އެޗްޕީއޭގެ އެޕިޑެމިއޮލޮޖިސްޓް ޑރ. އިބްރާހީމް އަފްޒަލް މިރޭގެ މީޑިއާ ބްރީފިންގައި ވާހަކަ ދައްކަވަނީ. އޭނާ ވިދާޅުވީ ލޮކްޑައުން ލުއިކުރަން ދުވާލަކަށް 50 ކޭސް ގިނަ ނޫން ކަމަށް.
27 މެއި 2020 - 02:13
46 comments
ކޮރޯނާވައިރަސް ފެތުރޭތީ މާލެ ސަރަހައްދުގައި އިއުލާންކޮށްފައިވާ ލޮކްޑައުން އަށް ލުޔެއް ދެވޭ ވަރަށް އެބަލީގެ ކޭސްތައް މަދުވެއްޖެ ކަމަށާއި ދުވާލަކަށް 50 އަކަށް ކޭސް ފެނުމަކީ ގިނަ އަދަދެއް ނޫން ކަމަށް ހެލްތު ޕްރޮޓެކްޝަން އެޖެންސީން މިރޭ ބުނެފި އެވެ.
ނެޝަނަލް އިމަޖެންސީ އޮޕަރޭޝަން ސެންޓަރުގައި މިރޭ ބޭއްވި މީޑިއާ ބްރީގިންގައި "މިހާރު"ން ކުރި ސުވާލަކަށް ޖަވާބު ދެއްވަމުން އެޗްޕީއޭގެ އެޕިޑެމިއޮލޮޖިސްޓް ޑރ. އިބްރާހީމް އަފްޒަލް ވިދާޅުވީ މާލޭގައި އޮތް ލޮކްޑައުން ލުއިކުރަން އުޅެނީ ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ)ގެ ވެސްް އިރުޝާދާ އެއްގޮތަށް ކަމަށާއި 50 އަކަށް ކޭސް ފެނުމަކީ އާއްމު ހާލަތަށް ދިއުމުގެ ދަތުރު ފެށޭނެ މިންވަރެއް ކަމަށެވެ. އެކަމަކު ރައްކާތެރިކަމުގެ ގޮތުން އަޅާފައިވާ ހުރިހާ ފިޔަވަޅެއް ދޫކޮށްލެވޭނީ އޭނާ ވިދާޅުވި ގޮތުގައި، ދުވާލަކަަށް ފަސްވަރަކަށް ކޭސް އަށް އަދަދު ދަށްވީމާ ކަމަށެވެ.
"ދުވާލަކަށް 50 ކޭސް، އަޅުގަނޑު ކުރީ ދުވަހު ވެސް ދެންނެވިން، ފެނުމަކީ ހަގީގަތުގައި މިފަދަ ބައްޔަކަށް ބަލާއިރު ހައި ނަމްބާއެއް ނޫން އިނގޭތޯ. މިގޮތަށް ސްޕްރެޑްވާ، އަރިދަފުސްރޯގާގެ ބަލިތައް ނޫނިއްޔާ އިންފްލުއެންޒާގެ ބަލިތަކަށް ބަލާއިރު، ނޫނިއްޔާ އިންފްލުއެންޒާ ލައިކް އިލްނަސް އަށް ބަލާއިރު، އައިއެލްއޭ އަޅުގަނޑުމެން މިކިޔާ ބާވަތުގެ ބަލިތަކަށް ބަލައިފި ނަމަ، ރާއްޖޭގެ ޕޮޕިއުލޭޝަނަށް ބަލާއިރު، މާލޭގެ ޕޮޕިއުލޭޝަނަށް ބަލާއިރު ނިސްބަތުން ފަންސާހަކަށް މީހުން ފެނުމަކީ އެއީކީ ހަގީގަތުގައި ހައިއެއް ނޫން އިނގޭތޯ،" އަފްޒަލް ވިދާޅުވި އެވެ.
