ޑރ. އަފްޒަލް މީޑިއާ ބްރީފިން އެއްގައި ވާހަކަދައްކަވަނީ. އޭނާ މިރޭ ވިދާޅުވީ ފެސިލިޓީތަކަށް ނުގެންދެވި ތިބި ގިނަ މީހުންނަކީ ދާން ދެކޮޅު ހެދި މީހުން ކަަމަށް
20 އޯގަސްޓް 2020 - 00:14
34 comments
ކޮވިޑް-19 އަށް ޕޮޒިޓިވްވި މީހުންގެ ތެރެއިން ފެސިލިޓީތަކަށް ނުގެންދެވި ތިބި މީހުންގެ ތެރޭގައި ގިނައީ ދާން އިންކާރުކުރާ މީހުން ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ ބުނެފި އެވެ.
ހެލްތު އިމަޖެންސީ އޮޕަރޭޝަން ސެންޓަރުގައި މިރޭ ބޭއްވި މީޑިއާ ބްރީފިންގައި "މިހާރު"ން ކުރި ސުވާލަކަށް އެޗްޕީއޭގެ އެޕިޑެމިއޮލޮޖިސްޓް ޑރ. އިބްރާހީމް އަފްޒަލް ވިދާޅުވީ ފެސިލިޓީތަކަށް ގެންދަން ޖެހޭ 359 މީހެއްގެ ތެރެއިން ހަގީގަތުގައި އެޗްޕީއޭގެ ކެޕޭސިޓީއާ ހެދި ނުގެންދެވި ތިބީ އެންމެ 22 މީހުން ކަމަށެވެ. އޭނާ ވިދާޅުވީ ދެން ތިބި މީހުންގެ ތެރޭގައި ފެސިލިޓީ އަށް ދާން އިންކާރު ކުރާ 85 މީހަކާއި އާއިލާގެ މީހުންގެ ނަތީޖާ ލިބުމުން ދާން އެދިފައިވާ މީހުން ހިމެނޭ ކަމަށެވެ. އަދި ނުގުޅިގެން ނުގެންދެވި ތިބި 14 މީހެއް ވެސް ހިމެނޭ ކަމަށް ވެސް އޭނާ ވިދާޅުވި އެވެ.
"އަޅުގަނޑުމެންގެ ޓުރޫ ޕެންޑިން ގައި ތިބީ ހަގީގަތުގައި ތިބީ 22 ފަރާތެއް،" އަފްޒަލް ވިދާޅުވި އެވެ.
ނުގެންދެވި ތިބި 359 މީހުންގެ ތެރެއިން 148 މީހަކު ނުގެންދެވުނު ސަބަބު އޭނާ ވިދާޅުވި ނަމަވެސް ދެން ބާކީ ތިބި މީހުން ނުގެންދެވުނީ ކީއްވެ ކަމެއް ވިދާޅެއް ނުވެ އެވެ.
ފެސިލިޓީތަކުގައި ޖާގަ ނެތިގެން މީހުން ނުގެންދެވި، ހޯމް ކަރަންޓީނުގައި ތިބި އިރު އެގޮތަށް ބައިތިއްބަން ރަސްމީކޮށް ނިންމަން ނުވިސްނަންތޯ ސުވާލު ކުރުމުން އެޗްއީއޯސީގެ ތަރުޖަމާނު ޑރ. ނަޒްލާ ރަފީގު ވިދާޅުވީ އެހެން ގައުމުތަކުގައި ވެސް އެގޮތަށް އަމަލުކުރަމުން އަންނަ ކަަމަށާއި އެކަމާ މަޝްވަރާކުރަމުން އަންނަ ކަމަށެވެ. އެހެން ނަމަވެސް އެކަމުގައި ގޮތެއް ކަނޑައެޅުމުގެ ކުރިން ފުރިހަމަކުރަން ޖެހޭ ކަންތައްތަކެއް އެބަހުރި ކަމަށް އޭނާ ވިދާޅުވި އެވެ.
ޑރ. ނަޒްލާ މީޑިއާ ބްރީފިންއެއްގައި ވާހަކަ ދައްކަވަނީ.
"އެހެން ނަަމަވެސް އެކަހަލަ ކަމެއް ނިންމާއިރު އަދި ބައެއް އިތުުރު ކަންތައްތައް ވެސް އެބަ ފުރިހަމަވާން ޖެހޭ، ޕޮލިސީއެއްގެ ގޮތުން އެކަހަލަ ކަންތައްތައް ކަނޑައަޅާ އިރު،" ހޯމް އައިސޮލޭޝަނުގައި މި ވަގުތު ހުންނެވި ނަޒްލާ ވިދާޅުވި އެވެ.
