ރައީސް ޔާމީން ފެކްޝަނުން ވަނީ ލޯކަލް އިންތިހާބުގެ ފޯމުތައް ވެސް ގެންގޮސްފައި: އަލީމް

ޕީޕީއެމް އޮފީހުން އެއްޗެހިތައް ނެރެގެން ގެންދިއުމުގެ މަސައްކަތް ރައީސް ޔާމީން ފެކްޝަނަށް ނިސްބަތްވާ މީހުން ކުރަނީ. މިހާރު ފޮޓޯ/ ނިޝާން އަލީ

ފަޒީނާ އަހުމަދު، މިހާރު

31 އޮކްޓޯބަރ 2016 - 13:41

4 comments

ޕީޕީއެމްގެ އޮފީހުގައި ހުރި މުދާތައް ކޯޓު އަމުރެއް ނެތި ގަދަކަމުން، ރައީސް އަބްދުﷲ ޔާމީންގެ ފެކްޝަނުން ގެންދިޔައިރު، ކައުންސިލް އިންތިހާބުގައި ވާދަކުރަން ހުށަހަޅާފައިވާ ފޯމުތައް ވެސް ގެންގޮސްފައިވާ ކަމަށް ޕާޓީގެ ރައީސް، މައުމޫން އަބްދުލްގައްޔޫމް ފެކްޝަނުގެ ސެކްރެޓަރީ ޖެނެރަލް އަބްދުލްއަލީމް މިއަދު ވިދާޅުއްޖެ އެވެ.

ޕީޕީއެމް ދެ ބައިވެފައިވާ އިރު، ހ. ތެމާގައި ހުރި ޕާޓީގެ ރަސްމީ އޮފީސް ހިންގަމުން އައީ މައުމޫން ފެކްޝަނުންނެވެ.

އަލީމް ވިދާޅުވީ ލޯކަލް އިންތިހާބަށް ކުރިމަތިލާން އެދި 250 އަށް ވުރެ ގިނަ ފޯމު ޕާޓީގެ ރަސްމީ އޮފީހަށް ހުށަހަޅާފައިވާ ކަމަށެވެ. އެ ފޯމުތަކާ އެކު އާއްމު މެމްބަރުން ހުށަހެޅި ފައިސާ ވެސް ގެންގޮސްފައިވާ އިރު، ރައީސް ޔާމީން ފެކްޝަނުން ހިންގި އަމަލުގެ ސަބަބުން އިންތިހާބަށް ވާދަކުރަން ނިންމި އެތައް ބައެއްގެ ހައްގު ގެއްލިފައިވާ ކަމަށް ވެސް އޭނާ ވިދާޅުވި އެވެ.

"އިންތިހާބުގެ ކަންކަން ޕީޕީއެމްގެ އަސާސީ ގަވާއިދާ އެއްގޮތަށް އިންތިހާބާ ބެހޭ ކޮމެޓީން ކުރަނިކޮށް ގަދަކަމުން ފޯމުތައް ވެސް ގެންދިޔައީ. މިއީ އެތައް ބައެއްގެ ހައްގު ގެއްލުވައިލުން،" އަލީމް ވިދާޅުވި އެވެ.

އޭނާ ވިދާޅުވި ގޮތުގައި އެ ފެކްޝަނަށް ފޯމު ހުށަހަޅާފައިވާ ގިނަ ބަޔަކު އަމިއްލަ ގޮތުން ވާދަކުރަން ވަނީ ނިންމައިފަ އެވެ. އެކަން މައުމޫން ފެކްޝަނަށް އަންގަމުން އަންނަ ކަމަށް ވެސް އޭނާ ވިދާޅުވި އެވެ.

"އަޅުގަނޑުމެންނަށް ގުޅާފައި އެބަ އަންގާ އަމިއްލަ ގޮތުން ވާދަކުރާނެ ކަމަށް،" އަލީމް ވިދާޅުވި އެވެ.

އޭނާ ވިދާޅުވި ގޮތުގައި ކައުންސިލް އިންތިހާބުގައި ވާދަ ކުރަން ޕާޓީގެ ރަސްމީ އޮފީހަށް ފޯމު ހުށަހެޅި އެންމެންނަށް، މައުމޫންގެ ފުރިހަަމަ އެއްބާރުލެއްވުން ލިބޭނެ އެވެ. މައުމޫން އިސްވެ ހުންނަވައި އިންތިހާބުގެ ކަންކަން ކުރިއަށް ގެންދިއުމުގެ ފުރުސަތު ނިގުޅައިގަތަސް އެ މަނިކުފާނު ހުންނެވީ ޕީޕީއެމުން ނިކުންނަވާ ކެންޑިޑޭޓުންނާ އެކު ކަމަށް އަލީމް ވިދާޅުވި އެވެ.

