މިރޭގެ މީޑިއާ ބްރިންގައި ޑރ. އަފްޒަލް ވާހަކަ ދައްކަވަނީ.
21 އެޕްރީލް 2020 - 23:08
22 comments
އިތުރު ދެ ދިވެއްސަކު ޕޮޒިޓިވްވެ، މާލެ އިން ޕޮޒިޓިވް ވި މީހުންގެ ޖުމްލަ އަދަދު 66 އަށް އަރައިފި. އެޗްޕީއޭ އިން ރޭ ދަންވަރު އިއުލާންކޮށްފައި ވަނީ ފްލޫ ކުލިނިކަށް ދިޔަ ދެ ދިވެހިން ޕޮޒިޓިވްވި ކަމަށް. އެއާ އެކު މުޅި ރާއްޖެ އިން ޕޮޒިޓިވް ވި މީހުންގެ އަދަދު މިހާރު ވަނީ 86 އަށް އަރާފައި.
މާލެއިން ކޮވިޑް-19 އަށް ރެއިން ފެށިގެން މިހާތަނަށް ޕޮޒިޓިވް ވި 17 މީހުންގެ ޑައިރެކްޓް ކޮންޓެކްޓުންގެ ގޮތުގައި 800 އަށް ވުރެ ގިނަ މީހުން ފާހަގަ ކުރެވިފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ ބުނެފި އެވެ.
ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ)ގައި މިރޭ ބޭއްވި މީޑިއާ ބްރީިފިން ގައި އެޗްޕީއޭގެ ޑޮކްޓަރު އިބްރާހީމް އަފްޒަލް ވިދާޅުވީ ކޭސް 76 އާއި 77 އަދި 78އާ ގުޅުން ހުރި ކޮންޓެކްޓްްތަކުގެ ދެ ހަބެއް ހޯދިފައިވާ ކަމަށާއި އޭގެ ތެރެއިން އެއް ހަބުގައި 50 އަދި އަނެއް ހަބްގައި 640 މީހުން ހިމެނޭ ކަމަށެވެ.
އެ ހަބްތަކުން އެހާ ގިނަ ކޮންޓެކްޓް މިހާތަނަށް ފެނިފައި ވާތީ އެ ހަބްތައް ވަރަށް އަދި ބޮޑުވެގެންދާނެ ކަމަށް އޭނާ ވިދާޅުވި އެވެ.
އަފްޒަލް ވިދާޅުވި ގޮތުގައި ބޮޑު ދެ ހަބްގެ އިތުރުން އެހެން ކޭސްތަކުގެ ކޮންޓެކްޓްތަކުގެ ގޮތުގައި 189 މީހުން ވަނީ ފެނިފަ އެވެ. އެހެންވީމާ ކޮންޓެކްޓްތަކުގެ ޖުމްލަ އަކީ 871 އެވެ. އޭގެ ތެރެއިން ބައެއް މީހުން ޓެސްޓް ކުރިއިރު ވަނީ ބައްޔަށް ޕޮޒިޓިވް ވެސް ވެފަ އެވެ.
މި އަދަދުތަކާ އެކު ރާއްޖޭން ކޮވިޑް ޖެހުނު މީހުންގެ ޖުމްލައަކީ މިހާރު 84 އެވެ.
