ހެލްތު އިމަޖެންސީ އޮޕަރޭޝަން ސެންޓަރުގެ ތަރުޖަމާން ޑރ.ނަޒްލާ ރަފީގު މީޑިއާ ބްރީފިން އެއްގައި މައުލޫމާތު ދެއްވަނީ. އޭނާ ރޭ ވިދާޅުވީ ކޮންޓެކްޓުންގެ މައުލޫމާތު ބައެއް މީހުން ނުދޭ ކަަމަށް. ފައިލް ފޮޓޯ
12 ޖުލައި 2020 - 11:15
15 comments
ކޮވިޑް-19 އަށް ޕޮޒިޓިވްވާ ބައެއް މީހުން ފުރިހަމަ މައުލޫމާތު ނުދޭތީ ކޮންޓެކްޓް ޓްރޭސްކުރަން އުނދަގޫވާ ކަމަށް ހެލްތު ޕްރޮޓެކްޝަން އެޖެންސީ (އެެޗްޕީއޭ) އިން ރޭ ބުނެފި އެވެ.
ހެލްތު އިމަޖެންސީ އޮޕަރޭޝަން ސެންޓަރުގައި ރޭ ބޭއްވި މީޑިއާ ބްރީފިންގައި އެ ސެންޓަރުގެ ތަރުޖަމާނު އަދި އެޗްޕީއޭގެ މެޑިކަލް އޮފިސަރު ޑރ. ނަޒްލާ ރަފީގު ވިދާޅުވީ ރާއްޖޭން ކޮވިޑްގެ ކޭސްތައް ފެންނަން ފެށީއްސުރެ އެންމެ ބޮޑު ސަމާލުކަމެއް ދީގެން ކުރަމުން އައި އެއްކަމަކީ ކޮންޓެކްޓް ޓްރޭސިން ކަމަށެވެ. އެއީ ކޮވިޑް ކޮންޓްރޯލް ކުރެވޭނެ ކަމަށް މިހައިތަނަށް ފާހަގަކުރެވިފައިވާ އެންމެ މުހިއްމު ކަންތައް ކަމަށް ވެސް އޭނާ ވިދާޅުވި އެވެ.
"އެހެން ނަމަވެސް އަޅުގަނޑުމެންނަށް ކޮންޓެކްޓް ޓްރޭސިން ހަދަން ދަތިވޭ ރަނގަޅަށް ފުރިހަމަ މައުލޫމާތު އަޅުގަނޑުމެންނަށް، ޕޮޒިޓިވްވާ ބޭފުޅުން ނުދެއްވާ ކަމަށް ވަންޏާ. އަދި އެބޭފުޅުން މަސައްކަތްކުރައްވާ ތަންތަނުންނާއި އެ ބޭފުޅުންގެ އާއިލާ އާއި ރައްްޓެހިންނާ އެ ބޭފުޅުންނާ ދިމާވާ އެހެން މީހުން ވެސް އެ މައުލޫމާތު އަޅުގަނޑުމެންނާ ރަނގަޅަށް ހިއްސާ ނުކުރައްވާކަމަށް ވަންޏާ އަޅުގަނޑުމެންނަށް ރަނގަޅަށް ކޮންޓެކްޓް ޓްރޭސިންއެއް ކުރިއަކަށް ނުގެންދެވޭނެ،" ނަޒްލާ ވިދާޅުވި އެވެ.
ނަޒްލާ ވިދާޅުވީ ބައެއް މީހުން ޕޮޒިޓިވްވުމުން އެމީހުންނާ ކޮންޓެކްޓްވި މީހުންގެ މައުލޫމާތު ނުދީ އޮއްވައި އެހެން ގޮތް ގޮތުން އެނގޭ ކަމަށެވެ. ކޮންޓެކްޓުން އަމިއްލަ އަށް ގުޅާފައި މައުލޫމާތު ދޭ ފަހަރު ވެސް އަންނަ ކަމަށް އޭނާ ވިދާޅުވި އެވެ. އޭނާ ވިދާޅުވި ގޮތުގައި ބައްޔަށް ޕޮޒިޓިވްވާ ބައެއް މީހުން، އެމީހުން ދިޔަ ތަންތަނުގެ މައުލޫމާތު ނުދޭ އިރު، ހައިރިސްކް މީހުންނާ ކޮންޓެކްޓްވުމަށް ފަހު އެ މައުލޫމާތު ނުދީ ވެސް ތިބެ އެވެ. އެގޮތަށް ކަންތައް ކުރާ ނަމަ އެ ކުރެވޭ ކަމަކީ އެހެން ބަޔަކަށް ބަލިޖެހުމަށް މަގުފަހިކުރުން ކަމަށް އޭނާ ވިދާޅުވި އެވެ. ބަލި ކޮންޓްރޯލް ކުރަން އެޗްޕީއޭއިން ކުރާ މަސައްކަތް ފުރިހަމައަށް ކުރަން ވެސް އެކަމުން ހުރަސް އެޅެ އެވެ.
