އިގްތިސާދީ ޕެކޭޖް ހޯދުމަށް ފަހު މުވައްޒަފުންނާ މެދު އަމަލުކުރާ ގޮތް ބަލައި، ޖޫރިމަނާ ކުރަން ހުށަހަޅައިފި
މަޖިލީހުގެ ޖަލްސާއެއް: އިގްތިސާދީ ޕެކޭޖްގެ ދަށުން އެހީ ހޯދުމަށް ފަހު މުވައްޒަފުންނާ މެދު ގޯސްކޮށް އަމަލުކުރާ ނަމަ ޖޫރިމަނާ ކުރަން ކޮމެޓީން ވަނީ ހުށަހަޅާފައި -- ފޮޓޯ/މިހާރު
03 މެއި 2020 - 17:05
8 comments
ކޮވިޑް-19 އާ ގުޅިގެން ސަރުކާރުން ދޫކުރާ އިގްތިސާދީ ޕެކޭޖް އެއްފަހަރާ ދޫނުކުރުމަށާއި މުވައްޒަފުންނާ މެދު ގޯސްކޮށް އަމަލުކުރާ ނަމަ ޖޫރިމަނާ ކުރަން ރައްޔިތުންގެ މަޖިލީހުގެ އިޖުތިމާއީ ކޮމެޓީން ހުށަހަޅައިފި އެވެ.
ކޮވިޑް-19 އާ ގުޅިގެން ވިޔަފާރިތަކަށް އެހީވުމަށް ސަރުކާރުން ވަނީ 2.5 ބިލިއަން ރުފިޔާގެ އިގްތިސާދީ ޕެކޭޖެއް އިއުލާންކޮށްފަ އެވެ. އަދި ބޭންކްތަކުން ދޫކޮށްފައިވާ ލޯނުތައް އަނބުރާ ދެއްކުން ވެސް ހަ މަހަށް ފަސްކޮށްދޭން ވަނީ ނިންމައިފަ އެވެ.
ކޮވިޑް-19 އާ ގުޅިގެން ސަރުކާރުން އަޅާ ފިޔަވަޅުތަކާ ބެހޭގޮތުން މަޖިލީހުގެ އިޖުތިމާއީ ކޮމިޓީން ތައްޔާރުކޮށް، މަޖިލީހަށް ހުށަހެޅި ރިޕޯޓުގައި ވަނީ އިގްތިސާދީ ޕެކޭޖް ދިނުމަށް ފަހު، އެ ފަރާތަކުން އަމަލު ކުރަމުންދާ ގޮތް ޖޮބް ސެންޓަރުން ބަލަމުން ގެންދިއުމަށެވެ. އަދި އެ ޕެކޭޖް އެއްފަހަރާ ދޫނުކުރުމަށާއި މުވައްޒަފުންނާ މެދު އިހާނެތިކޮށް އަމަލުކުރާ ނަމަ، އޭގެ ވަކި ޕަސެންޓެއް ޖޫރިމަނާ ގޮތުގައި ނެގުމަށް ވެސް އެ ކޮމިޓީން ހުށަހަޅާފައިވެ އެވެ.
މީގެ އިތުރުން، އަމިއްލަ ފަރާތްތަކަށާއި ސަރުކާރަށް ކުއްޔަށް ދޫކޮށްފައިވާ ތަންތަނުގެ ކުލި ކުޑަވާނެ ގޮތަކަށް އިގްތިސާދީ ޕެކޭޖްގެ ދަށުން ލުއި ދިނުމަށާއި ކުލި ނުދެއްކިގެން މީހުުން މަގުމަތިިވިޔަ ނުދިނުމަށްޓަކައި ސަރުކާރާއި ކައުންސިލްތަކުން ފިޔަވަޅު އެޅުމަށް ވެސް އެ ކޮމިޓީން ހުށަހެޅި އެވެ.
އިޖުތިމާއީ ކޮމިޓީގެ އެއް ހުށަހެޅުމަކީ، މާލެ އާއި އަތޮޅުތެރެ ތަފާތު ކުރުމެއް ނެތި ސްކޫލް ކުދިންނަށް ޚާއްސަ އިންޓަނެޓް ޕެކޭޖްތަކެއް ތައާރަފް ކުރުމާއި ސްކޫލްތައް ބަންދު ވިޔަސް، ތައުލީމު މެދުކެނޑިޔަ ނުދިނުމަށްޓަކައި އޮންލައިން ކްލާސްތައް ކުރިއަށް ގެންދިއުމެވެ.
