މިލަންދޫ ދާއިރާގެ އެމްޑީޕީގެ މެމްބަރު އަލީ ރިޒާ، މަޖިލީހުގެ ޖަލްސާއެއްގައި ވާހަކަ ދައްކަވަނީ.
03 ޖުލައި 2020 - 06:53
30 comments
މުސާރަ ނުދީ އެތައް މަހެއް ވެފައިވާތީ ބ. ބޮޑުފިނޮޅުގައި ރިސޯޓު ހަދާ މުވައްޒަފުން، އެ މީހުން މަސައްކަތްކުރާ ކުންފުންޏާ ދެކޮޅަށް ހިލޭ ސާބަހަށް ދައުވާ ކޮށްދޭން ޕަބްލިކް އިންޓަރެސްޓް ލޯ ސެންޓަރުން ނިންމައިފި އެވެ.
މަދަނީ މައްސަލަތަކުގައި ހިލޭ ސާބަހަށް މަސައްކަތްކުރާ ޕީއައިއެލްސީގެ ރައީސް މަރިޔަމް ޝުނާނާ ރޭ ވިދާޅުވީ، އެ މުވައްޒަފުން ބޭނުން ނަމަ ހިލޭ ސާބަހަށް ދައުވާކޮށްދޭން ތައްޔާރަށް ހުރި ކަމަށެވެ.
"އެ މުވައްޒަފުންނާ ވާހަކަ ދައްކައި ބިދޭސީ މަސައްކަތްތެރިންނަށް މަދަނީ ދައުވާ ކުރުމުގައި އެހީތެރިކަން ދިނުމަށް މި ހުރީ ތައްޔާރަށް،" ޝުނާނާ ވިދާޅުވި އެވެ.
އެ މީހުންނާ ބައްދަލުކުރަން ބޮޑުފިނޮޅަށް ދާން ތައްޔާރަށް ހުންނެވި ނަމަވެސް ހާލަތު ގޮތުން، ބ. ތުޅާދުއާ އެއްފަޅެއްގައި އޮންނަ ރަށަށް ދިއުން އެހާ ރައްކާތެރި ނޫން ކަމަށް ފުލުހުންގެ އިސް އޮފިޝަލަކު އަންގާފައިވާ ކަމަށް ޝުނާނާ ވިދާޅުވި އެވެ.
ބޮޑުފިނޮޅުގައި މިއަދު ހެނދުނު ފުލުހުން ހަރަކާތްރިވަނީ.---ފޮޓޯ: ޕޮލިސް
ރައްޔިތުންގެ މަޖިލީހުގެ މިލަންދޫ ދާއިރާގެ އެމްޑީޕީގެ މެމްބަރު އަލީ ރިޒާގެ އާރުއައި އެކްސް ކުންފުންޏާ ހަވާލު ކޮށްގެން ހަދަމުން އަންނަ ރިސޯޓުގައި 190 ބިދޭސީން މަސައްކަތްކުރެ އެވެ. އެމީހުންނަށް މުސާރަ ނުދޭތާ އެތައް މަހެއް ވުމުން އިއްޔެ ހަޅުތާލު ފަށައި، ބޮޑު ހަމަނުޖެހުމަކަށް ވަނީ ގޮސްފަ އެވެ. އެކަމަކު، މާލެ އިން ދިޔަ ފުލުހުންގެ ޚާއްސަ ޓީމުން މިއަދު ފަތިހު އެ ރަށަށް އަރައި ވަނީ، ބިދޭސީން ހިފެހެއްޓި 12 ދިވެހިން ސަލާމަތް ކޮށްފަ އެވެ. އެކަމުގެ ތެރޭގައި އެއްވެސް ހަމަނުޖެހުމެއް ނުހިނގާ ކަމަށް ފުލުހުން ބުނެ އެވެ.