ކޮންޓެކްޓްވާ މީހުންގެ މައުލޫމާތު ފުރިހަމައަށް ދޭން އާއްމުންގެ ކިބައިން ނަޒްލާ ތަކުރާރުކޮށް އެދިވަޑައިގަތެވެ. ކަރަންޓީނުގައި ހުރި މީހަކާ ބައްދަލުވުން ކަހަލަ (ގަވައިދާ ހިލާފު) ކަމެއް ކުރެވިފައި އޮތަސް އެކަން އެޗްޕީއޭ އަަށް އަންގަން އޭނާ އެދިވަޑައިގެންނެވި އެވެ.
"އޭރުން އަޅުގަނޑުމެންނަށް އެ ބައްޔަށް ހުށަހެޅުނު އެންމެން، ރިސްކަށް ހުށަހެޅުނު އެންމެން ކަރަންޓީނުކޮށް، އެންމެން ޓެސްޓްކޮށް އެއްކޮށް ޓްރޭސްކޮށް ހެދޭނީ،" ނަޒްލާ ވިދާޅުވި އެވެ.
ކޮންޓެކްޓުންގެ މައުލޫމާތު އެންމެ ރަނގަޅަށް އެއްކުރެވޭނެ އެއްގޮތަކީ އެޗްޕީއޭ އިން ތައާރަފްކޮށްފައިވާ "ޓްރޭސް އެކީ" އެޕްލިކޭޝަން ބޭނުންކުރުން ކަމަށް ވާތީ އެ އެޕްލިކޭޝަން ފޯނަށް އަޅައި ބޭނުންކުރަން ނަޒްލާ އިލްތިމާސް ކުރެއްވި އެވެ.
ރާއްޖެއިން މިހައިތަނަށް ކޮވިޑް-19 ޖެހުނު މީހުންގެ އަަދަދަކީ 2،664 އެވެ. އޭގެ ތެރެއިން 13 މީހަކު މަރުވެފައިވާއިރު 2،268 މީހަކު ވަނީ ރަނގަޅު ވެފަ އެވެ. މިހާރު އެކްޓިވް ކޭސްގެ އަދަދަކީ 378 އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންމަނިކުބެ
14 July 2020
މަޢުލޫމާތު ނުދޭ މީހުންގެ ނަންތައް ހާމަކުރަންވީ.
ކުއްލިމޭން
12 July 2020
މައުލޫމާތެއް ނުދީގެން އެ ހިސާބުން އަޅާނުލާ ނިމޭނަމަ ކުއްލި ހާލަތެއް އިއުލާނުކުރުމުގެ ބޭނުމަކީ ކޮބާ. ކުއްލި ހާލަތު އިއުލާނުކުރީ އެހެންޏާ ނުލިބޭ ބާރުތަކެއް ބޭނުން ކޮށްގެން، ހައްގުތަކެއް ހިފަހައްޓައިގެން ވިޔަސް މިކަން ހަމައަކަށް އަޅުވަން ދެއްތޯ
ާާއަލިބެ
12 July 2020
ބަސްނާހާ އުޅޭ މީހުންވެސް ގިނަ އެއާއި އެކު ސަރުކާރުގެ ފިޔަވަޅުތައް އަދި ވަކިން ކަޑަ
އތނ
12 July 2020
ކޮންޓެކްޓް ޓްރޭސިންނަށް ކުރިން ސައްހަ މައުލޫމާތު ނުދިނުމުން ނަން ހާމަ ކުރައްވާނެ ވާހަކަ ވިދާޅުވި.... އެންމެންގެ ސަލާމަތަށް އެމީހަކު އަމިއްލެޔަށް ބުނެލުން ވެސް ރަގަޅު ވާނެ... ޕޮޒިޓްވް ވެއްޖެއްޔާ ދިމާވި މީހުން ޓެސްޓް ކުރެވޭނީ އަދި ކުރާނީ އެއިރުން...
އަސްލު.
