ލޮކްޑައުން ނިމުނު ފަހުން ކުރި ޖޫރިމަނާ ސައްހައެއް ނޫން ކަމަށް ނިންމައިފި

ފުލުހަކު މަގުމަތިން ދިޔަ މީހަކު ހުއްޓުވައި ސުވާލު ކުރަނީ

އާމިނަތު ޝިފްލީން، މިހާރު

14 ޖޫން 2020 - 11:40

ކޮވިޑް-19 ފެތުރޭތީ މާލެ ސަރަހައްދުގައި އިއުލާން ކޮށްފައިވާ ލޮކްޑައުންގެ މުއްދަތު ހަމަވި ފަހުން ކުރި ޖޫރިމަނާތައް ސައްހަ ނޫން ކަމަށް ނިންމާފައިވާ ކަމަށް ފުލުހުން ބުނެފި އެވެ.

މާލެ އާއި ވިލިމާލެ އާއި ހުޅުމާލޭގެ ލޮކްޑައުންގެ މުއްދަތު މިދިޔަ ހުކުރު ދުވަހުގެ ރޭ އިތުރުކުރީ އެންމެ ފަހުން އިއުލާނުކުރި މުއްދަތު ހަމަވި ފަހުން ކަމަށް ވާތީ، އެ ދިޔަ ހުސްކަމުގެ ތެރޭގައި ބޭރުގައި އުޅުނު ބައެއް މީހުން ޖޫރިމަނާ ކޮށްފައިވީ ނަމަވެސް އެކަން އެގޮތަށް ކުރެވިދާނެ ކަމާ މެދު ގިނަ ބަޔަކު ވަނީ ސުވާލު އުފައްދައިފަ އެވެ.

އެކަމާ ގުޅޭގޮތުން ރައްޔިތުންގެ މަޖިލީހުގެ މައްޗަންގޮޅީ ދެކުނު ދާއިރާގެ މެމްބަރު ހައިތަމް އަހުމަދު ކުރެއްވި ޓްވީޓަކަށް ޖަވާބު ދެއްވަމުން، އެސިސްޓެންޓް ކޮމިޝަނަރު އޮފް ޕޮލިސް ޑރ. އަބްދުﷲ ފައިރޫޝް ވިދާޅުވީ އެ ޖޫރިމަނާތައް ސައްހަ ނޫން ކަމަށް ނިންމާފައިވާ ކަމަށެވެ. އެކަމަކު އޭގެ ތަފްސީލެއް އޭނާ ނުދެއްވަ އެވެ.

މިދިޔަ މަހު 28 އިން ފެށިގެން ލުއިތަކާ އެކު ލޮކްޑައުން އިތުރު ކުރީ 14 ދުވަހަށެވެ. އެހެންވެ 27 ވަނަ ދުވަހުގެ ރޭ ދަންވަރު 12:00 އިން ފެށިގެން 14 ދުވަސް ހަމަވަނީ ޖޫން 11 (މިދިޔަ ބުރާސްފަތި ދުވަސް) ފެށުމާ ހަމައަށެވެ. އެޗްޕީއޭ އިން އެ ފަހަރު 14 ދުވަސް އިއުލާނުކުރި ވަގުތު ކަމަށްވާ 28 ވަނަ ދުވަހުގެ ހަވީރު 4:07 އިން ފެށިގެން ބެލިޔަސް 11 ވަނަ ދުވަހުގެ މި ގަޑިއަށް ވަގުތު ހަމަވާނެ އެވެ.

Lockdown ithuru kuree muhdhathu hamavi fahun, Joorimanaa aa medhu suvaalu ufaddhaifi

The most trusted news source in the Maldives

Mihaaru

އެކަމަކު ލޮކްޑައުންގެ މުއްދަތު އިތުރު ކުރީ އެރޭ ނުވައެއް ޖަހަން އުޅެނިކޮށެވެ. އެނގިފައިވާ ގޮތުގައި ފުލުހުން ވަނީ ލޮކްޑައުންގައި މި ދިޔަ ހުސްކަމުގެ ވަގުތުގެ ތެރޭގައި ވެސް އެތައް ބަޔަކު ހުއްދަ ނެތި ބޭރުގައި އުޅުނު ކަމަށް ބަލައި ހައްޔަރުކޮށް ކޯޓަށް ވެސް ހާޒިރުކޮށްފަ އެވެ.