އެކަމަކު، އެ ބިދޭސީން ކޮންޓްރޯލް ކުރަން އުޅުނު ފުލުހަކަށް ރޭ އަނިޔާވެ، ހާލަތު ވަނީ ވަރަށް ބޮޑަށް ސީރިއަސް ވެފަ އެވެ.
ރިޒާ "މިހާރު" އަށް ރޭ ވިދާޅުވީ، މުވައްޒަފުންނަށް މުސާރަ ނުދެވި ލަސްވެގެން ދަނީ، ބޮޑުފިނޮޅުގައި ރިސޯޓު ހަދަން ހަވާލުކުރި ސީލް މޯލްޑިވްސް އިން ދޭން ޖެހޭ ފައިސާ ނުލިބޭތީ ކަމަށެވެ. ނަމަވެސް އެ އަދަދެއް އޭނާ ވިދާޅެއް ނުވެ އެވެ.
އެ ރަށުގެ މެނޭޖްމަންޓާ ވާހަކަ ދައްކައިގެން މައްސަލަ ހައްލުކުރުމުގެ މަސައްކަތް ކުރަމުން އަންނަ ކަމަށް ވެސް ރިޒާ ވިދާޅުވި އެވެ.
"ރަށުގެ ވެރިފަރާތާ ވާހަކަ ދައްކައިގެން ވީހާ ވެސް އަވަހެއް ކުރެވޭތޯ، މި ހުރިހާ ދުވަހެއް ވެސް މި ދިޔައީ އެ ބޭފުޅުންނާ އެކީގައި މަޝްވަރާ ކުރުމުގައި. ސީދާ މާދަމާއޭ ބުނާކަށް ނުކެރޭނެ. ވީހާ އަވަހަކަށް ހައްލުކުރަން މަސައްކަތް އެބަ ކުރަން،" މުސާރަ ދެވޭނެ ދުވަހަކާ ގުޅޭ ގޮތުން ރިޒާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަލާ ވަހީދު
05 July 2020
މިކަމާ އުޅުނުމީހަކު ބަލިވާނީ؟މިފަދަ ކަންކަނާ ގާތް ވުމުގެކުރިން ދައުވާ ކުރަން ތިއުޅެނީ ކޮން ޕާޓީއެއްގެ ކާކާތޯ ވިސްނާލުން ރަނގަޅު މިހާރު މިއޮތް ސަރުކާރަކަށް މިކަމެއް ނުވާނެ.އިންސާފެއް ހޯދަ ނުދެވޭނެ.
ރީތމޫސަ
05 July 2020
ރައްޔިތުންގެ ހައްގުގަވަކާލާތުކުރާކަމަށް ބުނާމީހުންގެހާލު އަދި ނުވިތާކަށް މަޖުލީހުގަތިބެގެން އެހެންމީހުންގެ ވާހަކަދައްކާމީހުންގެ ހުންނަފެންވަރު ލަދުންބޯހަލާހު
މޫސާ މިނިކް
04 July 2020
އުފާވެރި ހަބަރެއް
ސޫޒަން ޖަނާޚް
04 July 2020
ބިދޭސީ މަސައްކަތްތެރިންގެ 3 ބެޗުން ރިސޯޓު ހަދާ ނިންމަނީ... އެޑްވާޏްސް ނަގާފައި ފުރަތަމަ ބެޗު މުސާރަނުދީ 6 މަހުން ފުރުވާލާފައި ދެވަނަ ބެޗުގެނެސް އެމީހުންވެސް 6 މަހުން ފުރުވާލަފައި 3 ވަނަ ބެޗު ގެންނަނީ... ރިސޯޓު ނިމުނީމާ އެމީހުން މާލޭގެ މަގުމައްޗަށް ދޫކޮށްލަނީ... އެންމެން ދަންނަ އެލީސަނެއް މީ
މިވަރެއްނެތް
03 July 2020
