27 ޖުލައި 2020 - 16:05
3 comments
ރ. އިނގުރައިދު އަށް ގޮސް ހޯމް ކަރަންޓީންގައި ތިބި ދެ ބިދޭސީއަކު ކޮވިޑް-19 އަށް މިއަދު ޕޮޒިޓިވް ވެއްޖެ އެވެ.
އިނގުރައިދޫ ސިއްހީ މަރުކަޒުގެ އޮފިޝަލަކު "މިހާރު" އަށް ވިދާޅުވީ އެއީ މި މަހުގެ 11 ވަނަ ދުވަހު އެ ރަށަށް ދިޔަ ދެ މީހަކު ކަމަށެވެ. އެ މީހުން ކޮވިޑް-19 އަށް ޕޮޒިޓިވްވިކަން އެނގުނީ ކަރަންޓީން ނިންމުމަށް ފަހު ހެދި ދެވަނަ ޓެސްޓުން ކަމަށް ވިދާޅުވި އެވެ.
އޮފިޝަލް ވިދާޅުވީ އެ ދެ ބިދޭސީން އަނެއްކާ ވެސް މިހާރު ތިބީ އިތުރު 14 ދުވަހަށް ކަރަންޓީން ކޮށްފައި ކަމަށާއި އެ މީހުންގެ ކޮންޓެކްޓް ޓްރޭސިންގެ މަސައްކަތް އެޗްޕީއޭ އިން ކުރިއަށް ގެންދާ ކަމަށެވެ. ނަމަވެސް އެއީ ހޯމް ކަރަންޓީންގައި ތިބި ބައެއް ކަމަށް ވުމުން އިތުރު އެއްވެސް ކޮންޓެކްޓެއް ހުންނާނެ ކަމަށް ނުބެލެވޭ ކަމަށް އޭނާ ވިދާޅުވި އެވެ.
އިނގުރައިދޫ ކައުންސިލްގެ ރައީސް އިސްމާއިލް އަބްދުއްރަޝީދު މިއަދު ވިދާޅުވީ، ދެ ބިދޭސީންނާ އެކު އިތުރު ހަ މީހަކު އެ ރަށަށް ދަތުރުކުރި ކަމަށެވެ. އެކަމަކު، އެ ހަ މީހުން ވެސް ތިބީ ހޯމް ކަރަންޓީންގައި ކަމަށް ވިދާޅުވި އެވެ.
"ދެން އައީ މި ރަށު މީހުން. މި ދެ މީހުންނަކީ ވެސް ރަށުގައި މަސައްކަތް ކުރުވަން ވެގެން ބަޔަކު އަލަށް މި ރަށަށް ގެނައި ދެ މީހެއް" އިސްމާއިލް ވިދާޅުވި އެވެ.
މާލެ އިން ރަށްރަށަށް ދާ މީހުން 14 ދުވަހަށް ކަރަންޓީންގައި ތިބެން ޖެހެ އެވެ.
މިގޮތަށް ރަށްރަށަށް ފޮނުވާ ބައެއް މީހުން މީގެ ކުރިން ވެސް ޕޮޒިޓިވް ވެފައި ވެއެވެ. އެގޮތުން ރ. ދުވާފަރާއި ކ. ހިންމަފުށީގެ އިތުރަށް ގއ. މާމެންދު އާއި، ބ. ތުޅާދޫ އިން ވެސް ހޯމް ކަރަންޓީންގައި ތިބި މީހުން ކޮވިޑް-19 އަށް ޕޮޒިޓިވްވެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީތި މޫސަ
28 July 2020
ރައްކާތެރިކަމާއި،އެކުއުޅެފިނަމަ އިރާދަފުޅުން ރޯގާނުފެތުރޭނެ އިނގުރައިދޫގެ ރައްޔިތުން ރަށްކާތެރި ކުރަށްވާށި އާމީން
ކަސަބު
27 July 2020
އިރާދަކުރެއްވިއްޔާ ރަނގަޅުވާނެ. ރަށުން އިތުރު ބަޔަކު ޕޮޒިޓިވް ނުވާނެ.
ގަޓް ބްރޯ
27 July 2020
މިދުވަސްވަރު ކުރާނެ މަސައްކަތެއް ނުލިބިގެން މާލެތެރޭ ގަވައިދާ ޚިލާފަށް އުޅޭ ބިދޭސީން ވަރަށް ގިނަ. އެހެންވީމަ މިދަނޑިވަޅުގެ ބޭނުން ހިފާ ހެޔޮއަގުގަ އެމީހުން ރަށްރަށަށް ގެންދާނެ. މިއީ އެންމެންގެ ސަލާމަތަށްޓަކާ ސަރުކާރުގެ ކަމާބެހޭފަރާތްތަކުން ފާރަވެރިވެ ހުއްޓުވަންޖެހޭނެ ކަމެއް. މާލާގަ ފެތުރެމުންދާވަރަށް އަތޮޅުތެރޭ ރަށްރަށުގަ ބަލި ފެތުރެންފަށައިފިނަމަ ރައްޔިތުންގެ ދުވަސްދިއައީ. އެޑްމިޓްކޮށް ފަރުވާދެވޭނެ ގޮތެއްވެސް އޭރަކުން ނޯންނާނެ.