އިކޮނޮމިކް މިނިސްޓަރު ފައްޔާޒް އިސްމާއީލް. އޭނާ ވިދާޅުވީ ސަރުކާރުން ބޭނުންވާ ކަންކަމާ މެމްބަރުންނާ އަދިވެސް ގުޅުއްވާނެ ކަމަށް.
14 އޯގަސްޓް 2020 - 18:48
59 comments
ސަރުކާރުން ބޭނުންވާ ކަންތައްތަކުގައި ރައްޔިތުންގެ މަޖިލީހުގެ މެމްބަރުންނާ ގުޅުއްވައި، ވާހަކަ ދައްކަވާފައި ވާނެ ކަމަށާއި އަދިވެސް އެ ކަންކަމުގައި އެ ބޭފުޅުންނާ ގުޅުއްވާނެ ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް ރޭ ވިދާޅުވެއްޖެ އެވެ.
ރާއްޖެ ޓީވީގެ "ފަލަ ސުރުޚީ" ޕްރޮގްރާމްގައި ކުރި ސުވާލަކާ ގުޅިގެން ފައްޔާޒް ވިދާޅުވިއިރު، އޭނާގެ އިތުބާރު ނެތްކަމުގެ މައްސަލައެއް ރައްޔިތުންގެ މަޖިލީހަށް ހުށަހަޅުއްވަން ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ވަނީ އެ ޕާޓީގެ މެމްބަރުންގެ ސޮއި ހޯއްދަވަން ފައްޓަވައިފަ އެވެ. އެމްޑީޕީގެ ގައުމީ މަޖިލިހުގެ މެމްބަރުން ތިއްބަވާ ވަޓްސްއެޕް ގުރޫޕުގައި ނަޝީދު އިއްޔެ ލިޔުއްވި ވާހަކަފުޅުތަކުން ދޭހަވަނީ، ފައްޔާޒާ ދެކޮޅަށް ސޮއި ހޯއްދަވާ މައިގަނޑު އެއް ސަބަބަކީ މި ސަރުކާރުގެ "ބްރޯ" އަކަށް ވުމުގެ ފުރުސަތު އޭނާ އަށް ނުދެއްވުމަށެވެ.
"މި ފެންނަނީ ފަޔާ މީހުންނަށް ބޮޑު ދައްކައި ނުފޫޒު ފޯރުވައި ކޮންޓްރެކްޓް ދީ ހުރިހާ ތަނަކަށް އައި ލަސްތަން. އެހެނެއް މިކަމެއް ނުވާނެ،" ވަޓްސްއެޕް ގުރޫޕުގެ މެސެޖުތަކުގެ ތެރެއިން އެއް މެސެޖެއްގައި ނަޝީދު ވިދާޅުވެފައި ވެ އެވެ.
ފައްޔާޒު ރޭ ވިދާޅުވީ، މެމްބަރުން އެދިވަޑައިގަންނަވާ ކަންތައްތަކުގައި މިނިސްޓަރުންނާ ވެސް ހަމަ އެގޮތަށް ވާހަކަ ދައްކަވާ ކަމަށެވެ. އެކަމުގައި މެމްބަރުން ނިސްބަތްވާ ޕާޓީ އަށް ބައްލަވާފައި ނުވާނެ ކަމަށާއި މުއާމަލާތު ކުރައްވަނީ ރައްޔިތުން ތަމްސީލު ކުރައްވާ މެމްބަރުންނާ ކަމަށް ވެސް އޭނާ ވިދާޅުވި އެވެ.
"ބްރޯ" ހެދިގެން [ނުފޫޒު ގަދަ ވަޒީރަކަށް ވެވަޑައިގެން] އުޅުއްްވާ ކަމަށް ފައްޔާޒަށް ކުރެވޭ ތުހުމަތާ ގުޅުވައި ދައްކާ ވާހަކަ އަށް ރައްދު ދެއްވަމުން ފައްޔާޒު ވިދާޅުވި ގޮތުގައި، މެމްބަރުން އެދިވަޑައިގަންނަވާ ކަންކަމުގައި މިނިސްޓަރުންނާ ވާހަކަ ދެއްކެވުމާއި ސަރުކާރުން ބޭނުންވާ ކަންކަމުގައި މެމްބަރުންނާ ވާހަކަ ދެއްކެވުމަކީ އޭނާ "ވަރަށް ގަދަ އަށް" ކުރައްވާ ކަމެކެވެ. އޭގެ ތަފްސީލު ދެއްވަމުން ވިދާޅުވީ މެމްބަރުން ގުުޅުއްވަނީ އެ މެމްބަރެއްގެ ދާއިރާއާ ގުޅޭ ކަންތައްތަކުގައި ކަމަށެވެ.
