މިނިސްޓަރު އިބްރާހިމް އަމީރު ވިދާޅުވެފައި ވަނީ ކޮވިޑް-19 އަށް 814 މިލިއަން ރުފިޔާ ހަރަދު ކުރެވުނު އިރު، އޭގެ ތެރެއިން ބޮޑު ބައެއް ހޭދަކޮށްފައިވަނީ އެސްޓީއޯ މެދުވެރިކޮށް ކަމަށް. މެޑިކަލް ކޮންސިއުމަބަލްސްގެ ތެރެއިން ގާތްގަނޑަކަށް 86 ޕަސެންޓް ޕްރޮކިއުއާ ކުރަނީ އެސްޓީއޯ އިން ކަމަށް އަމީރު ވިދާޅުވެފައިވޭ.
ދާންދޫ ދާއިރާގެ މެމްބަރު ޔައުގޫބް އަބްދުﷲ، ކޮވިޑާ ގުޅިގެން އެސްޓީއޯ މެދުވެރިކޮށް ހަރަދުކުރި ގޮތް ބަލަން ހުށަހެޅުއްވީ ޔައުގޫބް. ފައިލް ފޮޓޯ/މިހާރު
19 މެއި 2020 - 09:08
16 comments
ކޮވިޑް-19 އާ ގުޅިގެން ރާއްޖެ އަށް ބޭނުންވާ މެޑިކަލް ސަޕްލައިސް ގަތުމުގައި އެސްޓީއޯ މެދުވެރިކޮށް ހަރަދުކުރި ގޮތުގެ ހާއްސަ އޮޑިޓެއް ކުރަން އަންގަން ރައްޔިތުންގެ މަޖިލީހުގެ މާލިއްޔަތު ކޮމިޓީން އިއްޔެ ފާސްކޮށްފި އެވެ.
ކޮވިޑް-19 ފެތުރޭ ހާލަތާ ގުޅިގެން އެސްޓީއޯ މެދުވެރިކޮށް ހަރަދުކޮށްފައިވާ ގޮތުގެ އޮޑިޓެއް ކުރަން އޮޑިޓާ ޖެނެރަލް ހަސަން ޒިޔަތަށް އަންގަން އެ ކޮމިޓީ އަށް ހުށަހެޅުއްވީ ކޮމިޓީގެ މެމްބަރު، ދާންދޫ ދާއިރާގެ ޔައުގޫބް އަބްދުﷲ އެވެ. އޭނާ ހުށަހަޅުއްވައި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ތާއީދު ކުރެއްވި އެ ހުށަހެޅުން ފާސްކުރީ އިއްޔެގެ ބައްދަލުވުމުގައި ބައިވެރިވެވަޑައިގެންނެވި އަށް މެމްބަރުންގެ އިއްތިފާގުންނެވެ.
ޔައުގޫބްގެ ހުށަހެޅުއްވުމުގައި ވަނީ ކޮވިޑް-19 އާ ގުޅިގެން އެކިއެކި މުއައްސަސާތަކުން ކޮށްފައިވާ ހަރަދުތަކުގެ ހާއްސަ އޮޑިޓެއް ކޮށް، ރިޕޯޓް ފޮނުވަން އޮޑިޓާ ޖެނެރަލް ހަސަނަށް ސިޓީއަކުން ދެންނެވުމަށެވެ. އެ ސިޓީ އޮޑިޓާ ޖެނެރަލަށް ލިބިވަޑައިގަންނަވާތާ 45 ދުވަހުގެ ތެރޭގައި އެ މަސަައްކަތް ނިންމަން ވެސް އެ ހުށަހެޅުމުގައި ވެ އެވެ.
ކޮމިޓީގެ ބައްދަލުވުމުގައި ޔައުގޫބް ވިދާޅުވީ، ކޮވިޑް-19 އާ ގުޅޭ އެކި ކަންތައްތައްތަކަށް ފިނޭންސް މިނިސްޓްރީން ކުރި ހަރަދުގެ 72 ޕަސެންޓް ހޭދަ ކޮށްފައި ވަނީ އެސްޓީއޯ މެދުވެރިކޮށް ކަމަށް އެ މިނިސްޓްރީން ބުނެފައިވާ ކަމަށެވެ. އެހެންވެ، އެ ކަން ކޮށްފައި ވަނީ އެކަމަށް އޮންނަ އުސޫލުގެ ތެރެއިންތޯ ބަލަން ޖެހޭ ކަމަށް ވިދާޅުވި އެވެ.
