ހުޅުމާލެ ކޮވިޑް ފެސިލިޓީ: ކެއިންބުއިމަށް އެންޑީއެމްއޭ އިން ހޭދަކުރި ފައިސާގެ ތެރެއިން ނުވަ މިލިއަން ރުފިޔާއާ މެދު ވަނީ ސުވާލު އުފައްދާފައި. --ފޮޓޯ/މިހާރު
16 ސެޕްޓެމްބަރ 2020 - 20:37
13 comments
ކޮވިޑް-19 ބަލީގެ މީހުންނަށް ފަރުވާ ދިނުމަށް އަމިއްލަ މީހެއްގެ ބިމުގައި ހުޅުމާލޭގައި އަޅާފައިވާ މެޑިކަލް ފެސިލިޓީގެ ސަބަބުން ދައުލަތަށް އެއްވެސް ގެއްލުމެއް ނުވާނެ ކަމަށް ނެޝެނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފި އެވެ.
ކޮވިޑް-19ގައި އެންޑީއެމްއޭ އިން ކޮށްފައިވާ ހަރަދުތަކުގެ އޮޑިޓް ރިޕޯޓު އާންމު ކުރި އިރު ރިޕޯޓުގައި ވާގޮތުން އެ ބިމަކީ މޮރިޝަސް ކޮމާޝަލް ބެންކު (މޯލްޑިވްސް) އިން ދޫކޮށްފައިވާ ލޯނެއް އަނބުރާ ނުދައްކައިގެން ރަހުނުގެ ގޮތުގައި ނަގާފައިވާ ބިމެއްކަން ވަނީ އެނގިފަ އެވެ. އަދި މެޑިކަލް ފެސިލިޓީ ގާއިމްކުރުމަށް އެޗްޑީސީއާ އެތަން ހަވާލުކުރުމަށް ވެފައިވާ އެއްބަސްވުމަކީ ތަނަށް އެއްވެސް ބަދަލެއް ނުގެނެވޭނެ ހެން ތިން މަސް ދުވަހަށް ހަދާފައިވާ އެއްބަސްވުމެއް ކަމަށް ވެސް ރިޕޯޓުގައި ވެއެވެ.
އެ ބިމުގައި ހޮސްޕިޓަލް އަޅާފައި ހުރުމުން ފަހުން ދިމާވެދާނެ ގާނޫނީ މައްސަލަތަކަށް ބަލައި އެކަން ހައްލުކުރުމަށް ރިޕޯޓުގައި ލަފާދީފައި ވެސް ވެއެވެ.
އެންޑީއެމްއޭއިން މިއަދު ބޭއްވި ކުއްލި ނޫސްވެރިންގެ ބައްދަލުވުމުގައި ވާހަކަދައްކަވަމުން ޗީފް އެގްޒެކެޓިވް ހިސާން ހަސަން ވިދާޅުވީ އަމިއްލަ މީހެއްގެ ބިމަކަށްވީ ނަމަވެސް އެތަން އެޗްޑީސީއާ ހަވާލުކޮށްފައި ވަނީ އެގްރީމަންޓެއްގެ ދަށުން ކަމަށެވެ. އަދި ތިން މަސް ހަމަވުމުން އެ އެގްރީމަން އިތުރުކުރުމުގެ ފުރުސަތު ވެސް އެބަ އޮތް ކަމަށް ވިދާޅުވި އެވެ.
"މިތަނަކީ ދައުލަތުން ކުއްޔެއް ދައްކަން ޖެހޭ ގޮތަށް މިހާރު ވެސް އޮތް ތަނެއް ނޫން. މިތާނގެ އެގްރީމަންޓް ކުރިއަށް އޮތް ތަނުގައި ވެސް އެޗްޑީސީއާ މޮރިޝަސް ކޮމާޝަލް ބެންކާ އެކު އޮތީ އެކްސްޓެންޑް ކުރެވޭ ގޮތަށް. އެހެންވީމަ މީގެ ސަބަބުން ދައުލަތަކަށް އެއްވެސް ގެއްލުމެއް ވާނެ ކަމަކަށް އަޅުގަނޑުމެންނަކަށް ގަބޫލެއް ނުކުރެވޭ،" ހިސާން ވިދާޅުވި އެވެ.
