އަލިފާން ރޯވި ބޯޓު: އެ ބޯޓުގައި ރޯވި އަލިފާން އެއްކޮށް ނިއްވާލެވުނީ ދެ ދުވަހުން --ފޮޓޯ/އެމްއެންޑީއެފް
21 އޮކްޓޯބަރ 2016 - 17:27
12 comments
ތިލަފުށި ކައިރީ އަޅާފައި އޮއްވާ މީގެ ދެ ދުވަސް ކުރިން ރޯވި މަސްބޯޓުން ފަޅުވެރިއަކު ގެއްލިގެން ހޯދަނިކޮށް އެ ބޯޓު ތެރެއިން އިންސާނެއްގެ އަނދާފައިވާ ކަށިތަކެއް މިއަދު ފެނިއްޖެ އެވެ.
އެމްވީ ބަރޯސާ ނަމަކަށް ކިޔާ އެ ބޯޓުގައި އަލިފާން ރޯވެ، އެ ހާދިސާ ތެރެއިން އެ ބޯޓުގެ އެއް ފަޅުވެރިއަކު ގެއްލުމުން ސިފައިން ދިޔައީ އެ މީހާ ހޯދުމުގެ މަސައްކަތް ކުރަމުންނެވެ. ހޯދަމުން ދިޔައީ ބަންގްލަދޭޝް މީހެކެވެ.
އަލިފާންގަނޑު މިއަދު އެއްކޮށް ކޮންޓްރޯލްކޮށް ބޯޓުތެރެ ބެލިއިރު އަނދާފައިވާ އިންސާނެއްގެ ކަށިތައް ފެނިފައި ވިޔަސް އެއީ ގެއްލުނު ފަޅުވެރިޔާގެ ކަށިތައް ކަމެއް އެއްވެސް ފަރާތަކުން އަދި ޔަގީންކޮށެއް ނުދެ އެވެ.
ފުލުހުން ބުނީ ސިފައިންނަށް ފެނުނު ކަށިތައް ފުލުހުންނާ ހަވާލުކޮށްފައިވާ ކަމަށާއި އެ ކަށިތައް މިހާރު މާލެ ގެނެސްފައިވާ ކަމަށެވެ. އެކަމަކު އެއީ ކާކުކަން އަދި ކަށަވަރު ނުވާ ކަމަށް ފުލުހުން ބުންޏެވެ.
އެ ބޯޓަކީ ކުރިން މިފްކޯގެ ބޯޓެއް ނަމަވެސް ފަހުން ވަނީ އެ ބޯޓު އަމިއްލަ ކުންފުންޏަކަށް ވިއްކާލައިފަ އެވެ. އަލިފާނުގެ ހާދިސާ ހިނގުމުގެ ކުރިން އެ ބޯޓުގައި ވެލްޑިންގެ މަސައްކަތްތަކެއް ކުރި ކަމަށް އެމްއެންޑީއެފުން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަހުރަބުޖިނަނި
22 October 2016
ޑީއެންއޭ ހަދަންފެނޭ، އަދި މިހާތަނައްގެއްލި ނުފެނިފައިވާމީހުންނާ ދިމާވޭތޯބަލަންފެނޭ!
ކަތުރު
22 October 2016
ދިގުމިން 150 ފޫޓް. ފުޅާމިން70 ފޫޓް. ވަށައިގެން ކަނޑު. ޓްރެފިކެއް ނެތް. އާއްމުންގެ އުނދަގުލެއް ނުވާނެ. ދެން ކީއްވެބާ އަލިފާންނިއްވާލަން 3 ދުވަސް ނެގީ..؟؟؟؟
ދޮންކަމަނަ
22 October 2016
ހާދިސާ ހިނގިކަން އެންގުމުން ދެން އެތަނަށް ދިޔަ ފަރާތްތަކުގެ އެއްވެސް ފަރުވާތެރިކަމެއް ނެތްހެން ހީވަނީ. މިފަދަ ހާދިސާއެއް ހިނގައިގެން އުޅޭއިރު އެންމެ ފުރަތަމަ ބަލަންޖެހޭ އެއްކަން ހެން އަޅުގަނޑަށް ހީވަނީ ބޯޓުގެ ފަޅުވެރިން ހަމަތޯ. އެގަޑީގައި އެކަން ބެލެވުނު ނަމަ މިމީހާގެ ފުރާނަ ސަލާމަތްކުރެވުމުގެ ފުރުސަތު އޮތީސް ކަންނޭގެ. އާހިރު ނަތީޖާ ކިހާ ދެރަ. މިބޯޓުގެ ވެރިފަރާތެއް އޮންނާނެ. އެމީހާއާއި ބެހޭ މައުލޫމާތު ހޯދައި ބޯޓުގައި އަލިފާނުގެ ހާދިސާ ހިނގުމުގެ ކުރިން ފަޅުވެރިންނާއި މެދު ކޮށްފައިހުރި ޤާނޫނާއި ޤަވައިދާއި ހިލާފުކަންކަމަށް ޖަވާބުދާރީކުރުވަންޖެހޭ.
