ޚަބަރު / ފައްޔާޒު އިސްމާއިލް (ކުރީގެ މިނިސްޓަރު)

އިތުބާރު ގެއްލޭވަރުގެ އެއްވެސް ކަމެއް ކޮށްފައެއް ނޯންނާނެ: ފައްޔާޒު

މިނިސްޓަރު ފައްޔާޒު، ނޫސްވެރިންނާ ވާހަކަ ދައްކަވަނީ.---ފައިލް ފޮޓޯ: މިހާރު

12 އޯގަސްޓް 2020 - 15:13

އޭނާގެ އިތުބާރު ނެތްކަމުގެ މައްސަލައެއް ރައްޔިތުންގެ މަޖިލީހަށް ވައްދަން އެމްޑީޕީގެ މެމްބަރުން މަސައްކަތް ފެއްޓެވިޔަސް، އިތުބާރު ގެއްލޭ އެއްވެސް ކަމެއް މިހާތަނަށް މި ސަރުކާރުގައި ހުންނަވައިގެން ކުރައްވާފައި ނުވާނެ ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް މިއަދު ވިދާޅުވެއްޖެ އެވެ.

މި ސަރުކާރުގެ އެންމެ ނުފޫޒުގަދަ ވަޒީރުންގެ ތެރޭގައި ހިމެނިވަޑައިގަންނަވާ ފައްޔާޒުގެ އިތުބާރު ނެތްކަމަށް ފާސްކުރަން މަޖިލީހަށް ހުށަހަޅަން މިހާތަނަށް ވިއްސަށް ވުރެ ގިނަ ސޮއި ހޯދާފައިވާއިރު، އެ ލިޔުމުގައި އެންމެ ފުރަތަމަ ސޮއިކުރައްވާފައި ވަނީ ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ކަމަށް އެ ލިޔުން ފެނިވަޑައިގެންނެވި މެމްބަރަކު "މިހާރު" އަށް ވިދާޅުވި އެވެ.

ލިޔުމުގައި ސޮއިކުރުން މިއަދު ވެސް މަޖިލީހުގެ އިދާރާގައި އެމްޑީޕީގެ ބައެއް މެމްބަރުން ކުރިއަށް ގެންދެވި އެވެ.

މިކަމާ ގުޅިގެން ފައްޔާޒު "މިހާރު" އަށް ވިދާޅުވީ، އޭނާ މިހާތަނަށް ކުރެއްވި ކޮންމެ ކަމެއް ކުރައްވާފައި ވާނީ ރައީސް އިބްރާހިމް މުހައްމަދު ސޯލިހުގެ ސަރުކާރުގެ ދިފާއުގައި ކަމަށެވެ.

"އަޅުގަނޑުގެ ހުރިހާ ވަގުތަކާއި ހުރިހާ ކަމެއް މި ކުރަނީ ރައީސްގެ މެނިފެސްޓޯ ތަންފީޒު ކުރަން. އަޅުގަނޑު ހީކޮށްގެން މި ހުރީ ވަރަށް ރަނގަޅަށޭ އަޅުގަނޑަށް މަސައްކަތް މި ކުރެވެނީ،" އޭނާ ވިދާޅުވި އެވެ.

"އަޅުގަނޑު ވެސް މިހާރު މި ހުރީ [އިތުބާރު ނެތްކަމަށް ފާސްކުރަން ސޮއި ހޯދާތީ] ވެގެން އުޅޭ ގޮތެއް ނޭނގިފައި. އެއްވެސް މައްސަލައެއް އުޅޭ ކަމަކަށް ވެސް އެނގިފައެއް ނެތް."

ފައްޔާޒު ވިދާޅުވީ، އޭނާ ނިސްބަތްވާ އެމްޑީޕީގެ ތެރެއިން އެވަރުގެ ކަމެއް ކުރިއަށް ގެންދާއިރު، ކުރިން ހިއްސާކުރި ނަމަ ރަނގަޅުވީސް ކަމަށެވެ.

"...ދެން އެ ބޭފުޅުންނަކީ މަޖިލިސް މެމްބަރުން. އެ ބޭފުޅުންނަށް އިތުބާރު ނެތްކަމަށް ފެންނަ ނަމަ އެ ބޭފުޅުން ކުރައްވާ ކަމެއް ކުރައްވާނެ. އެކަމާ އަޅުގަނޑުގެ އެއްވެސް މައްސަލައެއް ނެތް،" ފައްޔާޒު ވިދާޅުވި އެވެ.

