މަޖިލީހުގެ ޖަލްސާއެއް ކުރިއަށް ދަނީ.
26 އެޕްރީލް 2020 - 14:22
51 comments
ސަރުކާރުގެ ކޭޝްފްލޯ ހަމަޖެއްސުމަށްޓަކައި މަރުކަޒީ ބޭންކް (އެމްއެމްއޭ)ގެ ޕަބްލިކް އެކައުންޓުން ފައިސާ ނެގުމަށްޓަކައި ސަރުކާރުން އެދުނު އެއް އަހަރު ދުވަހުގެ ހުއްދަ ދޭން ރައްޔިތުންގެ މަޖިލީހުން މިއަދު ފާސްކޮށްފި އެވެ.
އެއް އަހަރު ދުވަހުގެ ތެރޭގައި އެމްއެމްއޭ އިން 4.2 ބިލިއަން ރުފިޔާ ދަރަންޏަށް ނެގުމަށްޓަކައި ގާނޫނީ ގޮތުން ބޭނުންވާ ހުއްދަ ހޯދަން ފިނޭންސް މިނިސްޓަރު އިބްރާހީމް އަމީރު ހުށަހެޅުއްވި ހުށަހެޅުއްވުން ފާސްކުރީ މަޖިލީހުގެ މިއަދުގެ ޖަލްސާގައި ބައިވެރިވި ވެވަޑައިގެންނެވި 69 މެމްބަރުންގެ ތެރެއިން 60 މެމްބަރުންގެ އަޣުލަބިއްޔަތުންނެވެ.
ސަރުކާރުން އެދުނީ ދައުލަތުގެ ހަރަދަށް ޒިންމާވުމުގެ ގާނޫނުގެ ބައެއް މާއްދާތައް އެއް އަހަރު ދުވަހަށް ސަސްޕެންޑް ކޮށްދިނުމަށެވެ.
ފިނޭންސް މިނިސްޓަރު އަމީރު ރައްޔިތުންގެ މަޖިލީހުގެ ރައީސަށް ފޮނުވި ސިޓީއެއްގައި ވިދާޅުވެފައި ވަނީ ދައުލަތުގެ ހަރަދަށް ޒިންމާވުމުގެ ގާނޫގެ 32 ވަނަ މާއްދާގެ ހ. އާއި ރ. އަދި ބ. އަށް އަމަލުކުރުން އެއް އަަހަރު ދުވަހަށް ހުއްޓައިލުމުގެ ހުއްދަ ދިނުމަށެވެ.
ސަސްޕެންޑް ކޮށްދޭން ސަރުކާރުން އެދިފައިވާ އެއް މާއްދާ، ދައުލަތުގެ ހަރަދަށް ޒިންމާވުމުގެ ގާނޫނުގެ 32 ވަނަ މާއްދާގެ ހ. ގައި ބުނެފައި ވަނީ ސަރުކާރުން ދަރަންޏަށް މަރުކަޒީ ބޭންކުން ފައިސާ ނެގޭނީ 91 ދުވަހުގެ ތެރޭގައި އަނބުރާ ދައްކާ ގޮތަށް ކަމަށެވެ. އެގޮތަށް ނެގޭނީ މާކެޓް އިންޓަރެސްޓް ރޭޓަށް ނުވެ ދަށް ނުވާ ރޭޓެއްގައި އެޑްވާންސްގެ ގޮތުގައި ކަމަށް ވެސް އެ މާއްދާގައި ވެ އެވެ. އެމްއެމްއޭއިން ދަރަންޏަށް ފައިސާ ނެގޭނެ މިންވަރެއް ވެސް އެ މާއްދާގައި ބުނެފައި ވެ އެވެ.