މުވައްޒަފުންނާ މެދު ގޯސްކޮށް އަމަލު ކުރާ ފަރާތްތައް ޖޫރިމަނާ ކުރަން ކޮޮމިޓީން ހުށަހެޅިއިރު، ކޮވިޑް-19އާ ގުޅިގެން އިގްތިސާދަށް ކުރިމަތިވި ގޮންޖެހުންތަކުގެ ސަބަބުން ގިނަ ބައެއްގެ ވަޒީފާ ގެއްލި، އެތައް ބަޔަކަށް ވަނީ ދިގު މުއްދަތަށް މުސާރަ އާއި އިނާޔަތްތައް ނުލިބޭ ގޮތަށް ޗުއްޓީއަށް ދާން ޖެހިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
03 May 2020
2021 ގެކުރިން މާލޭސްކޫލަކުން ރަށެއްގެސްކޫލަކަށް ބަދަލުކުރާކޮންމެކުއްޖަކަށް 50000ރ ގެމަގުން އެންމެގިނަވެގެން 6 ލައްކަ ރުފިޔާ %0 އިންޓަރެސްޓްގައި 5 އަހަރުން ޙަލާސްކުރާގޮތަށް، އިތުރު އެއްވެސްޝަރުތެއްނެތި (ޝަރުތަކީހަމައެކަނި މާލޭގެސްކޫލްތަކުން ރަށުސްކޫލަށް ކުދިންބަދަލުކުރުން) އެފަދަ ކުދިންގެއާއިލާތަކަށް ސްޓިމިއުލެސް ޕެކޭޖާއި ކެއަރ ޕެކޭޖް ލިބޭނެ އިންތިޒާމް ހަމަޖައްސާފައިނުވަނީ ކީއްވެގެންތޯ؟ މިކަމުގައިވެސް މާލޭމީހުން ޙާއްސަކުރާންޖެހުނީ ކީއްވެ؟
އޮނަރަބްލް އަފީފު ދީދީ
03 May 2020
ތިހުރިހާ ސްޓެމިއުލެސްޕެކޭޖާއި ކެއާރޕެކޭޖް ޑިޒައިންކުރި ވަޒީރުން އެކަންކޮށްފައިވަނީ މާލޭގެބިންވެރިންނަށް ކުލިދެއްކުމަށް ކުއްޔަށް އުޅޭމީހާގެބޮލުގައި ދަރަންޏެއް އަޅުވާފައި "މާލޭގެ ބިންވެރިޔާއަށް ކުލި ލިބޭނެކަން" އޭނާއަށް ޔަޤީންކޮށްދިނުމަށް އިގޭތޯ. # އެހެންނޫންނަމަ "ވަޒީފާއާއި އާމްދަނީގެއްލުމުން މާލޭގައިއުޅެވެންނެތިގެން ރަށަށްބަދަލުވާމީހާގެ ވީރާނާވެފައިވާގެއަށް ވަދެވޭވަރުކޮށްދިނުމަށް" ޕެކޭޖް ނަހަދާންވީކީއްވެ؟! ކޮބާތޯ އިންސާފު؟މިއީވެސް ނަސްލީ ތަފާތުކުރުމެއް.
އޮނަރަބްލް އަފީފު ދީދީ
03 May 2020
އަލީ ވަހީދާއި ފައްޔާޒުފަދަ ބައެއްވަޒީރުންގެބަސްމަގާއި އަމަލުހުރިގޮތުން އެއްކަލަ ހެދިގެންއުޅުނު ރިސޯޓް ޕައިނީއަރުން ނުވަތަ "ބާނީންނަށް" ޤާނޫނާއިޙިލާފަށް ރިސޯޓްގެމުވައްޒަފުންނަށް މުސާރައާއިއިނާޔަތްނުދީ "ވަރަށް އަނިޔާވެރިކޮށް" އެމީހުން ރިސޯޓުތަކުންބޭރުކުރުމަށް ހިތްވަރުލިބުނު. . . . # ދައުލަތުގެ ޤާނޫނުއަސާސީއާއި ޤާނޫނުނެގެހެއްޓުމަށް ހުވާމަތީގައިތިބި ވަޒީރުންތަކެއް މިފަދަ އަމަލެއް ހިންގިކަމަށް އަޑުފެތުރޭނަމަ އެކަމުގެ ޙަޤީގަތް ދެނެގަތުމަކީ މަޖިލީހުގެ ޤާނޫނީޒިންމާއެއް.