ފައްޔާޒުގެ އިތުބާރު ނެތްކަމުގެ މައްސަލަ ހުށަހަޅަން އެމްޑީޕީގެ ބައެއް މެމްބަރުން ބޭނުންވާ ސަބަބަކީ މި ސަރުކާރު ވެރިކަމަށް އައުމަށް ވި ވައުދުތައް އޭނާ އަށް ފުއްދައި ނުދެވުން ކަމަށް އެ މައްސަލައިގެ ލިޔުން ފެނިވަޑައިގެންނެވި މެމްބަރަކު ވިދާޅުވި އެވެ.

BREAKING: Minister Fayyaz ge ithubaaru neiykamuge massala eh majileehah vadhan soi hoadhanee

The most trusted news source in the Maldives

Mihaaru

ވަޒީރެއްގެ އިތުބާރު ނެތްކަމުގެ މައްސަލައެއް މަޖިލީހަށް ހުށަހެޅޭނީ މަޖިލީހުގެ ގަވައިދު ބުނާގޮތުން 10 މެމްބަރުންގެ ސޮޔާ އެކު އެވެ. އެ އަށް ވުރެ ގިނަ މެމްބަރުންގެ ސޮއި މިހާރު ވަނީ ހޯދައިފަ އެވެ.

ވަޒީރެއްގެ އިތުބާރު ނެތްކަމަށް މަޖިލީހުން ފާސްކުރަން ބޭނުންވާނީ މަޖިލީހުގެ ޖުމްލަ މެމްބަރުންގެ އަޣުލަބިއްޔަތެވެ. އެއީ 43 މެމްބަރުންނެވެ.

ރައްޔިތުންގެ މަޖިލީހުގައި މިހާރު އޮތީ، ވެރިކަން ކުރާ ކޯލިޝަންގެ މައި ޕާޓީ އެމްޑީޕީގެ ސުޕަ މެޖޯރިޓީ ކަމަށް ވުމުން އެތަނުން އެއްވެސް ކަމެއް ފާސްވާނީ އެ ޕާޓީގެ މެމްބަރުންގެ އެހީތެރިކަމާއި ފުރިހަމަ ބައިވެރިވުން އޮވެގެންނެވެ.

ފައްޔާޒު އިސްމާއިލް (ކުރީގެ މިނިސްޓަރު) އިކޮނޮމިކް މިނިސްޓަރު ރައްޔިތުންގެ މަޖިލިސް އިތުބާރުނެތްކަމުގެ ވޯޓް ކެބިނެޓް ދިވެހި ސަރުކާރު ކުރީގެ މެމްބަރު އިބްރާހީމް މުހައްމަދު ދީދީ އެމްޑީޕީ

43 ކޮމެންޓް, 75 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝޮކްތެރަޕީ

13 August 2020

ރައްޔިތުން ހައްދައިގެން ޑުރާމާ ކުޅެނީ އެމްޑީޕީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިޔާލު

13 August 2020

މައުމޫނުގެ ދައުރުގައި ފަސް ފަޅުރަށް ރިސޯޓު ހަދަން ލިބި އެއްރަށް ވެސް ޑިވެލޮޕް ނުކުރެވި ކުންފުނި ބަނގުރޫޓުވާން ކައިރިވެ ހުރިހާ ރަށެއް ވިއްކާލަން ޖެހުނު ކުންފުންޏެއްގެ ބޮޑުމީހާ އާއި އާއިލާގެ ވަޑާންގެ ހިންގަން ހަވާލުކުރުމުން އެތަން ބަނގުރޫޓުކޮށްލި މީހެއްގެ ހަނގުރާމަ. ޕޮޕްކޯން ރެޑީކޮށްގެން މިތިބީ ކުޅިބަލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލީން

13 August 2020

އިތުބާރު ގެއްލޭކަމަކަށް މިނިސްޓަރ ކޮށްފައި އޮތީ އެންމެ ކަމެއް، އެއީ ބަރުލަމާނީ ސިސްޓަމްގެނަން ދެކޮޅު ހެދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުންމާރި ދަހަނާ

