ވޭމަންޑޫ "ދިރުން" ދޯނި މިއަދު ހެނދުނު ބިންދައިގެން ގޮސްފައި.---ފޮޓޯ: އެމްއެންޑީއެފް
08 ޖުލައި 2020 - 08:27
12 comments
ތ. ކިނބިދޫ ކައިރިން 13 ފަޅުވެރިންނާ އެކު ދަތުރުކުރި މަސްދޯންޏެއް މިއަދު ހެނދުނު ބިންދައިގެން ގޮސްފައިވާ ކަމަށް އެމްއެންޑީއެފުން ބުނެފި އެވެ.
އެ އަތޮޅު ވޭމަންޑޫ "ދިރުން" ނަމަކަށް ކިޔާ ދޯނި ބިންދައިގެން ދިޔަ ނަމަވެސް އޭގައި ތިބި އެއްވެސް މީހަކަށް ގެއްލުމެއް ނުވާ ކަަމަށް އެމްއެންޑީއެފުން ބުންޏެވެ. ކޯސްޓް ގާޑު، "ދިރުން" ދޯނި ކައިރީގައި މިހާރު ހަރަކާތްތެރިވާއިރު އޭގައި ތިބީ 11 ދިވެހިންނާއި ދެ ބިދޭސީން ކަމަށް ސިފައިން ބުންޏެވެ.
ކިނބިދޫގެ ހުޅަނގު ދެކުނުން ހަތަރު ނޯޓިކަލް މޭލު ބޭރުން ދަތުރުކުރި 91 ފޫޓުގެ މި ދޯނި ބިންދައިގެން ދިއުމުން ސެންޓްރަލް އޭރިއާގެ ސިފައިން މިހާރު ހަރަކާތްތެރިވަމުން އަންނަ ކަމަށް އެމްއެންޑީއެފުން ބުނެ އެވެ.
"ދޯނީގެ ވެރިފަރާތުން، ދޯނި ކަފުޖަހާނެ އުޅަނދެއް ހަމަޖެއްސުމަށް ދަނީ މަސައްކަތް ކުރަމުން،" ސިފައިންގެ ތަރުޖަމާން މޭޖަ އިބްރާހިމް އާޒިމް ވިދާޅުވި އެވެ.
އެމްއެންޑީއެފުން ބުނިގޮތުގައި، ދޯނި ބިންދައިގެން ދިޔަކަމުގެ ރިޕޯޓު ލިބުނީ މިއަދު ހެނދުނު 7:10 ހާއިރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާސަރު
08 July 2020
މިގޮތަށް ކިތައް ދޯނި ބިދިއްޖެ! ކުރެހުންކުރަހާ ފާސްކުރިއަސް ހަދަނީ ކިހިނެއްތޯ ބެލޭނެ އިންތިޒާމެއް ނެތް. މިކަހަލަ އުޅަދުތައް ބަންނަށް އުތުރާ ދެކުނުން ބޮޑު ދެފަޅުރަށް ޚާއްސަކޮށް ބޯޓްޔާޑް ހަދާ ފަސޭހައިން ހުރިހާ ޚިދުމަތެއް ލިބޭނެގޮތް ހަދާ އެތަނުގައި އިންޑަސްޓްރިއަލް ފެންވަރަށް މިކަން މިހާރު ކުރެވިދާނެ. އޭރުން ކޮލިޓީވެސް ބެލިދާނެ . އަދި މީހުން ދިރިއުޅޭ ރަށްރަށުގައި ފައިބަރު މަސައްކަތް ނުކުރާގޮތަށް އޭރުން ހެދިދާނެ.
ނަގިއްޔާ
08 July 2020
ކަނޑުގަ ދުއްވާ އުޅަދު ވަކި އަހަރެއްވީމަ އަހަރަކު އެއްފަހަރު "ސީވޯދިނަސް" ޓެސްޓެއް ހަދަންވެއްޖެއް ކަންނޭގެ. މަގުމަތީ ދުއްވާ ހަތަރު ފުރޮޅުލީ ބައެއް އުޅަދުތަަށްވެސް ވަރަށް ހާލުދެރަ. ބައެއް އެއްޗެހި މިއުޒިކު ޖަހަމުން އެކިތަންތަން އެކިފަހަރު ހެލެމުން ތެޅެމުން، ހީވާނީ މަދިރި މަރަން ސްޕްރޭ ކުރަނީހެން. ސްޓިކާޖެހުން ބަރާބަރަށް ދާއިރު އެއެއްޗެހި ކުރިމަތިންގޮސް މީހާ އަނދިރި ދުންގަނޑަކަށް ގެއްލުވާލާއިރުވެސް ސުވާލުކޮއްލާނެ ފަރާތެއްނެތް.
ސިންގަލް ލޭޔަރު
08 July 2020
އެހެން އެވަނީ ޚަރަދު ކުޑަކޮށް ވޮޑެތި ދޯނި ފަގަރި ބަންނާތީ.
ނޭގުނު
08 July 2020
ދިވެހިރާއްޖޭގައި އެކި ކަންކަމަށް ކޯޑުތައް ހަދާފައި ހުރެއެވެ. އެއިން ކޯޑަކާ އެއްގޮތަށް ޢަމަލު ކުރެވެނީ ކިހިނެތް ކިހާވަރަށްތޯ ނުބަލައެވެ. ރެސިންފީފާ އަކާއި އެއާވާނެ މެޓް ލިބިއްޖެނަމަ ކޮންމެ މީހަކީވެސް ފައިބަރު އޮޑިފަހަރު ބަންނަ މާޑިއެކެވެ. މިކަމަކަށް ސަމާލުކަމެއް ދޭން މިހާރު ލަސްވެއްޖެއެވެ.