ހަސަން ބޭބެ
03 May 2020
ދައުލަތުގެ ނަމުގައި ލޯނުނަގައިގެން ދައުލަތުގެ ބަޖެޓުން މަހަކު މަޖިލީހުގެ މެމްބަރުންނަށް ކުރާ ޚަރަދު މަހެއްގެ މުސާރަ 80 ހާހުގެރޭޓްުން = 6,640,000 މަހެއްގެ ކޮމިޓީ އެލަވަންސް 20 ހާހުގެރޭޓްުން = 1,660,000 މަހެއްގެ ކެއުމުގެ ޚަރަދު ދުވާލަކު 750 ބޮލަކަށް = 1,867,500 ޖުމުލަ ބޭކާރު ޚަރަދު : 122,010,000 ސަތޭކަ ބާވީސް މިލިޔަން އަހަރަކު އެބަހިނގާ.. 30,000 އަށް މުސާރަ ކުޑަކޮށް ކޮއްތު ކަނޑާލުމުން 92 މިލިޔަން ދައުލަތަށް ސޭވުކުރެވޭ..
ބޮޑުމީހާ
03 May 2020
ސްޓެލްކޯގެ އެމްޑީއަށް 980000 ލިބެންވީ ސަބަބެއް އެއްގޮތަކަށްވެސް ނުވިސްނޭ.. 2000 ކުދިން، 100 މުދައްރިސުން، 50 ސްޓާފުން، އަދި 2000 ބެލެނިވެެރިން ބަލަހައްޓާ ޕްރިންސިޕަލަށް 20000 ރުފިޔާ!
ނިކަން ބައްލަވާ
03 May 2020
މިހާރު އެމީހުން ތިބޭ ލޭބަރކްއާޓޯ އަށް ވުރެ ތިތަން ވަކި ސަހަލު ތަ؟ މަށަށް ހީވަނީ މާގޯސް ހެނެވެ. އަތަމަ ހައްޖު ގްރޫޕުން ހައްޖަށް ގެންގޮސް އަރަފާތު ބިމުގައި މީހުން ބައިތިއްބާ ގޮތާ ތަފާތެއް ނެތެވެ. ހަމަ ލާރި ކަނީ އެވެ.
ކޮމެންޓްކުރީމަ ނުޖަހާމީހާ
03 May 2020
ޕާރލަމެންޓަށް ފާސްކުރެވިދާނެ އަދި ތިގޮތައްރައްޔަތުންނަށް އެކަންނޫހުގާޖާހާ އެންގިދާނެ........އެކަމަކު ފާއްޔާޒާއި، ފިނޭންސްމިނިސްޓަރާއި ބާޒާރުމަތީގާވިޔާފާރި ކުރާ ގުޅިފާތިބިމީހުން ތިފައިސާޙަރަދުކުރާނެ...
ސީރިއަސްކޮށް
03 May 2020
މިދުވަސްކޮޅު ކަލޭމެންވެސް މުސާރަ ނަގަންވާނީ މަހަކު ކުޑައެތިކޮޅެއް... ދެން މަޖިލީހުގައި އެކަށީގެންވާވަރަށް މަސައްކަތްކުރޭތޯ.. ބަރާބަރަށް ޖަލްސާތަކަށް ހާޒިރުވޭތޯ.. ތަޅުމުގަ އިންނަނީ ވަކި މީހަކު ބުނެގެން ވޯޓުލާން އެކަނިތޯއާއި... އަމިއްލަ އަށް އިސްނަގައިގެން ދާއިރާއަށާއި ޤައުމަށް ފައިދާ ވާ ވާހަކައެއް ދައްކާތޯ.. ނުވަތަ އަމަލީގޮތުން ކަމެއްކުރޭތޯ މަޖުލިސް އިދާރާއިން ވެސް ބަލަންވާނެ..