12 August 2020

ކޮވިޑް ރިކަރީފަންޑުން އަވަސް އަރުވާލާފަ ގާތް މީހުންނަށް ބައިއަޅާލިއިރު ކަންމަތީ ފިހާރަ ހިންގާ ސޮރާއި ފަހާމީހާ އާއި މަސްވެރިޔާއަކަށް ފުރުސަތެއް ނުލިބޭ. ހުރިހާ އެޕްލިކޭޝަނެއް އެއޮތީ ވަޒީރުބޭފުޅާގެ ޑެސްކުމަތީ ބަންޑެލިކޮށް. ބޭރުމީހުން ހިތުހުރި ގޮތަކަށް އުޅެން ދޫކޮށްލަނީ ވެސް ކޮންމެވެސް ވަޒީރު ބޭފުޅެއްގެ ރުހުމުގާ. އަދި ގުޅިފައި ތިބި ވަޒީރު ބޭފުޅުންތަކެއް ވެގެން އެމީހުންގެ ހުރިހާ ވިޔަފާރި ޕާޓްނަރުންތަކެއް ސަރުކާރު ކުންފުނިތަކަށް އަތްގަދަކޮށްފި. ނުފުދޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިލަފަޅު މޫސަ

12 August 2020

ދިވެހިން ހާލުގައި ތިބިއިރު ބިދޭސީންނަށް ގުޅީފަޅުގައި މަރުކަޒު އަޅާދީ ރައްވެހިކަންދޭން އެންމެ ބޮޑަށް މަސަތްކަތްކުރާ މީހާ ވަޒީރަށް އިތުބާރެއް ނުކުރެވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްކިޕަރ

12 August 2020

މިނިސްޓަރ އަމީނާއި، މިނިސްޓަރ އަސްލަމާއި، މިނިސްޓަރ ފައްޔާޒާއި، މިނިސްތަރ އިމްރާނާއި، މިނިސްޓަރ ޒާހިރާއި، މިނިސްޓަރ އަމީނާއި، މިނިސްޓަރ މައުސޫމާއި މިފަދަ ބޭބޭފުޅުން ނަޝީދަށް ކިޔަމަން ނުވާތީ އެމީހުން ދުއްވާލާފައި އެންޑީޕީ ހާޑްކޯ ކުދިންކޮޅެއް ވަޒީރުކަމަށް އައްޔަންކުރަން ނަޝީދު ބޭނުމީ. އޭރަށް މިނިސްޓްރީތައް ފެއިލް ވީމާ ރިޔާސީ ނިޒާމެއްގައި ވެރިކަން ރަގަޅަށް ނުކުރެވޭނެޔޭ ކިޔާފައި ބަރުލަމާނީ ނިޒާމަށް ބަދަލުކޮށް ބޮޑުވަޒީރުކަމާ ހަވާލުވުން މިއީ ޕްލޭން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންނާޑި

12 August 2020

ވެންތިލޭޓަރުތައް އަދިވެސް ނުލިބޭ ބިދޭސީންގެ މައްސަލަތައްވީ އިތުރު ކޮވިޑް ހަރަަދު ބޮޑު އިސްރާފު ، އާއިލާ އަމިއްލަ ވިޔަފާރިތަކުގެ ބަދަލު 80 މިލިއަން އަމިއްލަ ހިއްސާވާ ރިސޯޓު ސަރަހައްދު ލޭންޑް ރެންޓް ކުޑަކުރުން.... އެސްއެމްއީ ލޯނުދޫކުރުމަގައި އަމިއްލަ މަސްލަހަތު...އިތުބާރެއްނެތް...ބޭރުކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިބޫ

12 August 2020

މުޅި ސަރުކާރުގެ ކޮންޓްރޯލް ނަގަން މަސައްކަތް ކުރަނީ، މުޅިސަރުކާރުގެ ބާރުގަދަ ހުރިހާ މިނިސްޓަރުން ތިބީ މީނަގެ ކޮންޓްރޯލް ދަށުގަޔޯ، މީނަ ކޮންޓްރޯލް ކުރާ މެންބަރުންވެސް މަޖިލީހުގަ އެބަތިބި. މިނަޔަކީ ސިޔާގޮތުން މިގައުގަ މާބާރުގަދަ މީހެއްބާ ބްރޯ ހެދިފަ މިހުންނަނީ.