ޕީޕީއެމްގެ ކައުންސިލް މެމްބަރުންނާއެކު ރައީސް މައުމޫން ނޫސްވެރިންނާ ވާހަކަދައްކަވަނީ. ފޮޓޯ: މުހައްމަދު ޝަރުހާން /މިހާރު
20 އޮކްޓޯބަރ 2016 - 18:03
10 comments
ވެރިކަންކުރާ ޕީޕީއެމްގެ މުސްތަޝާރު، ރައީސް އަބްދުﷲ ޔާމީން ރިޔާސަތު ބަލަހައްޓަވާ ކައުންސިލް ބައްދަލުވުންތަކަކީ ސައްހަ ނޫން، ޣައިރު ގާނޫނީ ބައްދަލުވުންތަކެއް ކަމަށް އެ ޕާޓީގެ ރައީސް މައުމޫން އަަބްދުލް ގައްޔޫމް ރިޔާސަތު ބެލެހެއްޓެވި ކައުންސިލް ބައްދަލުވުމުގައި މިއަދު ނިންމައިފި އެވެ.
އެގޮތަށް ނިންމީ މައުމޫން ފެކްޝަނުން މިއަދު ބޭއްވި ކައުންސިލް ބައްދަލުވުމުގައި ބައިވެރިވެވަޑައިގެންނެވި 12 މެމްބަރުންގެ އިއްތިފާގުންނެވެ.
ސެކްރެޓަރީ ޖެނެރަލް އަބްދުލް އަލީމް ވިދާޅުވީ ރައީސް ޔާމީން ބާއްވާ ކައުންސިލް ބައްދަލުވުންތަކަށް ޕީޕިއެމްގެ ރަސްމީ އޮފީހުން އަމަލު ނުކުރަން ނިންމާފައިވާ ކަމަށެވެ. އަދި އެ ބައްދަލުވުންތަކުގައި ނިންމާ އެއްވެސް ނިންމުމަކަށް، އަސާސީ ގަވާއިދުގައިވާ ގޮތަށް ޕީޕީއެމްގެ އެއްވެސް މެމްބަރަކު ވެސް އަމަލުކުރަން ނުޖެހޭނެ ކަމަށް ނިންމާފައިވާ ކަމަށް އަލީމް ވިދާޅުވި އެވެ.
"ޕާޓީގެ އަސާސީ ގަވާއިދުގައި ކަނޑައެޅިގެން ސާފުކޮށް ބުނެފައި އެބައޮތް ކައުންސިލް ބޭއްވޭނެ ގޮތާއި ޕާޓީ ހިންގާނެ ގޮތް. އަސާސީ ގަވާއިދުގައި ލިއެފައި އޮއްވައި އެއާ ހިލާފަށް ކުރިއަށް ގެންދާ ބައްދަލުވުންތަކެއް ސައްހައެއް ނުވާނެ،" އަލީމް ވިދާޅުވި އެވެ.
މިދިޔަ ހަފުތާގައި ޕީޕީއެމްގެ ކައުންސިލް ބައްދަލުވުމެއް ރައީސް ޔާމީން ބޭއްވެވީ ޕީޕީއެމްގައި މައުމޫން އަދާކުރައްވާ ޒިންމާތައް، ސިވިލް ކޯޓުގެ އަމުރަކުން ރައީސް ޔާމީނާ ހަވާލުކުރުމުންނެވެ. އެކަމަކު ކޯޓުގެ އެ ނިންމުން މައުމޫން ގަބޫލެއް ނުކުރައްވަ އެވެ.
ސިވިލް ކޯޓުގެ ހުކުމް އަމިއްލަ ފަރާތަކުން ހައި ކޯޓުގައި އިސްތިއުނާފްކުރުމުން ރައީސް މައުމޫންގެ ފަރާތްޕުޅުން ވަނީ މައްސަލައިގެ އިސްތިއުނާފްގެ ތެރެއަށް ތަދައްހުލުވެވަޑައިގެންފަ އެވެ.
