ރ. ދުވާފަރު މަތިން ނަގާފައިވާ ފޮޓޯއެއް.-- ފޮޓޯ: ކިޑޯ.އެމްވީ
12 ޖުލައި 2020 - 01:07
14 comments
ރ. ދުވާފަރުގައި ހޯމް ކަރަންޓީންގެ މުއްދަތު ހަމަކޮށް، ކޮވިޑް-19 އަށް ނެގެޓިވްވުމުން ދޫކޮށްލި ބަޔަކު އަލުން އެ ބައްޔަށް ޕޮޒިޓިވްވެ މުޅި ރަށް މޮނިޓަރިންގެ ހާލަތަށް އިއްޔެ ގެނެސްފި އެވެ.
އެ ރަށު ސިއްހީ މަރުކަޒުގެ ފޭސްބުކް ޕޯސްޓެއްގައި ބުނީ މިިދިޔަ މަހުގެ 19 ގައި ރަށަށް ދިޔަ މީހުންގެ ތެރެއިން މި މަހުގެ ހަތަރު ވަނަ ދުވަހު ސާމްޕަލް ނެގި 11 މީހެއްގެ ޓެސްޓް ނެގެޓިވްވުމުން މިދިޔަ ބުރާސްފަތި ދުވަހު އެ މީހުން ދޫކޮށްލީ ކަމަށެވެ. ނަމަވެސް އޭގެ ތެރެއިން ހަތަރު މީހެއްގެ ސާމްޕަލް އަލުން ނެގިއިރު، ތިން މީހަކު ކޮވިޑް-19 އަށް ޕޮޒިޓިވްވެފައިވާ ކަމަށް ހެލްތު ސެންޓަރުން ބުންޏެވެ.
އެކަމާ ގުޅިގެން، ދުވާފަރު ކައުންސިލަށް، ޑިރެކްޓާ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު ފޮނުއްވި ލިޔުމުގައި ވަނީ ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ވަކި ގޮތެއް އަންގަންދެން ރަށުން ފޭބުމާއި އެ ރަށަށް އެރުން މަނާކޮށް މޮނިޓަރިންގެ ހާލަތަށް ގެނެސްފައިވާ ކަމަށެވެ.
ދުވާފަރު ކައުންސިލުން ބުނި ގޮތުގައި ކޮވިޑް-19 އަށް ޕޮޒިޓިވްވި ތިން މީހުން މިދިޔަ ބުރާސްފަތި ދުވަހުގެ 2:30 އިން އިއްޔެ ހަވީރު 17:00 އާ ދެމެދު އެ ރަށުގެ ގިނަ ބަޔަކާ ވަނީ ކޮންޓެކްޓް ވެފަ އެވެ. އެހެންވެ އެ އެންމެން ހޯދައި މިހާރު އަންނަނީ ޓެސްޓް ކުރަމުންނެވެ.
"ވީމާ ދުވާފަރު ޓާސްކްފޯސް އިން ވަކި ގޮތަކަށް އަންގަންދެން އާއްމު ތަންތަނަށް އެއްވުމާއި ކުޅިވަރު ކުޅުމާއި ޖަމާއަތް ހަދައިގެން ނަމާދުކުރުން ވަނީ މަނާކުރެވިފަ އެވެ. އަދި ކެފޭ ރެސްޓޯރެންޓުތަކުގައި ހިދުމަތް ދިނުން ވެސް ވަނީ މަނާކުރެވިފަ އެވެ. ފިހާރަތަކުން ހިދުމަތް ދޭންވާނީ ޓާސްކްފޯސް އިން އަންގާ އުސޫލުތަކުގެ މަތިން ކަމުގައި ދަންނަވަމެވެ،" ކައުންސިލްގެ އިއުލާނުގައި ބުންޏެވެ.
ހޯމް ކަރަންޓީން ނިންމަން ހެދި ޓެސްޓުން އއ. ތޮއްޑޫގެ ކުއްޖަކާއި ކ. ހިންމަފުށީގެ މީހަކު ވެސް ވަނީ މި ފަހުން ޕޮޒިޓިވްވެފަ އެވެ. އޭގެ އިތުރުން ހދ. ނޮޅިވަރަމްގެ ހޯމް ކަރަންޓީނުގައި ތިބި ދެ މީހަކު ވެސް ވަނީ ކޮވިޑް-19އަށް ޕޮޒިޓިވްވެފަ އެވެ.