"ދާއިރާއެއްގައި ހުރި ދަތިކަަމެއް، ދާއިރާގައި ހުރި ރައްޔިތަކަށް އޮތް ދަތިކަމެއް، އެހީތެރިކަމެއް ބޭނުންވާ ކަމެއްގައި ކޮންމެ މެމްބަރަކު ގުޅިޔަސް އަޅުގަނޑަށް ވީ ވަރަކުން އެކަމެއް ކޮށްދީފައި ވާނީ. ހަމަ ކުރިން މި ދެންނެވިހެން އެހެން މިނިސްޓްރީއަކާ ގުޅައިގެން ވެސް އަޅުގަނޑަށް ވީ ވަރަކުން އެެ ކަންކަން ކޮށްފައި ހުންނާނީ،" ފައްޔާޒު ވިދާޅުވި އެވެ.
މެމްބަރުންނާ ކުރައްވާ މުއާމަލާތުގެ އަނެއް ފަރާތް ވެސް އޭނާ ވަރަށް ތަފުސީލުކޮށް ވިދާޅުވި އެވެ. އެ ތަފްސީލު ދެއްވީ މިނިވަން މުއައްސަސާއަކަށް ސަރުކާރުން ބޭނުންވާ މީހަކު އައްޔަން ކުރަން މެމްބަރުންނާ ގުޅުއްވައި ލޮބީ ކުރެއްވިންތޯ ޕްރެޒެންޓަރު ސުވާލު ކުރުމުންނެވެ.
"... ދެން ތިޔަ ވިދާޅުވީ މިނިިވަން މުއައްސަސާއަކަށް މީހަކު ލާން ނޫންނިއްޔާ ސަރުކާރުން ބޭނުންވާ ގޮތަކަށް ކަމެއް ކުރަން [ގުޅަންތޯ]. ޔެސް. އެއީ ސަރުކާރަކީ. ރައީސުލްޖުމްހޫރިއްޔާ ވަކި ބޭފުޅުންތަކެއްގެ ނަން މިނިވަން މުއައްސަސާއަކަށް ނޫނީ ތަނަކަށް ލާން ފޮނުއްވީމާ، އަޅުގަނޑަކީ ސަރުކާރު، އަޅުގަނޑަކީ ރައީސުލްޖުމްހޫރިއްޔާ މިތާ ބަހައްޓަވާފައި ހުންނަ މީހެއް،" ރައީސް އިބްރާހިމް މުހައްމަދު ސޯލިހުގެ ފަރާތްޕުޅުން ބައެއް މެމްބަރުންނަށް ގުޅުއްވާކަން ދޭހަވާ ގޮތަށް ފައްޔާޒު ވިދާޅުވި އެވެ.
އޭނާ ވިދާޅުވި ގޮތުގައި، ސިޔާސީ ނިޒާމު ބައްޓަން ވެފައި އޮންނަނީ އެހެންނެވެ. ރައްޔިތުންގެ މަޖިލީހުގައި ވެސް ލޮބީކުރަން ޖެހެ އެވެ. މަޖިލީހަށް ސަރުކާރުން ބިލެއް ފޮނުވާފައި އެ ބިލް ފާސްކުރަން ބޭނުންވުމުން، އެ ބިލަށް ލޮބީ ކުރައްވާނެ ކަމަށް ވިދާޅުވި އެވެ. އެ ބިލެއް ފާސްކޮށްދިނުމަށް އެދިވަޑައިގެން އެމްޑީޕީގެ މެމްބަރުންނާއި އެ ނޫން މެމްބަރުންނާ ވެސް ގުޅުއްވާނެ ކަމަށް ފައްޔާޒު ވިދާޅުވި އެވެ.
އޭނާ ވިދާޅުވީ، އެއީ އެއްވެސް މައްސަލައެއް ކަމަކަށް ގަބޫލެއް ނުކުރައްވާ ކަމަށެވެ. އެއީ މައްސަލައެއް ކަމަށް އެއްވެސް ބޭފުޅަކު ދެކެވަޑައިގަންނަވާ ނަމަ މި ނިޒާމުގައި މަސައްކަތް ކުރާނެ ގޮތެއް އެނގިވަޑައިނުގަންނަވާ ކަމަށް ފައްޔާޒު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫބެއްޔާ
15 August 2020
ސަރުކާރު ވަކި މިނިސްޓަރެއްގެ މުޝުތެރެއަށް ލާން ފުރުސަތު ދިނުމަކީ ދިވެހި ރައްޔިތުންގެ އުއްމީދު ކުރި ބަދަލުގައި ކޮޅުފައިން ޖެހުން. ސުވާލަކީ މިހާލަތުގައި ރައީސެއްގެ ބޭނުމެއް އެބައޮތްތޯ؟ އޯލް އިން ވަން މިނިސްޓަރެއް ހުރީމާ ހުރިހާ ކަމެއްގެ ހައްލު ލިބުނީ ނޫންތޯ؟ އަދީބު ހިންގެވި މަގުން ހިންގަވާ މިދައުލަތް ދަރުވާލައިގެ ގައުމު ފަސާދަކުރަން ފުރުސަތުދީގެން ހަމަ ތިބެންވީތޯ؟ މިނިސްޓަރަކަށް ބިރުން މަޖިލީސް މެމްބަރުން ހައްޤުބަސް ނުބުނެ ފިލާ ތިބޭނީ ނާޤާބިލުވީމާ.
