މަޖީދިއްޔާގެ ދަރިވަރުންތަކެއް ސްކޫލަށް ވަނުމުގެ ކުރިން ހުން ބަލަނީ: ސްކޫލު ތެރެއަށް ދަރިވަރުން ވައްދަނީ ހުން ބެލުމަށްފަހު-- ފޮޓޯ: ނިޝާން އަލީ /މިހާރު
19 އޯގަސްޓް 2020 - 16:54
10 comments
މާލޭގެ ސަރަހައްދުގެ ސްކޫލްތައް ކުރިއަށް އޮތް ދެ ހަފުތާގައި ވެސް ނުހުޅުވަން އެޑިއުކޭޝަން މިނިސްޓްރީން މިއަދު ނިންމައިފި އެވެ.
އެ މިނިސްޓްރީން ކުރި ޓްވީޓެއްގައި ބުނީ ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ ލަފާގެ މަތިން، އަންނަ މަހުގެ ތިންވަނަ ދުވަހާ ހަމައަށް މާލެ އާއި ވިލިމާލެ އަދި ހުޅުމާލޭގެ ސްކޫލްތައް ނުހުޅުވައި، އޮންލައިންކޮށް ކިޔަވައިދޭން ނިންމާފައިވާ ކަމަށެވެ.
ކޮވިޑް-19 އިން ރައްކާތެރިވުމަށް މިދިޔަ މާޗު 12 އިން ފެށިގެން ސްކޫލުތައް ބަންދުކޮށްފައި އޮތުމަށް ފަހު، އަލުން ހުޅުވައި ކިޔަވައިދޭން ފެށީ މިދިޔަ މަހުގެ 1 ގަ އެވެ. ނަމަވެސް މާލޭގައި ކޮވިޑުގެ ކޭސްތައް އަލުން އިތުރުވާން ފެށުމާ އެކު، މާލެ ސަރަހައްދުގެ ސްކޫލުތައް އިތުރު ދެ ހަފުތާ އަށް ބަންދުކޮށް އޮންލައިންކޮށް ކިޔަވައިދޭން މިނިސްޓްރީން މި މަހުގެ ހަތަރުވަނަ ދުވަހު ނިންމި އެވެ. އޭރު މާލެ ސަރަހައްދުގައި ކިޔަވައިދޭން ފެށީ ވެސް ގްރޭޑު 9 އިން ފެށިގެން މައްޗަށެވެ. އެހެން ގްރޭޑުތަކުގެ ދަރިވަރުންނަށް، މިދިޔަ މާޗު މަހުން ފެށިގެން ކިޔަވައިދެމުން އަންނަނީ އޮންލައިންކޮށެވެ. އެކަމަކު، ރަށްރަށުގެ ސްކޫލުތަކުގައި ކުރިއެކޭ އެއްގޮތަށް ގްރޭޑު 1-12 އާ ހަމައަށް ކިޔަވައިދެ އެވެ.
ކޯވިޑް-19 ގެ ހާލަތަށް ރިޢާޔަތްކޮށް، ހެލްތް ޕްރޮޓެކްޝަން އެޖެންސީ އާއި ކަމާބެހޭ ފަރާތްތަކުގެ ލަފާގެ މަތިން، މާލޭ ސިޓީގެ ސްކޫލްތަކުގައި ކުރިއަށްއޮތް 2 ހަފްތާގެ (23 އޯގަސްޓް 2020 އިން 3 ސެޕްޓެމްބަރު 2020 އަށް) ކިޔަވައިދިނުން އޮންލައިންކޮށް ކުރިއަށް ގެންދިއުމަށް ވަނީ ނިންމާފައި.
— Ministry of Education (@MoEdumv) August 19, 2020
1/2
އެޑިއުކޭޝަން މިނިސްޓްރީގެ ޓުވީޓް
އެޑިއުކޭޝަން މިނިސްޓްރީން ބުނިގޮތުގައި، މާލެ ސަރަހައްދުގެ ސްކޫލު ނުހުޅުވަން ނިންމި ނިންމުން ދެ ހަފުތާ ފަހުން މުރާޖައާ ކުރާނެ އެވެ.
