ޓްރީޓޮޕް ހޮސްޕިޓަލްގެ އިމާރާތް.
06 މެއި 2020 - 19:06
21 comments
އައިޖީއެމްއެޗްގައި އެޑްމިޓްކޮށްފައި އޮތް މާބަނޑު މީހަކު ކޮވިޑް-19 އަށް މިއަދު ޕޮޒިޓިވް ވެއްޖެ އެވެ. މިއީ، މިހާތަނަށް ހާމަކޮށްފައިވާ މައުލޫމާތަށް ބަލާއިރު މާބަނޑު މީހަކު ރާއްޖޭގައި ކޮވިޑް-19 އަށް ޕޮޒިޓިވްވި ދެ ވަނަ ފަހަރެވެ.
އެޗްޕީއޭ އާއި އައިޖީއެމްއެޗުން ވެސް މީގެ ކުރިން ބުނެފައިވާ ގޮތުގައި އެ ހޮސްޕިޓަލްގައި އެޑްމިޓްކުރާ މީހުން ފުރަތަމަ ވެސް ކޮވިޑް-19 އަސް ޓެސްޓްކުރާނެ އެވެ. މި މީހާ ކޮވިޑް-19 އަށް ޓެސްޓް ކުރީ ބަލީގެ އަލާމާތެއް ފެނިގެން ކަމެއް ނުވަތަ ނޫން ކަމެއް ރަސްމީ އިދާރާތަކުން އަދި ކަށަވަރު ކޮށެއް ނުދެ އެވެ.
ކޮވިޑް-19 އަށް ޕޮޒިޓިވް ވުމުން އޭނާ މިހާރު ވަނީ، ކޮވިޑް-19 ގެ ބަލި މީހުންނަށް މިހާރު ހާއްސަކޮށްފައިވާ ޓްރީޓޮޕް ހޮސްޕިޓަލަށް ބަދަލުކޮށްފަ އެވެ.
މި މާބަނޑު މީހާ ހިމެނެނީ މިއަދު ކޮވިޑް-19 އަށް ޕޮޒިޓިވް ވެގެން އެޗްޕީއޭ އިން އިއުލާންކުރި 45 މީހުންގެ ތެރޭގަ އެވެ. މިއަދުގެ ކޭސްތަކުގެ ތެރެއިން އަށް މީހުންނަކީ ދިވެހިންނެވެ.
މިދިޔަ މާޗް 7 އިން ފެށިގެން މިހާތަނަށް ރާއްޖެ އިން 618 މީހަކު ކޮވިޑް-19 އަށް ޕޮޒިޓިވް ވެފައިވާއިރު 20 މީހަކު ވަނީ ރަނގަޅުވެފަ އެވެ. އަދި ދެ މީހަކު ވަނީ މަރުވެފަ އެވެ. އެއީ އުމުރުން 83 އަހަރުގެ ދިވެއްސަކާއި 33 އަހަރުގެ ބަންގްލަދޭޝް މީހެކެވެ.
ކޮވިޑް-19 އާ ދެކޮޅަށް ރާއްޖޭގައި އިސްވެ މަސައްކަތް ކުރާ ސިއްހީ އޮފިޝަލުން ދެއްވާ މައުލޫމާތަށް ބައްލަވައި، ރައީސް އިބްރާހިމް މުހައްމަދު ސޯލިހު މިދިޔަ ހޯމަ ދުވަހު ވިދާޅުވީ ކުރިއަށް އޮތް ދެ ހަފުތާގައި ރާއްޖޭގައި އެ ބަލި ފެތުރޭ މިންވަރު މައްޗަށް ހިނގައިދާނެ ކަމަށެވެ. އެހެންވެ، ވިސްނުންތެރިކަމާއި ފަރުވާތެރިކަމާ އެކު އެ މުއްދަތުގައި މަސައްކަތް ކުރަންޖެހޭ ކަމަށް ވަނީ ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފްރީ
07 May 2020
އެހެން އެންމެންވެސް ޓެސްޓްކޮށްބަލަ. ޕޮޒިޓިވްތައް ހީނުކުރާ ދިމަދިމާލުން ނިކުންނާނެހެން ހީވަނީ.
ބޮޑުމީހާ
07 May 2020
ކޮވިޑް19 އާއި ގުޅިގެން ސަރުކާރުން ޓްރީޓޮޕް ހޮސްޕިޓަލް ނަގައިގެން އުޅެނީ ކޮން އުސޫލަކުންކަން ރައްޔިތުންނަށް އިގެންއެބަޖެހޭ!
އަޖައިބެއްނުވާނެތަ
09 May 2020
ކީއްކުރަން ބަލަންވީ. އަދިވެސް ހާދަހާ ނަފްރަތެކޭ ތިކުރަނި މިދަނޑިވަޅުގަވެސް. ކަލޭމެން ގޮވައިނގެން ކިހިނެން މިގައުމު ހިންގާނީ. ޝުކުރުކޮށްބަލަ ސަރުކާރުން ކޮންމެ ހޮސްޕިޓަލެއް ނަގައިގެންވެސް އަހަރެމެންނަށާ މިބަލީގަ ތަހައްމަލުކުރާ މީހުންނަށް ފަރުވާ ދޭކަމަށްޓަކާވެސް.
