ޝަރުއީ އުސޫލުތަކާ ހިލާފަށް ކޯޓުން ބޭރުގައި ކުޑަކުއްޖަކާ ކައިވެނިކޮށްގެން މިއަދު ހައްޔަރުކުރި އަހުމަދު އައްތާފު -- ފޮޓޯ: ފުލުހުން
05 ޖުލައި 2020 - 12:12
56 comments
ކޯޓުން ބޭރުގައި ޝަރުއީ އުސޫލުތަކާ ހިލާފަށް ކުޑަކުއްޖަކާ "ކައިވެނިކޮށް" އެ ކުއްޖާ ރޭޕްކުރި މައްސަލައިގައި މިދިޔަ ހުކުރު ދުވަހު މީހަކު ހައްޔަރުކޮށްފި އެވެ.
ފުލުހުންގެ ވެބްސައިޓުގައި މިއަދު ބުނެފައިވާ ގޮތުގައި 17 އަހަރުގެ ކުއްޖަކާ "ކައިވެނިކޮށް" އެ ކުއްޖާ ބަލިވެ އިން މައްސަލައާ ގުޅިގެން ކުއްޖާއާ މެދު ޖިންސީ ގޯނާކޮށް ކުއްޖާ ރޭޕްކޮށްފައިވާ ކަމުގެ ތުހުމަތުގައި ހއ. ފިއްލަދޫ، ޝޭޑޯޒް، އަހުމަދު އައްތަފު، 23، ހައްޔަރުކޮށްފައިވާ ކަމަށެވެ. އޭނާގެ ބަންދާ މެދު ގޮތެއް ނިންމަން މ. މުލި ކޯޓަށް ގެންދިއުމުން ވަނީ ޝަރީއަތުން ގޮތެއް ނިމެންދެން ބަންދުގައި ބަހައްޓަން އަމުރުކޮށްފަ އެވެ.
ޝަރީއަތް ނިމެންދެން އޭނާ ބަންދުގައި ބެހެއްޓީ ޝަރުއީ އުސޫލުތަކާ ހިލާފަށް ކޯޓުން ބޭރުގައި، 18 އަހަރުނުވާ ކުއްޖަކާ ކައިވެނިކޮށް، ޖިންސީ ގޯނާކުރުމުގެ ސަބަބުން ކުއްޖާ ބަލިވެއިން މައްސަލައަކަށް ވާތީ އޭނާ ދޫކޮށްލައިފި ނަމަ ހެކިބަސް ދޭން ތިބި މީހުންނަށް ނުފޫޒު ފޯރުވައި ހެކި ނައްތާލައިފާނެ ކަމަށް ބެލެވޭތީ މުޖުތަމައުގެ ސަލާމަތާއި ރައްކާތެރިކަމަށްޓަކަ އެވެ.
އެ މައްސަލައިގެ ތަހުގީގު ފުރިހަމަކޮށް ދައުވާކޮށްދިނުމަށް އެދި ޕްރޮސިކިއުޓާ ޖެނެރަލް (ޕީޖީ) އޮފީހަށް ފޮނުވުމުގެ މަސައްކަތް ކުރަމުން އަންނަ ކަމަށް ބުންޏެވެ.
ޗައިލްޑް އެކްސްޕްލޮއިޓޭޝަންގެ އިތުރުން ކުޑަކުދިން އެބިއުސް ކުރުމުގެ މައްސަލަތައް އިތުރުވަމުންދާތީ މައިންބަފައިންނާއި ބެލެނިވެރިން މިހާރަށް ބޮޑަށް ސަމާލުވުމަށް އިލްތިމާސްކޮށްފައިވެ އެވެ.
މިދިޔަ ހަފުތާގައި ވެސް، އޯޓިސްޓިކް ކުއްޖަކު ރޭޕްކޮށް ބަނޑުބޮޑުވި މައްސަލައިގައި އެ ކުއްޖާގެ ޅިޔަނު ހައްޔަރުކޮށް ޝަރީއަތް ނިމެންދެން ބަންދުގައި ބަހައްޓަން އަމުރުކޮށްފައި އެވެ. އޭގެ ފަހުން، އިތުބާރު ކުރެވޭ މަގާމެއްގައި ހުރެ އުމުރުން 13 އަހަރުގެ އަންހެން ކުއްޖަކު ރޭޕްކޮށް، ބްލެކްމެއިލްކޮށް، ޖިންސީ ގޯނާގެ ތުހުމަތުގައި ވެސް އިއްޔެ މީހަކު ހައްޔަރުކޮށް ޝަރީއަތް ނިމެންދެން ބަންދުގައި ބަހައްޓަން އަމުރުކޮށްފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔައުޤޫބު
06 July 2020
ކޯޓުން ބޭރުގައި، 18 އަހަރުނުވާ ކުއްޖަކާ ކައިވެނިކޮށްގެން ލިބޭ ދަރިން ޒިނޭގެ ދަރިންނަށް ވާނެތޯ؟ ނުވާނަމަ ރޭޕަކަށްވަނީ ކިހިނެތް.!