ފަރިމާ
21 October 2016
އިންޝޫރެންސް ލާރި ގަނޑު ހޯދަން މިހާރު ކޮންމެ ފަދަ ކަމެއްވެސް ކޮއްފާނެ.. ބޯޓުތައް އަޑިޔަށް ދިޔުމާ ރޯވުން...ބޮޑެތި ގުދަންތައް ރޯވުން...މީހުންގެ ފުރާނަ ވެސް ގެއްލެނީ.. މިކަން ބަލާނެ ބަޔަކު އެބައުޅޭތަ؟
މިރައީސް
21 October 2016
ރާއްޖޭގަ އެއްވެސް ހަރުދަނާ މުއައްސަސާއެއް ނެތް ފިލައިގެން އުޅޭއެތައްހާސް ބިދޭސީން އެއްވެސް ތަޖުރިބާއެއް ނެތްމީހުން ގެންގުޅެނީ ބޮޑެތި ވިޔަފާރިވެރިންގެ އަޅުންނައް ހަދައިގެން ކުޑަކުޑަ ކުސާރައެއް ހިތައް އެރިމަހަކުދީފަ ޕާސްޕޯޓު އަތުލާފަ މާލެ ތެރެޔައްދޫކޮއްލަނީ ސަރުކާރައް ތަނެއްދޮރެއް ނޭނގެ ރިސޯޓުތަކުގަވެސް އެފަދަ އެތައްބަޔަކު މިއަދު އަނަންތަރާ ކިހަވައް ރޫމް ނަންބަރު 106 ކައް ޑެޕިޔުޓީ ޓުވެރިޒަމް މިނިސްޓަރު އަތުވެއްޖެ ކުކުޅުކައިގެން މުވައްޒަފުންނާ ބައްދަލު ކޮއްލުމެއްނެތި މާދަމާ ފުރާނެ މާލެގޮސް ބުނާނެ ވަރައްފުރިހަމަޔޭ ނަމަވެސް އެއީކީނޫން ހާލު ހުރިގޮތަކީ ވިސާނުދައްކާ ޕާސްޕޯޓު ނެތް މީހުން މިހާރުވެސް އެބަތިބި އެއީ ކޮންމެސް ބައެއްގެ އިހުމާލުން ވާކަމެއް ކޮބާ އެޅުނު ފިޔަވަޅެއް ފޮނިވާހަކަ ދެއްކިދާނެ ވާކަމެއް ހަރާން
ޢަލީ
22 October 2016
ސާބާސް ހަގީގައް ހާމަކުރީތީ
މާނު
21 October 2016
މީހާ ގެއްލިގެން ރިޕޯޓް ކޮށްފައިވަނީ ބޯޓް ރޯވިފަހުންތަ ނޫނީ ކުރިންތަ؟
ޒާ
21 October 2016
އަބަދު އެއްވާހަކައެއް ހުރިހާ ނޫހަކު. ތަންކޮޅެއް ތަފްސީލެއް ހޯދޭނެ ގޮތެއް ނުވޭތަ؟ ބޮޑު ވާހަކައަކަށް އޮންނަނީ މިފްކޯއިން އަމިއްލަ ފަރާތަކަށް ވިއްކާލި ބޯޓެއްގެ ވާހަކަ. ޚަބަރުތައް މިހާރު ހާދަހާ ފަގީރޭ.
އިނާޔާ
21 October 2016
ސުބްހާނައްﷲ ބޭރު މީހަކަސް އިންސާނެއް އަދައި ހުލިވެގެން ދާއިރު ކުރާނެ ވޭން ކިޔައިދޭން ނޭގޭނެ، މި މައްސަލް ވީހާވެސް އަވަހަށްބަލާދެއްވާ، އެމީހާގެ އާއިލާޔަށް ވާނުވާ އަންގަދެއްވާ، ދުނިޔެ މަތީގައި މާތްރަސްކަލާންގެ ހަޒްރަތުގައި އިންސާނުންނަކީ ހަމަހަމަބަޔެއް، އަފްރާޝީމްގެ މަރުގެ ހާދިސާގޮތަށް، ދިގުނުދަންމައި މިމައްސަލަ ނިންމަވައިދެއްވާ
ުަޔަހޫ
21 October 2016
ޢެއްވެސް ފަރާތަކުން ތިބޯޓުގެ ވެރިފަރާތް ބުނެނުދެނީ ކީއްވެބާ؟؟
ރިވެތި
21 October 2016
ނޭގެންޏާ ކިހިނެއް ބުނެދޭނީ.. އެއީ ވެރިއެއް ނެއް ބޯޓެއް އޯކޭ
ޢަބުރު
21 October 2016
ޢޭރުން އަބުރާ ބެހުނީނުން