އަންހެނަކު ފޯނާ ކުޅެނީ.
30 މެއި 2020 - 09:02
2 comments
އިންޑިއާގެ އަންހެނަކު އޭނާގެ ފިރިމީހާ ސްމާޓް ފޯނެއް ގަނެ ނުދީގެން އަމިއްލަ ގައިގައި ރޯކޮށްލުމުން މަރުވެއްޖެ އެވެ.
މީޑިއާތަކުން ރިޕޯޓްކޮށްފައިވާ ގޮތުގައި އަންހެނުން ފޯނެއް ގަނެސްދޭން އެދެމުން ދިޔަ ނަމަވެސް މި ދަނޑިވަޅުގައި ފޯނެއް ގަނެދޭން ދެކޮޅު ހަދާތީ އެކަމާ ހިތްހަމަނުޖެހި، ރުޅިގަދަވެގެން އަމިއްލަ ގައިގައި ރޯކޮށްލީ ނިއު ދިއްލީގެ 29 އަހަރުގެ އަންހެނެކެވެ.
އޭނާ ފޯނެއް ގަނެދޭން އެދެމުން ދިޔައީ ލޮކްޑައުންއާ ދިމާކޮށް ދެ ދަރިން ކިޔަވާ ސްކޫލުގެ ކުލާސްތައް އޮންލައިންކޮށް ނަގައިދޭތީ އެކަން ވެސް ސަބަބަކަށް ދެއްކުމަށް ފަހު ކަމަށްވެ އެވެ. އެކަމަކު ފިރިމީހާއާ ހަވާލާދީ މީޑިއާތަކުން ބުނެފައި ވަނީ ލޮކްޑައުން ނިމުމުން ފޯނެއް ގަނެދޭނެ ވާހަކަ އަންހެނުން ގާތު ބުނެފައިވާނެ ކަމަށެވެ.
ދިއްލީގެ މައިދާން ގަރްހީގައި ދިރިއުޅޭ އަންހެން މީހާ ބުދަ ދުވަހުގެ ހެނދުނުގެ ވަގުތެއްގައި ގައިގައި ރޯކޮށްލި ހާދިސާއާ ގުޅިގެން ފުލުހުންނަށް ވެސް ރިޕޯޓްކޮށް، އެ މީހުންގެ އެހީގައި ހޮސްޕިޓަލަކަށް ގެންދިޔަ އެވެ. އެކަމަކު ގެންދިޔަ އިރު ހަށިގަނޑުގެ 90 ޕަސަންޓް ފިހި، ޖިއޯތީ ނަމަކަށް ކިޔާ މީހާ މަރުވެފައިވާ ކަމަށް ހޮސްޕިޓަލުން ބުންޏެވެ.
މި މައްސަލަ ފުލުހުން މިހާރު އަންނަނީ އިތުރަށް ތަހުގީގުކުރަމުންނެވެ.
ފިރިމީހާ ފޯނެއް ގަނެ ނުދީގެން ޖިއޯތީ ފުރާނަ ދުއްވައިލި އިރު އެ ކައިވެންޏަށް ހަތް އަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލަމް
31 May 2020
އެއީ
ގެދާނޯމޮސް
30 May 2020
ދަރިންނާ މެދު މައިންގެ އިހްސާސް ތަށް ކޮޅުންލައި ދިޔަދީގެން ނުވާނެއެވެ. އެކުދިންގެ ކިޔެވުމާ މުސްތަޤްބަލާ މެދު ފިކުރު ބޮޑުވެގެން ދިއުމުގެ ނަތީޖާއެވެ. މިފަދަ ހާލަތުތަކުގަ އެކުވެރިން އިޚްތިޔާރު ކޮށް ވިސްނާދިނުމުގެ ޕްރޮގްރާމް ތަށް ހިންގިފަނުވާ ކަމުގެ ނަތީޖާއެވެ. މާލޭގަވެސް ހިލޭސާބަހަށް އުޅޭ ބަޔަކު އާއިލާ ތަކަށް ގުޅާފަ އެބަހުރި ނަތީޖާ އަކީ އިޚްލާސްތެރި ރަނގަޅު ނިޔަތަކު ކޮށްދޭ ކަމަކަށް ނުވުމެވެ.