މެޑިކަލް ފެސިލިޓީގެ މަސައްކަތަކީ އަލަށް އެންއީއޯސީ އުފައްދައިގެން އެންމެ ފުރަތަމަ ވެސް މަޝްވަރާކޮށް ވީ އެންމެ އަވަހަކަށް ނިންނުމަށް ފެށި މަސައްކަތެއް ކަމަށް އޭނާ ވިދާޅުވި އެވެ.
ހިސާން ވިދާޅުވީ ކޮވިޑް-19 ފެސިލިޓީ ގާއިމްކުރާނެ ތަނެއް ނިންމީ ޑޮކްޓަރުންނާ ކަމާގުޅުން ހުރި އެހެން ތަޖުރިބާކާރުންގެ މަޝްވަރާއާ ހޯދުންތަކުގެ މަތިން އެންމެން ވެސް އިއްތިފާގުވާ އެންމެ ރަނގަޅުތަނެއް ބަލާފައި ކަމަށެވެ.
އެގޮތުން އެތަނުގައި މެޑިކަލް ފެސިލިޓީ ގާއިމްކުރަން ނިންމި ފަސް ސަބަބެއް ހިސާން ފާހަގަކުރެއްވި އެވެ.
- ކޮވިޑް-19ގެ ހާލަތު ގޯސްވެ 300އެއްހާ މީހުން އެޑްމިޓްކުރަން ޖެހުނަސް އެތަނަކީ ޖާގައިގެ ގޮތުން ތަނަވަސް އަދި އެފަދަ ތަނަކަށް ބަދަލުކުރަން އެކަށީގެންވާ ތަނަކަށްވުން
- އިމާރާތުގެ ބޮޑުބައި ނިމިފައިވާތީ އާ އިމާރާތެއް ކުރުމަށްދާ ވަގުތު ސަލާމަތްވުން
- މާލެއާ އެއްގަމު މަގުން ގުޅިފައި ޑޮކްޓަރުންނާއި ނަރުހުންނަށް ނިދުމާއި ކެއިންބުއިމުގެ މަގުފަހިވެފައިވުން
- އެންމެ ފުރަތަމަ ކޮވިޑް-19އަށް ހާއްސަ ކުރެވުނު ޓްރީޓޮޕް ހޮސްޕިޓަލާ ކައިރީގައި ހުރުން
- ލޮޖިސްޓިކްސް އާއި އެހެނިހެން ގޮތްގޮތުން ވެސް ހަރަދު ކުޑަވެވުން
ހިސާން ވިދާޅުވީ އެ ބިމުގައި ކޮވިޑް-19 ފެސިލިޓީ ގާއިމްކޮށްފައި ހުރުމުން ދައްކަމުންދާ ވާހަކަތަކާ މެދު ހިތާމަކުރައްވާ ކަމަށެވެ. އެ ފެސިލިޓީން މިހާރު ވެސް ގިނަ ބަޔަކަށް ފަރުވާދެމުން އަންނަކަން ފާހަގަކުރައްވައި ވިދާޅުވީ ފެސިލިޓީ ނެތް ނަމަ ކޮވިޑް-19ގެ ގިނަ ބަލި މީހުން މަގުމަތިވާން ޖެހުނީސް ކަމަށެވެ.
ހުޅުމާލެ މެޑިކަލް ފެސިލިޓީ ގާއިމްކުރުމަށް އެޗްޑީސީއާ އެމްސީބީއާ ދެމެދު ތިން މަހުގެ އެގްރީމަންޓެއް ހަދާފައި ވަނީ މާޗް މަހުގެ 24ގަ އެވެ. ޖޫން މަހުގެ ނިޔަލަށް މި އެގްރީމަންޓުގެ މުއްދަތު ހަމަވި އިރު އެހާތަނަށް ސަރުކާރުން ފެސިލިޓީ އަށް ބޭނުންވާ ތަކެތި ހޯދުމާ ރީސްޓްރަކްޗަރިން އަށް 24,194,156ރ ހަރަދުކޮށްފައިވާ ކަން އޮޑިޓް ރިޕޯޓުން ހާމަވެފައި ވެއެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިކުނޑި
17 September 2020
އޮޑިޓް އޮފީހަކީ މިނިވަން މުއައްސަސާއެއް! ރިޕޯޓް ލިޔުނީމާ އަމިއްލަ ދިފާއުގައި ނޫސްކޮންފަރެންސް ބޭއްވުމުގެ މާނައެއްނެތް! އެމައްސަލަ ތަހުގީގު ކުރެވެންޖެހޭނެ! ކަންކުރީ ރަނގަޅަށޭ ބުނުމުގެ ބަދަލުގައި ތަފާސް ހިސާބު ދައްކަންޖެހޭނެ! ބޮޑަށް ބެލެވެނީ އެފަދަ ހާލަތްތަކުގައި މާލިއްޔަތު ގަވާއިދާ އެއްގޮތަށް ކަންކުރެވެންނެތީ! އެހެންކަމުން ތިކަމަށް އޮތް ފަރުވާއަކީ އިމަޖެންސީ ހާލަތްތަކުގައި ޚަރަދުކުރާނެ އުސޫލެއް ހެދުން!
