ އާއި ރޯމަހާއި ކިއްލި އާއި ހެދިކާ އާއި މޭވާ އާއި ދުންފަތުގެ ބާވަތްތަކާއި ކާޑުގެ ބާވަތްތަކެއް ނުފޮނުވޭނެ އެވެ.

އެހީގެ ގޮތުގައި ތަކެތި ފޮނުވުމަށް އެދޭ ފޯމު ފޮރިން މިނިސްޓްރީގެ ވެބްސައިޓުން ލިބޭނެ އެވެ. ކާގޯގެ ގޮތުގައި ފްލައިޓުން ގެންދެވޭނީ ވަކި އަދަދަކަށް ކަމަށް ވުމުން، ފޯމު ހުށަހަޅާ ތަރުތީބަށް އިސްކަން ދޭނެ ކަމަށް އެ މިނިސްޓްރީން ބުންޏެވެ.

މެލޭޝިޔާއަށް ފޮނުވާ ތަކެއްޗާ ދިވެހި އެމްބަސީން ހަވާލުވެ، އާއިލާތަކަށް އެ ތަކެތި ފޯރުކޮށްދޭނީ އެތަނުންނެވެ. އެހީގެ ތަކެތި ފޮނުވާއިރު ލިބެންވާ ފަރާތުގެ ވެސް މައުލޫމާތު ތަފްސީލްކޮށް ލިއުމަށް މިނިސްޓްރީން އެދެ އެވެ. ލަންކާގައި ތިބިި ދިވެހިންނަށް ވެސް އެހީގެ ގޮތުގައި މިދިޔަ އާދިއްތަ ދުވަހު އާއިލާތަކުން ވަނީ ތަކެތި ފޮނުވާފަ އެވެ.

މެލޭޝިއާ ފޮރިން މިނިސްޓްރީ މޯލްޑިވިއަން އެއާލައިން ރާއްޖެ-މެލޭޝިއާ އައިލެންޑް އޭވިއޭޝަން ދިވެހި ސަރުކާރު

19 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މޫސާ ވަސީމް

07 April 2020

އެއްޗެހި ގެންނަން ހުޅުވާލީ ރޭގެ މެލޭޝިއާ ގަޑިން ދަންވަރު 2:30 ވި ފަހުން. އެވެސް ކަމެއް ކޮއްދިނޭ ބުނާން ވެގެން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

07 April 2020

ސޯޝަލް ޑިސްޓެންސްއާއި ޚިލާފު ނުވާނެ ގޮތަށް އެހީގެ ތަކެތި ބަލައިގަތުމުގެ އިންތިޒާމު ހަމަޖައްސަވާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުމާރު

07 April 2020

އެސްޓިއޯ ކާގޯބޯޓް ފޮނުވާގެން ތިއެންމެން ގެނެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙެޔޮނިޔަތް

07 April 2020

ކޮންއިރަކުތޯ ފޮނުވޭކަން ނުވަތަ ނޫންކަން އަނގަވާނީ؟ ރޭއްސުރެ މި ހުންނާނީ ތިކަމަށް ފާރަވެރިވެގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޖާބިރު

07 April 2020

ކުރީގަކަންކަމާއާދޭސްކުރަން ޖެހެނީ މެޱަމް ކައިރީ، މިހާރު މެޱަމް މާފުންނާބުއުސް، މިހާރު އާދޭސްކުރަނީ އަދިތަފާތުކޮ، މުޅި މޱޕ އެކްޓިވިސްޓުންކައިރީ، އެގިދާނެތާ މިގުރޫޕައް ވެސް ދޮގާއޮޅުވާލުމުން ކެތްކޮއއލެވެވަރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެެތެރެ ތަކުރު

07 April 2020

އަބްލޯ ޝާހިދު ރައީސްކަމަށް އަރަން މޭލޭޝިޔާގައި ދާއިމަށް ތިބި މީހުންނަށް 14 ދުވަހުގެ ރައްޔިތުން ފައިސާ ވެކޭޝަން އެއް ދޭން ކުރާ މަސައްކަތު ފޮނިމީރު ކަމެއް ކަލޯ ނުފެންނާނެ. ކަލޯއަކީ މަލެ ތޮްއްޖައްސަން ލާރި ހޯދަން މުޅިދުނިޔޭގައި ދުވާ މީހެއް. ކުރިކަމަކީ ބޮޑުތިލަދުންމަތީ ބަދަރު ފައިސާވެސް އިންޑިއާ ލައްވާ ބްރިޖަށް ބަދަލުކޮށްލީ. މިބުނީ ނުހޮވާނަމޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައީސްގެމީހާ

07 April 2020

މިވެސް ޕޮލިޓިކްސްވެ ހަމަ އެކަނި ބޮޑެތި ބޭފުޅުންގެ އާއިލާތަކަށް ތަކެތި ދަނީ އަހަރުމެން ނިކަމެތިން މިތިބެނީ ހަމަ ނިކަމެތިކަންމަތީ ޓިކެޓް ވިއްކަން ހުޅުވާލީމޯ އިއްޔެން ފެށިގެން ރޭގެ ދަންވަރު ހާރުދަމު އަދި ފަތިހާ އޭގެ ފަހުންވެސް ޓްރައި ކުރިން 3 މީހުން ގަޑިބަހައިގެން އެއްފަހަރުވެސް ނުވަދެވޭ ކޯލް ނުނަގާ އެކަމަކު މިހާރު ޓުވިޓަރގަވަނީޓިކެޓް ހުސްވެއްޖެޔޯ ކޮންބަޔަކަށް ބާ ވިއްކީ-އެތެރެއެތެރެއިން ބޮޑެތިބޭފުޅުންނާއި އިއްޒަތްތެރިން މިވަރުންވެސް ރައިޔަތުންނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާކުން

07 April 2020

ރޭއްސުރެ ހޭލާހުރެގެން ފޯރމް ފުރައިގެން އަދިވެސް މިއުޅެނީ ވާއެއް ނުވާއެއް ނޭނގިގެން، އެއްޗެއް ފޮނުވޭކަން ނުވަތަ ނޫންކަން ވެސް ނޭނގިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަވިސްނާ

07 April 2020

ރޭއްސުރެ ތިޔަ ފޯރމެއް ފުރައިގެން މިތިބީ، ހަމައެކަނި ފޯރމް ލިބުނު ކަން އަނގާލާފައި ފަހުން އަދި އެއްވެސް ޚަމަރެއް ނުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިވަރެއްނެތް

07 April 2020

ރާއްޖެ ކަމުނުގޮސްގެން ރާއްޖެދޫކޮށް އަބަދު ރާއްޖެއަށް ބަވާ ބޭރަށް ދިރިއުޅުން ބަދަލުކުރި މީހުންނަށް ހާލުގައި ޖެހުނުއިރު މި ނިކަމެތި ގައުމުނޫންތަކުން އެހީތެރިކަމުގެ އަތެއްދިއްކޮށްނުލި. އުންމީދުކުރަން މުސްތަޤްބަލުގައިވެސް ޤައުމުދެކެ ލޯބިވެ ޤައުމަށްޓަކައި ފަޚުރުވެރިވާ އަދި ޤައުމުގެ ކަންކަން ރަނގަޅުކުރަން މަސައްކަތްކުރާ ބަޔަކަށް ވާނެކަމަށް. ހަމައެކަނި މިތަނުން އާމްދަނީހޯދާ އެހެން ޤައުމުތަކުގައި ހޭދަކުރުމުގެ ބަދަލުގައި ނިކަމެތި މިޤައުމާމެދު ވިސްނަމާ