އައްޑޫ ހޮސްޕިޓަލަށް ސުވާދިވް ކެފޭ އިން 300 މާސްކް ހަދިޔާކޮށްފި

އަހުމަދު އަދްޝަން، މިހާރު

10 މެއި 2020 - 10:23

އައްޑޫ އިކުއެޓޯރިއަލް ހޮސްޕިޓަލް (އޭއީއެޗް) އަށް، ހިތަދޫގެ ރެސްޓޯރަންޓަކުން ރޭ މާސްކް ހަދިޔާކޮށްފި އެވެ.

އައްޑޫގެ މަޝްހޫރު ރެސްޓޯރަންޓަތަކުގެ ތެރޭގައި ހިމެނޭ "ސުވާދިވް ކެފޭ" އިން ހޮސްޕިޓަލަށް ހަދިޔާކޮށްފައި ވަނީ 300 ސާޖިކަލް މާސްކެވެ. މި ތަކެއްޗާ ހޮސްޕިޓަލްގެ ފަރާތުން ހަވާލުވެވަޑައިގަތީ މެނޭޖަރު ޝަރަފުއް ސާދާތެވެ. ހޮސްޕިޓަލުން ވަނީ ސުވާދިވުން ދިން އެހީ އަށް ޝުކުރު ވެސް އަދާކޮށް، މިއީ މި ދަތި ދަނޑިވަޅުގައި ލިބުނު ވަރަށް ބޮޑު އެހީއެއް ކަމަށް ބުނެފަ އެވެ.

"ސުވާދިވް ކެފޭ" އިން އައްޑޫ ހޮސްޕިޓަލަށް މާސްކް ހަދިޔާ އިރު، މަޝްހޫރު ވިޔަފާރި ކުންފުނި، ހެޕީ މާކެޓުން ވަނީ ރެއިން ރެއަށް އެ ހޮސްޕިޓަލަށް ސެނިޓައިޒާ ފޯރުކޮށް ދިނުމުގެ މަސައްކަތް ވެސް ކޮށްފަ އެެވެ.

Thank you Suvadive Cafe’ for providing us with 300 surgical masks during these difficult times. We highly appreciate your gesture and support you’ve given us to fight the COVID-19 crisis. #COVID19 #coronavirus @MoHmv @HPA_MV @AdduCityCouncil pic.twitter.com/gGD3bfuGZC
— Addu Equatorial Hospital (@aeh_mv) May 9, 2020

އައްޑޫގައި ޕްރޮޓެކްޓިވް ޕާސަނަލް އިކުއިޕްމަންޓްސް (ޕީޕީއީ) ނެތް ކަމަށް ހޮސްޕިޓަލުން އިއްޔެ ބުނެފައި ވަނިކޮށް ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) އިން ރޭ ބޭއްވި މީޑިއާ ބްރީފިންގައި ތަރުޖަމާން މުހައްމަދު މަބްރޫކް އަޒީޒް ވިދާޅުވީ އެ ތަކެތި އައްޑޫގައި އެކަށީގެންވާ ވަރަށް އެބަހުރި ކަމަށެވެ.

އެގޮތުން ހޮސްޕިޓަލްގައި 289 ގައުންސް (ރައްކާތެރި ވުމަށް އަޅާ ހެދުން)، 1،306 ސާޖިކަލް މާސްކް، 59 އެން-95 މާސްކް އަދި 133 ފުޅި ސެނިޓައިޒާ ހުރި ކަމަށް ވިދާޅުވި އެވެ.

އައްޑޫގައި ޕީޕީއީ އެކަށީގެންވާ ވަރަށް ނެތް ކަމަށް ބުނެފައި މި ވަނީ އިއްޔެ ރޭ ހޮސްޕިޓަލަށް ގެންދިޔަ ބަލި މީހަކު ފަރުވާ އަށް މާލެ ގެންގޮސް ކޮވިޑް-19 އަށް ޓެސްޓްކުރި އިރު ޕޮޒިޓިވްވުމާ ގުޅިގެން، ކޮމިއުނިޓީ ސްޕްރެޑެއް އޮތް ކަމަށް ބަލައި އިއްޔެ 14 ދުވަހުގެ ލޮކްޑައުނެއް ވެސް އިއުލާންކޮށްފައި ވަނިކޮށެވެ. ނަމަވެސް އެ މީހާ މިހާރު ބައްޔަށް ނެގެޓިވް ކަމަށް ރޭ ދަންވަރު ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުންޏެވެ.

މަބުރޫކް ރޭ ވިދާޅުވީ އައްޑޫގައި އާއްމުންގެ ތެރޭގައި ހަލުވިކަމާ އެކު ބަލި ފެތުރޭ ހާލަތެއް އަޔަނުދިނުމަށްޓަކައި އެ ސިޓީގެ އިދާރާތަކާއި އަމިއްލަ ފަރާތްތަކުން ގިނަ މަސައްކަތްތަކެއް ކުރަމުން އަންނަ ކަމަށައި އުއްމީދަކީ އާއްމުންގެ ތެރެއަށް ހަލުވިކޮށް ބަލި ފެތުރޭ ހާލަތެއް ނައުން ކަމަށެވެ.