ހޭބަލިމިތުރު
17 September 2020
މިއަދު ގައުމުގެ ހަޒާނާ ކާލު މެކޭ ބޮޑުމާލޫދު ކެއުމެކޭ އެއްގޮތްވެފަމިއޮތީ. ހަމަކައިކައިގެންދާންވީ ކަތީބުހުންނާނެ އަތްޖަހަން.
އަލި
17 September 2020
މީހެއްގެ ބިމަކަށް މިހާބޮޑު ހަރަދަކާއި މަސައްކަތެއް ކޮށްދިނުމަކީ ހެދި ގޯހެއް. ރާވާ ފީލްޑް ހޮސްޕިޓަލެއް ގެނެސްގެން މިކަން ކުރިނަމަ ހަރަދުވެސް ކުދަވެ ވަގުތުވެސް ސަލާމަތްވާނެ. އަދި ފަހުން އިމާރާތް މީހަކަށް ދޭކަށްވެސް ނުޖެހޭނެ.
ޒަފަރު
17 September 2020
މީހެއްގެ ނޫން އެޗްޑިސީގެ
ތެދު
17 September 2020
މީކާކުގެ ބޮޑު ބިމެއްތަ? ކޮންއިރަކު ވިއްކި ތަނެއް. އެސަރަހައްދަކު ނުހުރޭ ވިއްކާފަހުރި ބިމެއް. ދެން އެހެން ގައުމުތަކުގަހެއް. ތެންޓްހަދާފަ ފާހާނާ ބަރިތައްހަދާފަ ފެސިލިޓީފުރިހަމަކުރިނަމަ.
ރަބަރު
17 September 2020
20 އަހަރަށް ކުއްޔަށް ދީފަހުރިތަނެއް. ކުއްޔަށް ހިފި ފަރާތުގެ ލޯނެއް އޮވެގެން މޮރިޝަސް ކޮމާރޝަލް ބޭންކުން އެބިންވަނީ ކުލީގެ މުއްދަތަށް ނަގާފަ. އެޗްޑީސީ އިން އިންޑަސްޓްރިއަލް ބިން ކުއްޔަށް ދެނީ މުއްދަތު ހަމަވުމުން ތަނުގައި ހުންނަ އިމާރާތްތަކާއެކު ތަންހަވާލުކުރާގޮތަށް. ނުވަތަ އާކުއްޔަކަށް އެމީހާ ބަހައްޓާ ގޮތަށް. މޯގޭޖް ހުއްދަ ދެނީ އެޗްޑީސީގެ ހައްގަކަށް އުނިކަމެއް ނައަންނަ ގޮތަށް.
ކަކުނިބޯ
17 September 2020
ހިސާނޫ ހިސާނޫ ހިސާނޫު ތިންމަސްދުވަހަށް ތަނެއްހޯދުމަށްފަހުު 24 މިލިޔަން އޮއްސާލުން މިއީ ބަޔަކަށް ނަޖާއިޒުފައިދާހޯދާދިނުން ނޫންދެން ކޮންކަމެއްހޭ. ކުލިދައްކަން ނުޖުހުނަސް ބައެއްގެބިމަކަށް 24 މިލިޔަން އޮއްސާލީ ޕަރލިމެންޓް މެޖޯރިޓީއޮތް ސަރުކާރަކުންނެ ހުރިހާބިންތަކެއް ސުކޫލުތަކެއް ހެންހުރީ ސަރުކާރުގެ ބެލުމުގެ ދަށުގައޭ ހުޅުމާލޭގައި ފަހުންހެދިސުކޫލަކީވެސް ފަޅުތަނެކޭ ބޭނުންނަމަ އަނެއްސުކޫލު ހުސްކޮށްލެވޭނެޔޭ 7000ފުލެޓް ތަވާމަތީގައޭ ބޮޑިބަތްގަޑު ކެކެނީއެވެ.