މިދިޔަ އޭޕްރީލް 15 ން ފެށިގެން މާލެ ސަރަހައްދު ލޮކްޑައުންކޮށް، ކޮވިޑް-19 އިން ރައްކާތެރިވުމުގެ ފިޔަވަޅުތައް އަޅަން ފެށީ އެ ބަލީގެ މީހަކު މާލެ އިން ފެނުމުންނެވެ. އެ ދުވަހުން ފެށިގެން އެކި މުއްދަތަށް ސަރުކާރުން ވަނީ މާލެ އާއި ވިލިމާލެ އާއި ހުޅުމާލޭގައި ވަރަށް ހަރުކަށިކޮށް ލޮކްޑައުންގެ ފިޔަވަޅުތައް އަޅައިފަ އެވެ.

ފުލުހުން ލޮކްޑައުން ސިއްހީ ކުއްލި ނުރައްކަލުގެ ހާލަތު ހުޅުމާލެ ވިލިމާލެ މާލެ އަބްދުﷲ ފައިރޫޝް

32 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްލޯ އާމިރު

15 June 2020

ލޮކަޑައުން އުވާލާފިތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދުން999

14 June 2020

ތިޔައިން އެއްވެސް ޖުރިމަނާއެއް ސައްހައެއް ނުވާނެ. ތިޔައީ ރައްޔިތުން ފެލުންކަމަށް ދިވެހިބަހުން ކިޔަނީ. އަދި ފުލުންގެ ވިސްނުމުގައި އަބަދުވެސް އޮންނާނީ ޖުރިނަމާ ކޮށް އަދަބެއް އަނިޔާއެއް ދިނުން. ކީއްކުރަންތަ އެވަރުން ޖޫރިމަނާކޮށް މީހުން ބަންދުގައި ކޯޓަށް ހާޒިރުކުރީ. އެވަރު ގަމާރުވާކަށް ނުވާނެ، ދޫދީގެން ނުވޭތަ. މީހުން ބޭރަށްވެސް ނުކުންނާނެކަމަށް ގަބޫލުކުރަން ޖެހޭނެ. ޕޮލިސްފޯސް އުވާލަންފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

14 June 2020

ތި އޮޅުމަކުން ވީ ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަޓް ބްރޯ

14 June 2020

ރައްޔިތުން އެންމެ ނިކަމެތިވެ ބިކަވި ދަތި ވަގުތު ބޮޑެތި އަދަދުތަކުން ޖޫރިމަނާ ކުރުމަކީ އިންސާނިއްޔަތުކަމުގެ ޒައްރެއްގެ މިންވަރު ހުރި ވެރިކަމެއް ނަމަވެސް ކުރާނެ ކަމެއްނޫން. ކޮންމެހެން އަދަބެއް ދޭހިތްވަންޏާ ހުކުމެއްގެ ދަށުން 15 ވަރަކަށް ދުވަހަށް ގޭގަ ބަންދުކުރިޔަސް ފުދޭނެ. ރާއްޖޭގެ ހުރިހާ ގާނޫނަކާ ގަވައިދެއް މުގުރާފަ އުޅޭ ބިދޭސީންނަށް ދެއްކިފަދަ ދީލަތިކަމާ އޯގާވެރިކަން އަމިއްލަ ގައުމުގެ ރައްޔިތުންނަށް މާ ހައްގުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުޅުމެއް ނެތް ދިވެހިން

14 June 2020

އިއްޔެ ގޮވީ ފުރާނަ ސަލާމަތް ނުވެގެން. އެތަށް ބައެއްގެ ފުރާނަ ސަލާމަތްވީމަ އެހެން އެއްޗެކޭ. ޖޫރިމަނާ ކުރަން ޖެހުނީ ކީއްވެ؟ ބުނި އެއްވެސް ބަހެއް އަޑުއެހިންތަ؟ ރެސްޓޯރެންޓްތަކާއި ކެފޭތަކުގައި ތިބެގެން ޚިދުމަތް ހޯދުން މަނާކުރުމުން ކާ އެއްޗިހި ގަނެގެން ތަންތަނުގައި ގްރޫޕް ހަދައިގެން ކާން ތިބި. އެއް ބަޔަކު މަސް ދަތުުރު، އަނެއް ބަޔަކު ގޭގޭގައި ޕާޓީ. ކޮންޓެކްޓް ޓްރޭސިން ހަދާލިއިރު ބޮލަކަށް 300 މީހުން ޖެހޭ. ދެން ހަމަ ބަލަން ތިބެންވީ ލައްކައިން މީހުން ޕޮޒިޓިވް ވަންދެން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބުދުަﷲ

14 June 2020

އެކަހަލަ އިސް އޮފީހަކުން ރައްޔަތުންނާ މެދު ޢަ މަލު ކުރެއްވުމަކީ މުޅި އޮފީހުގެ އަގުވެއްޓޭފަދަކަ މެއް ކަ މަށް ޤަބޫލުކުރެއްވުމ މަށްފަހު އިތުރު ތަ މްރީނު ދެއްވު މަށް ދަންނަވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ނާޑުވާ

14 June 2020

‫އެމްޕީ ހައިތަމްގެ މަސައްކަތަށް އައްސަރިބަހާ ސާބަސް ރައްދުކުރަން. ސަރުކާރު ފަޅީގަ ހުއްޓަސް ރައްޔިތުން ޙައްޤުގަ ބަސްބުނަން ކެރޭތީ ވަރަށް ސަޅި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ފޭދޫ

14 June 2020

ޕޮލިސްއަކީ ސަރުކާރު ފަޅި ނޫންވީމަ އެބުނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

14 June 2020

ގާނުނު އަސާސީ ގައި އެބަޖެހޭ " އޮޅުމަކުން " މީ މާއްދާއެއްގެ ގޮތުގަ ބާއްވަން : އޭރުން މިފަދަ ހުސްކަންކަމާއި އޮޅުމަކުން ރައްޔިތެއްގެ ހައްގު ގެެއްލުނަސް " އޮޅުމަކުން " އޮތީމާ އެފަރާތެއްގެ އިހްމާލެއް ނޯވެ ؛ ކުށްވެރިވެސް ނުވާގޮތަށެވެ. ބޮޑުސޯބުތަށް ހަމައިން ނެއްޓެންޏާ ދެންހުންނަ ހުރިހާ ސޯބެއްވެސް ދާނީ ހަމައިން ނެއްޓެމުންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑެލްބޯއި

14 June 2020

ގާނޫނީ ބާރު ނެތް ވަގުތެއްގައި ރައްޔިތުން ގޭން ބޭރަށް ނުކުތުން މަނާ ކޮށްފައި އޮތް އޮތުމަކީ ފޯލްސް އިމްޕްރިސަންމަންޓެއް، ރައްޔިތުންގެ އަސާސީ ހައްޤަށް އަރައިގަތުމުގެ ޤާނޫނީ ކުށް އެކުރެވުނީ. އެކުށް ކުރަން އަމުރު ކުރި ބަޔަކު ޒިންމާ އުފާ އަދަބު ލިބެންޖެހޭނެ. ރައްޔިތުން ގޭބަންދުގައި ބޭތިއްބުނީ އެއީ ތަންނެއް ދޮރެއް ނޭންގިގެން ކުރެވުނު ކަމެކޭ ކުރެވުނު ޖޫރިމަނާ ބާތިލްވީއޭ ބުނެވޭ ވަރުގެ ކުޑަ ކަމެއް ނޫން. ގައުމުގެ ހުރިހާ ކަމެއް ބޮއްސުންލާފައި މިއޮތީ. ދެރަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކީލު

14 June 2020

މިއީ ކޮން ތަނަކުން ކިޔަވައިގެން އުޅޭ ގާނޫނީ ވަކީލެއް؟ ޤާނޫނު ނަންބަރު 7/2012 (އާންމު ސިއްހަތު ރައްކާތެރިކުރުމުގެ ޤާނޫނު) ގެ 12 ވަނަ މާއްދާގެ ދަށުން އެޗްޕީއޭއަށް މި ބާރު ލިބިދޭ. އިމާރާތްތަށް ބަންދުކުރުމާއި، އިމާރާތުގައި ނިޝާން ޖެހުމާއި، ކަރަންޓީނު ކުރުމާއި، އެކެހެރި ކުރުމުގެ އިތުރަށް ބަލި ފެތުރުން ކޮންޓްރޯލު ކުރުމަށް އަޅަން ޖެހޭ ކޮންމެ ފިޔަވަޅެއް އެޅުމުގެ ބާރު މި ގާނޫނުގެ ދަށުން ލިބިދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑެލްބޯއި

14 June 2020

ވަކީލޫ ބާރެއް ޤާނޫނަކުން ދިނުމަކީ އޮޓޮމެޓިކަލީ އެ ބާރަށް އަމަލު ކުރެވެމުން ދިއުމެއް ނޫން. ލިބޭ ބާރު ބޭނުން ކުރާކަން ރައްދުވާ ފަރާތަށް އަންގަންޖެހޭ ނުވަތަ ބާރު ބޭނުންކުރާ މިންވަރާ ގޮތް ހާމަކުރަންޖެހޭ. އެހެންވެގެން އެންގުންތައް އަންގަނީ ޤާނޫނަށް ހަވާލާދީ. އެއީ ކޮމަންސެންސް. އެއީ ޤާނޫނީ ވަކީލަކަށް އެގެންޖެހޭ އެއްޗެއް ނޫން އެއީ ބުއްދިއެއް ހުރި މީހެއް ވެއްޖެއްޔާ އެންގެންޖެހޭ މިންވަރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކީލު

14 June 2020

އެެހެންވީމަ އެނގޭތޯ، ގާނޫނަށް ހަވާލާދީ ބަންދުކުރެވޭ ތަން ތަނާއި، ބަންދު ކުރާ ކޮންމެ މީހަކަށް ޑީޖީ މައިމޫނާ ސޮއިކޮށްފައިވާ ލިޔުމެއް އަރުވަނީ އެކަން ކުރުމުގެ ކުރިން. އެހެންވީމަ އެނގޭތޯ ގާނޫނަށް ހަވާލާދީ އެންގުންތަށް އަންގަނީ. ޑެލްބޯއީވެސް އެ ލިޔުންތަށް ކިޔާލީމަ އެނގޭނެ އެއީ ކޮމެންސެއްކަން. އަދި ތިބޭފުޅާގެ ކޮމަން ސެންސު މަސައްކަތް ނުކުރާކަންވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓަކިބެ

14 June 2020

އާންމު ސިއްހަތުގެ ގާނޫނަކީ ޤާނޫނު އަސާސީއާ ތަޢާރަޒްވާ ބާތިލް ގާނޫނެއް ހެން މަށަށް ހީވަނީ. ސަލާމަތް ބުއްދިން ވިސްނާލިޔަސް އެކަން އެބަ އެނގޭ. އެއްވެސް މީހަކު މި މައްސަލަ ކޯޓަކަށް ވައްދަނިކޮށް އެކަން ކަށަވަރުވެދާނެ. އެއީ ޤާނޫނު މާނަކުރުމާ ބާތިލް ކުރުމުގެ ބާރު ކޯޓުތަކަށް ޤާނޫނު އަސާސީ އިން ލިބިދީފަވާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކީލު

14 June 2020

ތި ދައްކަނީ ނަޝީދު ދައްކާފަދަ އަސާސެއް ނެތް ވާހަކަ. ގާނޫނު އަސާސީގައި ބަޔާންކުރާ ކުއްލި ނުރައްކަލުގެ ހާލަތާއި، އާންމު ސިއްހަތު ގާނޫނުގައި ބަޔާންކުރާ ސިއްހީ ކުއްލި ނުރައްކަލުގެ ހާލަތަކީ މުޅިން ދެ އެއްޗެއް. ތަރައްގީވެފައިވާ ގައުމުތަކުގައި އަމަލުކުރާ ގޮތަކީ، ސިއްހީ ކުއްލި ނުރައްކަލުގެ ހައްގުތަށް ހަނި ކުރަން ޖެހިއްޖެ ހާލަތެގައި، ގާނޫނު އަސާސީގައި ބުނާ ކުއްލި ނުރައްކަލުގެ ހާލަތު އިއުލާން ކުރަނީ. ދަސްކުރޭ ޑެލްބޯއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަދު

14 June 2020

މިހާރު މިއީ ގައުމެއްބާ އޭ އެބަ ހިތަށް އަރާ. އެއބަޔަކު މަގުމަތީގައި މީހުން ހުއްޓުވައި ޖުރިމާ ކުރަމުންދަނީ، އަދި ހަމަ އެމީހުންގެ ވެރިން މިބުނަނީ ކުރީ ސައްހަ ޖުރިމަނާ އެއްނޫނޭ. ދެން ކޮވިޑޭ، ޕިކޭ ކަޔިގެން އެޖެހި ހިސާބު ތަކެއްވެސް ދިވައެއްނުވި. ހަަމަޔަގީނުން އެއްކަމެއްވެއްޖެ. ގައުމު ފުޑިއްޖެ. ރައިށް ގެއްލިއްޖެ. ބަޔެއފަހަރު ހީވޭ މިހާރު ތިން ރައީސުން އުޅުއްވާ ހެންވެސް. ހެލްތު ވަޒީރު އެއްރައީސް. މަޖުލިސް އަނެއް ރައީސް. ދެން އަސުލު ރައިސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރުކާޓީ

14 June 2020

ނަޝީދު ޖެހި ހިސާބުތަށް ދިމާނުވީ. އޭނާ ބުނީ ރާއްޖޭ އެންމެން ބަލި ޖެހި އެތަށް ބަޔަކު މަރުވާނެއޭ. އެކަމަކު ރައީސް އިސްވެ ހުންނަވައިގެން، ހެލްތު މިނިސްޓަރާއި ޓީމުން ކުރެއްވި ބުރަ މަސައްކަތުން 98،000 މީހުން ބަލިވާނެ ކަމަށް އޮތް މަންޒަރު 1800 ތިރި ކުރެވުނު. މިކަމަށްޓަކައި ﷲއަށް ހަމްދު ކުރަން. "ހަސަދު" ވެސް ޝުކުރުވެރިވާން ދަސްކުރޭ. އެއީ މުއުމިނުންގެ ރީތި ސިފައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

14 June 2020

އަސްލު ރައީސް އޮތީ ފިލާ. ވީޑިއޯ ޑްރާމާ އެޕިސޯޑަކުން މަހަކު އެއް ފަހަރު ފެންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިތުނަރެސް

14 June 2020

ފިތުނަ ގޯނި ހުޅުވުނީ ދޯ؟ ރައީސްއާއި މިނިސްޓަރާ ޖައްސަން ތި ކުރާ މަސައްކަތެއް ކާމިޔާބެއް ނުވާނެ. ކޮވިޑް ޓާސްކު ފޯސްގެ ކަންތަށް ރައީސް ބައްލަވާ މަންޒަރު ކޮންމެ ރެއަކު ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިވަރެއްނެތް

14 June 2020

މިއީ އެޗްޕީއޭ އާއި ހެލްތް މިނިސްޓްރީ ގައި ތިބޭ މީހުންގެ ތަޖްރިބާ ނެތުމުންނާއި ފެންވަރު ދަށްކަމުންނާއި ގާނޫނީގޮތުން ކަންކަން ކުރަންވާ ގޮތް ނޭގުމުގެ ނަތީޖާ! ހަގީގަތުގައި ބާތިލުކުރަންޖެހުނު ހުރިހާ ޖޫރިމަނާއަކަށް އެޗްޕީއޭ އާއި ހެލްތް މިނިސްޓްރީގެ އިސްވެރިން ޒިންމާ ވާންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލު

14 June 2020

ވާނުވާވެސް ނޭނގޭ. ގާނޫނު ތަންފީޒު ކުރަން މަތިކުރެވިފައިވާ ފަރާތަކީ ފުލުސްކަން ނޭނގޭ މީޙުންވެސް މި ގައުމުގައި އުޅޭތަ؟ 'މިވަރެއްނެތް' ހަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫މަބޫ

14 June 2020

‫އަސްލު ޒިންމާ ނަގަންޖެހޭނީ މަބްރޫކް. އޭން އެރޭގެ ނޫސް ކޮންފަރެންސް ކެންސަލް ކުރުމުން ލޮކްޑައުން ޤާނޫނީ ހުސްކަމެއްގެ ތެރެޔަށް އެއްދުވަހަށް ވެއްޓުނީ. އެރޭގެ އިއުލާން ނެރެވުނީ އެއްދުވަސް ފަހުން.