ހުންގާނު
08 July 2020
އިމާރާތް ކުރުމުގެ ކުރިން އިންޖިނިއަރެއް ލައްވާ ސޮއި ކުރުވަން ޖެހޭ. ހުރިހާ މަސްދޯނި ފަހަރު ނޫނީ ވަކި ދިގުމިނަކަށް ވުރެ ބޮޑުވާނަމަ ކޮލިފައިޑް އިންޖިނޭރެއްގެ ވެލިޑޭޝަން ހޯދަން ކޮންމެހެން ޖެހޭ.
އިންޖިނޭރު ޑިޒައިން
08 July 2020
ބަޔަކަށް ލާރި ކޮޅެއް ލިބޭނެ ވިސްނުމެކެވެ. ތިހަން ހަދާފި ނަމަ ނޮހޮރުއްޕާން އަކަށް ވާއެވެ. ތި ބުނި ގޮތް މަޖްބޫރު ކޮށްގެން ނުވާނެއެވެ. އެކަމަކު ބޭނުން މީހަކު އެ ގޮތަށް އަމަލު ކުރުމަށް ހޭލުންތެރި ކަން އުފެއްދުން ރަގަޅެވެ.
ޓުއްތުބޭބެއޮޑި10
08 July 2020
މި ގައުމުގައި މިފަންނުގެ މީހުން ތިއްބަސް ބޭނުމެއް ނުކުރޭ. އޮޑިދޯނިފަހަރު ބަނުމުގެ ގައިޑްލައިން ވަރުގަދަކޮށް ނޭވަލް އާރޗިޓެކްޓެއް ނުވަތަ ގުޅުން ހުރި ދާއިރާއަކުން މިނިމަމް ޑިގްރީއެއް އޮތް މީހެއްގެ ބެލުމުގެ ދަށުން ނޫނީ އޮޑިދޯނިފަހަރު ޑިޒައިންކޮށް ބަނުމުގެ މަސައްކަތް ނުކުރެވޭގޮތަށް ގަވާއިދެއް އެކުލަވާލައި، މިންގަނޑާ ޚިލާފަށް މަސައްކުރާމީހުން ޒިންމާ ދާރު ކުރުވަން އެބަޖޭ.
އަދުނާން
08 July 2020
އިންވެސްޓިގޭޓްކޮށް ތިއޮޑި ބަން ކުންފުނި ހޯދަން ޖެހޭ. އަދި އެކުންފުންޏަކުން ބަދެފައިވާނަމަ ބަނދެފައިވާހާ އޮޑިއެއް ޗެކްކުރަން ޖެހޭ.
އާދަމް ޝަރީފް
08 July 2020
ދޭތެރެ ދޭތެރެއިން މިގޮތަށް މަސްދޯނި ބިންދައިގެން ދާކަން ފާހަގަ ކުރެވޭ. އާއްމުކޮށް ބިންދައިގެން މިދަނީ އެންވަތާ ދިމާއިން. ބިންދައިގެންދަނީ އެންވަތަށް ފެންއަޅާ ބަރުކުރުމުންތޯ . އެންވީމާ މީ ފަރުމާކުރުމުގެ މައްސަލައެއްތޯ ނުވަތަ ބަނުމުގެ ހެދޭ ގޯހެއްގެ ސަބަބުން ދިމާވާ ކަމެއްތޯ ބަލަން އެބަޖެހޭ. ތަޖުރިބާކާރުން މިކަން ތަހުލީލު ކުރުމަށްފަހު ދޯނިބަންނަ މީހުންނަށާއި ފަރުމާވެރިންނަށް މައުލޫމާތު ދޭންވެއްޖެ.
އަހަންމާފުތާ
08 July 2020
ތަހުލީލު ކުރުމަށްފަހު ކޮންމެވެސް ބަޔަކު ތިލަކޮށްދޭން އެބަޖެހޭ މިދިޔަ އަހަރުތަކުގައި މިގޮތަށް ބިންދައިގެން ގޮސްފައި ހުރީ ކޮން ބޯޓް ޔާޑެއްގައި، ކާކުގެ ބެލުމުގެ ދަށުން ބަދެފައިވާ ދޯނިތަކެއްތޯވެސް. އިދާރާތަކުން ހަމައެކަނި މިޚަބަރު ކިޔާލުމަކުން ނިންމާލާނަމަ މިކަމަށް ހައްލެއް ނުލިބޭނެ.
ކިހާ ދެރަ
08 July 2020
50 ފޫޓް ދޯންޏެއް ބަންނަން ކުރާ ޚަރަދުން 100 ފޫޓް ދޯންޏެއް ބަނުމުން ތިހެން ވެދާނެ އެވެ.
ރަދީފްއޮފިޝިއަލް
08 July 2020
ދޯނީގެ ވެރިފަރާތަށް ލިބުނު ވަރަށް ބޮޑު ގެއްލުމެއް.ދޯނި ބަނުމުގަ ސްޓޭންޑަޑް މިންގަނޑެއް އޮންނައިރު އެކަން ރަނގަޅަށް މޮނިޓަ ކުރެވޭބާ؟ މިކަހަލަ ކިތަންމެ ހާދިސާއެއް ހިނގާފަވެއްޖެ.އެޅުނު ފިޔަވަޅެއް އެބަ އޮތްތަ؟ ކޮބާތަ ކަމައި ބެހޭ ފަރާތްތަކުގެ ދައުރު؟؟ ދެރަކަމެއް.ވ.ވެދުން