އޭނާ ވިދާޅުވީ މިހާރު އަޅާފައިވާ ލޮކްޑައުންގެ ފިޔަވަޅު މުޅިން އުވާލަން ނޫޅޭ ކަމަށާއި އެކަމަކު ފިޔަވަހިތަކަކަށް ބަހާލައިގެން ލުއިތަކެއް ދޭނެ ކަމަށެވެ. އެގޮތުން ނިއު ނޯމަލް އަށް ދާނީ އެންމެ ރަނގަޅު ހިސާބަށް ދިޔައިމާ ނޫން ކަމަށް ވެސް ވިދާޅުވި އެވެ. ލުއިތައް ދިނުމުގެ ފިޔަވަޅެއް އަަޅަނީ އަފްޒަލް ވިދާޅުވި ގޮތުގައި، ބަލި ފެތުރޭ މިންވަރު ވަކިވަރެއްގައި ހިފެހެއްޓޭތަން ފެންނަން ފެށުމުންނެވެ.
"އެ ވެސް ކޮންމެވެސް ވަރެއްގެ ލޮކްޑައުންއެއްގައި ތިބެގެން ފަސޭހަތަކެއް މިދެނީ،" އޭނާ ވިދާޅުވި އެވެ
އެ ހާލަތުގައި ކަންތައްތައް ވާ ގޮތް ބެލުމަށް ފަހު ދެން ދާނީ ދެވަނަ ފޭހަކަށެވެ. އެގޮތަށް ފިޔަވަޅުތައް ލުއިކުރަން ބަލާނެ މިންގަނޑުތަކެއް ޑަބްލިއުއެޗްއޯ އިން ކުރިން ވަނީ ކަނޑައަޅައިފަ އެވެ. އެ ކަންތައްތަކަށް ބަލައި ނިއު ނޯމަލްގައި އަމަލުކުރާނެ ގައިޑްލައިން އެޗްޕީއޭ އިން މާދަމާ އާއްމުކުރާނެ އެވެެ.
މިރޭގެ ޕްރެސް ބްރީފިންގައި އެންއީއޯސީގެ ތަރުޖަމާން މުހައްމަދު މަބްރޫކް އަޒީޒް ވިދާޅުވީ ލޮކްޑައުނަށް ލުއިތައްދޭ ކޮންމެ ފަހަރަކު ވެސް ކޮވިޑް-19ގެ ކޭސްްތައް ފެންނަ މިންވަރު އިތުރުވާނެ ކަމަށް ބެލެވޭ ކަމަށާއި ރާއްޖެ އަށް ލިބުނު ވަގުތުގެ ބޭނުންކުރީ އެކަމަށް ތަައްޔާރުވުމަށް ކަމަށެވެ. އެގޮތުން ބޭނުންވާނެ ގިނަ ތަކެތި ހޯދައި ތައްޔާރީގެ ގިނަ މަސައްކަތްތައް ނިމިފައިވާ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮނޭގެ އަދުނާނު
27 May 2020
ނިޔުނޯމަލްއަށް މަރްހަބާ! ސިޔާސީ ކަމުން ހަޖަމު އުނދަގޫ މީހުން އަމިއްލަ ޕޮލިސީއަކުން ލޮކްޑައުންގައި ތިބުން ހަމަ އޯކޭ. ބިރުން ޑަބްލިޔުއެޗްއޯއާ ސިއްހީބޭފުޅުންގެ ލަފައަށް އިތުބާރު ކުނުރެވޭ ބޭފުޅުން ވާނުވާ ބަލަން މަޑުކޮށްފައި ނޫނީ ނުނުކުތުން ރަނގަޅުވާނެ. ދުނިޔެއިން މިރޯގާ ނުފިލަންޏާ ދެއަހަރަކު ލޮކްގައި އުޅެ އަތްމަތިހުސްވެ ހަށިގަނޑު ފޮސްވެ ދެން ވައިރަހާ ކުރިމަތިލާނީބާ؟
ށޭޒު
27 May 2020
ޓޫރިޒަމް ގެ ހައިސީޒަން އަންނަ ފަހުން ދެވަނަ ވޭވް އެއްއައިސްފިނަމަ މިތަން ހުޅުވިޔަސް ގައުމުތަކުން ނާންނާނެ. ދެން ހެވިފައި ތިބޭތި. ޔޫރަޕްމީހުން ރިސޯޓުތަކުގެ މެޖޯރިޓީއަށް ވާ ދުވަސްވަަރަކީ އޯގަސްޓުގެ ފަހުން. ދެން އޭގެ ކުރިން ޗައިނާ މީހަތުން އެތިކޮޅެއް ލިބިދާނެ ކަމުގެ ދަހިވެތި ކަމުގައި ގޯހެއް ނެހުދުމަށް ގޮވާލަން. ތިއުޅެނީ ދަހިކަމުން ޅަގަޮނޑިއަށް ކެތް ނުކުރެވިގެން
ފަހުދު
27 May 2020
ކުރިއަރާފައިވާ ގައުމުތަކާއި 3 ވަނަދުނިޔޭގެ ގައުމުތަކާ އަޅީކިޔާކައް ނުވާނެ. ރާއްޖެއަކީ ޔޫރަޕްގެ ގައުމެއް ނޫން.