ކޮންޓެކްޓްތަކުގެ ލިސްޓް
- ކޭޭސް 68 (ބަންގްލަދޭޝް މީހެއް) 8 ކޮންޓެކްޓް
- ކޭސް 69 (ސިފައިންގެ މީހެއް) 41 ކޮންޓެކްޓް
- ކޭސް 70-72 ގައި 34 ކޮންޓެކްޓް
- ކޭސް 73 (ދިވެއްސެއް) 4 ކޮންޓެކްޓް
- ކޭސް 74 (އަމީން ހިޔާގައި ދިރިއުޅުނު ބިދޭސީއެއް) ތިން ކޮންޓެކްޓް
-ކޭސް 76، 77،78 ދެ ހަބްގައި 50 މީހުން އަދި 640 މީހުން
ކޭސް 80 (ބޭންކް އޮފް ސިލޯން އާ ގުޅިފައި)، 14 ކޮންްޓެކްޓް
- ކޭސް 81 ގައި 20 ކޮންޓެކްޓް
ކޭސް-83 ( ބަންގްލަދޭޝް މީހެއް) -15 ކޮންޓެކްޓްސް
ކޭސް-84 -4 ކޮންޓެކްޓް
މިހާރު ހޯދިފައިވާ ކޮންޓެކްޓްތަކުގެ އަދަދަށް ބަލާއިރު، ކޮވިޑް ކޭސްތަކުގެ ބޮޑު ސާޖެއް އައިސްދާނެ ކަމަށްް ބެލެވެ އެވެ. އެޗްޕީއޭއިން ރޭ ބުނެފައިވާ ގޮތުގައި ރާއްޖޭގައި މިހާރު ހުރި ވަސީލަތްތަކުން ދުވާލަކު އެންމެ ގިނަވެގެން ޓެސްޓް ކުރެވެނީ 300 މީހުންނެވެ. އެހެންވީމާ މި އެންމެން ޓެސްޓް ކުރަން ދެ ދުވަހަށް ވުރެ ދިގު މުއްދަތެއް ހޭދަވާނެ އެވެ.
މާލޭގައި މިހާރު އޮތް ލޮކްޑައުންގެ ހާލަތުގައި ކޭސްތައް ކުއްލިއަކަށް އިތުރު ނުވެ، އިތުރުވާ މިންވަރު ސްޓޭބުލް ވާނެ ކަމަށް ލަފާކުރައްވާ ކަމަށް ޑރ. އަފްޒަލް ކުރިން ވަނީ ވިދާޅުވެފަ އެވެ.
މިހާރުގެ ހާލަތަށް ބަލާއިރު ލޮކްޑައުން ރަނގަޅަށް މަސަައްކަތް ކުރާ ކަަމަށް ދެކެވަޑައިގަންނަވަންތޯ "މިހާރު"ން މިރޭ ސުވާލު ކުރުމުން އެނާ ވިދާޅުވީ ލޮކްޑައުން ވަރަށް ބޮޑުތަނުން އިފެކްޓިވް ކަމަށެވެ. މިހާރު ފެންނަ ކޮންޓެކްޓްތައް ގިނަ ވަނީ ގިނަ ބަޔަކު އުޅޭ ތަންތަނާ ގުޅިފައިވާ ކޭސްތައް ހުރުމުން ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަބީބާ
22 April 2020
800 މީހުން ކޮންޓްކެޓްވެގެން ކުއަރަންޓީން ފެސިލިޓީއަށް ގެންދިއުމުގައި މިހާރު ތިގެންގުޅޭ އެންމެން ވަގުތުން ގެންދިއުމުގެ އުސޫލް ރިވިއުކުރާނެކަމަށް އުުންމީދުކުރަން. ތިހެން ގެންދިއުމުގެތެރޭގައި އެންމެން އެކަކު އަނެކަކަށް އެބަ އެކްސްޕޯޒްވޭ. އަޅުގަނޑަށް ހީވަނީ ގޭގެ ހާލަތުބަލާފައި ގޭގައި ވަކިތަނެއްގައި ކުއަރަންޓީން ކުރެވެން އޮތްބަޔަކު ގޭގައިކުރުން މުހިންމުހެން. ކޮވިޑް ހުރިނަމަ ގެންދިއުމަކީ އެހެންކަމެއް. ވީވަރަކުން ފެސިލިޓީތަކަށް އޮތް ޕްރެޝަރު ކުޑަކުރަމާ
ބޯގޯސް އަފީފް ދީދީ
23 April 2020
ބޮލަށް އުދަގޫ އެބަވޭ. ކޮން ކުއަރަންޓީނެއްތަ މިކިޔަނީ. ކާބަފައިންގެ ޒަމާނުއްސުރެން ބޭނުންކުރާ ބަހެއް ކަރަންޓީނަކީ. ދެން ކޮން ކުއަރަންޓީނެއްތަ މިއީ.