ސަސްޕެންޑް ކޮށްދޭން އެދިފައިވާ އަނެއް މާއްދާ އަކީ ދައުލަތުގެ ހަރަދަށް ޒިންމާވުމުގެ ގާނޫނުގެ 32 ވަނަ މާއްދާގެ ރ. އެވެ އެ މާއްދާގައި ވަނީ ޖެނުއަރީ 1، 2016 އިން ފެށިގެން ސަރުކާރަށް ދަރަނީގެ ގޮތުގައި ފައިސާ ނަަގަން ވާނީ ތަރައްގީގެ މަޝްރޫއުތަކަށާއި އިގުތިސާދީ ވަސީލަތްތައް ހޯދުމަށް އެކަނި ކަމަށެވެ. ދަރަނި އަދާކުރުމަށް ދަރަނި ނެގުން އެ މާއްދާއިން މަނާކޮށްްފައި ވެ އެވެ.
ސަސްޕެންޑް ކުރަން އެދިފައިވާ އަނެއް މާއްދާ ކަމަށްވާ 32 ވަނަ މާއްދާގެ ބ. ގައި އޮންނަނީ ރ. ގައިވާ އުސޫލުގެ އިސްތިސްނާ ހާލަތެވެ. އެއީ ދައުލަތުގެ ކޭޝްފްލޯ މެނޭޖް ކުރަން އެމްއެމްއޭއިން ފައިސާ ނަަގަން ދީފައިވާ ހުއްދަ އެވެ. އެ މާއްދާގައިވާ ގޮތުން އެގޮތަށް ނަގާ ފައިސާ 14 ދުވަހުގެ ތެރޭގައި އެމްއެމްއޭ އަށް އަނބުރާ ދައްކަން ޖެހޭނެ އެވެ.
ރައްޔިތުންގެ މަޖިލީހުގައި އެ މައްސަލައިގައި ކުރި ތިން ދަވުގެ ބަހުސްގައި 57 މެމްބަރަކު ވާހަކަ ދެއްކެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
597 މިލިޔަން
27 April 2020
އަލީވަހީދު އެދުއްވާލީ އެއްމަސްތެރޭ 597 މިލިޔަން ރުފީޔާ ހަމައެކަނި ކޮރަންޓީނަށް އެކަނި، ކިހިނެއްމިވަރުން އޮބިއޮންނާނީ ކިތައްމެވަރަކަށް ރުފީޔާ ޗާޕުކުރިޔަސް؟؟؟
މުހައިމިން
27 April 2020
ހަޖަމް ކުރަން ކިތަންމެ ދައްޗަކަސް ގަބޫލު ކުރަންޖެހެނީ.. ރާއްޖެއޮތީ ބަނގުރޫޓުވެފައިކަމެވެ. ސަރުކާރަކައް ދެނެއް އެކަމެއް ފޮރުވައިގެންވެސް ނުތިބެވޭނެހާ މިންވަރައްއޮތީ ބަނގުރޫޓުވެފަ. ވަރައް ދެރަ.. މިއީ ގައުމުގެ ފާގަތި ކަމުގެ ނިމުން ކަމުގައިވެސް ވެދާނެ. އިހު ދިވެހީން ދިރިއުޅެމުންއައި ފާގަތި ދިރިއުޅުން އަނބުރާ ފަހަރެއްގެ ނައިސްފާނެ. މި ކަން އަވަހަކައް ހައްލުވާނެކަމެއް ނޭނގޭ.
ފޫހި
27 April 2020
މިއީ ހިކުމަތްތެރިކަމާއެކު އަމަލުކުރަންވީ ވަގުތު. ޣައުމަށް ހެޔިއެދެންވީ ވަގުތު. މިވަގުތު ވަޒީފާގެއްލިފައިވާ މީހުން ނަށް ހިތްވަރުދޭންވީ ބިދޭސީންކުރާ މަސައްކަތްތަކަށް ނުކުތުމަށް. ޑެލިވަރީތަކަށް ވެސް ނުކުތުމަށް. ޢަދި މާރުކޭޓުގައި ތަކެތި ވިއްކަންވެސް ނުކުތުމަށް. ޙަލާލު މަސައްކަތުން ފައިސާހޯދުމަށް. ޢަތްދިއްނުކޮށް މަސައްކަތަށް ނުކުތުމަށް. މި މާލޭގެ ކަރަންޓް ވައިރު އުދެލިންކޮނެގެން ވަޅުލީ ދިވެހި ކާވަފައިން. ބިދޭސީންނެއްނޫން.