އޯލާ
27 May 2020
ވެލްކަމް ޓު ދަ ނިއު ބްރެޒިލް
ހަރީރާފުޅު
27 May 2020
ލޮކްޑައުން ދައްމައިގެންވާ ފައިދާއަށްވުރެ ލޮކްޑައުން އުވާލުމުން ގައުމަށް ލިބޭނެ ފައިދާ ގިނަ. ވަޒިފާތަކާއި އިގްތިސާދު ދުވެލި އެބުރެން ފެށުމުން ގައުމު ހަމަމަގުން ހިގައިގަންނާނީ. ރާއްޖޭން ފެނުނު ކޮވިޑް19 ޖެހޭމީހުންގައި އެބަލި ޖެހިރަގަޅުވާއިރުވެސް ނޭގޭ. މިހާރު ގައުމުގެ ގިނަމީހުންނަށް އޮއްނާނީ ތިބަލިޖެހި ރަގަޅުވެފައި.
ާއުނިމާ
27 May 2020
މިވެރިން ވަރަށް މޮޅުވާނެ، އަދި މިކަމަށް ރެޑީވިލެއް ބޮޑުކަމުން މިބަލި އެތެރެވެ ފެތުރުނީ! ދެން މިކިޔަނީ ދުވާލަކު 50 ގިނައެއްނޫނޭ! މަރުވާމީހުން ގިނައެއްނޫނޭ! ގިނަ މިވަނީ ކިހައިވަރެއްވީމަތޯ؟ އެމެރިކާގަ ވާވަރު ވީމަތޯ؟ ބަލަގަ މީ އެންމެ 5 ލައްކަ މީހުން އުޅޭ ގައުމެކޭ!
ރަންނަ
27 May 2020
ބަލިއެތެރެ ނުވާނެކަމަށް ވިސްނައިގެން އިޅުނީމަ ގޯސްވީ. ދެންވެސް ބައްޔާއެއްކޮށް އުޅެން ދަސްކުރަންވީ
ފަހުދު
27 May 2020
ލަންކާގެ އާބާދީއަކީ 21 މިލައަން 4 ލައްކަ. ބޭސްލައިނަކީ 40 (ލޮކްޑައުން ލުއިކުރި ފަހުން). ރާއްޖޭގެ އާބާދީއަކީ ހަމައެކަނި 4 ލައްކަ. ބޭސްލައިނަކީ 50 (ލޮކްޑައުންގަ). ލަންކާގަ ލޮކްޑައުން ލުއިކުރީ މޭ 11ގަ. އެދުވަހު ޕޮޒިޓިވްވީ 7 މީހުން. ރާއްޖެއާއި އެންމެ ކައިރީގައޮތީ ޔޫރަޕްގެ ގައުމުތަކެއް ނޫން.