"ކޮވިޑް-19 ގެ ހާލަތަށް ރިއާޔަތްކޮށް، ހެލްތު ޕްރޮޓެކްޝަން އެޖެންސީ އާއި ކަމާބެހޭ ފަރާތްތަކުގެ ލަފާގެ މަތިން، މާލެ ސިޓީތަކުގައި ކުރިއަށް އޮތް ދެ ހަފުތާގެ (އޮގަސްޓް 23 ން ސެޕްޓެމްބަރު 3) ކިޔަވައިދިނުން އޮންލައިންކޮށް ކުރިއަށް ގެންދިއުމަށް ވަނީ ނިންމާފައި،" މިނިސްޓްރީގެ ޓްވީޓުގައި ބުންޏެވެ.
މާލެ ސަރަހައްދުގެ ލޮކްޑައުން އަށް ދިން ލުއިތަކާއެކު، ރާއްޖޭގައި ކޮވިޑްގެ ހާލަތު އިތުރަށް ގޯސްވެ، ދިވެހިންގެ މެދުގައި އެ ބަލި ފެތުރުން ދަނީ އާންމުވަމުންނެވެ. ނަމަވެސް ސްކޫލްތަކާ ގުޅުން ހުރި ކްލަސްޓާއެއް ނެތް ކަމަށް އެޗްޕީއޭ އިން ކުރިން ބުނެފައި ވެ އެވެ. އެގޮތުން އިއްޔެ އިތުރު 170 މީހުން ޕޮޒިޓިވްވިއިރު އޭގެ ކުރީ ދުވަހު 124 މީހުން ޕޮޒިޓިވްވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޯވިޑުއޮނަވިހި
20 August 2020
ސްކޫލުތައް ހުޅުވަންވީ، ޕޮޒިޓިވް ވި މީހުން ގިނަވަނީ އޭ ކިޔާފައި ސްކޫލުތައް ބަންދުކޮށްފައި ބޭއްވުމަކީ މޮޔަކަމެއް، މިހާރު ޕޮޒިޓިވްވާ މީހުން ގިނަވަނީ ގިނައިން ޓެސްޓްކުރާތީ، ބަލި ޖެހޭ ގިނަމީހުންނަކީ އެއްވެސް އަލާމާތެއްވެސް ނުފެނި ބަލިޖެހުނުކަން ނޭނގި ތިބެ ރަނގަޅުވާމީހުން، އެކަމަކު ޓެސްޓްކުރުން ގިނަ ކުރާވަރަކަށް ބަލިޖެހިފައި ތިބި މީހުން ގިނައިން ފެންނާނެ
ލިވާ
20 August 2020
މިކަން ހަމަޔަކަށް އެޅެންދެން ކުދިން ސްކޫލަށް ނުފޮނުއްވާ! ތިބި ތަނުން ނުތެދުވެ 4 ގަޑިއިރު ތިބެން ޖެހޭތީ ކުދިންނަށް ފޫހިވެގެން ނިދެނީ. ކުއްޖަކާ ވާހަކައެއް ނުދެއްކޭ. ގްރޫޕް މަސައްކަތެއް ނުކުރެވޭ. ޕްރިންޓެޑް މެޓީރިއަލްއެއް ނުދެވޭ. ކުދިންގެ ޓެބްލެޓް ބޭނުން ކުރެވޭ ވަރަށް ކްލާހަށް ވައިފައި އެއް ނުލިބޭ. ކުލާހުން ކުއްޖަކު ޕޮޒިޓިވް ވިޔަސް އެހެން ބެލެނިވެރިންނަކަށް އެކަން ނާންގާ. މަސައްކަތު ދައްތަމެން ޑިސްއިންފެކްޓް ކުރާ ގޮތް ފެނުނު މީހަކު ހޭނެތޭނެ
މިސް ޖަސްޓިސް
20 August 2020
ސްކޫލުތައް ބުއްދިވެރިވާނީ ޖެނުއަރީމަހު (ދެވަނަ ޓާރމަށް) ހުޅުވުނީމަ....ކޯވިޑް ކަންތައް ރާއްޖޭގައި އެއިރަށްވާންވާއިރަށް އިންޝާﷲ ހަމައަކަށްއެޅޭނޭކަމަށް އުއްމީދުކިރަން....މިދުވަސް ތެރޭގައި ކުދިންނަށް ލައިފް ސްކިލްސް، މެންޓަލް ހެލްތު، އެކްޒާމް ސްކިލްސް. ސްޓެމް، ޢާރޓު ކަހަލަ އޮންލައިން ކްލާސް ހިންގުން ރަގަޅުވާނެ.