ައަފުރާސިޔާބު
16 September 2020
އެހެން ގެއްލުމެއް ނުވާނެތާ. 24 މިލިއަން ރުފިޔާއަކީ 100 ކޮޓަރީގެ 10 ބުރީގެ އިމާރާތެއް އަޅާހާ ފައިސާ. ގެއްލުމެއްވާ ނުވިތާ؟ އަނެއްކާ ހިސާނުގެ ތިމާގެ ނުވަތަ ރައްޓެއްސެއްގެ ތަނަކީތަ؟ ދެން ދައުލަތުގެ ބަޖެޓުން ހޯދިހާ ތަކެއްޗަށް ވީނުވީއެއްނޭގުނީ ކީއްވެ؟ ހޯދިހާ ކޮމްޕިއުޓަރާއި ލެޕްޓޮޕްތައް ވީކޮންތާކު. މިހާރު އެޗް.އީ.އޯ.ސީ އަށް މަސައްކަތް ބަދަލުވީމާ އެކިއެކި އޮފީސްތަކުންން އެފަދަ ތަކެތި ހޯދަންޖެހުނީ ކީއްވެ؟ އެއީ ޑިޒާސްޓަރގެ މުދަލެއްތަ ކޮނޑުޖަހައިގެން ގެންދަން.
ޢިބޫ
16 September 2020
ތުންތުން މަތިން އަޑުތަށް އިވޭ ގޮތުގަ މާލޭގެ ނޫނީ ހުޅުމާލޭގެ ބިންތަކެއް ވިއްކާލަން ވެގެން އިކޮނޮމިކް ކައުންސިލުން އެބައުޅެޔޯ އެއީ ތެދެއްތޯ؟
އޮނަރަބްލް އަފީފު ދީދީ
16 September 2020
ޕެންޑަމިކް 19 އަށްވުރެން މިކަމުގެ ތެރޭގައި ދިވެހި ދައުލަތުގެ ޙަޒާނާއަށް ކުރިމަތިކުރުވި ވަބާ މާބޮޑު. # ސޯޅަ ރުފިޔާއަށް ހަކުރު ކިލޯއެއް ގަތުމަށްވުރެން ލޮޖިސްޓިކްގެ ކަންކަމަށް ކޮށްފައިވާ ޙަރަދު މިލިޔަނުން ގުނާލެވޭއިރު ރަޢްޓެއްސަކު ވަޒީފާގައި އުޅޭ ކުންފުންޏެއްގައި އޮންނަ 7 ސްޕީޑް ލާންޗް މިތަނަށް ކުއްޔަށް ނަގާފައިވާއިރު ކޮންމެ ދުވަހަކަށް އަގުކިޔައިގެން ނަގާފައިވާ ލޯންޗް ތަކުގެ ތެރެއިން 3 ލޯންޗްގައި އެ މުއްދަތުގައި ކެޕްޓަނެއްވެސް ނުހުންނާނެ ކަމަށް އޭނާބުނި.
ކޮވިޑްވަގުންނޭ
16 September 2020
ހުޅުމާލެ ފެސިލިޓީގެ ސަބަބުން ގެއްލުމެއް ނުވާނެ ކަމަށް ނިންމަން ޖެހޭނީ އެންޑީއެމްއޭ އެއް ނޫނޭ އެންޑީއެމްއޭ އަށް އަދި ތިޔާ އުޅެނީ ކުޑާ ކޮށް ސައިޒު އޮޅިގެން ހެންނޭ މަމެންނަށް ހީވަނީ އެންޑީއެމްއޭގެ އިހްތިސާސް އިން ބޭރުގައި ހުންނަ ކަންކަމޭ ލީގަލް ކަންކަމަކީ އެއީ ތަމެންގެ އިހްތިސާސްގެ ތެރޭގައި ހިމެނޭ ކަމެއް ނޫނޭ އަމިއްލަ މީހެއްގެ ގޯތީ ގައި ކޮވިޑް ފެސިލިޓީ އެއް ހަދަން ނުޖެހޭނެއޭ އެޗްޑީސީ އަތުގައި ބިން އެބައޮތޭ ހުޅުމާލޭގައި ވާވަރަށް ތިޔާއީ ވައްކަމާއި ކޮރަޕްޝަނޭ
އާސިމީ
16 September 2020
ދައުލަތުގެ ބަޖެޓް ފެންފޮދަކާ ނުލައި ދިރުވާލައިފި