އޮނަރަބްލް އަފީފު ދީދީ
15 August 2020
އަޅުގަނޑަކީ ސަރުކާރޭ؟! ތިގޮތަށް "ކަޅު އަނދިރީގައި" މިދައުލަތް ހިންގާކަށްނޫން ރައީސް ސޯލިޙް އާއި ވެރިކަން ޙަވާލުކޮށް އެމްޑީޕީއަށް މަޖިލީހުގެ މެންބަރުކަން ދީފައިވަނީ. # ސަރުކާރުވަޒީރުން ތިގޮތަށް "ސިއްރިޔާތުގައި" ޤާނޫނުހަދާ މަޖިލިސް މެންބަރުންނަށް ކަންކަންހުށަހަޅުއްވާނަމަ ދެން ފެންނާނީ ދައުލަތުގެ އެންމެ ޙާއްސަ އެއްބާރު ކަމުގައިވާ އުއްތަމަ ފަނޑިޔާރު މަނިކުފާނަށާއި ސްޕްރީމްކޯޓްގެ ފަނޑިޔާރުންނާއި ބައްދަލުކޮށް "ލިޔެކިއުމުން ފެންނާންނެއް" ހުށަހެޅުންތައް ހުށަހަޅާތަން.
ދަޔާ ނަޝީދު
15 August 2020
"އަޅުގަނޑަކީ ސަރުކާރު، އަޅުގަނޑަކީ ރައީސުލްޖުމްހޫރިއްޔާ"
އައްޑޫބެއްޔާ
15 August 2020
މަޖިލިސް މެމްބަރުންނަށް ޤަބޫލު ކުރެވިފައި އޮންނަނީ މިނިސްޓަރ ފަޔާ އަކީ ސަރުކާރުގެ ހުރިހާ ކަމެއް ކޮންޓްރޯލް ކުރައްވާ ބޭފުޅާ ކަމަށް. ކޮންމެ ކަމެއްގެ ހައްލު އޮތީ އެބޭފުޅާ އަތުގައި ކަމަށް. ރައީސް އިބޫ އަށް ނުކުރެވޭ ނިންމެވޭ ކަންކަން ފަޔާ ނިންމަވައި ދެއްވާނެ ކަމަށް. މިމަންޒަރު ރ.ޔާމީނުގެ ސަރުކާރުގައިވެސް ތަޖުރިބާ ކުރެވުނު. ރ.ނަޝީދު އެވިދާޅުވަނީ އެއީ ގޯހެކޭ. ދެކޮޅޫ ހައްދަވާ މެމްބަރުންނަކީ ނުފޫޒުގެ ދަށުގައި ތާސިވެފައި ތިބި މެމްބަރުން. ހޯދާ ބެލީމާއިގޭނެ
ހަކީމް
15 August 2020
މީނާގެ އަމަލުތަށް އެހުރީ އަދީބު ގެ ބްރޯ ގެ ފެށުމާ ވަރަށް ވައްތަރުކޮށް. މީނަދިމާލަށް އެބުނަނީ ކަންހިނގަނީ މިހެންނޭ. މަޖްލިސް މެމްބަރުން ވަކި މީހަކު މެދުވެރިކޮށް ކަންކަން ކުރަން ޖެހެންޏަ އެއޮތީ މުޅިން ސަކަރާތް ވެފަ. ގިނަ ދިވެހިން ހަދާން ހުންނާނެ އަދީބު ބްރޯ ބާރުގަދަ ވީވަރު. ހުދު ޔާމީނުވެސް ވަކި ހިސާބަކުން ޖެހުނީ އޭނާ ފެއަށް ޖަންސަން. ބާރާއި ނުފޫޒަކީ އިންސާނާ މޮޔަކޮއްލާ އެއްޗެއް. ދެން މ.ޑ.ޕ ގެ މަތި ފަޑީގައި ތިބި މީހުންނަށް އެނގޭނީ ނިންމާނެ ގޮތެއް. ..