ރާއްޖެއިން މިހާތަނަށް ކޮވިޑް-19 އަށް ޕޮޒިޓިވްވި މީހުންގެ އަދަދު 2،664 އަށް އަރާފައިވާއިރު އެ ބަލީގައި 13 މީހަކު ވަނީ މަރުވެފަ އެވެ. ރަނގަޅުވި މީހުންނާއެކު އެ ބައްޔަށް މިހާރު ފަރުވާ ހޯދަމުން އަންނަނީ 378 މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީބޭބޭ
12 July 2020
މުޅި ރާއްޖެއަށް މިބަލި ނުފެތުރިގެން ކަންބޮޑުވެގެން އެއުޅެނީ މާލެ ލޮކްޑައުންކޮށްފަ ބާއްވައިގެން ރާއްޖެތެރޭ އެންމެން މިނވަންކޮށް ދޫކޮށްލާފަ ތިބުމަކީ އެމީހުނަށް ވާވަރު ކަމެއްނޫން....މާލޭގެ ގެސްޓް ހައުސްތަކާ ކެފޭތަކާ ފިހާރަތައް ހިންގަނީ ރާއްޖެތެރެއިން މީހުން މާލެ ގޮސްގެން...މާލޭގަ އުޅޭ މީހަކު އެއް މަސްދުވަހު ކުރާ ޚަރަދު މާލެއަށް ދެދުވަހަށް ގޮސްލާ ރާއްޖެތެރޭމީހާ ކުރާނެ.... ރާއްޖޭގެ ހުރިހާ ރަށަކަށް ބަލި ފަތުރާލީމަ ބޭސްފަރުވާއަށް މާލެދާމީހުން ގިނަވާނ
ދެވަނަ މާސިންގާބޮޑުރާލު
12 July 2020
ހާސްނުވޭ ދެންއޮތީ ސެކަންޑްފޭްސް ލޮކުޑައުން. މީގައި ލޮކުޑައުންނަށް ދާންމަޖުބޫރުވާނީ ރަތްޔިތުންގެ ޕުރެސަރާހެދި. އެއަށްފަހު ވެކްސިންޖަހާނީ. އަދި ކުލަސްޓަރތަކާއި ބޮޑެތިބޮޑެތި ވޭވުތައް އޮތީ ކުރިއަށް. މިމީހުން ބުނާއެއްޗެއް ޤަބޫލުކޮށްތިއްބަވާ. އަމިއްލަ ޒަމީރަށް ޤަބޫލުނުކުރެވުނަސް އޯކޭވާނެ. މިމީހުންބުނާނީ ޑައބުލިޔު އެޗްއޯގެ ބަސް.އެމީހުންގެ ޕުރޮޓޮކޯލް. ވާއެއްނުވާއެއް ބަލާނެކަމެއްނެތް.
އަލިހަންޑޯ ޓޮލޭޑޯ
12 July 2020
ކޮވިޑް19ގެ ނިންމުންތަކާއި މެދު އަޖާއިބު އަންތަރީސްވޭ. އެކަކު ޕޮޒިޓިވް ވެގެން މުޅިމާލެ ލޮކްކުރި އެކަމަކު ދުވާލަކު 20-40 މީހުން ޕޮޒިޓިވް ވަމުންދަނިކޮށް މާލޭގެ ލޮކްޑައުން އެއްކޮށްކަހަލަގޮތަކަށް އުވާލެވިއްޖެ. މިހާލަތުގައި ވަނިކޮށް ރާއްޖެތެރެއަށް މާލެއިން މީހުންދަތުރުކޮށް ބަލި މުޅިރާއްޖެއަށް ފެތުރެން ފަށައިފި. ދުވާފަރުން 3 މީހަކު ޕޮޒިޓިވް ވުމުން ލޮކްކުރީ، މާދަމާ އަދަދު ގިނަވިޔަސް ލޮކްޑައުން އުވާލަފާނެ. ގޮތްނޭނގޭ ބައްޔަކާއިމެދު ހަދާނެ ނުހަދާނެގޮތެއްނޭގޭ
ނައިބުދުއްތު
12 July 2020
ފުރަތަމަ ކޭސް ފެނުނުއިރު، މިކަމަށް އުސޫލުތައް ޤާއިމްވެފައެއް ނުވޭ، މީހުން އެކަހެރިކޮށް ބޭތިއްބޭނެ ނިޒާމެއް ނެތް، ގިނަ ބަޔަކަށް އެއްފަހަރާ ފަރުވާ ދެވޭނެ އިންތިޒާމެއް ނެތް، ނަމަވެސް މިހާރު ނިޒާމްތައް ވަނީ އުފަންކުރެވިފައި، އުސޫލުތައް ހުރީ ތަރުތީބު ކުރެވިފައި. ކޭސް އެއް ފެނުމުން ދެންހަދަން ޖެހޭ ގޮތް ސާފް. މިކަން ކޮންޓްރޯލް ކުރަންޖެހެނީ މާސްކު އަޅައިގެން އެންމެ ދުރުދުރުގައި ތިބިގެން ގަވާއިދުން އަތްދޮންނަމުން ގެންގޮސް އެކުއެކީ ވައިރަސް ހުސްކޮށްލުން