ރަޓު މީހާ
22 April 2020
ލޯބިވާ ދިވެހި ރައްޔިތުންނޭ ހެޔޮނުވާނެ އެންމެ 14 ދުވަސް ގޭގަ މަޑުކޮށްލަަދީ.. ވައިރަސް އަކީ އެއްތަނުން އަނެއް ތަނެއް ދުވާ އެއްޗެއްނޫން.. އަހަރުމެން އެއްތަނުން އަނެއް ތަނަށް އެވައިރަސް ހިފައިގެން މިދުވަނީ.. މިކަން ހުއްޓުވޭނީ އަހަރުމެން ގޭގަ ތިބެގެން..
ބަރާބަރު
22 April 2020
އަސްލުވެސް
ހަކީމް
22 April 2020
ކޮންމެ މީހަކުވެސް ދައްކަނީ ބަނގްލަދޭޝް މީހުންގެ ވާހަކަ. މީ މީހަކު ފަލަވެފަ ހުރުން ކަހަލަ ކަމެއް. ފަލިވަނީވެސް އެތަށް އަހަރަކުން ، ހިކެންވެސް ދުވަސް ނަގާނެ. އަންޑޮކިޔުމެންޓެޑް މީހުންނަކީ ހަމަތިބެފަ ބޯޓަކަށް އަރުވާލާފަ ފޮނުވާލެވޭނެ ބަޔެއް ނޫން. ދިވެހިން ހަމަ މިމީހުން އެތެރެކޫރިވެސް، އަންޑޮކިޔުމެންޓެޑް މީހުން ލައްވާ މަސަތްކަތް ކުރުވަނީވެސް ހަމަ ދިވެހިން. ފުރަތަމަ ތިމާމީހާ އިސްލާހުވާން އެބަޖެހޭ ، ފަރުދީޒިންމާ އެބަ ނަގަން ޖެހޭ.
ހަކީމް
22 April 2020
މިކަމުގައި އުޅޭ އެޗް.ޕީ.އޭ ، ޓެގް ގުރޫޕް، ޑޮކްޓަރުން ، ނަރުހުން އަދި އެހެނިހެން އެހީތެރިންނަށް ފައްފަށުން ޝުކުރު އަދާކުރަން. ދިވެހިން މިމީހުންގެ ބަސްއަހައިފިނަމަ އަދިވެސް ބޮޑުގެއްލުމެއްނުވެ މިކަމުން ސަލާމަތް ވެވިދާނެ. ވައިރަސް އެކީ އެއްވެސް ދިރުމެއްނެތް އެއްޗެއް . އޭތި އެއްތަނުން އަނެއްތަނަށް އުފުލަނީ ހަމަ އިންސާނުން. ވިސްނާ ، ގޭގަތިބޭ .....
އ. މ
22 April 2020
މީހުން ތާށި ކޮށް ތޮއްޖައްސާ އަދިވެސް
މަސްދަތުރު
22 April 2020
ހަޅޭނުލަވާ މަސްދަތުތުދޭ އަދިވެސް. އަމިއްލައަށް ކުރެވެން އޮތްކަން ބޮލުން ކަޓުވާލާފަ އެހެން މީހުނއ ބޮލަށް ޖަހަން. ގޭގަ ތިބެން ފުރަތަމަވެސް އެންގީމަ ދުނިޔޭބުރުޖަހަނއ ޗުއްޓީ ހަދާފަ
ބޯގޯސް އަފީފް ދީދީ
23 April 2020
ތޮއްޖެހުމުންނެއް ނޫން އެކެއްގެ 80 ނުވަތަ 90 ކޮންޓެކްޓް ހުންނަނީ. ޕާޓީބާއްވައި މަޖާކޮށް ދެފައި އެއްތާކު މަޑުނުވާތީ.
