ކުޅުދުއްފުށީ ރީޖަނަލް ހޮސްޕިޓަލް. -- ފޮޓޯ: ކުޅުދުއްފުށީ އޮންލައިން
09 ސެޕްޓެމްބަރ 2020 - 11:18
4 comments
ހދ. ކުޅުދުއްފުށީގައި ކަރަންޓީނުގައި ހުރެގެން ފަރުވާ ހޯދަނިކޮށް ރޭ މަރުވި މީހަކު ކޮވިޑް-19 އަށް ޕޮޒިޓިވްވެއްޖެ އެވެ.
އެ ރަށުގައި ހުންނަ ރީޖަނަލް ހޮސްޕިޓަލުގެ އޮފިޝަލަކު ވިދާޅުވީ ރޭ މަރުވި މީހާ އަކީ ކެންސަރު ބައްޔަށް އިންޑިއާ އިން ފަރުވާ ހޯދުމަށް ފަހު އެނބުރި ރާއްޖެ އައިސް ކަރަންޓީނުގައި ހުރި ހއ. ކެލާ މީހެއް ކަމަށެވެ.
މަރުވި ފިރިހެން މީހާ އޭނާގެ އުފަން ރަށް، ހއ. ކެލަ އަށް ދިޔައީ މިދިޔަ ހަފުތާގެ އާދިއްތަ ދުވަހު އެވެ. އަދި އެ ރަށު ހޯމް ކަރަންޓީނުގައި ހުއްޓާ ހާލު ސީރިއަސްވެގެން 58 އަހަރުގެ މީހާ ކުޅުދުއްފުއްޓަށް ގެންދިޔައީ އިއްޔެ ހެނދުނު އެވެ.
ކުޅުދުއްފުށީ ޕޯޓުގެ ގެސްޓުހައުސްގައިި ކަރަންޓީނުގައި ހުރެގެން އެ ފިރިހެން މީހާ އަށް ދިޔައީ ފަރުވާ ދެމުންނެވެ. ކޮވިޑަށް ޕޮޒިޓިވްކަން އެނގުނީ މަރުވި ފަހުން ސާމްޕަލް ނަގައި ޓެސްޓްކުރުމުންނެވެ.
"ސާމްޕަލް ނެގީ ނިޔާވި ފަހުން. އޭރު މި އެނގުނީ ކޮވިޑަށް ޕޮޒިޓިވްކަން،" އޮފިޝަލް ވިދާޅުވި އެވެ.
ރާއްޖެ އަށް ކޮވިޑް ފެތުރިފައިވާއިރު، މި ދުވަސްވަރު މަރުވާ އެންމެން ވެސް ކޮވިޑަށް ޓެސްޓުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަބްލް
09 September 2020
ދެން އަދިވެސް އެއަރ ބަބްލް ހަދާ އިންޑިޔާ އާ ރާއްޖެއާ ދެމެދު.
އަލިހަންޑޯ ޓޮލޭޑޯ
09 September 2020
ފުރަތަމަ ކަމަކަށް ތިފަދަ މީހުންނަށް ފަރުވާދިނުމުގެ ކުރިން ކޮވިޑް ޓެސްޓް ހަދަންޖެހޭނެ (އެޗްޕީއޭގެ ގައިޑް ކޮންމެ ގޮތަކަށް އޮތްކަމުގައިވިޔަސް). އެކަމަކު ފަރުވާ ދޭންވާނެ ނަތީޖާ ނުލިބުނަސް. މަރުވީމައި ތިޔަ ޓެސްޓްކުރުމުގެ މާބޮޑު ބޭނުމެއްނެތް. އިންޑިޔާއަށް ފަރުވާއަށް މިދުވަސްވަރު ދިޔުމަކީ ބޮޑު ނުރައްކަލެއް.
ސިދާ
09 September 2020
މަރުވާއިރަށް ޕޮޒިޓިވް މިވެސްއަރަތެއް.
ޝައިސްތު
09 September 2020
މި ބަލީގެ ނުރައްކާ އޮތީ އުމުރުން ދުވަސްވީ މީހުންނާއި އެކި ކަހަލަ މެޑިކަލް ކޮންޑިޝަން ހުންނަ މީހުން. އެންމެންވެސް ބަލައިގެން އުޅޭ. މައްޔިތާއަށް ސުވަރުގެ މިންވަރު ކުރައްވައި އާއިލާއަށް ކެތްތެރިކަން މިންވަރު ކުރައްވާށި. إِنَّا لِلَّٰهِ وَإِنَّا إِلَيْهِ رَاجِعُونَ