މަޑިދޫން
06 May 2020
ބަންގާޅީން ގަވައިދާ ޚުލާފަށް މަގުމަތީ އުޅެން ހުއްދަދީ އެކަން ނުބަލާ ދޫކޮށްލީ ކޮންބައެއްބާ
އަޖާއިބް
07 May 2020
ފުލުހުން
ޙަބީބު
06 May 2020
ދައުލަތައް ލިބޭހާ އާ މްދަނީ ހިލޭއެހީ ޕެންޝަންފަންޑު ދޮވެލީ ބިދޭސީންނައް ހަރަދުކުރަންބާ އަހަރެން ރިސޯޓު ވަޒީފާ އަދާކުރަނީ އަނބިދަރިން ދޫކޮއް ވަރައް ނިކަ މެތި ހާލުގަ މުސާރައިން %7 ކަނޑާ ކޮން މެމމ މަހަކު ހާލުގަ ޖެހިގެން އޭގެން %50 ދޭންބުނު މުން ސަރުކާރު ބީރު މަން މަންވެފަ އެތިބީ
ކަކުނިބޯ
06 May 2020
މިއޮއްހުރިހާދުވަހު ރާއްޖެއަށް ލިބުނު ބޭރުފައިސާގެ 90ޕަރސަަންޓު ބޭރުކުރީ ބިދޭސީން، ވަގުވިޔަފާރި ކުރީ ބިދޭސީން، ޑްރަގ އަދި މަނީ ލޯންޑްރިންގ ގައިބިދޭސީން. ދިވެހިން ދިވެހިންގެ ޤައު މުގައި ނިކަ މެތިކަން މަތީ އަދި މިކޮވިޑްގެ ހާލަތުގައި ރިޒާވްގެ ބޮޑުބައެއް މިޖެހުނީ މި ބިދޭސީންނަށްހަރަދުކޮށް ދިވެހިން ބަޑަށްޖެހެން މިހާރު ދައުލަތަށް އެއްޗެއްވިސްނި މިކަ މުން ކޮން މެ ހަލަކުނުްވެސް މިޤައު މު ސަލާމަތްކުރާނެކަ މަށް ހީކުރަން
ޔެސް
06 May 2020
ރަނގަޅުވާހަކައެއް ތީ. އެކަމަކު ތިޔަބުނާ ބިދޭސީން މި ޤައުމަށް ގެނެސްގެން މަހުޖަނުންނަށްވި ދިވެހީންގެ ވާހަކަވެސް ހިމަނާލިނަމަ.
ގަނޑުފެން
06 May 2020
ދެން ހޮސްޕިޓަލްގެ ސްޓާފުން ތިބީ ޕީޕީއީ ލައިގެންތަ؟ އެއީ ވޯޑުތަކުގަ އަދިވެސް ނުލާ ޕީޕީއެއް.!!
ހެޔޮ ހިތުން
06 May 2020
ގޯހުން ގޯހަށް... އެ މީހާ އަށް އަވަސް ޝިފާއަކަށް އެދެން.
މާރީ
06 May 2020
އަވަސް ޝިފާއަކަން އެދެން
Majid Mohamed
06 May 2020
ރަސްމީ ފަރާތްތަކުގެ ބަހެެއް ނުލިބި ތިގޮތަށް ހަބަރު ފެތުރުމަކީ މުޖުތަމައުގެ މަސްލަހަތު ނަގައިލުމާއި ޒިންމާދާރުކަން ކުޑަ އަމަލެއް
މޫސާ ސަމީރު
06 May 2020
ޓެސްޓް ހެދިކަން ނުވަތަ ނުހަދާކަން ރަސްމީފަރާތްތަކުން ސައްހަ މައުލޫމާތު ހޯދާފަ ތި ގޮތައް ހަބަރު ގެނެސްދެންވާނީ
މަޑިކަމަނަ
06 May 2020
ދެން؟ ޚަބަރު ބޮރޭކްނުކޮށް ތިބެންވީ މަބުރޫކު ފެންވަރައިގެން ދޮންފުށްޖަހައިގެން ޓީވީ އަށް އަރާ ވީގޮތް ބުނަންދެން؟
މަރުޖާނު
06 May 2020
ޓެސްޓްތައް ހެދޭވަރަކުން ބަލި ފެންނަމުންދާނީ ކޮންމެހެން ކިރިޔަށް ހަފްތާ ދެހަފްތާްކަށް ވެގެނެއް ނޫން ޓެސްޓް ހެދީމަތާ މިއެނގެނީ ބަލި ހުރިކަން އަވަހަށް ޓެސްޓްތައް ހެދޭތޯ ބަލަންވީ