ހަސަދު
19 August 2020
މިދާގޮތުން ކުރޮއަށް އޮތް އަހަރުވެސް މިކަން ކޮންޓުރޯލް އެއް ނުކުރެވޭނެ. ދެން ސްކޫލް ތައް ބަންދު ކޮށްގެން ތިބެންވީބާ. ސްކޫލް ބަންދު ކުރުމުންވާ ގެއްލުން ވިސްނޭބާ!!!
31111
19 August 2020
މެލޭޝިޔާގައި އެންމެ ބާރަށް ކޮވިޑް ފެތުރެމުން ދިޔަ ދުވަސްވަރުގައިވެސް ދަރިވަރުންނަށް އުނގަންނައި ދިން!!!!!ޗ އަައިޝަަތު އަލީއަށް މިކަން ކުރަން ނޭނގުނީމަ މި ޖެހެނީ ކޮވިޑް ކޮންޓްރޯލު ކުރުމާ؟؟!! ސުމެއްގެ މީހުން ވިޔަސް އޭ ޕްލަސް
ގަޓް ބްރޯ
19 August 2020
ރާއްޖޭގަ ކޮވިޑް ރޯގާ ކޮންޓްރޯލް ކުރެވޭނެ ދުވަހެއް އަދި ލަފާކޮށްލަންވެސް ނޭނގޭނެ. މިދުވަސްވަރު ރޯގާ ފެތުރެމުންދަނީވެސް ވަރަށް ހަލުވިކަމާއެކު. އެކަށީގެންވާވަރަށް ޓެސްޓް ނުކުރެވޭއިރުވެސް ޕޮޒިޓިވް ކޭސް ތައް މިއުޅެނީ 100 އިން މަތީގަ. އެހެންވީމަ ކުރިއަށް އޮތް ދެތިން މަހުވެސް މާލެ ސަރަހައްދުގެ ސްކޫލްތައް ހުޅުވުމަކީ އެއްގޮތަކަށްވެސް ބުއްދިވެރިކަމެއްނޫން.
މުދައްރިސް
19 August 2020
މިނިސްޓަރު ދެކެ ވަރަށް ރުޅި އައިއްސަ އިންދާ މި ޚަބަރު މި ފެނުނީ. ވަރަށް އުފާވެއްޖެ މިހާރު. ޓީޗަރުންނާއި ކުދިންގެ ސިއްޙަތަށް ބަލާލީތީ ޝުކުރު! ދެން ހުޅުވަންޏާ ހުޅުވަން ވާނީ ހުރިހާ ގްރޭޑެއް އެކުގަ.
31111
19 August 2020
ދެން އަވަހަށް ކޭކެއް ފަޅާލާ!!!!.. އެވަރުގެ ތި މިނިސްޓަރަށް ހުންނާނީ ނަތީޖާ ނެރެވިފައި.!!
2122
19 August 2020
ބަލި ކޮންޓްރޯލްކުރުމަށް މިހާރު މަސައްކަތްކުރާ ގޮތުން މިއަހަރު ކީއްކުރަން އަންނަ އަހަރުވެސް ސްކޫލްތަކެއް ނުހުޅުވޭނެ. އެކަމަކު ފިޔަވަޅުތައް ހަރުދަނާކުރެވިއްޖެނަމަ މިމަހުވެސް ހުޅުވިދާނެ.
އަޅުކަލޭ
19 August 2020
ތިމާމެންނަށް ނުވީމަ ކޮންމެ ކަމެއް ކޮވިޑް މަތި އެޅުވީމަ ނިމުނީދޯ؟ މީގެ 1 އަހަރު ކުރިން ރައީސް އޮފީހުގެ މުވައްޒަފަކާ ގުޅިގެން ހުށަހެޅި ޖިންސީ ފުރައްސާރައިގެ މައްސަލަވެސް ނުބެލި އޮތީ ކޮވިޑްގެ ސަބަބުން ކަމަށް ފުލުހުން އަންގަނީ. އެހެންވީމަ އެޑިއުކޭޝަން ސެކްޓަރވެސް މި އޮތީ މިފަދަ ގޮތަކަށް ދެއްތޯ