އަލްހާން: ޕާޓީން އޭނާ ވަކިކުރީ ގައުމީ މަޖިލީހުގެ 50 މެމްބަރުން ހުުށަހެޅި މައްސަލައެއްގައި-- ފޮޓޯ: ނިޝާން އަލީ\ މިހާރު
30 އޮކްޓޯބަރ 2016 - 14:43
17 comments
އެމްޑީޕީގެ ކުރީގެ ނައިބު ރައީސް އަލްހާން ފަހުމީ އެ ޕާޓީން ވަކި ކުރަން ނިންމީ 2018ގެ އެމްޑީޕީގެ ރިޔާސީ ޕްރައިމަރީގައި އޭނާ ވާދަކުރާނެތީ ކަމަށް އަލްހާން މިއަދު ވިިދާޅުވެއްޖެ އެވެ.
ކުރިން ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރުކަން ކުރެއްވި އަލްހާން އެމްޑީޕީން ވަކިކުރަން އެ ޕާޓީގެ ފިޔަވަޅު އަޅާ ކޮމެޓީން ނިންމި ނިންމުމާ ގުޅިގެން އަލްހާން މިއަދު ވިދާޅުވީ ނަޝީދާ ނުލައި، ޕްރައިމަރީގައި ވާދަ ކޮށްފި ނަމަ އޭނާ ރިިޔާސީ ޓިކެޓް ހޯދާނެ ކަން ނަޝީދަށް އެނގިވަޑައިގަންނަވާނެ ކަމަށާއި ވަކިކުރީ އެހެން ވެގެން ކަމަށެވެ.
"އަޅުގަނޑު ޕްރައިމަރީ ކާމިޔާބު ކުރާނެ ކަމުގެ ޔަގީންކަން ނަޝީދަށް އޮންނާނެ. މިއަދު ނަޝީދަށް ކުރިމަތި ނުލެއްވޭނެ. އެ ހާލަތު ބަދަލުވީމަ އަޅުގަނޑު ބުނާނަން ކުރިމަތި ލެވޭނެއޭ." އަލްހާން ވިދާޅުވި އެވެ.
އެމްޑީޕީގެ ނައިބު ރައީސްކަމުން ކުރިން އޭނާ ވަކިކުރީ ވެސް 2013ގެ ރިޔާސީ އިންތިޚާބުގައި ނަޝީދު ވާދަ ނުކުރަން އެދުމުން ނަޝީދު ނުފޫޒު ބޭނުންކޮށްގެން ކަމަށް އަލްހާން ވިދާޅުވި އެވެ. އަލްހާން މި ފަހަރު ވަކިކުރީ ޕާޓީގެ ސިޔާސަތުތަކަށް ފާޑު ކިޔުމުން ކަމަށް އެމްޑީޕީން ބުންޏަސް އެއީ ޕާޓީން ވަކިކުރަން ޖެހޭނެ ކަމެއް ނޫން ކަމަށް އޭނާ ވިދާޅުވި އެވެ.
"އަޅުގަނޑު އެމްޑީޕީގެ މެމްބަރެއްގެ ހައިސިއްޔަތުން ހައްގުތަކެއް ލިބިފައި އޮއްވާ، އެ ހައްގުތައް ބޭނުން ކުރުމަކީ ޕާޓީން ވަކިކުރަންޖެހޭ ސަބަބެއް ނޫން. މިއީ ދުނިޔޭގެ އެއްވެސް ތަނެއްގައި އޮންނަ ގޮތެއް ނޫން،" އަލްހާން ވިދާޅުވި އެވެ.
އަލްހާން ވިދާޅުވީ އޭނާ ޕާޓީން ވަކިކުރިޔަސް އޭނާގެ މަސައްކަތްތައް ނުހުއްޓުވޭނެ ކަމަށާއި ޑިމޮކްރަސީގެ އުސޫލުތައް ދަމަހައްޓަން އޭނާ އަދިވެސް މަސައްކަތް ކުރާނެ ކަމަށެވެ. އަދި އޭނާ ހުއްޓުވިދާނެ ކަމަށް ހީކުރުމަކީ ގޯހެއް ކަމަށް އޭނާ ވިދާޅުވި އެވެ. މިހާރު އެމްޑީޕީ ހިނގަނީ "ޔެސް ސާ" ކިޔާ އުސޫލުން ނަޝީދު އަންގަވާ ހުރިހާ ގޮތަކަށް ކަމަށާއި އެކަން ބަދަލު ކުރާނެ ކަމަށް އަލްހާން ވިދާޅުވި އެވެ.