ރަށްއިތުމީހާ
22 April 2020
ބަގުލާދޭސް މީހުން އެކެހެރި ކޮށްލެވުނި ނަމަ ވަރަށް ރަގަޅުވީސް.. މޮޅު ވާހަކަ ދައްކާފަ 200 މީހުން އެކެހެރި ކޮށްލެވުނީ. ހަގީގަތުގަ ފައްޔާޒްމެން ގެ އިހުމާލު މިކަމުގަ ވަރަށް ބޮނޑް ގަލޮޅު ދަނޑް ފުރޭދެން ގަވާއިދާހިލާފަށް އެތައް ބަޔަކު އުޅުނި އިރުވެސް އެޅުނި ފިޔަވަޅެއް ފޮނުވާލެވުނި މީހަކު ނެތް. ހަމަ ފޮނި ބައިސާ ކަޑަ ކަޑާ ތިއްބާ މި ހިސާބައް ކަންތައް ގޮސް މި އޮތީ. މިހާރު ސަރުކާރުގަ ނެތް ކެފޭސިޓީއެއް ބިދޭސީން މިހާލަތު ގަ ގެންގުޅެވޭނި. ބިދޭސީން ފޮޒިޓިވް ގިނައިން ވީ ވަރަކަށް މިކަން ހާމަ ވާނެ. ވަރަށް ދެރަ. ދުއާ އަކީ މިކަމުން ސަލާމަތް ކުރެއްވުން.
އިބްރާ1
22 April 2020
މީގެން މި އެގުނީ ލޮކްޑައުން އޮތަސް ސަރުކާރުގެ ހެޔޮފުޅުހުކަމުން ލޮކްޑައުން ގެ ސަބަބުން ލިބުނު އެއްވެސް މަންފާއެއް ނެތްކަން. ކޮން ގައުމެއްގަތޯ ލޮކްޑައުންގަ އެމީހަކު ބޭނުން ވާކަމެއް ކުރަން ދޫކޮށްލީ. އިންޑިއާ ޗައިނާގަ ބަންދު ކުރީ ބަންދަށް. މިގައުމުގަ ބަންދު ކުރީ ފިހާރަތަކުގަ ނަމާދު ވަގުތު ބަންދު ބޯޑު އަޅުވާހެން. އަންޑޮކިއުމެންޓެޑް ބޭރު ބޭފުޅުން މިނިވަންކަމާ އެކު ލާހުރެމުންދިޔައީ. ޖެނުއަރީ އިން ފެށިގެން ވެސް އެފަދަމީހުން ގައުމުން ބޭރު ނުކުރެވުނު.
ނާޢިމް
21 April 2020
ސުބްހާނަﷲ!
ޟާނާ
21 April 2020
ޚޭސް 76، 77،78 މީ ދިވެހިންތޯ؟؟
މޯޑް
21 April 2020
ހެޔޮނުވާނެ މިކަންމިއޮތީ ބައެއްގެ އިހުމާލުން ވިޔަސް އަދި ނުވިޔަސް މި ދިވެހި ފަސްގަޑަށް އައިސް. ދެންވެސް މިކަމުން ސަލާމަތްވޭތޯ ޑޮކުޓަރުންނާއި ސިއްހީމާހިރުން ދޭ ލަފާ އަޑް އަހާފަ ނަމާދު ކޮށް ދުއާކޮށްބަލަ. އެބޭފުޅުންނަށް ބަވާ ކޮމެންޓް ކުރީމަ ތިމާއަށް އޮތް ފައިދާ އަކީ ކޮބާ?