"އެސްޓީއޯ އަކީ ސަރުކާރުގެ ކުންފުންޏަކަށް ވާތީވެ އެސްޓީއޯގެ ތެރެއިން ހަރަދު ކުރެވުނީ އުސޫލުގެ ތެރެއިންތޯ ބެލުމަށް ހާއްސަ އޮޑިޓެއް ކުރަން އަޅުގަނޑު މި ހުށަހަޅަނީ،" އޭނާ ވިދާޅުވި އެވެ.
ޔައުގޫބް ވިދާޅުވި ގޮތުގައި، މީގެ ކުރިން ކޮށްފައިވާ އެފަދަ އޮޑިޓް ތަކުގައި އޮޑިޓާ ޖެނެރަލްގެ އޮފީހަށް އެކިއެކި ދަތިތައް ވަނީ ކުރިމަތިވެފަ އެވެ. އެހެންވީމާ މި ފަހަރުގެ އޮޑިޓަށް ކުރިމަތިވާ އެފަދަ މައްސަލަތަކުގެ މައުލޫމާތު ވެސް ކޮމިޓީއާ ހިއްސާ ކުރަން އެދެން އޭނާ ހުށަހެޅުއްވި އެވެ.
"ހަމަ މީގެ ތެރޭގައި އަޅުގަނޑު ހިމަނަން ބޭނުންވޭ، މި އޮޑިޓް ކުރަމުން ދާއިރު އެސްްޓީއޯ އިން ލިބެންވާ އެއްބާރުލުން ލިބޭތޯ ނުލިބޭތޯ ނުލިބެންޏާ އަޅުގަނޑުމެންނާ އެ މައުލޫމާތު ހިއްސާކުރަމުން ގެންދިއުމަށް އެ މުއްދަތުގެ ތެރޭގައި،" ޔައުގޫބް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރޭމިރުތާ
19 May 2020
އެސް.ޓީ.އޯ މެދުވެރިކޮށް ޚަރަދު ކުރިގޮތް ވަރަށް ރަގަޅަށް އެނގޭނެ އިންޑިޔާގެ އެމް.އެމް.އެކްސްޕޯޓަށް! ވަރަށް ވާހަކަ މިބުނީ! މިވަރުން އެނގޭނެ ޔައުޤޫބަށްވެސް!
ބޮޑުމީހާ
19 May 2020
މިހާރު އެމްއެމްޕީއާރުސީގެ މައްސަލަ ނިމުނީތަ. ސީޕްލޭން ޓާމިނަލް މައްސަލަ ނިމުނީތަ. ދެން ތިކަންވެސް ހަފްތާއެއް ފަހުން ހަދާންނެތޭނެ
މައި ސެލްފް
19 May 2020
މިބުރު ވާނެ އަމީރު ނޫނީ އެސްޓީއޯ ބާނުވާލަން
މަންނާނު
19 May 2020
މިފަހަރު ބައިއެޅުމުގައި ތަފާތުތަކެއް ހުރީތީ ތޯއްޗެއް އަލުންބަލަން މިޖެހުނީ
މިވަރެއްނެތް
19 May 2020
ރައްޔިތުން ތަމްސީލުކުރަން ރައްޔިތުން އިންތިޚާބުކުރާ މެންބަރުންގެ ވަނަވަރާއި، ތައުލީމީ ގާބިލުކަން އެނގި ފެންނައިރު ހަމަ ރައްޔިތުން ފަޚުރުވެރިވޭބާ؟ ސަރުކާރާއި ދައުލަތުގެ މުއައްސަސާތައް ޒިންމާދާރުކުރުވާ ހުރިހާ ގާނޫނުތައް ހަދާ ދައުލަތުގެ މުސްތަޤްބަލު އާރާސްތުކުރަން އަހަރެމެން ރައްޔިތުން އިންތިޚާބުކުރަނީ ހަމައެންމެ އެކަށީގެންވާ މީހުންބާ؟ ނުވަތަ ހަމަ ޕާޓީއިން ދައްކާ ކޮންމެ ބޮލަކަށް ވޯޓުދޭ އުސޫލުންބާ ނުވަތަ އެތިކޮޅެއްދޭ މީހާއަށްބާ؟
Saim Seed
19 May 2020
އަލީ ވަހީދުގެ ކޮރަޕްޟަން ކޮން އިރަކުން ބަލަނީ
ޙުސާމް
19 May 2020
ޔައުޤޫބް. މާތެދު ވެރިއެއްކަން ދައްކަން މަސައްކަތް ކުރާނެ ކަމެއްނެތް. އަނދުން ހިސެއިން ދެއްކީ ޔައުގޫބާއި ބެހޭ ގޮތުން ރަނގަޅު ވާހަކަ . ޙަމަ ކޮއްމެވެސް ފާއިދާއެއްލިބޭތޯ ތިއުޅެނީ.