މިތާ
27 May 2020
ބަލިޖެހޭ ގިނަ ދިވެހިންގެ އަލާމާތްތައް ނުހުންނައިރު އަދި ބަލި ޖެހުނު މީހުންގެ ތެރެއިން ވަރަށް ގިނަ ބަޔަކު ބޮޑުވަރު ނުވިއިރުވެސް އަނެއް ބަޔަކު ހާދަ ބިރެއް އެބަ ގަނެއޭ ލޮކްޑައުން އަށް ލުއިތަކެއް ދޭން އުޅޭތީ. އެމީހުން ލުއިތަކެއް އެ ދެނީ އެމީހުންނަށް ހެންޑްލްކުރެވޭނެއޭ ކިޔާފަ. ދެން އެކަމުވެސް ބަޔަކު ހަމަ ކަންބޮޑުވަނީ މާބޮޑަށް. ލުއިނުދީ ނުތިބެވޭނެކަން ހަމަބުއްދިން ވިސްނީމަ އެގޭނެ.
އަލީ ޝަރީފު
27 May 2020
ހޭންޑްލް ކުރެވޭނަ މަ ދުނިޔޭގެ ސިއްހީ ދާއިރާ ކުރިއަރާފަ ހުރި ގައު މުތަަކަށް ހޭންޑްލް ކުރެވުނީސް. ދިވެހިރާއްޖެ އަކީ ގިނަބަލިތަކަށް ފަރުވާ ހޯދަން ރާއްޖޭން ބޭރަށް ދާ މީހުން ގިނަ ގައު މެއް. އެއީ ވަސީލަތްތައް މަދުވީ މަ. ބޮޑުވަރުވާ މީހުން މަދުވީ މާތްﷲ ރަހު މަތްފުޅުން ދުވަސްވީ މީހުންނަށް ބަލިޖެހުންލެއް މަދުވީ މަ. ދެން ހޭންޑްލް ކުރެވޭނެ ކަ މަށް ވިސްނާނީ ކިހިނެތް. ވަރަށް ގޯސް ނިން މުމ މެއް.
ތޯއި
27 May 2020
ގެއިންބޭރަށް ގޮސް މަސްހުނި ވުމާއި މީހުން ގޭގައި ތިބުމާއިތަފާތު ހުންނާނެ. މައިގަނޑު ތަފާތަކަށް ވާނީ ގޭގައިތިބި ވަލްނެރަބަލް މީހުންނަށް ބަލިގެއަށްގެނައުން. ޔާ ﷲ އެކަން އެގޮތަށް މެދުވެރި ނުކުރައްވާށި. އެހެން ގައުމުތަކާއި މިގައުމާއި އަދި މިހާތަނަށް ފެނުނު އެއްތަފާތަކީ ކުރީބައިގައި އެކްޝަން ނެގުމުން މިދެންނެވި މީހުން ﷲގެ ހެޔޮރަހުމަތް ފުޅުން ސަލާމަތުން ތިބުން
ޑަވިންސް
27 May 2020
300 ޓެސްޓު ކުރާއިރު 50 ކޭސް މަދެއް ނޫން.. ދުވާލަކު މަދުވެގެން 1000 ވަރު ޓެސްޓުކޮށް 50 ނިއު ކޭސް ނަ މަ އޯކޭ.. 50 ކޭސް ގިނައެއް ނޫނޭ މިހާރު ބުނާއިރު ކީއްވެ މިހުރިހާދުވަހު ލޮކްޑައުންގަ ބޭއްވީ ދެން..
އެންޑްރޫ ޖރ
27 May 2020
ދެން ތިޔަބުނާ ޓެސްޓްނުކުރެވޭ ކޭސްތަކުގަ ދުވާލަކު ތިންހަތަރު ސަތޭކަ ބަލިވެ ވިހިތިރީސް މަރުނުވަނީ ކީއްވެތަ؟ ޓެސްޓް ކުރީމާތަ ބަލިވަން ޖެހެނީ؟
އާދަނު
27 May 2020
މީނާގެ ވާހަކަ އަޑުައަހާމީހަކުވެސް ބޯހަލާކުވާނީ.
ބުކަރީ
27 May 2020
ކަލޭ ރޯނުއެދުރު ދަރި ހޯނުއެދުރު ދޭބަލަ ދެން ވާހަކަ ދައްކަން މާ އެނގޭ ވެގެން އެތަނަށް..