މަންޑޭލާ
27 April 2020
ދަރުމަ ވަންތަ ހޮސްޕިޓަލެއް އެޅޭނެ ލާރި މިދުއްވާލީ 15 ދުވަސް ތެރޭ. ވައްކަން ކުރަނީ ކޮންބައެއްތަ؟
ޝޮކްތެރަޕީ
27 April 2020
މީތި ކަޑައޭ ޤައުމު މިދަނީ ރަގަޅަކައްނުން.
ފޫހި
27 April 2020
ނުފޯރާގޮތިން ފޫގަޅަން ދިވެހިދައުލަތް ނުކުމެ މިއުޅެނީ. ފައްޔާޒު ބިދޭސީންނަށް ވިލެޖްނަހަދާ އެމީހުން ފޮނުވާލާ. ކޮންބައެއްގެ އިމޮނޮމީއެއް. ކޮންބައެއްގެ ތަރައްގީއެއް.ލޮކްޑައުންގަ މަހެއްނުވެ ދައުލަތުގަ ފައިސާއެއްނެތް. މިއީ ގަތަރެއްނޫން އަދި ސިންގަޕޫރެއްވެސް ނޫން. ތަންފީޒީ އިދާރާތަށް ފޭލްވެފައިވާ ތަނެއްގަ 2 ލައްކަ ބިދޭސީން ގެންގުޅެން ހެޔޮނުވާނެ. ކޮންމެ ކާރިސާއެއްގައި އެ އެންމެން ބެލެހެއްޓުން ދައަތަށް. މަސައްކަތް ކޮށްލިބުނު ފައިސާ ކުންފުނިތަކާއި އެމީހުންގެ ގައުމަށް.
ބަންގްލަދޭޝް މީހާ
27 April 2020
ރާއްޖޭގަ މިބަލި ފެތުރެން ދި މާވާ އެން މެ ބޮޑު ގޮންޖެހު މަކީ ސާފުތާހިރުކަން ކުޑަ ބިދޭސީން ގިނަވީ މަ. ދިވެހީންގެ ސާފުތާހިރުކަން ހުންނަނީ އަބަދުވެސް ވަރަށް މަތީ ދަރަޖައެއްގަ. ނަ މަވެސް ބައެއް ދިވެހީން ފައިސާގެ ދަހިވެތި ކަ މުގަ ތަފާތު ޕްރޮޖެކްޓްތަކުގެ ނަ މުގައާއި، އޮންއެރައިވަލް ވިސާގައި މަކަރު ހަދާ ރާއްޖެ އެތެރެވުމުގަ އެން މެ ގިނައީ ނުރުހުނަސް ބަންގްލަދޭޝްގެ ރައްޔިތުން. މިމވެރީން ދިވެހި ގައު މީ ފްލައިޓްގަ ނަ މަވެސް އަނބުރާ ގައު މަށް ފޮނުވަދީ.
ާއުނިމާ
26 April 2020
ލާރިތައް ތަޅާ ބުރުވާލަ! ގައުމުގެ ދުވަސް ދިޔައީ، ގައުމު 50 އަހަރު ފަހަތައް!