ާއުނިމާ
12 July 2020
އަސްލުވެސް މިހާރު މިނިންމުންތައް މި ނިންމަނީ ކިހިނެއް ބަލާފަކަމެއް އެއްގޮތަކަށްވެސް ނުވިސްނޭ، ދައްކާ ވާހަކަޔަކާ ކަންނޮޑުވުމާއި ޢަމަލަކާއި ދިމާނުވޭ، ލޮކްޑައުން ކުރަންޖެހެނީ ނުވަތަ އުވާލަންޖެހެނީ ބަޔަކު މީހުން ހަޅޭފަޅޭ ލެވީމައެއްނޫން، އެޗްޕީއޭއިން މިނިވަންކަމާއެކީ ރައްޔިތުންގެ ސަލާމަތާއި ރައްކާތެރިކަމަށްޓަކައި ނިންމާނިންމުމެއްކަމަށަ ވާންޖެހޭނީ
ގައިސް
12 July 2020
ޔާ ﷲ މި ބަލި މަޑުކަން އަޅަމެން ރައްކާތެރި ކުރައްވާން ދޭވެ އެވެ.އަޅަމެންގެ ޤައުމު އާމާން ކުރައްވާ ބަލިމަޑު ކަމާއި ތަދުމަޑު ކަމުން އަޅަމެންގެ ޤައުމު ރައްކާތެރި ކުރައްވާށި އެވެ. އާމީން!
ާާއަލިބެ
12 July 2020
މުޅި ރާއްޖެއަށް ފަތުރާލީ ދޯ؟ ހޯމް ކަރަންޓީނޭ ކިޔާފަ މީހުންތައް ރަށްރަށަށް އަޅާލީ މައެމޫނާގެ ދޯހަޅި ސިޔާސަތުގެ ދަށުން. ޑޮލަރުގެ ދަހިވެތިކަމުގަ ރިސޯޓްތައް ހުސްކޮށް ރަަށްރަށަށް ފަތުރާލީމި ސަރުކާރުން ހަމަ ގަސްތުގައި
ާއުނިމާ
12 July 2020
ހުރިހާ ރަށަކަށް މިފެތުރޭނޭ ބުނި ބޭފުޅެއް އެބަހުއްޓެއްނު، އެކަން ތެދުވާނީ ފެތެރުނީމަތާ
ދޮށި
12 July 2020
މައުމޫނާ ކީއްތޯ ކުރާނީ ރަށްރަށަށް ނުދެވިގެން މީހުންތައް އެބުރެން ފެށީމާ. މަޖިލީގުގެ މެމްބަރުންނަރުންތައް ކަރުން ނާރު ނަގައިގެން ގޮވާނަގަނީ ރަށްރަށަށް މީހުންތައް ފޮނުވަން.
މޯޑް
12 July 2020
ރާއްޖޭގެ ހާލަތު ދަނީ ދަށަށް. ބެއިޖިން ކަހަލަ ބޮނޑެތި ސިޓީތަކުގަ ކޮންޓްރޯލު ކޮށްފި. ކީއްވެ ބާ މިގައުމްގަ ކޮންޓްރޯލު ނުވެގެން މިއުޅެނި?
ވަތަންް
12 July 2020
އުޅުމެއް ނެތް ދިވެހިންގެ ސަބަބުން
ާާއަލިބެ
12 July 2020
ސަރުކާރުގެ ދޯހަޅި ސިޔާސަތުގެ ސަބަބުން. ވަރަށް ސާފް
ސުޕް
12 July 2020
ބަލި މުޅި ގައުމުން ނެތި މުޅި ގައުމު ރައްކާތެރި ތަނަކަށް ވަންދެން ވީހާވެސް ވަރަކަށް މާލެ އިން އެހެން ރަށަކަށް ދަތުރު ނުކޮށްވޭތޯ ބެލުން ވަރަށް މުހިންމު. ﷲ މިރަށުގެ ހާލަތު އިތުރަށް ގޯސްވުމުން ރައްކާތެރި ކުރައްވާށި.
ބަސް
12 July 2020
އެންމެނަށް އަވަސް ޝިފާއަކަށް އެދެން.