އަލީ ރިސްވާން
06 July 2020
ރޭޕް މާ ޓްރެންޑީ ވެގެން ތިޔައުޅެނީ... ކައިވެނި ނުކުރެވޭނެކަމަށް ޤާނޫނެއް ނަހަދާ ހިނދަކު ބައްޕަ ކައިވެނި ކޮށްދެން ހުރިއްޔާ އނަހެންދަރިން ކައިވެނި ކުރެވޭނެ ބުރޯ
ސަފާން
06 July 2020
ކޮމެންޓު ތަކަށާއި ލައިކް އަދި ޑިސް ލައިކަށް ބަލާލާފަ އެބަ އެނގޭ ރާއްޖޭގައި ޕީޑޮޕީލިއާ އޮތްވަރު.
ބެލެނިވެރިންކޮބާ
05 July 2020
އެކުއްޖާގެ ބެލެނިވެރިން ކޮބާ؟ ހަމަގައިމުވެސް އެމީހުންގެ ރުހުމުގަދޯ އެކުއްޖާ މިމީހާއާ ކޯޓުން ބޭރުން ކައިވެނި ކޮށްދިނީ. އެހެންވީމާ ބެލެނިވެރިންވެސް ރޭޕް ގަ ބައިވެރިވީކަމަށް ފެނޭ.
ހރހ
05 July 2020
ރޯޔަލް ރޭޕިސްޓުންގެ ފޮޓޯ ކޮބާ؟
ހާސަރު
05 July 2020
ދީނުގެ ނަމުގައި މީހުންގެ ބޯކާ މީހުން މައިތިރި ނުކުރާނަމަ މިކަމެއް ނުހުއްޓޭނެ. މިކަމުގައި ހައްޔަރު ކުރަންވީ މިމީހާ އެކަނިތަ!؟ ކޯޓުން ބޭރުގައި ނަމަވެސް ކައިވެންޏެއްކުރާނަމަ އިތުރު ބަޔަކު މިކަމުގައި ބައިވެރިވާނެ ކޮބައި އެމީހުން!؟ ކޮބައި މައިން ބަފައިން!؟
އަލްފާ
06 July 2020
ބަމައެހެންމެ ޒަމާނީގޮތުގަ ޕާޓީބާއްވާ ރާބޮއެ ޑިސްކޯބާއްވާ ޒިނޭކުރާ މީހުންނާއި ސަފާރީ އޯނަރުންގެ ފޮޓޯވެސް އާއްމުކުރާންޖެހޭ.
ބޯގޯސް އުސޭލުތަށް1
05 July 2020
ރާއްޖޭގަ އިންޓަނެޓް ޕޯންސައިޓުތަށް ދައުލަތުގެ ކަމާބެހޭ މުއަށްސަސާތަކުން ބުލޮކްނުކުރޭ، އެކަމަކު ކުޑަކުދިންގެ ޙައްޤުތަށް ރައްކާތެރިކުރަމޯ
ވަޞުއީޤާނޫނު ކަމަކުނުދޭ
05 July 2020
20 ނޮވެންބަރު 2019 ރައީސުލްޖުމްހޫރިއްޔާ ތަޞްދީޤުކުރި (ކުޑަކުދިންގެ ޙައްޤުތައް ރައްކާތެރި ކުރުމުގެ ޤާނުނު 19-2019) 25 ވަނަމާއްދާގެ ސަބަބުން މިހާރު 15 ،16 ނޫނީ 17 އަހަރުގެ ދެމީހުންބޭނުންވިޔަސް އަދި މައިންބަފައިންރުހުނަސް ކައިވެނިއެއް ނުކޮށްދޭނެ. ބައެއްމީހުނަށް މީހާރުވެސް 15 އަހަރުވީމަ ކައިވެނިކޮށްދެޔޭހީވާތީ ބުނެލީ
ދާގީނާ
05 July 2020
ދޭހަވަނީ ކޮންމެސް ގޮތަކަށް "ކައިވެނި" ކޮށްގެން އުޅޭ ކަމަށް. އެހެންވީމާ، ތި ކޭސްގައި ހުކުމަކާއި ހަމައަށް ދާއިރު، ހޯރަ އިއްބެ ކޭސްގައި ވީހެން ނުވާނެބާ؟!! އަންހެން ކުއްޖާއަށް 18 އަހަރުވެ މީނާއާއި ޝަރުޢީކައިވެންޏެއް ކޮށްފަ ކަންނޭގެ އޮންނާނީ ހުކުމް އަންނައިރު!!؟
ދަރަނި ދަންތުރަ
05 July 2020
ހޯރައިއްބެ ކޮބައިބާ އިބޫ...