އަލްހާން ވިދާޅުވި ގޮތުގައި އޭނާ ވަކިކުރަން ނިންމި ނިންމުން ޕާޓީގެ އިސްތިއުނާފް ކޮމެޓީ އަށް ހުށަހަޅާނެ އެވެ. އެ ކޮމެޓީން މައްސަލަ ނިމޭ ގޮތަކުން އެ މައްސަލަ ކޯޓަށް ހުށަހަޅާނެ ކަމަށް އޭނާ ވިދާޅުވި އެވެ.
ފިޔަވަޅު އަޅާ ކޮމެޓީން ނިންމާފައިވަނީ އަލްހާން އަލުން ޕާޓީއާ ގުޅޭ ނަމަ އިތުރު 50 މެމްބަރުން ޕާޓީ އަށް ގެނައުމުގެ އިތުރުން ޕާޓީގެ މެމްބަރުންގެ ކިބައިން އަލްހާން މައާފަށް އެދެންޖެހޭނެ ކަމަށެވެ. އަދި ޕާޓީއާ އަލުން ގުޅުނަސް ކުރިއަށް އޮތް ތިން އަހަރު ވަންދެން ޕާޓީގެ އެއްވެސް މަގާމަކަށް ނުވަތަ ޕްރައިމަރީގައި އަލްހާނަށް ވާދަ ނުކުރެވޭނެ ކަމަށް ވެސް އެ ކޮމެޓީން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީމާހިރު
02 November 2016
އަލްހާން ހީކުރަނީ ކީކޭބާ! އެއްވެސް ބުރަދަނެއް ސިޔާސީގޮތުން ނެތްމީހަކު ކިތަންމެ ހަޅޭކެއް ލިޔަސް ވާނެކަމެއް ނޯންނާނެ. ޕްރައިމަރީއަކަށް ދިޔަޔަސް އަލްހާން ހޮވަންތިބޭނީ ޕާޓީގެ މެމްބަރުން. އެމެމްބަރުންގެ ތާއީދެއް ނެތްމީހަކު ހޮވޭނެގޮތެއް އަލްހާން ނިކަން ސާފުކޮށްދީބަލަ. ކުރިންވެސް ނިއުއެމްޑީޕީ އޭކިޔައިގެން މުޒާހަރާއެއް ކުރަންވެސް ނިކުތްމީހެއް އަލްހާނަކީ. ކިތައްމީހުންބާ އޭރުވެސް އަލްހާން ފަހަތަށްއެރީ. އަނގައޮތިއްޔާ ބުނެވިދާނެ ތިމަންނަމީ ރައީހޭ ވެސް. އެކަމު އެކަންގަބޫލުކުރާނެ ބަޔަކު ފަހަތުގަ ތިބިނަމަދޯ؟ ހެއްވާ!
އަހްމަދު
01 November 2016
ހަމަކުރިމަތިލާންވީނު އަމިއްލަގޮތުން މާތާްީދުބޮޑުވާނެ. މިހާރު ސަކުވާނުކުރިއަސް ވއރިކަމަށްކުރިލާބަލަ އެމްޑީ÷ޕީ ނޫނަސް ރަގަޅު އއހެންޕާރޓީތައް ޤައުމު ފުރިފައި.
ވަހީދު
31 October 2016
އަލްހާން ހަމަޖެހިބަލަ. މީހަކު ނުއުޅޭ ކަލެއަށް ވޯޓުދޭކަށް.