ވިސްނާލުމަށް އެދެމޭ
15 August 2020
ކޮބާ ނޯކޮފިޑެންސް ވޯޓުނަގާ ނި މުނީތޯ...ކުރި މަގުގަ ކުރާނެކަންތައްތަ ހާ މަކުރަނީ... މިފަހަރުގެ އެޕިސޯޑްގެ ހީރޯއަކީ ފައްޔާޒު..އިއްތިފާގުން ގުރުއަތުން ދި މާވިގޮތް...އެޖެންޑާގަ އޮތްގޮތަށް ކޮއް މެ މަހަކު އެކެއް ނޫނީ ދެ އެޕިސޯޑް މަޖުލިހުގަ އަޅުވާނެ...އެޕިސޯޑު ނި މެނީ މުލިއާގެއިން ސެލްފީއަކުން.. މީވަރަށް ވާހަކަ ދޭހަވާ މީހަކަށް ދޭހަވާނެ..އޮގަސްޓް15އަށް ސީރީޒުގެ ހާއްސަ ސީނެ ނަގަންޖެހުނީ..އަޕުނާ ބެއްޔާކާ ބާތް ޖޭބާރާތު. އިންޑިޔާކަނޑުގެ ފުން މިނަށްވުރެ ފުނުގަސްކްރީންޕްލޭތައްޔާރުކުރަނީ.
މުޅިޢޮޑިގަ ހަސަނުގެދެފައި
15 August 2020
" އަޅުގަނޑަކީ ސަރުކާރު،". ކުރިން ހީކުރިން ފައްޔާޒަކީ ވަރަށް ޖެނުއިން ކުރަން ހަވާލުވި ކަންކަން ކުރައްވާ ބޭފުޅެއްކަމަށް. އެކަމަކު ފައްޔާޒަކީ ސަރުކާރުކަމަށް ޤަބޫލު ކުރަމޭ ބުނާނަަމަ ތިޔައި ވަރަށް ދެރަގޮތެއް. ފައްޔާޒަކީ ސަރުކާރެއްނޫން، ހަމައެކަނި ސަރުކާރުގެ ބައެއް. ތިބޭފުޅާގެ މަސްއޫލއްޔަތުތައް މަދީކީނޫން. އަދި ހަވާލުވެހުރި ހުރިހާކަމެއް އެންމެ ރަނގަޅަށް ހިނަނީކީވެސްނޫން. ދެން މުޅި އޮޑިގަ ހަސަނުގެ ދެފައިވެގެން އުޅެންވީ ސަބަބެއްނެތް. ޢިހްތިރާމް.
ނުވިސްނޭ
15 August 2020
ސަރުކާރު (އަޅުގަނޑު މީ ސަރުކާރު)މި ވިދާޅުވަނީ އިބޫގެވެރިކަން ދެމެހެއްޓުމައް އިބޫ ވިދާޅުވެގެން މެންބަރުންނަށް ފޭވަރ ކޮއްދެމޭ. ޕުރޮޖެކްޓް ވެސް ފޭވަރ ގެ ގޮތުގަ ހޯދާދެމޭ. މިކަން ގާނޫނީ ގޮތުން އޯކޭ ބާ.؟ ބާރުވެރިކަން ހޯދުމައް އެތައްބައެއްގެ ހައްގު ގެއްލޭ ގޮތައް ޕުރޮޖެކްޓް ތައް ތިޔޮއް އޮޅާލަނީ.
އުދުހޭ
15 August 2020
ބްރޯ ހެދެން ޖެހެނީ ހަމައެކަނި އަންނިތަ؟ ކެނެރީ ޚާންދާނު ފިޔަވާ އެހެން މީހަކު ޕާޓީގަ ބަސްވިކޭ މީހަކަށް ވެގެން ނުވާނެ އުތަ؟
ނުވިސްނޭ
15 August 2020
އެކޮއި ބުރޯ ހެދޭކައް ނުޖެހޭ، ހަޖަމް ވޭތޯބަލާބަލަ. އަންނި އެގޮވަނީ ބުރޯނެހެދޭށޭ. ނާޖާއިޒް ކަންތައް ނުކުރާށޭ. އެހެން މީހުން ކުރޭ އެހެންވީމަ މަކުރާނަމޭ ވައްކަން. އެ ޔޭ މި ގޯސްވެގެން މި އުޅެނީ ދަރިޔާ. އެ އޯކޭ ނުވެބަލަ.
ވިސްނަވާ
15 August 2020
ޖެހޭނެ ދުއްވާލާން. ރައްޔިތުން 2 ވަނަފަހަރު އުންމީދާއެކު ވެރިކަން ހޯދާދިނީމަވެސް ވާނެ އެންމެ ހިނގާ މިނިސްޓްރީ ހުއްޓުމަކަށް ގެންނަން. ވަރަށް މުހިންމު ކަމެއް.