ރައީސް ޔާމީން ފެކްޝަނުން ބުނެފައި ވަނީ އެމަނިކުފާނު ޕީޕީއެމް ހިންގަވަނީ ސިވިލް ކޯޓުގެ އަމުރަށް ތަބާވެވަޑައިގަތުމަށް ކަމަށާއި އަމުރުގައި ޕާޓީގެ ހުރިހާ ޒިންމާތަކެއް އެމަނިކުފާނާ ހަވާލުކޮށްފައިވާ ކަމަށެވެ. އެހެންވެ ސައްހަ ވާނީ ރައީސް ޔާމީން ބާއްވާ ބައްދަލުވުންތައް ކަމަށް އެ ފެކްޝަނުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިޝާ
20 October 2016
މިކަންތައްތައް މާބޮޑަށް ނުދަނީސް، ޕީޕީއެމްގެ ދެގްރޫޕް މާބޮޑަށް އިތުރަށް ކަންކަން ނުކުރަނީސް ސުޕްރީމް ކޯޓުން އެބަޖެހޭ ބަސްބުނަން. ނޫނީ ދާޙިލީ މައްސަލަތައް މާބޮޑުވެދާނެ.
ނާޒިމް
20 October 2016
ރައީސް ޔ ބުނެފިނަމަ ހުކުރު ހޮނިހިރަށްވެސް ވާ ބަޔަކު އުޅޭތީ ވާގޮތްތީ.....
ޗިކާ
20 October 2016
ރަގަޅު ވާހަކައެއް ގާނޫނު އަސާސީ ގަވެސް ނެތް އޮންނަން ޖެހޭނީ މައުމޫނީ ވެރިކަމެއް ކަމަށް!
ޒަމީރު
20 October 2016
ކޯޓުތަށް އެބަޖެހޭ ގާނޫނު ދަމަހަށްޓަން. ވެރިމީހާ ވަށާގެން އެބުރޭވަހުތާނަކަށް ވެގެންނުވާނެ.
ނިސާ
20 October 2016
ބަލަ މައުމޫން ޒުވާނުންނަށް ފުރުސަތުދީ! ތީ ދެން ބޮޑުވަރު! ޔާމީން މީ ހަމަ ހީރޯ!
އިބުރޭ
20 October 2016
ރައީސް ޔާމީން ހަބޭސް!
މުރޭ
20 October 2016
ސިޔާސީ ބުރަދަން ހުރި އެއްވެސް މީހަކު ތިތާ ނެތް! މުޅިންވެސް އާއިލީ ވެރިކަން! ރައީސް ޔާމީން ނުގުޑާނެ!
ގޯބަޗެވް
20 October 2016
ކޯޓަކުން އަސާސީ ގަވައިދާ ހިލާފަށް ހުކުމް ކުރެވޭތަ؟ ކެބިނެޓް ނުބާއްވައިގެން ޕާޓީގެ ރައީސް އާއި ގައުމުގެ ވެރިކަން ހަވާލު ކުރަން ފެނޭ!!
މިނިވަން
20 October 2016
މި ވާގޮތުން ޖަލު ތަކުގައި ހުކުމް ތަންފީޒު ކުރަމުންދާ ހުރިހާ ކުދިން ކޮށްފައިވާ ހުކުމް ގަބޫލު ނުކޮށް ގޮޅިތަކުން ނިކުމެވޭނެތާ. ގޮޅީގައި ތިބޭނީ ހުކުމް ގަބޫލު ކުރާ ކުދިން. ނުކުރާ ކުދިން މިނިވަންވީ
ބަލްކު އެންޑް ބަލަކް
20 October 2016
ޒަޢީމުވެސް ދެން ކޯޓުތަކުން ކުރާހުކުންތަކަށް ތަބާވާން ދަސްކުރަންވެއްޖެއްނު. ތީ ޒަޢީމެއްގެ އިތުރުން އުސްތާޒެއްވިއްޔަ. ޔައުނީ ގާނޫނުގެ ރޮނގުން ކިޔަވާފާހުރި ބޭފުޅެއްވިއްޔަ.