289 gown,1300 ah vure gina mask Addu gai eba huri: Sarukaaru

The most trusted news source in the Maldives

Mihaaru

ސ. ހިތަދޫ ފޭސް މާސްކް ޗެރިޓީ އައްޑޫ 100 އެނދުގެ ހޮސްޕިޓަލް އައްޑޫ އިކުއެޓޯރިއަލް ހޮސްޕިޓަލް (އޭއީއެޗް) އައްޑޫ ސިއްހަތު ބަލިތައް

6 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

10 May 2020

މިގޭގެ ރޯދަވީއްލުމަށް 2 ދުވަހު ސްވަޑިވް ކެފޭއިން އެއްޗެހި ގެންނާން ނިންމައިފިން. އަހަރުމެން ރައްޔަތުމީހާއަށް އެހީތެރިކަން ފޯރުވާ ވިޔަފާރިވެރިންނަށް އަހަރުމެންގެ ޖީބުގައި އޮތް ފައިސާކޮޅު ވިއްކުމުގައި އަހަރުމެންވެސް އިސްކަންދޭނަން. ދެއްވި އެހީތެރިކަމަށް ޝުކުރީއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ވިޔަފާރިވެރިން

10 May 2020

ރަނގަޅު. އިއްޔެ އައްޑޫގެ ވާހަކަ ކިޔާ އެއްޗިހި ގޮވީމަ މިއަދު ހުރިހާ ވިޔަފާރިވެރިން އެބައާދޭ ބައި ރުފިޔާ ހިފައިގެން. ސުވާދީބަކީ ވަރަށް ފުޅާ ވިޔަފާރިއެއް. 300 މާސްކަށްވެސް ހަމްދުކުރަން. ދެން ފަހަރަކުން އަތޮޅަށް އެއްޗެއް ހަދިޔާ ކުރަން ނިންމާނީ ދަނޑިބުރި ނެގީމައެއް ނޫން. އެއަށްވުރެ ހަރުދަނާ ބަޔަކަށް ވާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

10 May 2020

ފުވައްމުލަށް އަދި އިކްއިޓޯރިއަލް ހޮސްޕިޓަލަށް ކޮވިޑް ޓެސްޓްމެޝިނާއި ކިޓްހޯދުމަށް ކައުންސިލާއި ޕްރޮފެސަރ އުގައިލް ފައުންޑޭޝަން ގުޅިގެން އިޤިރޭސިވިލާތް، އޮސްޓްރޭލިއާ، އިންޑިޔާ، ސައުދީ، ޤަތަރ ފަދަ ޤައުމުތަކުން އެހީ ހޯއްދަވާ. # އަދި ދިވެހިރާއްޖޭގެ ޓްއަރިޒަމްގެ ސޭވިސްދާއިރާގައި ގިނައީނއައްޑޫގެ ޒުވާނުންކަމުގައިވާތީ، ވެލާރިސޯޓުގެ ހިއްސާދާރުންކަމުގައިވާ ޖިރީ ސްމެކް އާއި ޑެނިއަލް ކްރެޓިންސްކީ އަދި ސިންގަޕޯރ އޮންގް އަދި މެކްމާ ފަދަ ފަރާތްތަކަށްވެސް ހާލަތުބަޔާންކޮށްދެއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

10 May 2020

ސައި ވިއްކާ ހޮޓަލެއްވެސް ރިސޯޓް އޯނަރުންނަށްވުރެން ރަނގަޅު. މިލިޔަން ޑޮލަރުގެ ފައިދާ ނަގަމުން ދުނިޔޭގެ މަޝްހޫރު ހުރިހާސިޓީއަކުން ޕްރޮޕަޓީޒް ގަންނަމުން އަމިއްލަ އެއަރލައިން، އެއަރޕޯޓް، ސީޕޯޓް، ބެންކް، ސީޕްލޭން، ޝިޕިންގ ލައިން، ހޮސްޕިޓަލް، އިންސްއަރެންސް ކުންފުންޏާއި، ފައިނޭންސް ލީސިންގ ކުންފުނި އަދި ހޯލްސޭލް ރީޓައިން ވިޔަފާރިހިންގަމުންދާ ރިސޯޓްއޯނަރުން ކޮވިޑާއިއެކު ހޮރަށްވަދެފިލައިފި. ދޭތެރެއަކުން ބޯ ދިއްކޮށްލީ ފައިސާބަހަން މަޝްވަރާ ނުކުރެއޭ ކިޔާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުޕް

10 May 2020

ވަރަށް ބޮޑަށް ޝުކުރިޔާ ތި ކެފޭގެ ވެރިންނަށް އަދަށްވުރެ ފެހި މާދަމައަކަށް އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނގަޅަށް މާސްކް

10 May 2020

ވަރަށް ބޮޑަށް ޝުކުރިއްޔާ ސުވާދިވް ކެފޭ. މަޖިލިސް މެމްބަރު ޢަބްދުﷲ ރިޔާޝް ނުބައިފުށުން މާސްކް އަޅާފައިހުރިގޮތަށް ނޫންތޯ ފޮޓޯގެ މެދުގައިހުރިހުރިމީހާ ފިޔަވާ އަނެއްދެމީހުން މާސްކްއަޅައިގެން އެތިބީ؟