ލުތުފީ
19 May 2020
ބަޔަކު ރަގަޅުކަމެއް ކުރަން އުޅުނަސް މިވަނީ ގޯސް. އަޖައިބެއްކަހަލަ ކަމެއްމީ
ހަސަންބެ.
19 May 2020
އެއްވެސް ކަމެއް ނުފެންނާނެ . ތީ ހުސް އެއްބައެއް. އެންމެންނަށް ބައިއަޅާފަ އޮތީ . ރައިޔަތުންގެ ލޮގައި އަޅުވާ އަނދު ނެއް. ސަރުކާރުގައި ތިބި މިނިސްޓަރުން މިމީހުންނަށް ބައިނާޅާތީ ރުޅިއަސްގެން ބޭރުކުރަން އެގޮވަނީ.
falcon_autho
19 May 2020
ޔައުގޫބު ބަލާލަން ރަނގަޅު 2013 އިން ފެށިގެން އެސްޓީއޯ އިން ސަރުކާރަށް ކޯޓް ކުރި ޞިއްޙީ ސާމާނު އެއީ ބޭރުން ސިދާ އެސްޓީއޯއަށް އިމްޕޯޓް ކޮށްގެން ހޯދި ތަކެތިތޯ ނުވަތަ ލޯކަލް ކުންފުނިތަކުން ގަނެގެން "ބޮޑުއަގު" ގައި ސަރުކާރަށް ވިއްކާފައިވާ ތަކެތިތޯ؟ އަދި އެސްޓީއޯ ސަޕްލައިގައި މަސައްކަތް ކުރި މީހުން އެތަނުން ނުކުމެ ވަޒީފާ އަދާކުރަނީ ކޮންތާކުތޯއާ އެސްޓީއޯ އަށް ބޭރުގެ އެޖެންޓުން ނުލިބިގެން އުޅެނީ ކީއްވެތޯ؟ 2008 އިން ފެށިގެން ފާޑެއްގެ ކަމެއް ހިންގަމުންދަނީ.
ދުންނިކަ އިބްރާހިމް ފުޅު
19 May 2020
ދާންދޫ ދާއިރާގެ ޔައުގޫބް އަބްދުﷲ އަށް ދަންނަވަން އޮތީ، އަތްފިހެ ނުލައްޗޭ.މިދޭތެރެއަކުންވެސް ސީޕްލޭން ޓާމިނަލްގެ ކަންކަމާއި އުޅެގެން ވަރަށް ބޮޑަށް "ކުލަ ހަޑި" ވި ނޫންތޯއެވެ.އެކަމަކު މިފަހަރު އޮޑިޓަރ ޖެނެރަލްކައިރީ ދަންނަވައިގެން އެސް.ޓީ.އޯ.މެޑިކަލްސް 2012ވަނަ އަހަރުންފެށިގެން އޮޑިޓްވާނެ ގޮތެއް ބައްލަވާ ދެއްވާށެވެ.އެފަހަރު އޮތީ މާ އަގުބޮޑުކޮށް އެކްސްރޭ މެޝިންތަކެއް ގަނެ ގަޑުބަޑުކޮށްފައެވެ.ފަހުން އެމައްސަލައަށް ވީގޮތެއް ނޭގުނެވެ.