އޭނާ ވިދާޅުވި ގޮތުގައި ކޮވިޑަށް ޕޮޒިޓިވްވާ ފުދޭވަރަކަށް ގިނަ މީހުން، މިހާރުވެސް ފެސިލިޓީތަކަށް ގެންދެވެ އެވެ. ނުގެންދެވޭ ހަމަ އެކަނި ސަބަބަކީ ފެސިލިޓީތަކުގެ ޖާގައިގެ ދަތިކަމެއް ނޫން ކަމަށް ވިދާޅުވި އެވެ.
ކޮވިޑަށް ފަރުވާދޭން ރާއްޖޭގައި ހުރި އެނދުގެ އަދަދާ ބެހޭ ގޮތުން ނޫސްވެރިއަކު ސުވާލު ކުރުމުން ނަޒްލާ ވިދާޅުވީ ކޭސްތައް ގިނަވުމަކީ ކަންބޮޑުވާން ޖެހޭ ކަމެއް ކަމަށާއި ކޭސްތައް އިތުރުވާ ނަމަ އެނދުތައް ފުރިދާނެ ކަމުގެ ކަންބޮޑުވުން އެބަ އޮތް ކަމަށެވެ.
"އެހެން ވެގެން އަޅުގަނޑުމެން މޫމަންޓް ރެސްޓްރިކްޝަންސް އާއި މިކަހަލަ ފިޔަވަޅުތައް އަަޅަން ހަމަ މަސައްކަތް ކުރަމުން މިގެންދަނީ އިނގޭތޯ،" އޭނާ ވިދާޅުވި އެވެެ.
ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަަދަދަކީ މިހާރު 6225 އެވެ. އޭގެ ތެރެއިން 3،788 މީހުން ރަނގަޅުވި އިރު މަރުވި މީހުންގެ އަދަދަކީ 24 އެވެ. އެކްޓިވް ކޭސްތަކުގެ އަދަދަކީ މިހާރު 2،413 އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަޒީރާ 07
20 August 2020
ކޮން ގައުމެއްގަތޯ އޭ، ޓެކްސީ ތަކުގައި ބިއްލޫރި ތިރިކޮށްގެން ފެސެންޖަރުން އަރުވައިގެން ދުއްވަނީ. ކޮވިޑް އިން ރައްކާތެރި ވުމަށް. ޖަވާބެއް ދީބަލަ.
އިބިރިހިންބެއްޔާ
20 August 2020
ފުރަތަމަވެސް ޤައުމީފެންވަރުގެ އިމަރޖެންސީއެއް ހިންގާ، މުޅި އޮޕެރޭޝަން ސިފައިންނާ ޙަވާލުކުރިނަމަ މިހާރު އޮތީހީ މިވަބާއިން ސަލާމަތްވެފަ. އަދި، ވިދިގެންލައިގަތް ވަބާއިންވެސް އޮތީހީ ސަލާމަތްވެފަ.
ބިހޮޕް
20 August 2020
ކީއްކުރަން ހިންގި ސްޓޭޓް އޮފް ޕަބްލިކް ހެލްތް އިމެޖެންސިއެއްތޯ. މިހާލަތުގައި މީހުންނާ އާދޭސްކުރާކަށް ނުޖެހޭނެ. ފެސިލިޓީތަކަށް ގެންދެވެން ޖެހޭނެ.
ކައްކާ
20 August 2020
މައްސަލަތަކުގަ ހައްޔަރުކުރަންދިޔައިމަވެސް ދެކޮޅުހެދޭކަށްނޯވޭ، ޖޫރިމަނާކުރީމަ ފައިސާނުދައްކާ ނޫޅެވޭ، ކީކޭތަ ކަލޭމެން ތިކިޔަނީ.
ޑީޑޯސް
20 August 2020
ދާން ތައްޔާރުވެގެން ފޮށިތަށް ޕެކްކޮށް 14 ދުވަސް އިންތިޒާރުގައި ހުރިމީހާ ނުގެންދެވުނީ ކިހިނެވެގެން.
ގޮށިމީ
20 August 2020
ކޮންމެރެޔަކު ކޮންވކަސޯޓީ އެއް އަޅުވާކަށް.