އިންޑިއާރާއްޖެ
26 April 2020
މައްސަލައަކީ ދިރާސާއްނެތި މަޖިލީހުން ރަބަރުސްޓޭމް ޖަހާނިންމާލީކަން. މީރައީސް ސޯލިހުގެ މައްސަލައެއްނޫން، ސޯލިހުއަށް މިވަނީކީއްކަން ނޭންގޭތީވެ މަޑުމަޑުން އެހުންނަވަނީ، އަދިއިރާދަކުރެއްވިއްޔާ ރައީސް ސޯލިހުއަށް ސަރުކާރުހިންގަވަން ދަސްވާނެ. އެންމެންވާނުވާގަތިއްބާ އަލީވަހީދު އެދުއްވާލީ އެއްމަސްތެރޭ 597 މިލިޔަން ރުފީޔާ ހަމައެކަނި ކޮރަންޓީނަށް އެކަނި، ކިހިނެއްމިވަރުން އޮބިއޮންނާނީ ކިތައްމެވަރަކަށް ރުފީޔާ ޗާޕުކުރިޔަސް؟؟؟
ހޮޅި ވިސްނުން ދޫކުރަންޖެހޭ
27 April 2020
ދިރާސާ ކުރަން ޖެހެނީ ކާރިސާތައް ލައިގަތީ މައެއް ނޫން. ދިރާސާ ތަކަކީ ދައުލަތުނާ އެހެނިހެން ގޮތްގޮތުން ފަންޑްސް ލިބިގެން ޔުނިވާރސިޓީސް ތަކުގެ ރިސާރޗާރސް ކުރަން އެން މެ ލާއިގު ކަ މެއް. ރާއްޖޭގެ 2 ޔުނިވާރސިޓީ އަކާ އެތައް ކޮލެޖެއް ހުންނަ އިރު އިގްތިސޯދީ، އިޖްތި މާއީ އަދި ސައިންޓިފިކް ކަންކަ މަށް ދިރާސާ ކުރު މުގެ ވިސްނު މެއް ނުހުރޭ! މަގު މަތީ އެކްޓިވިސްޓުންގެ ފިކުރާ ހިޔާލުގެ ބޭނުން ހިފަނީ. ތައުލީ މަކީ މިގައު މުގެ ގިނަ ސިޔާސީ ވެރީން ނުރުހޭ އެއްޗެއް!
ހައިރާން
26 April 2020
ނޮޓް އެން އިކޮނޮމިސްޓް ޑޮލަރު ފޮރުވައިގެން އުޅޭ ވިޔަފާރިވެރިންނަށް ވަރަށް ފައިދާ
ހަރުކަށި ވާންވީ
26 April 2020
ޑޮލަރަށް ވިއްކާ ގަތުމާއި ބޭރުކުރުމުގަ ވަރަށް ހަރުކަށި ކޮންޓްރޯލެއް ގެނައިމަ ނިމުނީ! ރައްޔިތުންނަށް މިވަގުތު ޑޮލަރުގެ މާބޮޑު ބޭނުމެއް ނެތް އަގުބޮޑުކޮށް ގަނެގެން. ޑޮލަރު ގަންނަން ދުވާނީވެސް މިވަގުތު ބިދޭސީން.
ސަރުކާރު ޒިން މާ ނަގާ
27 April 2020
ޑޮލަރު ބޭރުކުރު މަ ވަރަށް ހަރުކަށި އުސޫލްތަކެއް ގެނެވިއްޖެ ނަ މަ ގަވާއިދާ ޚިލާފަށް މަސައްކަތްކޮށް ވިޔަފާރި ކުރު މަށް އެތެރެވެގެން އުޅޭ ބިދޭސީން އޭގެ އަ މިއްލަ ޒާތުގަ ބޭރުވާން ފަށާނެ އެ މީހުން މިތަނުގަ އުޅު މުގެ ދަތި ހިއްސާސްވެގެން ވެސް. ދެވަނަ ގޮތަކީ ހައްޔަރުކޮށް ބޭރުކުރަން ފެށުން ދިވެހި އެއަރލައިން އަދި ބަންގްލަދޭޝްގެ އެއަރލައިން ބޭނުންކޮށްގެން. ގަވާއިދާ ޚިލާފަށް އުޅޭ ބިދޭސީން ހުސްކުރު މަށް ފުލުހުން އަދި ސިފައިންނާ ހަވާލުކުރަންވީ.