މުޙައްމަދު
31 October 2016
އަލްހާނަށް ބުނެލަން އޮތީ ގަދަ ބާރުން ކަންކަން ކުރަން ވިސްނުން، ލޯބިނުވާ މީހަކާ އިނދެގެން އުޅުން، ކޯޓަށް ގޮސްގެން ކަންކަން ނިންމުން މިއީ މިހާރު ދިވެހިން ބަލައިގަންނަ ކަމެއްނޫނޭ
ބޯހަލާކު
31 October 2016
ސިޔާސީ ގޮތުން ތަސައްރަފް ނުފުދޭ މީހަކު ހިތުން ރައީށް ނަޝީދޭ ކިޔައިގެން ދައްކާ ބުހުތާން ވާހަކަ ބަޔަކު އަޑުއަހާޏެ ކަމަށް މީނާ މިހީކުރަނީ! ބަލަގަ ތިޔަ ދޮގު ވާހކަ އަހާނީ ޕީޕީ ޔާމީން ފެކްޝަން ކުދިން! ރައިސް ނަޝީދު ގައުމުގެ ހައްގުގައި ކުރި ކަމެއް އަދި އެޅި ފިޔަވަޅެއް އެޅި ގޮތަކާއި މެދު ހިތުހުރި ގޮތަކަށް ބުހުތާން ވާހަކަ ދައްކައިގެން ތިޔަ އޅެނީ އަދި މި އެމްޑީޕީ ގައި ތިބި ފަހުލަވާނުންގެ އަށްލު ނޭނގޭތީ! ތިޔަހުންނަވަނީ ވެރިކަމުގެ ދަހިވެތި ކަމުގައި އާފިލްވެ ވަޑައިގެން އިނގޭތޯ! އަލްހާނު އަށް އެމްޑިޕީ އިން ލިބުނު ތާއީދެއް ލިބުނީ ނަޝީދުގެ ސަބަބުން! ނަޝީދޭ ކިޔައިގެން ދޮގު ހަދައިގެން ކިތައްމެ ފޫނުބެދޭ ވާހަކައެއް ދެއްކިޔަސް ތި އަޑު އަހާނެ ބަޔަކު އެމްޑީޕީ އަކު ނެތް! ކެތް ކޮށްލައިގެން މީޙާ ތަސައްރަފު ފުދި މީހުން ބަލައިގަންނަ ކަހަލަ ޝާހުސިއްޔަތަކަށް ވޭތޯ ބަލާބަލަ! ނިކަން ތިޔަހަރަ ބޮޑާ ގޮތް ދޫނުކުރުމުގެ ތަސައްރަފް ނުފުދޭ ސިޔާސަތު ދޫކޮށްބަލަ ހެޔޮނުވާނެ!
އާއިންތު / އައްޑޫ
31 October 2016
އަހަރެން މާމަ ބުނެފި ތިސޮރުކައިރީގައި ބުނަދޭށޭ މާމަގެ ވޯޓުގަނޑު ދޭނަމޭ އަމިއްލައައްވެސް ރައިސުކަމައް ކުރިމަތި ލުމައް ދެންއޮތީ ކޯޓު އެތަނުން ޔަގީންކަން އެބައޮތް ނޫންތޯ... އަލްހާނު ރަނަގަޅު ވާހަކައެއްބުނަންތޯ.؟؟؟ ރައީސު ނަޝީދު ތިޔަ އަލްހާނު އަލްހާނެކޭކިޔައިގެން ކަފުޖަހައިގެން އުޅުނު އުޅުމުގެ ސަވަބުން ތިޔަމީހާ މިއަދު މާބޮޑުޕޮލިޓިޝަނަކައް ވެގެން ދެއިރު ކާބޭހެއްހެން ޕާޓީ ޕާޓީ ޕާޓީ ކިޔަކިޔާ އަތުންފައި ހަރާމޭ އެއްވެސް މަސައްކަތެއްނުކޮށް އެމްޑީ ޕީ އައްޖެއްސުންކުރުމުން އެލިބޭ އެތިކޮޅަކުން ތިއުޅެން ގަސްދުކޮށްގެން ތިއުޅެނި
ޖައްލާ
30 October 2016
އަލްހާނައްތިއުޅެވެނީ އަލްހާމް މާބޮޑައް ފެނިގެން. އަލްހާނަކީ އެއްވެސް ބަޔެއްގެ ތާއީދެއް އޮތްމީހެއްނުން. އެކަން އެންމެފަހުން އަލްހާނު ކުރިމަތިލި ފޭދޫގެ އިންތިޚާބުގެ ނަތީޖާއިންވެސް އެގެން ޖެހިއްޖެ. މީހާޔައް މީހާ މާބޮޑައް އޮޅިއްޖިއްޔާ ވާނީ ތިހެން. އަލްހާނު ބޭނުމިއްޔާ މިހާރުވެސް އަމިއްލަގޮތުން ކުރިމަތިލައިގެން ރައީސަކައް ވާންވީނުން.
ހަސީނާ
30 October 2016
މިއަޅެ ޖުހާތަ
ދޮންދީނި
30 October 2016
މިއީ ދެން ކާކުތަ؟
އަހައްމާ
30 October 2016
ކީކުރަން ޕްރައިމޭރީ ގައި ބައިވެރިވަނީ... ރިޔާސީ ރޭހައް ނުކުން ނަވާ، ކީކުރަން ޕާޓީއެއްގެ ދަސުވަނީ، ތީ ރައްޔިތުން ގެ ތާއީދު އޮތް ބޭފުލެއް ކަން ދައް ކާލަދީބަލަ