12 July 2020
އެޗްޕީއޭ ސައިޓަށް ފޮޓޯލާންވީނު. މިހާރު ޕޮސިޓިވްވުން އެއީ މައްސަލައެއްނޫން، ލަދުގަންނަންވީކަމެއް ނޫން. އެހެންމީހުންގެ ރައްކަލަކަށް ފޮޓޯލުން މުހިންމީ. އެމީހަކު ޕޮސިޓިވްވި ދުވަހު ލާފަ ކޮރަންޓީން/ އައިސޮލޭޝަން ނިމުނީމަ ފޮޓޯ ސައިޓުން ނެގީމަ އެ ނިމުނީ. ޕޮސިޓިވްކޮށް ވިސްނީމަ ވާނެ!
ާާއަލިބެ
12 July 2020
ޕޮސިޓިވް ނެގެޓިވް އަނެއްކާ ޕޮސިޓިވް ދެން ނެގެޓިވް އެޗް ޕީ އޭ ކޯޗެއް މިހާވަނީ. ދުވާފަރު މީހުންވެސް 14 ދުވަހުގެ ކަރަންޓީން ނިމުނީމަ ޓެސްޓކޮށްފަ ފުރަތަމަ ނެގެޓިވް ކިޔާފަ ދޫކޮށްލާފަ އެމީހުން އެތައްބަޔަކާ ކޮންޓެކްޓް ވީމަ އަނެއްކާ ޕޮސިޓިވް. ދެން ކިހިނެތް މި ކޮންޓްރޯލްކުރަނީ. ޢެޗް ޕީ އޭ އަށް ހެދޭ ނުހެދޭ އިނގޭބާ
ހުއްޓި
12 July 2020
ކޮންޓެކްޓް ޓްރޭސިންގ ހެދުން ހުއްޓާލަންވެއްޖެނޫންތަ މިހާރު. ލޮކްޑައުންގަވެސް އެކަން އެންމެ ފުރިހަމައަށް ނުދިއައިމަ 0 އަށް އަދަދު ތިރިނުވި. މިހާރު އެކަން އެއަށްވުރެ ރަގަޅަށް ކުރަން އުޅުން އެއީ ނުކުރެވޭނެކަމެއް. މީހުންގެ ހަނދާން އެއީ 100% ރިލައިބްލް އެއްޗެއް ނޫން. މީހުންގެ ބަހަކީ 100% ތެދެއްނޫން. އެޕްއަކީ އޮން ނުކުރެވިދާނެ އެއްޗެއް. މާސް ޓެސްޓިންގއެއް ނުހެދޭނެނަމަ ބަލީގަ ބޮޑުވަރުވާނެކަމަށް ލަފާކުރެވޭ މީހުންނަށް އަޅާލުމަށް ރެޑީވުން މާ ރަގަޅުވާނެ.
ހިބަޅި
12 July 2020
މަޢްލޫމާތު ނުދެންޏާ ދައުލަތުގެ ފައިސާއިން ބޭސްފަރުވާ ނުދީ. އެފަދަ މީހުންނަށް ބޮޑުވެގެންވާ އަގެއްގަ ފަރުވާ އިންސާނިއްޔަތަށް ކޮއްދީ
އަބްދޫ
12 July 2020
މައުލޫމާތު ނުދެނިކީ ނޫން ދިމާވާ ހުރިހާ މީހުންނަކި ބައްދަލުވާ ހުރިހާ މީހުންނަކީ މަރުމަތިން ވާހަކަދައްކާ ހުރިހާ ފަރާތްތަކަކީ ރައްޓެހިންނެއްނޫން ގިނަވާނީ ދެކެފަރިތަ މީހުން. މަގުމަތިނަ މީހުން ހުއްޓުވާފަ މިކުރާ ޓެސްޓްތަކަކީ ބޭކާރުކަމެއް . ލޮކްޑައުންގަ މުޅިމާލެ ޓެސްޓް ކުރިނަމަ މިހާރު މިގައުމުގަ ކޮވިޑް ނޯންނާނެ.
އތނ
12 July 2020
ހުޅުމާލޭ ފްލެޓްތަކުގަ ރެންޑަމް ޓެސްޓް ހެދިއިރު މާލޭގެ ގެތަކުގަ ވެސް ރެންޑަމް ޓެސްޓް ހަދާލުން ރަގަޅު... ރެންޑަމް ޓެސްޓް ހެދުމަކީ ރަގަޅު ކަމެއް...
އިޙްސާސް
12 July 2020
އަލުން ލޮކްޑައުންކޮށް މުޅިމާލޭގައި އުޅޭ އެންމެން ޓެސްޓުކުރަންވީ. ނެގެޓިވްވާ މީހުން އެހެން ސޭފް ތަނަކަށް ބަދަލުކުރަންވީ.