އައިމާ އިން ޗާޓަރު ފްލައިޓެއްގައި އިންޑިއާގެ 168 މީހަކު ފުރުވާލައިފި

ބިދޭސީންތަކެއް ގައުމަށް އަނބުރާ ދިއުމަށް އެއާޕޯޓުގައި--

އިދުހާމް ނައީމް، މިހާރު

06 ޖޫން 2020 - 18:49

ރާއްޖޭގައި ފުޅާ ދާއިރާއެއްގައި ކޮންސްޓްރަކްޝަން މަސައްކަތްކުރާ އައިމާގެ 168 އިންޑިއާ މުވައްޒަފަކު ޗާޓަރު ފްލައިޓެއްގައި ގައުމަށް ފޮނުވާލައިފި އެވެ.

މި މީހުން ފޮނުވާފައިވަނީ "މިހާރު" އަށް އެނގިފައިވާ ގޮތުގައި މި މަހުގެ ހަތަރު ވަނަ ދުވަހު އެ ގައުމުން ޗާޓަރު ފްލައިޓެއް ގެނެސްގެންނެވެ. އެ ދުވަހު ރާއްޖޭގައި މަސައްކަތްކުރާ ގިނަ އަދަދެއްގެ އިންޑިއާ މީހުން ވަނީ އެ ގައުމަށް ފޮނުވައިފަ އެވެ.

އައިމާ އިން ބިދޭސީން ފޮނުވާލީ ތިލަފުށީގައި މިދިޔަ ހަފްތާ ތެރޭގައި އެ ކުންފުނީގެ ބިދޭސީން މުވައްޒަފުން ހަމަނުޖެހުންތަކެއް ހިންގާފައި ވަނިކޮށެވެ. އެނގިފައިވާ ގޮތުގައި މުޒާހަރާކޮށް ހަމަނުޖެހުން ހިންގީ މުސާރަ ނުދީގެންނާއި ގައުމަށް ދާން ބޭނުންވެފައި ތިބި މީހުންނަށް އެ ފުރުސަތު ހަމަނުޖެހިގެންނެވެ.

ތިލަފުށީގައި ހަޅުތާލުކުރުމުގައި އިސްކޮށް އުޅުނީ އައިމާ އިން ރިސޯޓެއް ހެދުމުގެ މަސައްކަތުގައި ގެންގުޅެނިކޮށް، އެ ތަނުގައި ހަަމަނުޖެހުން ހިންގައިގެން ފުލުހުންގެ ބެލުމުގެ ދަށުން ގެންދިޔަ ބައެއް ކަމަށް އެނގިފައިވެ އެވެ. އޭގެ ތެރޭގައި ގިނައީ އިންޑިއާ އާއި ބަންގްލަދޭޝް މީހުންނެވެ. މި މީހުން ތިލަފުއްޓަށް ކުއްލިއަކަށް ގެންދަން ޖެހުމުން އެ މީހުން ގެންގުޅުނީ ފެންވަރު ދަށް، ގުދަނެއްގެ ތެރޭގައި ކަމަށް ވެސް އެނގިފައިވެ އެވެ.

ތިލަފުށީގައި ހިންގި ހަމަނުޖެހުމުގައި 133 ބިދޭސީއަކު ފުލުުންގެ ބެލުމުގެ ދަށަށް ގެންދިޔަ އެވެ. ނަމަވެސް އޭގެ ތެރެއިން ހަތް މީހަކު ފިޔަވައި އެންމެން ވަނީ ދޫކޮށްލާފަ އެވެ. އެ ހަތް މީހުންނަކީ ވެސް އިންޑިއާގެ ހަތް ފިރިހެނުން ކަމަށް ފުލުހުން ވަނީ ބުނެފަ އެވެ.

ބިދޭސީން ފޮނުވާލުމާ ބެހޭ ގޮތުން އައިމާ ކޮންސްޓްރަކްޝަންގެ ބަހެއް ލިބޭ ގޮތެއް ނުވި އެވެ.

އިންޑިއާ ބިދޭސީން އައިމާ ކޮންސްޓްރަކްޝަން

6 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝޮކްތެރަޕީ

07 June 2020

ދިވެހި ރައްއިތުންނައްވުރެ ގިނައިން ދިވެހި ސަރުކާރުން އިންޑިޔާ މީހުންނަ މުސާރަދޭ. ޓީޗަރުނާ ނަރުހުން ދިވެހިންނައްވުރެ ގިނަ މީ ސަރުކާރުގެ ނާގާބިލްކަން. ބަގްލަދޭސް މީހުން އުޅެނީ އަމިލްލަ މީހުންގެ ވަޒީފާގަ. ދިވެހި ސަރުކަރުގަ ވަޒީފާގަ ގިނަވާން ޖެހޭނީވެސް ދިވެހި ރައްއިތުން. މިހާރު އިންޑިޔާމީހުންނަ ވަޒީފާދެނީ އިންތިހާޔަ. ދެރަމަސްސަލޭމީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުސްމާނުބެ

07 June 2020

ތިޔައީ ސަރުކާރު މައްސަލައެއް ނޫން، ގިނަފަހަރު އަހަރުމެން ދިވެހިން ގިނަމީހުން ބޭނުމެއް ނުވޭ މާގިނަ ދުވަހު ވަޒީފާއައް ދާކައް... ނަރުހުން، ޓީޗަރުން ނެއްނޫން ކޮންމެދާއިރާއަކުން ވެސް މީހުން ބޭނުން ވާވަރައް ނުލިބިގެން އުޅެން ޖެހެނީ... ވަޒީފާ އިއުލާނު ކުރާއިރައް ކިތަންމެހާ ވެސް ސީވީ އެއް ލިބޭ އެކަމަކު ގިނަވަނީ ކޮލިފިކޭޝަން ހަމަނުވާކުދިން. ދެން ހަމަނުވިޔަސް ބައެއްފަހަރު އެބަނަގާ ދެން އެކަމަމު 2 ތިންދުވަހު އައިއްސަ ދެން ނާންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

07 June 2020

އެމީހުން ހަޅުތާލު ނުހެދިއްޔާ ދެރަނުން. މުސާރައް ނުދޭ ކާނެ ކާއެއްޗެއް ނުދޭ. އަނެއްކާ ތިމީހުން ފުރުވާލީ މުސާރަ ދީފައި ބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮކީ

07 June 2020

ދިވެހި ޒުވާނުން ތަންކޮޅެއް ހިތް ތިރިކޮށްފަ ތިވަޒީފާތަކަށް ނިކުންނަންވީ. ކޮންސްޓްރަކްޝަން ދާއިރާއަކީ ވަރަށް ރަނގަޅު ދާއިރާއެއް. ދިވެހިންގެ މަސައްކަތުގެ ކޮލިޓީ ރަނގަޅުވާނެ.