ލަދް
20 August 2020
ދާން ބޭނުން ނޫންނަމަ ފުލުހެއް ހޯދަން ފޮނުވާށޭ ކިޔާ މިތާ ކޮމެންޓު ކުރާ މީހުންގެ ލަދު ކޮބާ؟ މިއީތަ މަތިހަށި ފުޅާކޮށް ގައްޑާވެފައި އެ އުޅޭ މީހުންގެ ފަރުދީ ޒިންމާ ހުރި ދަރަޖަ؟ މިއީތަ ވިސްނުމުގެ ދަަރަޖަ؟ ލަދުން ބޯހަލާކުވެދާނެ!
ބޮޑު ތިލަދުންމަތި ބަތަލު
20 August 2020
މި ގައުމުގެ ހާލަތު މިވަނީ ވަރަށް ގޯސް ވެފައެވެ. އެޗް ޕީ އޭ މިވަނީ ފެއިލް ވެފައެވެ. ދެންވެސް އަވަހަށް މިކަމުން ދިވެހި ރައްޔިތުން ސަލާމަތް ކޮށްދޭށެވެ.
ދޫނި
20 August 2020
ތިބޭފުޅުންގެ ޒިންމާދާރު ކަން މިހާރު ވަރަށް ކުޑަ ވެއްޖެ. ރަށްއިތުންނަށް އޮޅުންއަރާ ގޮތަށް ނޫސްކޮށްފަރެސް ތަކުގަ ވެސް ތި ވަހަކަ ދަށްކަނި. ބަލި ޖެހި ރަގަޅު ވާއިރު ވެސް ތިބޭފުޅުން ބަލާނައިސް އެބަތިބި. އެތަކެއް ފޯނުކޯލެއް ކުރާ އިރުވެސް ޖަވާބު ދާރީ ނުވެ މުޅިން ދޮގު ހަދަނި.
ވަޒީރެއާލާ
20 August 2020
މީގެ ކުރިން ކޮވިޑްގެ ކަންތަކާ ދެކޮޅު ހަދާމީހުން ކޯޓްއަމުރު ނެރެގެން ހައްލުކޮށްފައިވޭ. އަފްޒަލް ކައިރީގައި އަހަރެން އަހަން ބޭނުންވަނީ މިހާރި ކޯޓްތަށް ނެތީތޯއޭ. ކިޔާއެއްޗެއް ރަނަގަޅަށް ދިމާވާގޮތަށް ކިޔާށޭ. ތިޔަ އެޗްޕީއޭ އަކީ މިހާރު ބޮޑުގުޅައަށް ވެފައިއޮތްތަނެއް. ހެދޭ ނެހެދޭ އެއްޗެއްނޭގޭ. މަރުވެފައި ތިބޭ މީހުން އައިސޮލޭޝަނަށް ގެންދަން ގުޅާ ބަޔަކު ދައްކާ ވާހަކަ ކިހިނެއް ގަބޫލުކުރާނީ. ޖާގަނެތިގެން ނުގެންދަނީ. އެކަމަކު އެންމެގޯސް ސިނާރިއޯއަށްވެސް ތައްޔާރޯ.
ދުނިޔެއަަށް ލޯހުޅުވަބަލަ
20 August 2020
އަނެއްކާ ކޮސް އަނގަތަޅަން ފަށައިފި. ކެޕޭސިޓީ އިތުރުކުރުކޮށް އެއް ފަހަރާ 300 މީހުންނަށް ފަރުވާ ދެވޭ މެޑިކަލް ފެސިލިޓީއެއް ހުޅުމާލޭގައި ގާއިމު ކުރެވިއްޖެ. ރާއްޖޭގެ 5 ސަރަހައްދެއްގައި ކޮވިޑް ސެންޓަރުތައް ގާއިމުކޮށް އެތަން ތަނަށް ވަސީލަތްތަށް ހަމަކުރެވި އެތަން ތަނުންވެސް ކޮވިޑް ޓެސްޓު ކުރަން ފަށައިފި. އެކަމަކު ކިތަންމެ ވަސީލަތެއް ހުއްޓަސް ފަރުދީ ޒިންމާ އަދާނުކުރެވޭ ނަމަ ސިސްޓަމަށް ދާނީ ނުކަތައިގެން. އެހެންނޫނަމަ އެފަދަ ކުރިއަރާފައިވާ އެމެރިކާއަށް އެހެންނުވާނެ.