މައުމޫން ފެކްޝަނުން ކައުންސިލް އިންތިހާބުގެ ކަންކަން ކުރިއަށް ގެންދިޔައިރު ވެސް، އެ ފެކްޝަނަށް ހުށަހަޅާ ފޯމުތައް އިލެކްޝަނުން ބަލައި ނުގަންނާނެ ކަމަށް ރައީސް ޔާމީން ފެކްޝަނުން ވަނީ ބުނެފަ އެވެ.

ޕީޕީއެމް ތެރޭގައި އުފެދުނު މައްސަލަ ކޯޓަށް ވެއްދުމުން ސިވިލް ކޯޓުން ވަނީ ޕާޓީ ހިންގުން، މުސްތަޝާރު، ރައީސް ޔާމީނާ ހަވާލުކުރައްވައިފަ އެވެ. މި ހުކުމާ ގުޅިގެން، ޔާމީން ފެކްޝަނުން ވަނީ ޕާޓީގެ ރަސްމީ އޮފީހުގައި ހުރި ހުރިހާ މުދަލެއް ގެންގޮސްފަ އެވެ. އަދި ކައުންސިލް އިންތިހާބަށް ކެންޑިޑޭޓުން ނެރުމުގެ ކަންކަން ވެސް ދަރުބާރުގޭގައި ޔާމީން ފެކްޝަނުން ކުރިއަށް އެބަ ގެންދެ އެވެ.

ރައީސް މައުމޫން އަބްދުލްގައްޔޫމް ސިޔާސީ ޕާޓީ ޕީޕީއެމް ޕީޕީއެމް ކައުންސިލް ރައީސް އަބްދުﷲ ޔާމީން ޕީޕީއެމްގެ ކޯޅުން ލޯކަލް ކައުންސިލްތައް

4 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮކުބާޑު

31 October 2016

ކާކުތޯ ބަލާދޭނީ. ބަލާދޭނެ ފަރާތެއް އެބަހުރިތޯ؟ އެކަކުގެ ބާރު ހުރިހާ ހިސާބަކަށް ހިގާއިރު، އަޅާލަން ތިބޭ ބަޔަކަު އަޅައެއް ނުލާނެ. އެހެންނަމަ އެވަރުގެ ދަށުދަރައިޖެ އަމަލެއް ނުހިންގީސް. ޓްރައިކޮށްލަން ވާނެ. އިންސާފު ލިބޭތޯ ކުރަން ހުރި ކަންތައްތައް ކުރުމަކީ ކުރަން ޖެހޭނެ ކަމެއް. އިތުރަށް ވާހަކަ ދެއްކުމުގެ ކުރިން. އުއްމީދު ކުރަން އިންސާފު ލިބޭނެ ކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

31 October 2016

ވަގުން ވާނީ ވަގުންނަށް. ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޒް

31 October 2016

އެމް.ޕީ.އެލް އިން ވައްކަން ކުރީ، އެއަރ ޕޯޓްސް ކޮމްޕެނީގެ ތެލުން ވައްކަން ކުރީ، ޓުއަރިޒަމް މިނިސްޓްރީ އިން ވައްކަން ކުރީ، އެމް.އެމް.ޕީ.އާރު.ސީ އިން ވައްކަން ކުރީ، އެސް.ޓީ.އޯ އިން ވައްކަން ކުރީ، ފެނަކަ އިން ވައްކަން ކުރީ، އަރތާ ބްރަދާސް ގެނެސްގެން ވަގު ވިޔަފާރި ހިންގީ، އަމިއްލަ ޕާޓީގެ އޮފީހުން ވައްކަން ކުރީ... މިހެން ގޮސް ކިޔާނެ ކަމެއް ނެތް... އެއްވެސް ރައްޔިތަކު ބާލީސް ދަށަށް ލާރި ލައިގެން ނުނިދާތި.. އިނގިއްޖެޔާ ފުލުހުން ފޮނުވައިގެން އޭތި ކޮޅު ވެސް ދަމައިގަންނާނެ..