ތިއީ ރައްޔިތުން އަމަލުކުރަންޖެހޭ ގާނޫނު ހަދާ ދައުލަތުގެ ކަންކަން ނިންމާ އަދި ގާނޫނާއި ޚިލާފަށް އުޅޭ ބިދޭސިންގެ މައްސަލަ ހައްލުކުރުވާ އެމީހުންނަށްވެސް ހައްގު އުޖޫރަދިނުމުގެ ޒިންމާ އަދާކުރާ "އިއްޒަތްތެރި މެންބަރު" ގެ ހާލު ދޯ؟ ލަދުނުގަނޭތަ؟ ނިކަމެތިންނަށް މުސާރަނުދީ އެފައިސާއިން ތިމާގެ އާއިލާއަށް ބޭނުންކުރަންޏާ އެއީ ހަރާން ފައިސާ ކަން ހަމަ ނޭގެނީބާ! އިންސާނެއްގެ ހައްގެއް އަރާއިގެންފި ނަމަ ﷲ ވެސް އެކަން މާފުނުކުރައްވާނެ. މިހާރު އިސްތިއުފާދީ
މޫސަ ގޯތި އާދަނު
03 July 2020
"ރަށުގެ ވެރިފަރާތާ ވާހަކަ ދައްކައިގެން ވީހާ ވެސް އަވަހެއް ކުރެވޭތޯ، މި ހުރިހާ ދުވަހެއް ވެސް މި ދިޔައީ އެ ބޭފުޅުންނާ އެކީގައި މަޝްވަރާ ކުރުމުގައި. ސީދާ މާދަމާއޭ ބުނާކަށް ނުކެރޭނެ. ރިސޯޓު ވެރިފަރާތުން ޓުއަރއޮޕަރޭޓަރުގެ ފަރާތުން ކޮންމެވެސް އެހެންފަރާތަކުން ގޮސް ހިނގާ ދަރަނީގެ ޗޭނެއް ..! މީގެ ހައްލަކީ ސަރުކާރުގައި ބަހައްޓަން ލާޒިމްކުރެވޭ ސެކިއުރިޓީ ޑެޕޮސިޓް
ލޯޔަރު.
03 July 2020
ލޯފާމް ޕްރަމޯޓް ކޮށްލްނީދޯ!!
ދެން އެހެންވިއްޔާ
03 July 2020
ކޮބައި މައްސަކައަކީ؟ ބަޔަކަސް މަންފާވެފައި ތިމާޔަށް ވެސް މަންފާ! މިއެއް ނުންތަ ގޮތަކީ؟
ވަހީދުއްދީން
03 July 2020
ރިސޯޓެއް ހަދަން މަސައްކަތް ކުރުވާފައި މުސާރަ ނުދީ މާލެގެނެސް ދޫކޮށްފައި އެބަތިބި. އެމީހުންނަށް ވެސް އެހީވެދީ.
ބަލަންނުޖެހި ބަލަދުއެރިމީހާ
03 July 2020
ސުނާނާ އަޅުގަޑަށްވެސް ތިޔަލޯފާމުން އެހީވެދެއްވާ ގޭގަކުއްޔަށް އުޅެފައި 4 މަހުގެ ކުއްޔާއި، އެތައްމަހެއްގެ ބިލުތައްނުދައްކާ ދަންވަރު ގޭމީހުނަށް ވަގަށް ސިއްރުން ފިލައިގެންމީހަކުވަނީގޮސްފައި އޭނަގެ ވަނަވަރާއި މައުލޫމާތު އަދި ދެފަރާތުން ސޮއިކުރި އެއްބަސްވުން އެބައޮތް.
ހަކީމް
03 July 2020
މިކަމުގައިވެސް ނަޝީދު ނިކުންނަވާނެ މީނާގެ ހިމާޔަތުގައި ... ދެން ގޮނޑިކޮޅުގައި އިންނަވާ ކުށުގެ ވެށި އެހެންމީހުންނަށް ވިސްނާދޭން މަސަތްކަތްޕުޅު ކުރައްވާތަން ފެންނާނެ.